<p>ಸಂಜೆಗೊಂದಿಷ್ಟು ರುಚಿಕಟ್ಟಾದ ಸ್ನಾಕ್ಸ್, ಬಾಯಿಚಪಲ ತೀರಿಸುವ ತಿಂಡಿ, ಜೊತೆಗೆ ಬಜೆಟ್ಗೆ ಸರಿ ಹೊಂದುವಂತಹ ಉಪಹಾರಗೃಹಗಳನ್ನು ಹುಡುಕಿಕೊಂಡು ನೀವು ಅಲೆಯುತ್ತಿದ್ದೀರೇ? <br /> <br /> ಹಾಗಿದ್ದರೆ ಜಯನಗರ 4ನೇ ಹಂತದಲ್ಲಿರುವ ಶ್ರೀನಿವಾಸ ಶೆಟ್ಟಿ ಅವರ ಉಪಾಹಾರ ಗೃಹಕ್ಕೊಮ್ಮೆ ಭೇಟಿ ನೀಡಬಹುದು. <br /> ಇಲ್ಲಿ ರುಚಿಕಟ್ಟಾದ, ಬಾಯಲ್ಲಿ ನೀರೂರೂವಂಥ, ಬಿಸಿಬಿಸಿ `ಮುಂಬೈ ವಡಾಪಾವ್~ ಸವಿಯಲು ಸಿದ್ಧವಾಗಿರುತ್ತವೆ. ಇದೇನಿದು `ಮುಂಬೈ ವಡಾಪಾವ್~ ಎಂದು ಅಚ್ಚರಿಯೇ? ಬೆಂಗಳೂರು ವಡಾಪಾವ್ಗಿಂತ ಮುಂಬೈ ವಡಾಪಾವ್ ರುಚಿಕಟ್ಟಾಗಿರುತ್ತದೆನ್ನುತ್ತಾರೆ ಶ್ರೀನಿವಾಸ ಶೆಟ್ಟಿ. <br /> <br /> ಮುಂಬೈನಿಂದ ಬೆಂಗಳೂರಿಗೆ ಬಂದಾಗ ಅಲ್ಲಿಯ ವಡಾಪಾವ್ನಲ್ಲಿದ್ದಷ್ಟು ರುಚಿ ಇಲ್ಲಿರಲಿಲ್ಲ. ಬೆಂಗಳೂರಿಗರಿಗೂ ಆ ರುಚಿಯನ್ನು ಪರಿಚಯಿಸಬೇಕು ಎಂದು ನಿರ್ಧರಿಸಿ `ಮುಂಬೈ ವಡಾಪಾವ್~ ಸ್ಟಾಲನ್ನು ಜಯನಗರದಲ್ಲಿರುವ ವಿಜಯಾ ಕಾಲೇಜು ಬಳಿ ಇರುವ ಸಣ್ಣ ಓಣಿಯಲ್ಲಿ ತೆರೆದರು. <br /> <br /> ಕಳೆದ 4 ವರ್ಷಗಳಿಂದ ಇವರ ವಡಾಪಾವ್ಗೆ ಎಲ್ಲಿಲ್ಲದ ಬೇಡಿಕೆ. ಪಾವ್ ನೇರವಾಗಿ ಬೇಯಿಸಿ ತಯಾರಿಸಿಕೊಳ್ಳುತ್ತೇನೆ. ಅದಕ್ಕೆ `ಬಾಂಬೆ ಬ್ರೆಡ್~ ಎಂದು ಕರೆಯುತ್ತಾರೆ. ಅದು ಇಲ್ಲಿ ದೊರೆಯುವ ಬ್ರೆಡ್ಗಿಂತ ಭಿನ್ನವಾಗಿರುತ್ತದೆ ಎಂದು ಬೆಂಗಳೂರು ವಡಾಪಾವ್ಗೂ ಮುಂಬೈ ವಡಾಪಾವ್ಗೂ ಇರುವ ವ್ಯತ್ಯಾಸವನ್ನು ತಮ್ಮದೇ ಶೈಲಿಯಲ್ಲಿ ವಿವರಿಸಲು ಶುರುವಿಟ್ಟರು ಶ್ರೀನಿವಾಸ ಶೆಟ್ಟಿ~.<br /> <br /> ಇಲ್ಲಿನ ಬ್ರೆಡ್ ಮುಂಬೈನಲ್ಲಿ ಸಿಗುವ ಬ್ರೆಡ್ಗಿಂತ ಹೆಚ್ಚು ಸಿಹಿಯಾಗಿರುವುದರಿಂದ ವಡಾಪಾವ್ ಅಷ್ಟು ರುಚಿಯಾಗಿರುವುದಿಲ್ಲ. ಈ ಅಂಶವನ್ನು ಬೆಂಗಳೂರಿಗೆ ಬಂದ ಮೊದಲಲ್ಲೇ ಕಂಡುಕೊಂಡೆ. ಮುಂಬೈ ಬ್ರೆಡ್ ಸ್ವಲ್ಪ ಉಪ್ಪಿನಂಶದಿಂದ ಕೂಡಿರುತ್ತದೆ. ಇದು `ವಡ~ ತಯಾರಿಸಲು ಹೆಚ್ಚು ಸೂಕ್ತ. ಅದರಿಂದ ವಡಾಪಾವ್ ತಯಾರಿಸಿದರೆ ರುಚಿಕಟ್ಟಾಗಿರುತ್ತದೆ ಎನ್ನುತ್ತಾರೆ ಅವರು. <br /> <br /> ಪ್ರತಿದಿನ ಬ್ರೆಡ್ನ್ನು ಹೊಸದಾಗಿ ತಯಾರು ಮಾಡಿಕೊಳ್ಳುವುದರಿಂದ ವಡಾಪಾವ್ ತಾಜಾ ಆಗಿರುತ್ತೆ. ಜೊತೆಗೆ ಜನರ ವಿಶ್ವಾಸಕ್ಕೆ ಪಾತ್ರವಾಗಿದೆ. ಹಾಗಾಗಿಯೇ ಹೆಚ್ಚು ಗ್ರಾಹಕರು ಇದನ್ನು ಇಷ್ಟಪಟ್ಟು ತಿನ್ನುತ್ತಾರೆ ಎನ್ನುವ ಶ್ರೀನಿವಾಸ್ ಇದರ ಜೊತೆಗೆ ಯುವಜನತೆ ಇಷ್ಟಪಡುವ `ಡೆಲ್ಲಿ ಸ್ಯಾಂಡ್ವಿಚ್~ ಕೂಡ ತಯಾರಿಸುತ್ತೇನೆ ಎನ್ನುತ್ತಾರೆ. <br /> <br /> ಬ್ರೆಡ್ನಲ್ಲಿ ತರಕಾರಿ ಮತ್ತು ಹಣ್ಣುಗಳನ್ನುಚೆನ್ನಾಗಿ ನಾದುವ ಮೂಲಕ ಗುಜರಾತ್ನ ಸಾಂಪ್ರದಾಯಿಕ ತಿನಿಸಾದ `ಕುಟ್ಚ್ ದಬೇಲಿ~ಯನ್ನು ತಯಾರು ಮಾಡುತ್ತಾರೆ. ಜೊತೆಗೆ ಸಮೋಸ, ಕಚೌರಿ, ಪಾವ್ಬಜಿಯನ್ನೂ ಅಷ್ಟೇ ರುಚಿಕಟ್ಟಾಗಿ ತಯಾರಿಸುತ್ತಾರಂತೆ.<br /> `ಇಲ್ಲಿಗೆ ಹೆಚ್ಚಾಗಿ ಬರುವವರೆಲ್ಲಾ ವಿದ್ಯಾರ್ಥಿಗಳು, ಹಾಗಾಗಿ ಕಡಿಮೆ ಬೆಲೆಯನ್ನು ನಿಗದಿ ಮಾಡಲಾಗಿದೆ. <br /> <br /> ಕೆಲವೊಮ್ಮೆ ಕಾಲೇಜು ಫೆಸ್ಟ್ಗಳಿಗೂ ಸ್ಯಾಂಡ್ವಿಚ್ಗಳನ್ನು ತಯಾರಿಸಲು ಆರ್ಡರ್ಗಳು ಬರುತ್ತವೆ~ ಎಂದು ಆತ್ಮವಿಶ್ವಾಸದಿಂದ ನುಡಿಯುತ್ತಾರೆ ಶೆಟ್ಟಿ.ಪ್ರತಿದಿನ ಬೆಳಿಗ್ಗೆ 8ರಿಂದ ರಾತ್ರಿ 9.30ರವರೆಗೆ ಈ ಉಪಹಾರ ಗೃಹ ತೆರೆದಿರುತ್ತದೆ. <br /> ನಿಮಗೂ ವಡಾಪಾವ್ ಸವಿಯಬೇಕೆಂಬ ಆಸೆ ಯಾಗುತ್ತಿದ್ದರೆ ಈ <br /> <br /> <strong>ವಿಳಾಸವನ್ನು ಹುಡುಕಿಕೊಂಡು ಹೋಗಿ. 11ನೇ ಮುಖ್ಯರಸ್ತೆ, ವಿಜಯ ಕಾಲೇಜು ಎದುರು, ಜಯನಗರ 4ನೇ ಬ್ಲಾಕ್. ಮಾಹಿತಿಗೆ: 95903 77776. </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಂಜೆಗೊಂದಿಷ್ಟು ರುಚಿಕಟ್ಟಾದ ಸ್ನಾಕ್ಸ್, ಬಾಯಿಚಪಲ ತೀರಿಸುವ ತಿಂಡಿ, ಜೊತೆಗೆ ಬಜೆಟ್ಗೆ ಸರಿ ಹೊಂದುವಂತಹ ಉಪಹಾರಗೃಹಗಳನ್ನು ಹುಡುಕಿಕೊಂಡು ನೀವು ಅಲೆಯುತ್ತಿದ್ದೀರೇ? <br /> <br /> ಹಾಗಿದ್ದರೆ ಜಯನಗರ 4ನೇ ಹಂತದಲ್ಲಿರುವ ಶ್ರೀನಿವಾಸ ಶೆಟ್ಟಿ ಅವರ ಉಪಾಹಾರ ಗೃಹಕ್ಕೊಮ್ಮೆ ಭೇಟಿ ನೀಡಬಹುದು. <br /> ಇಲ್ಲಿ ರುಚಿಕಟ್ಟಾದ, ಬಾಯಲ್ಲಿ ನೀರೂರೂವಂಥ, ಬಿಸಿಬಿಸಿ `ಮುಂಬೈ ವಡಾಪಾವ್~ ಸವಿಯಲು ಸಿದ್ಧವಾಗಿರುತ್ತವೆ. ಇದೇನಿದು `ಮುಂಬೈ ವಡಾಪಾವ್~ ಎಂದು ಅಚ್ಚರಿಯೇ? ಬೆಂಗಳೂರು ವಡಾಪಾವ್ಗಿಂತ ಮುಂಬೈ ವಡಾಪಾವ್ ರುಚಿಕಟ್ಟಾಗಿರುತ್ತದೆನ್ನುತ್ತಾರೆ ಶ್ರೀನಿವಾಸ ಶೆಟ್ಟಿ. <br /> <br /> ಮುಂಬೈನಿಂದ ಬೆಂಗಳೂರಿಗೆ ಬಂದಾಗ ಅಲ್ಲಿಯ ವಡಾಪಾವ್ನಲ್ಲಿದ್ದಷ್ಟು ರುಚಿ ಇಲ್ಲಿರಲಿಲ್ಲ. ಬೆಂಗಳೂರಿಗರಿಗೂ ಆ ರುಚಿಯನ್ನು ಪರಿಚಯಿಸಬೇಕು ಎಂದು ನಿರ್ಧರಿಸಿ `ಮುಂಬೈ ವಡಾಪಾವ್~ ಸ್ಟಾಲನ್ನು ಜಯನಗರದಲ್ಲಿರುವ ವಿಜಯಾ ಕಾಲೇಜು ಬಳಿ ಇರುವ ಸಣ್ಣ ಓಣಿಯಲ್ಲಿ ತೆರೆದರು. <br /> <br /> ಕಳೆದ 4 ವರ್ಷಗಳಿಂದ ಇವರ ವಡಾಪಾವ್ಗೆ ಎಲ್ಲಿಲ್ಲದ ಬೇಡಿಕೆ. ಪಾವ್ ನೇರವಾಗಿ ಬೇಯಿಸಿ ತಯಾರಿಸಿಕೊಳ್ಳುತ್ತೇನೆ. ಅದಕ್ಕೆ `ಬಾಂಬೆ ಬ್ರೆಡ್~ ಎಂದು ಕರೆಯುತ್ತಾರೆ. ಅದು ಇಲ್ಲಿ ದೊರೆಯುವ ಬ್ರೆಡ್ಗಿಂತ ಭಿನ್ನವಾಗಿರುತ್ತದೆ ಎಂದು ಬೆಂಗಳೂರು ವಡಾಪಾವ್ಗೂ ಮುಂಬೈ ವಡಾಪಾವ್ಗೂ ಇರುವ ವ್ಯತ್ಯಾಸವನ್ನು ತಮ್ಮದೇ ಶೈಲಿಯಲ್ಲಿ ವಿವರಿಸಲು ಶುರುವಿಟ್ಟರು ಶ್ರೀನಿವಾಸ ಶೆಟ್ಟಿ~.<br /> <br /> ಇಲ್ಲಿನ ಬ್ರೆಡ್ ಮುಂಬೈನಲ್ಲಿ ಸಿಗುವ ಬ್ರೆಡ್ಗಿಂತ ಹೆಚ್ಚು ಸಿಹಿಯಾಗಿರುವುದರಿಂದ ವಡಾಪಾವ್ ಅಷ್ಟು ರುಚಿಯಾಗಿರುವುದಿಲ್ಲ. ಈ ಅಂಶವನ್ನು ಬೆಂಗಳೂರಿಗೆ ಬಂದ ಮೊದಲಲ್ಲೇ ಕಂಡುಕೊಂಡೆ. ಮುಂಬೈ ಬ್ರೆಡ್ ಸ್ವಲ್ಪ ಉಪ್ಪಿನಂಶದಿಂದ ಕೂಡಿರುತ್ತದೆ. ಇದು `ವಡ~ ತಯಾರಿಸಲು ಹೆಚ್ಚು ಸೂಕ್ತ. ಅದರಿಂದ ವಡಾಪಾವ್ ತಯಾರಿಸಿದರೆ ರುಚಿಕಟ್ಟಾಗಿರುತ್ತದೆ ಎನ್ನುತ್ತಾರೆ ಅವರು. <br /> <br /> ಪ್ರತಿದಿನ ಬ್ರೆಡ್ನ್ನು ಹೊಸದಾಗಿ ತಯಾರು ಮಾಡಿಕೊಳ್ಳುವುದರಿಂದ ವಡಾಪಾವ್ ತಾಜಾ ಆಗಿರುತ್ತೆ. ಜೊತೆಗೆ ಜನರ ವಿಶ್ವಾಸಕ್ಕೆ ಪಾತ್ರವಾಗಿದೆ. ಹಾಗಾಗಿಯೇ ಹೆಚ್ಚು ಗ್ರಾಹಕರು ಇದನ್ನು ಇಷ್ಟಪಟ್ಟು ತಿನ್ನುತ್ತಾರೆ ಎನ್ನುವ ಶ್ರೀನಿವಾಸ್ ಇದರ ಜೊತೆಗೆ ಯುವಜನತೆ ಇಷ್ಟಪಡುವ `ಡೆಲ್ಲಿ ಸ್ಯಾಂಡ್ವಿಚ್~ ಕೂಡ ತಯಾರಿಸುತ್ತೇನೆ ಎನ್ನುತ್ತಾರೆ. <br /> <br /> ಬ್ರೆಡ್ನಲ್ಲಿ ತರಕಾರಿ ಮತ್ತು ಹಣ್ಣುಗಳನ್ನುಚೆನ್ನಾಗಿ ನಾದುವ ಮೂಲಕ ಗುಜರಾತ್ನ ಸಾಂಪ್ರದಾಯಿಕ ತಿನಿಸಾದ `ಕುಟ್ಚ್ ದಬೇಲಿ~ಯನ್ನು ತಯಾರು ಮಾಡುತ್ತಾರೆ. ಜೊತೆಗೆ ಸಮೋಸ, ಕಚೌರಿ, ಪಾವ್ಬಜಿಯನ್ನೂ ಅಷ್ಟೇ ರುಚಿಕಟ್ಟಾಗಿ ತಯಾರಿಸುತ್ತಾರಂತೆ.<br /> `ಇಲ್ಲಿಗೆ ಹೆಚ್ಚಾಗಿ ಬರುವವರೆಲ್ಲಾ ವಿದ್ಯಾರ್ಥಿಗಳು, ಹಾಗಾಗಿ ಕಡಿಮೆ ಬೆಲೆಯನ್ನು ನಿಗದಿ ಮಾಡಲಾಗಿದೆ. <br /> <br /> ಕೆಲವೊಮ್ಮೆ ಕಾಲೇಜು ಫೆಸ್ಟ್ಗಳಿಗೂ ಸ್ಯಾಂಡ್ವಿಚ್ಗಳನ್ನು ತಯಾರಿಸಲು ಆರ್ಡರ್ಗಳು ಬರುತ್ತವೆ~ ಎಂದು ಆತ್ಮವಿಶ್ವಾಸದಿಂದ ನುಡಿಯುತ್ತಾರೆ ಶೆಟ್ಟಿ.ಪ್ರತಿದಿನ ಬೆಳಿಗ್ಗೆ 8ರಿಂದ ರಾತ್ರಿ 9.30ರವರೆಗೆ ಈ ಉಪಹಾರ ಗೃಹ ತೆರೆದಿರುತ್ತದೆ. <br /> ನಿಮಗೂ ವಡಾಪಾವ್ ಸವಿಯಬೇಕೆಂಬ ಆಸೆ ಯಾಗುತ್ತಿದ್ದರೆ ಈ <br /> <br /> <strong>ವಿಳಾಸವನ್ನು ಹುಡುಕಿಕೊಂಡು ಹೋಗಿ. 11ನೇ ಮುಖ್ಯರಸ್ತೆ, ವಿಜಯ ಕಾಲೇಜು ಎದುರು, ಜಯನಗರ 4ನೇ ಬ್ಲಾಕ್. ಮಾಹಿತಿಗೆ: 95903 77776. </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
