ಬುಧವಾರ, ಜೂನ್ 23, 2021
22 °C

ಅಪ್ಪಣ್ಣ ಸ್ಮಾರಕಕ್ಕೆ ವಿರೋಧ ಏಕೆ?

–ಸಂಗಪ್ಪ ಗಾಣಿಗೇರ,ಬಾಗಲಕೋಟೆ Updated:

ಅಕ್ಷರ ಗಾತ್ರ : | |

‘ಈ ಪೂರ್ವಗ್ರಹಗಳೇಕೆ?’  ಸಂಪಾದಕೀಯ­ದಲ್ಲಿ (ಫೆ. 26) ‘ತಂಗಡಿ’ ಎಂದು ಬರೆಯ­ಲಾ­ಗಿದೆ. ಹಿಂದಿನ ದಿನದ ವರದಿಯಲ್ಲೂ ಅದು ‘ತಂಗಡಿ’ ಎಂದಾಗಿತ್ತು. ಆದರೆ ಆ ಊರಿನ ಹೆಸರು ತಂಗಡಗಿ.



ತಂಗಡಗಿ, ಮುದ್ದೇಬಿಹಾಳ ತಾಲ್ಲೂಕಿನ ಬಾಜೂ ತಾಲ್ಲೂಕಾದ ಹುನಗುಂದ ತಾಲ್ಲೂಕಿಗೆ ಸೇರಿದೆ.  ಅಲ್ಲಿ ಬಸವಣ್ಣನವರ ಧರ್ಮಪತ್ನಿ  ನೀಲಮ್ಮ­ನವರ ಸಮಾಧಿ ಇದೆ.  ಅಲ್ಲಿಯೇ ಹಡಪದ ಅಪ್ಪಣ್ಣನ ಸಮಾಧಿಯೂ ಇದೆ.  12ನೇ ಶತಮಾನದಲ್ಲಿ ಕಲ್ಯಾಣ ಕ್ರಾಂತಿ ಸಂದರ್ಭದಲ್ಲಿ  ನಾನಾ ಕಷ್ಟ ಅನುಭವಿಸಿ,  ಬಸವಣ್ಣನವರ ಅಂಗ­ರಕ್ಷಕನಾಗಿ ಸೇವೆ ಸಲ್ಲಿಸುತ್ತಾ, ನೀಲಮ್ಮನವರನ್ನು ರಕ್ಷಿಸಲು ತಂಗಡಗಿಯಲ್ಲಿ ನೆಲೆನಿಂತವರು ಅಪ್ಪಣ್ಣ.



ನೀಲಮ್ಮನವರು ಸಮಾಧಿಸ್ಥರಾದ ನಂತರ, ಅವರೂ ತಂಗಡಗಿಯಲ್ಲಿ ಸಮಾಧಿಸ್ಥ­ರಾದರು. ಈ ಸಮಾಧಿಗಳನ್ನು  ಸಂರಕ್ಷಿಸಿಡ ಲಾಗಿದೆ. ಹಡಪದ, ಸವಿತಾ ಮುಂತಾದ ಹೆಸರಿ ನಿಂದ ಕರೆಯಲಾಗುವ  ಈ ಸಮಾಜದವರು ತಮ್ಮದೇ ಜಗದ್ಗುರುವನ್ನು ನಿಯಮಿಸಿ ಕೊಂಡಿದ್ದಾರೆ. ಹಡ­ಪದ ಅಪ್ಪಣ್ಣನವರನ್ನು ತಮ್ಮ ಕುಲಗುರು ಎಂದು ಪರಿಗಣಿಸಿ, ತಂಗಡಗಿಯನ್ನು ಕೇಂದ್ರ ಸ್ಥಾನವಾಗಿಸಿ­ಕೊಂಡಿದ್ದಾರೆ.



ಇಂಥ ಸಮಾಜದವರು ತಂಗಡಗಿ­ಯಲ್ಲಿ ತಮ್ಮ ಕುಲೋದ್ಧಾರಕರಾದ ಅಪ್ಪಣ್ಣನವರ ಹೆಸರಿನಲ್ಲಿ  ಸ್ಮಾರಕ ನಿರ್ಮಿಸಲು, ಮುದ್ದೇ­ಬಿಹಾಳ ತಹಶೀಲ್ದಾರ್ ಹಾಗೂ  ಕೂಡಲ­ಸಂಗಮ ಅಭಿವೃದ್ಧಿ ಮಂಡಳಿ ಆಯುಕ್ತರು ವ್ಯತಿ­ರಿಕ್ತ ರಿಪೋರ್ಟು ಕೊಡುವುದೇಕೆ? ಇಂಥ ವಿಷಯ­ದಲ್ಲಿ ಅಧಿಕಾರಿ ವರ್ಗದವರು ಮೂಗು ತೂರಿಸು­ವುದು ಸರ್ವಥಾ ಸಲ್ಲದು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.