<p>ನ್ಯೂಯಾರ್ಕ್ (ಪಿಟಿಐ): ಗೆಲುವಿನ ಓಟ ಮುಂದುವರಿಸಿರುವ ರೋಜರ್ ಫೆಡರರ್ ಹಾಗೂ ಕ್ಯಾರೊಲಿನ್ ವೊಜ್ನಿಯಾಕಿ ಇಲ್ಲಿ ನಡೆಯುತ್ತಿರುವ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ವಿಭಾಗದ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.<br /> <br /> ಉತ್ತಮ ಪ್ರದರ್ಶನ ನೀಡುತ್ತಿರುವ ಸ್ವಿಟ್ಜರ್ಲೆಂಡ್ನ ಮೂರನೇ ಶ್ರೇಯಾಂಕದ ರೋಜರ್ ಫೆಡರರ್ ಶನಿವಾರ ರಾತ್ರಿ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ 6-3, 4-6, 6-4, 6-2ರಲ್ಲಿ ಕ್ರೊಯೇಷ್ಯಾದ ಮರಿನ್ ಸಿಲಿಕ್ ಅವರನ್ನು ಸೋಲಿಸಿದರು.<br /> <br /> ಎರಡು ಗಂಟೆ 40 ನಿಮಿಷಗಳ ಕಾಲ ನಡೆದ ಹೋರಾಟದ ಬಳಿಕ ಫೆಡರರ್ ಗೆಲುವು ಪಡೆದರು. `ಇಂದಿನ ಪಂದ್ಯದಲ್ಲಿ ಭಾರಿ ಸವಾಲು ಎದುರಾಯಿತು. ಆದರೂ ವಿಶ್ವಾಸದಿಂದ ಆಡಿದೆ~ ಎಂದು ಅವರು ಪಂದ್ಯದ ನಂತರ ಪ್ರತಿಕ್ರಿಯಿಸಿದರು. <br /> <br /> ಪುರುಷರ ವಿಭಾಗದ ಸಿಂಗಲ್ಸ್ನ ಪಂದ್ಯದಲ್ಲಿ ಒಂಬತ್ತನೇ ಶ್ರೇಯಾಂಕದ ಜೆಕ್ ಗಣರಾಜ್ಯದ ಥಾಮಸ್ ಬೆರ್ಡಿಕ್ 4-6, 0-5ರಲ್ಲಿ (ನಿವೃತ್ತಿ) ಸರ್ಬಿಯಾದ ಜಾಂಕೊ ತಿಪ್ಸರೆವಿಕ್ ಎದುರು ಸೋಲು ಅನುಭವಿಸಿದರು. ಮೊದಲ ಸೆಟ್ನಲ್ಲಿ ಉತ್ತಮ ಹೋರಾಟ ತೋರಿದ ಬೆರ್ಡಿಕ್ ಎರಡನೇ ಸೆಟ್ನಲ್ಲಿ ಆಡಲಾಗದೇ ನಿವೃತ್ತಿ ಪಡೆದರು.<br /> <br /> ಇದೇ ವಿಭಾಗದ ಇತರ ಪಂದ್ಯಗಳಲ್ಲಿ ಅಮೆರಿಕದ ಮರ್ಡಿ ಫಿಶ್ 6-4, 7-6, 7-6ರಲ್ಲಿ ರಷ್ಯಾದ ಕೆವಿನ್ ಆ್ಯಂಡರ್ಸನ್ ಮೇಲೂ, ಅರ್ಜೆಂಟೀನಾದ ಜುವಾನ್ ಮೊನಾಕೊ 6-7, 6-3, 6-2, 6-3ರಲ್ಲಿ ಜರ್ಮನಿಯ ಟಾಮಿ ಹಾಸ್ ವಿರುದ್ಧವೂ, ಫ್ರಾನ್ಸ್ನ ಜೊ ವಿಲ್ಫ್ರೆಡ್ ಸೊಂಗಾ 6-3, 7-5, 6-4ರಲ್ಲಿ ಸ್ಪೇನ್ನ ಫರ್ನಾಂಡೊ ವೆರ್ಡಸ್ಕೊ ಮೇಲೂ, ಉಕ್ರೇನ್ನ ಅಲೆಕ್ಸಾಂಡ್ರಾ ಡೊಗೊಪೊಲೊವಾ 6-7, 6-2, 6-4, 6-4ರಲ್ಲಿ ಕ್ರೊಯೇಷ್ಯಾದ ಇವೊ ಕಾರ್ಲೊವಿಕ್ ವಿರುದ್ಧವೂ, ಸ್ಪೇನ್ನ ಜುವಾನ್ ಕಾರ್ಲೊಸ್ ಫೆರಾರೊ 6-1, 4-3ರಲ್ಲಿ ತಮ್ಮ ದೇಶದವರೇ ಆದ ಮಾರ್ಸೆಲ್ ಗ್ರಾನೊಲೆರ್ಸ್ ಮೇಲೂ ಗೆಲುವು ಸಾಧಿಸಿ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದರು.<br /> <br /> ನಾಲ್ಕನೇ ಸುತ್ತಿಗೆ ಕ್ಯಾರೊಲಿನ್ ವೊಜ್ನಿಯಾಕಿ: ಅಗ್ರ ಶ್ರೇಯಾಂಕದ ಆಟಗಾರ್ತಿ ಡೆನ್ಮಾರ್ಕ್ನ ಕ್ಯಾರೊಲಿನ್ ವೊಜ್ನಿಯಾಕಿ ಮಹಿಳೆಯರ ವಿಭಾಗದ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದ್ದಾರೆ. <br /> ಮೂರನೇ ಸುತ್ತಿನಲ್ಲಿ ಈ ಆಟಗಾರ್ತಿ 6-2, 6-4ರಲ್ಲಿ ಅಮೆರಿಕದ ವನಿಯಾ ಕಿಂಗ್ ವಿರುದ್ಧ ಗೆಲುವು ಪಡೆದರು. ಮೊದಲ ಸೆಟ್ನಲ್ಲಿ ಸುಲಭ ಗೆಲುವು ಪಡೆದ ಕ್ಯಾರೊಲಿನ್, ಎರಡನೇ ಸೆಟ್ನಲ್ಲಿ ಅಲ್ಪ ಪ್ರತಿರೋಧ ಎದುರಿಸಬೇಕಾಯಿತು.<br /> <br /> ಇದೇ ವಿಭಾಗದಲ್ಲಿ ಸ್ಲೊಯೆನಾ ಸ್ಪೀಪೆನ್ಸ್ 3-6, 4-6ರಲ್ಲಿ ಸರ್ಬಿಯಾದ ಅನಾ ಇವನೊವಿಕ್ ಎದುರು ಸೋಲು ಅನುಭವಿಸಿದರು. ಇನ್ನೊಂದು ಪಂದ್ಯದಲ್ಲಿ ಆ್ಯಂಡ್ರಿ ಪೆಟ್ಕೊವಿಕ್ 6-4, 6-0ರಲ್ಲಿ ಇಟಲಿಯ ರೊಬೆರ್ಟ್ ವಿನ್ಸಿ ಎದುರು ಗೆಲುವು ಪಡೆದರು. ಅಮೆರಿಕದ ಸೆರೆನಾ ವಿಲಿಯಮ್ಸ 6-1, 7-6ರಲ್ಲಿ ಬೆಲಾರಸ್ನ ವಿಕ್ಟೋರಿಯಾ ಅಜರೆಂಕೆ ಅವರನ್ನು ಮಣಿಸಿದರು. <br /> <br /> ಮೂರನೇ ಸುತ್ತಿಗೆ ಸೋಮದೇವ್-ಟ್ರಿಟ್ ಜೋಡಿ: ಉತ್ತಮ ಪ್ರದರ್ಶನ ನೀಡುತ್ತಿರುವ ಭಾರತದ ಸೋಮದೇವ್ ದೇವವರ್ಮನ್ ಹಾಗೂ ಫಿಲಿಪ್ಪೀನ್ಸ್ನ ಟ್ರಿಟ್ ಕಾನ್ರರ್ಡ್ ಹ್ಯು ಜೋಡಿ ಪುರುಷರ ವಿಭಾಗದ ಡಬಲ್ಸ್ನಲ್ಲಿ ಮೂರನೇ ಸುತ್ತು ಪ್ರವೇಶಿಸಿತು.<br /> <br /> ಎರಡನೇ ಸುತ್ತಿನ ಪಂದ್ಯದಲ್ಲಿ ಈ ಜೋಡಿ 6-3, 6-4ರಲ್ಲಿ ಅರ್ಜೆಂಟೀನಾದ ಜುವಾನ್ ಇಗ್ನೊಸಿಯೊ ಚೆಲಾ ಹಾಗೂ ಎಡುರ್ಡೊ ಚೇವಾಂಕ್ ಎದುರು ಗೆಲುವು ಪಡೆಯಿತು. <br /> <br /> ನಾಲ್ಕನೇ ಶ್ರೇಯಾಂಕದ ಭಾರತದ ಲಿಯಾಂಡರ್ ಪೇಸ್ ಹಾಗೂ ಮಹೇಶ್ ಭೂಪತಿ ಜೋಡಿ ಎರಡನೇ ಸುತ್ತಿನ ಪಂದ್ಯದಲ್ಲಿ 7-6, 6-2ರಲ್ಲಿ ಜರ್ಮನಿಯ ಫ್ಲೊರಿಯಿನಾ ಮೇಯರ್ ಮತ್ತು ಹಾಲೆಂಡ್ನ ರೋಜಿಯರ್ ವಾಸನ್ ಎದುರು ಗೆಲುವು ಪಡೆದು ಮೂರನೇ ಸುತ್ತಿಗೆ ಲಗ್ಗೆ ಇಟ್ಟಿತು.<br /> <br /> ಪ್ರೀ ಕ್ವಾರ್ಟರ್ ಫೈನಲ್ನಲ್ಲಿ ಪೇಸ್- ಭೂಪತಿ ಮತ್ತು ಸೋಮದೇವ್- ಟ್ರಿಟ್ ಜೋಡಿ ಎದುರಾಗಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನ್ಯೂಯಾರ್ಕ್ (ಪಿಟಿಐ): ಗೆಲುವಿನ ಓಟ ಮುಂದುವರಿಸಿರುವ ರೋಜರ್ ಫೆಡರರ್ ಹಾಗೂ ಕ್ಯಾರೊಲಿನ್ ವೊಜ್ನಿಯಾಕಿ ಇಲ್ಲಿ ನಡೆಯುತ್ತಿರುವ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಕ್ರಮವಾಗಿ ಪುರುಷರ ಮತ್ತು ಮಹಿಳೆಯರ ವಿಭಾಗದ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.<br /> <br /> ಉತ್ತಮ ಪ್ರದರ್ಶನ ನೀಡುತ್ತಿರುವ ಸ್ವಿಟ್ಜರ್ಲೆಂಡ್ನ ಮೂರನೇ ಶ್ರೇಯಾಂಕದ ರೋಜರ್ ಫೆಡರರ್ ಶನಿವಾರ ರಾತ್ರಿ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ 6-3, 4-6, 6-4, 6-2ರಲ್ಲಿ ಕ್ರೊಯೇಷ್ಯಾದ ಮರಿನ್ ಸಿಲಿಕ್ ಅವರನ್ನು ಸೋಲಿಸಿದರು.<br /> <br /> ಎರಡು ಗಂಟೆ 40 ನಿಮಿಷಗಳ ಕಾಲ ನಡೆದ ಹೋರಾಟದ ಬಳಿಕ ಫೆಡರರ್ ಗೆಲುವು ಪಡೆದರು. `ಇಂದಿನ ಪಂದ್ಯದಲ್ಲಿ ಭಾರಿ ಸವಾಲು ಎದುರಾಯಿತು. ಆದರೂ ವಿಶ್ವಾಸದಿಂದ ಆಡಿದೆ~ ಎಂದು ಅವರು ಪಂದ್ಯದ ನಂತರ ಪ್ರತಿಕ್ರಿಯಿಸಿದರು. <br /> <br /> ಪುರುಷರ ವಿಭಾಗದ ಸಿಂಗಲ್ಸ್ನ ಪಂದ್ಯದಲ್ಲಿ ಒಂಬತ್ತನೇ ಶ್ರೇಯಾಂಕದ ಜೆಕ್ ಗಣರಾಜ್ಯದ ಥಾಮಸ್ ಬೆರ್ಡಿಕ್ 4-6, 0-5ರಲ್ಲಿ (ನಿವೃತ್ತಿ) ಸರ್ಬಿಯಾದ ಜಾಂಕೊ ತಿಪ್ಸರೆವಿಕ್ ಎದುರು ಸೋಲು ಅನುಭವಿಸಿದರು. ಮೊದಲ ಸೆಟ್ನಲ್ಲಿ ಉತ್ತಮ ಹೋರಾಟ ತೋರಿದ ಬೆರ್ಡಿಕ್ ಎರಡನೇ ಸೆಟ್ನಲ್ಲಿ ಆಡಲಾಗದೇ ನಿವೃತ್ತಿ ಪಡೆದರು.<br /> <br /> ಇದೇ ವಿಭಾಗದ ಇತರ ಪಂದ್ಯಗಳಲ್ಲಿ ಅಮೆರಿಕದ ಮರ್ಡಿ ಫಿಶ್ 6-4, 7-6, 7-6ರಲ್ಲಿ ರಷ್ಯಾದ ಕೆವಿನ್ ಆ್ಯಂಡರ್ಸನ್ ಮೇಲೂ, ಅರ್ಜೆಂಟೀನಾದ ಜುವಾನ್ ಮೊನಾಕೊ 6-7, 6-3, 6-2, 6-3ರಲ್ಲಿ ಜರ್ಮನಿಯ ಟಾಮಿ ಹಾಸ್ ವಿರುದ್ಧವೂ, ಫ್ರಾನ್ಸ್ನ ಜೊ ವಿಲ್ಫ್ರೆಡ್ ಸೊಂಗಾ 6-3, 7-5, 6-4ರಲ್ಲಿ ಸ್ಪೇನ್ನ ಫರ್ನಾಂಡೊ ವೆರ್ಡಸ್ಕೊ ಮೇಲೂ, ಉಕ್ರೇನ್ನ ಅಲೆಕ್ಸಾಂಡ್ರಾ ಡೊಗೊಪೊಲೊವಾ 6-7, 6-2, 6-4, 6-4ರಲ್ಲಿ ಕ್ರೊಯೇಷ್ಯಾದ ಇವೊ ಕಾರ್ಲೊವಿಕ್ ವಿರುದ್ಧವೂ, ಸ್ಪೇನ್ನ ಜುವಾನ್ ಕಾರ್ಲೊಸ್ ಫೆರಾರೊ 6-1, 4-3ರಲ್ಲಿ ತಮ್ಮ ದೇಶದವರೇ ಆದ ಮಾರ್ಸೆಲ್ ಗ್ರಾನೊಲೆರ್ಸ್ ಮೇಲೂ ಗೆಲುವು ಸಾಧಿಸಿ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದರು.<br /> <br /> ನಾಲ್ಕನೇ ಸುತ್ತಿಗೆ ಕ್ಯಾರೊಲಿನ್ ವೊಜ್ನಿಯಾಕಿ: ಅಗ್ರ ಶ್ರೇಯಾಂಕದ ಆಟಗಾರ್ತಿ ಡೆನ್ಮಾರ್ಕ್ನ ಕ್ಯಾರೊಲಿನ್ ವೊಜ್ನಿಯಾಕಿ ಮಹಿಳೆಯರ ವಿಭಾಗದ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತಿಗೆ ಪ್ರವೇಶಿಸಿದ್ದಾರೆ. <br /> ಮೂರನೇ ಸುತ್ತಿನಲ್ಲಿ ಈ ಆಟಗಾರ್ತಿ 6-2, 6-4ರಲ್ಲಿ ಅಮೆರಿಕದ ವನಿಯಾ ಕಿಂಗ್ ವಿರುದ್ಧ ಗೆಲುವು ಪಡೆದರು. ಮೊದಲ ಸೆಟ್ನಲ್ಲಿ ಸುಲಭ ಗೆಲುವು ಪಡೆದ ಕ್ಯಾರೊಲಿನ್, ಎರಡನೇ ಸೆಟ್ನಲ್ಲಿ ಅಲ್ಪ ಪ್ರತಿರೋಧ ಎದುರಿಸಬೇಕಾಯಿತು.<br /> <br /> ಇದೇ ವಿಭಾಗದಲ್ಲಿ ಸ್ಲೊಯೆನಾ ಸ್ಪೀಪೆನ್ಸ್ 3-6, 4-6ರಲ್ಲಿ ಸರ್ಬಿಯಾದ ಅನಾ ಇವನೊವಿಕ್ ಎದುರು ಸೋಲು ಅನುಭವಿಸಿದರು. ಇನ್ನೊಂದು ಪಂದ್ಯದಲ್ಲಿ ಆ್ಯಂಡ್ರಿ ಪೆಟ್ಕೊವಿಕ್ 6-4, 6-0ರಲ್ಲಿ ಇಟಲಿಯ ರೊಬೆರ್ಟ್ ವಿನ್ಸಿ ಎದುರು ಗೆಲುವು ಪಡೆದರು. ಅಮೆರಿಕದ ಸೆರೆನಾ ವಿಲಿಯಮ್ಸ 6-1, 7-6ರಲ್ಲಿ ಬೆಲಾರಸ್ನ ವಿಕ್ಟೋರಿಯಾ ಅಜರೆಂಕೆ ಅವರನ್ನು ಮಣಿಸಿದರು. <br /> <br /> ಮೂರನೇ ಸುತ್ತಿಗೆ ಸೋಮದೇವ್-ಟ್ರಿಟ್ ಜೋಡಿ: ಉತ್ತಮ ಪ್ರದರ್ಶನ ನೀಡುತ್ತಿರುವ ಭಾರತದ ಸೋಮದೇವ್ ದೇವವರ್ಮನ್ ಹಾಗೂ ಫಿಲಿಪ್ಪೀನ್ಸ್ನ ಟ್ರಿಟ್ ಕಾನ್ರರ್ಡ್ ಹ್ಯು ಜೋಡಿ ಪುರುಷರ ವಿಭಾಗದ ಡಬಲ್ಸ್ನಲ್ಲಿ ಮೂರನೇ ಸುತ್ತು ಪ್ರವೇಶಿಸಿತು.<br /> <br /> ಎರಡನೇ ಸುತ್ತಿನ ಪಂದ್ಯದಲ್ಲಿ ಈ ಜೋಡಿ 6-3, 6-4ರಲ್ಲಿ ಅರ್ಜೆಂಟೀನಾದ ಜುವಾನ್ ಇಗ್ನೊಸಿಯೊ ಚೆಲಾ ಹಾಗೂ ಎಡುರ್ಡೊ ಚೇವಾಂಕ್ ಎದುರು ಗೆಲುವು ಪಡೆಯಿತು. <br /> <br /> ನಾಲ್ಕನೇ ಶ್ರೇಯಾಂಕದ ಭಾರತದ ಲಿಯಾಂಡರ್ ಪೇಸ್ ಹಾಗೂ ಮಹೇಶ್ ಭೂಪತಿ ಜೋಡಿ ಎರಡನೇ ಸುತ್ತಿನ ಪಂದ್ಯದಲ್ಲಿ 7-6, 6-2ರಲ್ಲಿ ಜರ್ಮನಿಯ ಫ್ಲೊರಿಯಿನಾ ಮೇಯರ್ ಮತ್ತು ಹಾಲೆಂಡ್ನ ರೋಜಿಯರ್ ವಾಸನ್ ಎದುರು ಗೆಲುವು ಪಡೆದು ಮೂರನೇ ಸುತ್ತಿಗೆ ಲಗ್ಗೆ ಇಟ್ಟಿತು.<br /> <br /> ಪ್ರೀ ಕ್ವಾರ್ಟರ್ ಫೈನಲ್ನಲ್ಲಿ ಪೇಸ್- ಭೂಪತಿ ಮತ್ತು ಸೋಮದೇವ್- ಟ್ರಿಟ್ ಜೋಡಿ ಎದುರಾಗಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
