ಶನಿವಾರ, ಮೇ 15, 2021
23 °C
ಬೇಹುಗಾರಿಕೆ ಇಲಾಖೆಯಿಂದ ಸೈಬರ್ ದಾಳಿ

ಅಮೆರಿಕದಿಂದ ವಿವರಣೆ ಕೇಳಿದ ಭಾರತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಅಮೆರಿಕದ ಬೇಹುಗಾರಿಕೆ ಇಲಾಖೆಯಿಂದ ಸೈಬರ್ ದಾಳಿಗೊಳಗಾದ ಐದನೇ ರಾಷ್ಟ್ರ ಭಾರತ ಎಂಬ ವರದಿ ಹಿನ್ನೆಲೆಯಲ್ಲಿ ಈ ಕುರಿತು ಭಾರತವು ಆ ರಾಷ್ಟ್ರದಿಂದ ಸೋಮವಾರ ವಿವರಣೆ ಬಯಸಿದೆ.



`ನಾಗರಿಕರ ಖಾಸಗಿ ಮಾಹಿತಿಗೆ ಸಂಬಂಧಿಸಿದ ದೇಶದ ಕಾನೂನು ಉಲ್ಲಂಘಿಸಿರುವುದು ಸಾಬೀತಾದರೆ ಅದು ಬಹಳ ಅಕ್ಷಮ್ಯ' ಎಂದು ಭಾರತ ಸ್ಪಷ್ಟಪಡಿಸಿದೆ.



`ಮಾಹಿತಿಗೆ ಕನ್ನ ಹಾಕಿರುವ ವಿಷಯ ಕೇಳಿ ಬಹಳ ಆಶ್ಚರ್ಯವಾಯಿತು. ಅಲ್ಲದೇ ತೀವ್ರ ಕಳವಳಗೊಂಡಿದ್ದೇವೆ. ಈ ಕುರಿತು ಅಮೆರಿಕದ ಬಳಿ ಚರ್ಚೆ ನಡೆಸಲು ಸಂಧಾನಕಾರರನ್ನು ಕಳುಹಿಸಲಾಗುವುದು' ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ ಸೈಯದ್ ಅಕ್ಬರುದ್ದೀನ್ ತಿಳಿಸಿದ್ದಾರೆ.



`ಇಂತಹ ಸೂಕ್ಷ್ಮ ವಿಷಯಗಳ ಬಗ್ಗೆ ಚರ್ಚಿಸಲು ಇದು ಸೂಕ್ತ ಸಮಯ ಎಂದು ನಾವು ಭಾವಿಸಿದ್ದೇವೆ. ಎರಡೂ ರಾಷ್ಟ್ರಗಳ ಸಂಧಾನಕಾರರ ಮಾತುಕತೆ ವೇಳೆ ಸೈಬರ್ ದಾಳಿ ಕುರಿತ ಮಾಹಿತಿ ಪಡೆಯುವಂತೆ ಸೂಚಿಸಲಾಗಿದೆ' ಎಂದು ಹೇಳಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.