ಆನಂದ... ಮಹದಾನಂದ...

`ನನಗೆ ಪ್ರಜ್ವಲ್ರನ್ನು ನೋಡಿ ಹೊಟ್ಟೆಕಿಚ್ಚಾಗುತ್ತಿದೆ. ಮೂವರು ಮುದ್ದಾದ ಹುಡುಗಿಯರ ಜೊತೆ ರೊಮ್ಯಾನ್ಸ್ ಮಾಡುವ ಸೌಭಾಗ್ಯ ಅವರದು. ಛೇ! ನಾನೇ ಅವರಾಗಬಾರದಿತ್ತೇ ಎಂದೆನಿಸುತ್ತಿದೆ~ - ಜೋರಾಗಿ ನಕ್ಕರು ನಟಿ ಸಂಜನಾ.

ಈ ಮಾತನ್ನು ಪ್ರಜ್ವಲ್ ಕೂಡ ಒಪ್ಪಿಕೊಂಡರು. ಮೂವರು ನಟಿಯರ ಜೊತೆ ನಟಿಸಿ ಹಲವರ ಹೊಟ್ಟೆಯುರಿಗೆ ಕಾರಣನಾಗಿದ್ದೇನೆ. ಅದಕ್ಕಾಗಿಯೇ ತಾವು ಲಕ್ಕಿ ಎಂದು ಹೇಳಿಕೊಂಡರು. ಈ ಮಾತುಕತೆ ನಡೆದದ್ದು `ಸಾಗರ್~ ಚಿತ್ರದ ಗೀತೆಗಳ ದನಿಮುದ್ರಿಕೆ ಬಿಡುಗಡೆ ಸಮಾರಂಭದಲ್ಲಿ. ನಟ ದರ್ಶನ್, ನಿರ್ದೇಶಕ ದಿನಕರ್, ನಟಿ ಮಾಲಾಶ್ರೀ ಸಮಾರಂಭದ ಅತಿಥಿಗಳು.

ಹಾಡುಗಳು ಚೆನ್ನಾಗಿವೆ. ಚಿತ್ರದ ಪ್ರೋಮೊ ನೋಡಿದಾಗಲೇ ಇದು ಲವ್ ಮತ್ತು ಆ್ಯಕ್ಷನ್ ಬೆರೆತ ಕೌಟುಂಬಿಕ ಮನರಂಜನೆಯ ಚಿತ್ರ ಎಂಬುದು ಅರಿವಾಗುತ್ತದೆ ಎಂದರು ಸೀಡಿ ಬಿಡುಗಡೆ ಮಾಡಿದ ನಟ ದರ್ಶನ್. ಅವರ ಮಾತುಗಳು ಹೆಚ್ಚಾಗಿ ನಿರ್ಮಾಪಕ ರಾಮು ಅವರ ಕುರಿತು ಸಾಗಿತ್ತು.

ಚಿತ್ರದಲ್ಲೆಲ್ಲೂ ಹಾಡು ಸುಖಾಸುಮ್ಮನೆ ಎದುರಾಗುವುದಿಲ್ಲ. ಸನ್ನಿವೇಶದ ಅಗತ್ಯಕ್ಕೆ ಅನುಗುಣವಾಗಿ ಹಾಡುಗಳನ್ನು ಅಳವಡಿಸಲಾಗಿದೆ. ಪ್ರತಿ ಹಾಡೂ ಅದ್ದೂರಿತನದಿಂದ ಕೂಡಿದೆ ಎಂದರು ನಿರ್ದೇಶಕ ಎಂ.ಡಿ.ಶ್ರೀಧರ್. `ಸಾಗರ್~ನ ಪ್ರಮುಖ ಸನ್ನಿವೇಶಗಳನ್ನು ಸಾಗರದಾಚೆಗಿನ ನಾಡಿನಲ್ಲೇ ಸೆರೆಹಿಡಿಯಲಾಗಿದೆ ಎಂದ ಅವರು ಒಂದು ವರ್ಷದ ಪರಿಶ್ರಮದ ಬಗ್ಗೆ ಹೇಳಿಕೊಂಡರು.

`ಸಾಗರ್~ ತಮಗೆ ದೊಡ್ಡ ಬ್ರೇಕ್ ನೀಡಲಿದೆ ಎಂಬ ಭರವಸೆ ನಟ ಪ್ರಜ್ವಲ್ ದೇವರಾಜ್ಗೆ. ನಿರ್ದೇಶಕ ಶ್ರೀಧರ್ ಜೊತೆ ಇದು ಅವರ ಎರಡನೇ ಚಿತ್ರ. ಮತ್ತೊಂದು ಚಿತ್ರ `ಗಲಾಟೆ~ ಚಿತ್ರೀಕರಣ ಹಂತದಲ್ಲಿದೆ. ಅವರೊಂದಿಗೆ ಕೆಲಸ ಮಾಡುವುದು ಖುಷಿ ಕೊಡುತ್ತದೆ.

ಆರಂಭದಲ್ಲಿ ಮುಜುಗರ ಇತ್ತು. ಈಗ ಅವರ ಬಳಿ ಮುಕ್ತವಾಗಿ ಚರ್ಚಿಸುತ್ತೇನೆ ಎಂದರು. ತಮ್ಮ ಮೊದಲ ಚಿತ್ರ `ಸಿಕ್ಸರ್~ ಸಂದರ್ಭದಲ್ಲಿ ಇದ್ದ ಆತಂಕಗಳನ್ನು ತೊಲಗಿಸಿ ಆದಿ ಲೋಕೇಶ್ ಧೈರ್ಯ ತುಂಬಿದ್ದರು ಎಂದು ನೆನಪಿಸಿಕೊಂಡರು.

ನಟಿ ಹರಿಪ್ರಿಯಾರಲ್ಲಿ ಮಾತನ್ನಾಡಲು ಹೆಚ್ಚಿನ ವಿಷಯಗಳಿರಲಿಲ್ಲ. ತಮ್ಮ ಪಾತ್ರಕ್ಕೆ ತಾವೇ ಡಬ್ ಮಾಡಿರುವುದನ್ನು ಅವರು ಖುಷಿಯಿಂದ ಹೇಳಿಕೊಂಡರು. ರಾಮು ಎಂದಿನ ಅದ್ದೂರಿತನದಲ್ಲಿ ಚಿತ್ರ ನಿರ್ಮಿಸಿದ್ದಾರೆ ಎಂದು ಹೊಗಳಿಕೆ ಮಳೆ ಸುರಿಸಿದರು ಸಂಗೀತ ನಿರ್ದೇಶಕ ಗುರುಕಿರಣ್. ಒಂದು ದೃಶ್ಯವನ್ನೇ ಹಾಡನ್ನಾಗಿಸಿದ ಬಗೆಯನ್ನು ಅವರು ಹೇಳಿಕೊಂಡರು.

ಗುರುಕಿರಣ್ರ ಎಲ್ಲಾ ಸಂಗೀತಕ್ಕೂ ಪದಗಳನ್ನು ಜೋಡಿಸಿರುವುದು ಸಿನಿ ಸಾಹಿತಿ ಕವಿರಾಜ್. ಯುವಸಮೂಹ ಇಷ್ಟಪಡುವ ಗೀತೆಗಳನ್ನು ನೀಡಿದ್ದೇವೆ ಎಂದವರು ಹೇಳಿದರು. ಅಶ್ವಿನಿ ಆಡಿಯೊದ ಪ್ರಸಾದ್, ನಟ ಆದಿ ಲೋಕೇಶ್ ಮುಂತಾದವರು ಹಾಜರಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆನಂದ... ಮಹದಾನಂದ...

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ