ಅಸ್ಥಿಪಂಜರ ಪತ್ತೆ: ಪರಿಶೀಲನೆ

ಮಸ್ಕಿ: ಇಲ್ಲಿಯ ಅಶೋಕ ಶಿಲಾಶಾಸನ ಹಿಂಭಾಗದ ಗುಡ್ಡದಲ್ಲಿ ಪತ್ತೆಯಾದ ಅಸ್ಥಿಪಂಜರದ ಸ್ಥಳಕ್ಕೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಸ್.ಬಿ. ಬಿಸನ್ನಳ್ಳಿ, ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಬಿ. ಮಹಾಂತೇಶ ಶುಕ್ರವಾರ ಭೇಟಿ ನೀಡಿ ಪರಿಶೀಲಿಸಿದರು.



ಗುಡ್ಡದಲ್ಲಿ ಜನವಸತಿ ಇತ್ತು ಎಂಬುದಕ್ಕೆ ಈ ಅಸ್ಥಿಪಂಜರಗಳು ಸಾಕ್ಷಿಯಾಗಿವೆ ಎಂದರು. ಈ ಬಗ್ಗೆ ಸೂಕ್ತ ಕ್ರಮ ಕೈಗೊಳ್ಳುವಂತೆ ಪ್ರಾಚ್ಯವಸ್ತು ಇಲಾಖೆಗೆ ಬರೆಯಲಾಗಿದೆ ಎಂದರು. ಅವರು ಬಂದು ಈ ಬಗ್ಗೆ ಅಧ್ಯಯನ ಮಾಡಲಿದ್ದಾರೆಂದು ಎಸ್‌ಪಿ ಎಸ್. ಬಿ. ಬಿಸನ್ನಳ್ಳಿ ತಿಳಿಸಿದರು. ಗುಡ್ಡದಲ್ಲಿ ದೊರೆತ ಈ ಅಸ್ಥಿಪಂಜರಗಳು ಕ್ರಿ.ಪೂ. ಶತಮಾನದವು ಎಂದು ಅವರು ತಿಳಿಸಿದರು.



ಪುರಾತತ್ವ ಇಲಾಖೆಯ ಸಂಶೋಧನೆಯಿಂದ ಮಾತ್ರ ಇದರ ನಿಜಾಂಶ ತಿಳಿದು ಬರಲಿದೆ ಎಂದು ಅವರು ತಿಳಿಸಿದರು. ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಬಿ. ಮಹಾಂತೇಶ, ಮಸ್ಕಿ ಪಿಎಸ್‌ಐ ಅಯ್ಯನಗೌಡ, ಶಶಿಧರ ಹೊಸಮಠ, ಬಾಲಾಜಿ, ನವೀನ ಇದ್ದರು.