<p><strong>ರೋಮ್ (ಐಎಎನ್ಎಸ್): </strong>ಹಲವು ವೇಶ್ಯಾವಾಟಿಕೆ ಹಗರಣಗಳಲ್ಲಿ ಶಾಮೀಲಾಗಿರುವ ಇಟಲಿಯ ಪ್ರಧಾನಿ ಸಿಲ್ವಿಯೊ ಬೆರ್ಲುಸ್ಕೋನಿ ಅವರು ಮಹಿಳೆಯರ ಘನತೆಗೆ ಮಸಿ ಬಳಿಯುತ್ತಿದ್ದು, ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಒತ್ತಾಯಿಸಿ ಸಹಸ್ರಾರು ಮಹಿಳೆಯರು ಭಾನುವಾರ ದೇಶದ ಹಲವೆಡೆ ಪ್ರತಿಭಟನಾ ರ್ಯಾಲಿಗಳನ್ನು ನಡೆಸಿದರು.<br /> <br /> ರೋಮ್ ಮಾತ್ರವಲ್ಲದೇ, ಬರಿ, ಟ್ರಿಸ್ಟೆ, ವೆನಿಸ್ಗಳಲ್ಲೂ ಇಂತಹ ರ್ಯಾಲಿಗಳು ನಡೆದಿವೆ. ಈ ರ್ಯಾಲಿಗಳಲ್ಲಿ ಪುರುಷರು ಸಹ ಪಾಲ್ಗೊಂಡಿದ್ದರು. ಟೋಕಿಯೊದ ಇಟಲಿ ಕಾನ್ಸುಲೇಟ್ ಕಚೇರಿ ಹೊರಭಾಗದಲ್ಲಿ ಪ್ರತಿಭಟನೆ ನಡೆಸಿದ ಸುಮಾರು 100 ಮಂದಿ ಮಹಿಳೆಯರನ್ನು ಬಂಧಿಸಲಾಯಿತು.<br /> <br /> ನಟಿಯರಾದ ಫ್ರಾನ್ಸೇಕಾ ಮತ್ತು ಕ್ರಿಸ್ಟಿನಾ ಮೊಮೆಸಿನಿ ಅವರ ಮುಂದಾಳತ್ವದಲ್ಲಿ ಈ ರ್ಯಾಲಿಗಳು ನಡೆದಿವೆ. ಲೈಂಗಿಕ ಪ್ರಚೋದನೆಗೆ ಕಾರಣವಾಗುವ ಪ್ರಧಾನಿ ಅವರ ಹೇಳಿಕೆಗಳಿಂದ ಸಮಾಜಕ್ಕೆ ತೊಂದರೆಯಾಗುತ್ತಿದೆ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ.<br /> <br /> ಉದ್ಯೋಗದಲ್ಲಿ ಮಹಿಳಾ ತಾರತಮ್ಯ ನೀತಿ ಮುಂದುವರಿದಿದೆ. ಹಗಲು ಹೊತ್ತಿನ ನರ್ಸರಿಗಳು, ಮನೆಕೆಲಸದವರು ಮತ್ತು ಅರೆಕಾಲಿಕ ಉದ್ಯೋಗಗಳ ಕೊರತೆಯಿಂದ ಮಹಿಳೆಯರಿಗೆ ಅನ್ಯಾಯವಾಗುತ್ತಿದೆ ಎಂದು ಅವರು ದೂರಿದ್ದಾರೆ.<br /> <br /> ಪ್ರತಿಭಟನೆಗಳ ಹಿನ್ನೆಲೆಯಲ್ಲಿ ಮಹಿಳೆಯರನ್ನು ಪುಸಲಾಯಿಸುವ ಹೇಳಿಕೆಯನ್ನು ಸೋಮವಾರ ಬೆರ್ಲುಸ್ಕೋನಿ ನೀಡಿದ್ದು, ಮಹಿಳೆಯರು ಪುರುಷರಿಗಿಂತ ಹೆಚ್ಚು ಚುರುಕು ಮತ್ತು ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸುತ್ತಾರೆ ಎಂದು ಹೊಗಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರೋಮ್ (ಐಎಎನ್ಎಸ್): </strong>ಹಲವು ವೇಶ್ಯಾವಾಟಿಕೆ ಹಗರಣಗಳಲ್ಲಿ ಶಾಮೀಲಾಗಿರುವ ಇಟಲಿಯ ಪ್ರಧಾನಿ ಸಿಲ್ವಿಯೊ ಬೆರ್ಲುಸ್ಕೋನಿ ಅವರು ಮಹಿಳೆಯರ ಘನತೆಗೆ ಮಸಿ ಬಳಿಯುತ್ತಿದ್ದು, ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಒತ್ತಾಯಿಸಿ ಸಹಸ್ರಾರು ಮಹಿಳೆಯರು ಭಾನುವಾರ ದೇಶದ ಹಲವೆಡೆ ಪ್ರತಿಭಟನಾ ರ್ಯಾಲಿಗಳನ್ನು ನಡೆಸಿದರು.<br /> <br /> ರೋಮ್ ಮಾತ್ರವಲ್ಲದೇ, ಬರಿ, ಟ್ರಿಸ್ಟೆ, ವೆನಿಸ್ಗಳಲ್ಲೂ ಇಂತಹ ರ್ಯಾಲಿಗಳು ನಡೆದಿವೆ. ಈ ರ್ಯಾಲಿಗಳಲ್ಲಿ ಪುರುಷರು ಸಹ ಪಾಲ್ಗೊಂಡಿದ್ದರು. ಟೋಕಿಯೊದ ಇಟಲಿ ಕಾನ್ಸುಲೇಟ್ ಕಚೇರಿ ಹೊರಭಾಗದಲ್ಲಿ ಪ್ರತಿಭಟನೆ ನಡೆಸಿದ ಸುಮಾರು 100 ಮಂದಿ ಮಹಿಳೆಯರನ್ನು ಬಂಧಿಸಲಾಯಿತು.<br /> <br /> ನಟಿಯರಾದ ಫ್ರಾನ್ಸೇಕಾ ಮತ್ತು ಕ್ರಿಸ್ಟಿನಾ ಮೊಮೆಸಿನಿ ಅವರ ಮುಂದಾಳತ್ವದಲ್ಲಿ ಈ ರ್ಯಾಲಿಗಳು ನಡೆದಿವೆ. ಲೈಂಗಿಕ ಪ್ರಚೋದನೆಗೆ ಕಾರಣವಾಗುವ ಪ್ರಧಾನಿ ಅವರ ಹೇಳಿಕೆಗಳಿಂದ ಸಮಾಜಕ್ಕೆ ತೊಂದರೆಯಾಗುತ್ತಿದೆ ಎಂದು ಪ್ರತಿಭಟನಾಕಾರರು ದೂರಿದ್ದಾರೆ.<br /> <br /> ಉದ್ಯೋಗದಲ್ಲಿ ಮಹಿಳಾ ತಾರತಮ್ಯ ನೀತಿ ಮುಂದುವರಿದಿದೆ. ಹಗಲು ಹೊತ್ತಿನ ನರ್ಸರಿಗಳು, ಮನೆಕೆಲಸದವರು ಮತ್ತು ಅರೆಕಾಲಿಕ ಉದ್ಯೋಗಗಳ ಕೊರತೆಯಿಂದ ಮಹಿಳೆಯರಿಗೆ ಅನ್ಯಾಯವಾಗುತ್ತಿದೆ ಎಂದು ಅವರು ದೂರಿದ್ದಾರೆ.<br /> <br /> ಪ್ರತಿಭಟನೆಗಳ ಹಿನ್ನೆಲೆಯಲ್ಲಿ ಮಹಿಳೆಯರನ್ನು ಪುಸಲಾಯಿಸುವ ಹೇಳಿಕೆಯನ್ನು ಸೋಮವಾರ ಬೆರ್ಲುಸ್ಕೋನಿ ನೀಡಿದ್ದು, ಮಹಿಳೆಯರು ಪುರುಷರಿಗಿಂತ ಹೆಚ್ಚು ಚುರುಕು ಮತ್ತು ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸುತ್ತಾರೆ ಎಂದು ಹೊಗಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
