ಗುರುವಾರ , ಅಕ್ಟೋಬರ್ 1, 2020
24 °C

ಅಮೆರಿಕದ ವೊಲ್ಮರ್ ವಿಶ್ವದಾಖಲೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅಮೆರಿಕದ ವೊಲ್ಮರ್ ವಿಶ್ವದಾಖಲೆ

ಲಂಡನ್ (ಎಎಫ್‌ಪಿ/ಐಎಎನ್‌ಎಸ್): ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ. ಜೊತೆಗೆ ವಿಶ್ವ ದಾಖಲೆಯ ಸಂಭ್ರಮ. ಈ ಸಂತೋಷದ ಸಮಯವನ್ನು ಮರೆಯಲು ಸಾಧ್ಯವೇ? ಹಾಗಾಗಿಯೇ ಅಮೆರಿಕದ ಈಜುಪಟು ಡಾನಾ ವೊಲ್ಮರ್ ಪಾಲಿಗೆ ಇದೊಂದು ವಿಶೇಷ ಕ್ಷಣ.



ಏಕೆಂದರೆ ಅವರು ಲಂಡನ್ ಒಲಿಂಪಿಕ್ಸ್‌ನ ಮಹಿಳೆಯರ 100 ಮೀಟರ್ ಬಟರ್‌ಫ್ಲೈ ಈಜು ಸ್ಪರ್ಧೆಯಲ್ಲಿ ಭಾನುವಾರ ಚಿನ್ನದ ಪದಕ ಗೆದ್ದರು. ಅವರು ಈ ದೂರವನ್ನು ಕೇವಲ 55.98 ಸೆಕೆಂಡುಗಳಲ್ಲಿ ತಲುಪಿದರು. ಈ ಮೂಲಕ ಅವರು 2009ರ ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಸ್ವೀಡನ್‌ನ ಸಾರಾ ಜೊಸ್ಟ್ರೋಮ್ (56.06 ಸೆ.) ದಾಖಲೆಯನ್ನು ಅಳಿಸಿ ಹಾಕಿದರು.



`ಈ ಸಾಧನೆಯಿಂದ ನನಗೆ ತುಂಬಾ ಖುಷಿಯಾಗಿದೆ. ನಾನು ಅಂದುಕೊಂಡಂತೆ ಎಲ್ಲವೂ ನಡೆದಿದೆ. ವಿಶ್ವ ದಾಖಲೆ ಹಾಗೂ ಚಿನ್ನದ ಪದಕ ಸಾಧನೆ ಮಾಡಿದ್ದೇನೆ~ ಎಂದು ಡಾನಾ ಪ್ರತಿಕ್ರಿಯಿಸಿದ್ದಾರೆ.



ಮುಫತ್‌ಗೆ ಚಿನ್ನ: ಫ್ರಾನ್ಸ್‌ನ ಕೆಮಿಲೆ ಮುಫತ್ ಮಹಿಳೆಯರ 400 ಮೀ. ಫ್ರೀಸ್ಟೈಲ್‌ನಲ್ಲಿ ಈಜುವಿನಲ್ಲಿ ಚಿನ್ನದ ಪದಕ ಜಯಿಸಿದರು. ಅವರಿಗೆ ಅಮೆರಿಕದ ಅಲಿಸಾನ್ ಶಿಮಿಟ್ ಅವರಿಂದ ಕಠಿಣ ಪೈಪೋಟಿ ಎದುರಿಸಬೇಕಾಯಿತು. ಆದರೆ 4 ನಿಮಿಷ 1.45 ಸೆಕೆಂಡ್‌ಗಳಲ್ಲಿ ಗುರಿ ಮುಟ್ಟಿದರು.



ಕೆಮರಾನ್ ವಿಶ್ವದಾಖಲೆ: ದಕ್ಷಿಣ ಆಫ್ರಿಕಾದ ಕೆಮರಾನ್ ವಾನ್ ಡೆರ್ ಬರ್ಗ್ ಪುರುಷರ 100 ಮೀ. ಬ್ರೆಸ್ಟ್‌ಸ್ಟ್ರೋಕ್ ಈಜುವಿನಲ್ಲಿ ವಿಶ್ವದಾಖಲೆಯ ಸಾಧನೆ ಮಾಡಿದರು. ಅವರು ಈ ಗುರಿಯನ್ನು 58. 46 ಸೆಕೆಂಡ್‌ಗಳಲ್ಲಿ ಕ್ರಮಿಸಿ ಚಿನ್ನದ ಪದಕ ಗೆದ್ದರು.



ಅವರು ಈ ಪದಕವನ್ನು ತಮ್ಮ ತರಬೇತಿ ಜೊತೆಗಾರ ನಾರ್ವೆಯ ಅಲೆಕ್ಸಾಂಡರ್ ಡೇಲ್‌ಗೆ ಅರ್ಪಿಸಿದರು. ಅಲೆಕ್ಸಾಂಡರ್ ಏಪ್ರಿಲ್‌ನಲ್ಲಿ ಹೃದಯಾಘಾತದಿಂದ ಮೃತಪಟ್ಟಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.