ಅರಬ್ಬಿ ಸಮುದ್ರದಲ್ಲೂ ಕಂಪನ

ಮುಂಬೈ (ಪಿಟಿಐ): ರಿಕ್ಟರ್ ಮಾಪಕದಲ್ಲಿ 3.4ರಷ್ಟಿದ್ದ ಭೂಕಂಪನ ಬುಧವಾರ ಅರಬ್ಬಿ ಸಮುದ್ರದಲ್ಲೂ ಅನುಭವವಾಯಿತು.



ಮುಂಬೈನಿಂದ 155 ಕಿ.ಮೀ. ದೂರದಲ್ಲಿ ಭೂಕಂಪನದ ಕೇಂದ್ರವಿತ್ತು ಎಂದು ಮುಂಬೈ ಹವಾಮಾನ ಇಲಾಖೆ ನಿರ್ದೇಶಕ ರಾಜೀವ್ ನಾಯರ್ ತಿಳಿಸಿದರು. ಉತ್ತರ ಮುಂಬೈನ ಕೆಲವೆಡೆ ಭೂಕಂಪನದ ಅನುಭವವಾಯಿತು.



ಪಣಜಿ ವರದಿ: ದೇಶದ ಪಶ್ಚಿಮ ಕರಾವಳಿಯಲ್ಲಿ ಸುನಾಮಿ ಮುನ್ಸೂಚನೆ ನೀಡದಿದ್ದರೂ ಗೋವಾ ಸರ್ಕಾರ ಪ್ರವಾಸಿಗಳು ಹಾಗೂ ಕರಾವಳಿ ನಿವಾಸಿಗಳು ಕಡಲ ತೀರಕ್ಕೆ ತೆರಳದಂತೆ ಎಚ್ಚರಿಕೆಯ ಸಂದೇಶ ನೀಡಿತು.