<p><strong>ಲಂಡನ್ (ಪಿಟಿಐ):</strong> ಯಾರಿವಳು...? ಎಂದು ಕೇಳಿದ್ದವರಿಗೆ ಈಗ ಉತ್ತರ ಸಿಕ್ಕಿದೆ. ಇವಳ ಹೆಸರು `ಮಧುರಾ ಹನಿ~ (ಮಧುರಾ ನಾಗೇಂದ್ರ) ಬೆಂಗಳೂರಿನವಳು!<br /> <br /> ಶುಕ್ರವಾರ ರಾತ್ರಿ ನಡೆದ ಒಲಿಂಪಿಕ್ ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭದಲ್ಲಿ ಭಾರತ ತಂಡದ ಸದಸ್ಯರ ಜತೆ ಪಥಸಂಚಲನದಲ್ಲಿ ನಡೆದು ಅಚ್ಚರಿಗೆ ಕಾರಣವಾಗಿದ್ದ ಬೆಡಗಿ ಯಾರೆನ್ನುವುದು ಪತ್ತೆಯಾಗಿದೆ.<br /> `ನಿಗೂಢ ಯುವತಿ~ ಎಂದೇ ಈವರೆಗೆ ಕರೆಸಿಕೊಂಡಿದ್ದವಳ ಹೆಸರು ಹಾಗೂ ಅವಳ ಮೂಲ ನೆಲೆಯ ವಿವರವೂ ಅವಳ ಸ್ನೇಹಿತರೊಬ್ಬರಿಂದ ಬಯಲಾಗಿದೆ. <br /> <br /> `ಅವಳು ನಮ್ಮ ಕಾಲೇಜು ಗೆಳತಿ. ಅಭ್ಯಾಸ ಮಾಡಿದ್ದು ಬೆಂಗಳೂರಿನಲ್ಲಿ. ಈಗ ಇಂಗ್ಲೆಂಡ್ನಲ್ಲಿ ಮ್ಯಾನೇಜ್ಮೆಂಟ್ ವಿಷಯದಲ್ಲಿ ಉನ್ನತ ಶಿಕ್ಷಣ ಪಡೆಯುತ್ತಿದ್ದಾಳೆ. ಅವಳ ಚಿತ್ರವನ್ನು ಕಂಡ ನಮ್ಮ ಎಲ್ಲ ಕಾಲೇಜು ಸ್ನೇಹಿತರು ಅಚ್ಚರಿಪಟ್ಟೆವು~ ಎಂದು ಮಧುರಾ ಸ್ನೇಹಿತರು ಹೇಳಿದ್ದಾರೆಂದು ಆಂಗ್ಲ ದಿನಪತ್ರಿಕೆಯೊಂದು ವರದಿ ಮಾಡಿದೆ.<br /> <br /> ತಾನು ಒಲಿಂಪಿಕ್ ತಂಡದೊಂದಿಗೆ ಇದ್ದ ಚಿತ್ರಗಳನ್ನು ಸ್ವತಃ `ಮಧುರಾ ಹನಿ~ ಹೆಸರಿನಲ್ಲಿ ಫೇಸ್ಬುಕ್ನಲ್ಲಿ ಪ್ರಕಟಿಸಿದ್ದಳು. ಆದರೆ ಭಾರತ ತಂಡದೊಂದಿಗೆ ಕಾಣಿಸಿಕೊಂಡ ಘಟನೆಯು ವಿವಾದದ ಸ್ವರೂಪ ಪಡೆದ ನಂತರ ಅವಳು ತನ್ನ ಫೇಸ್ಬುಕ್ ಅಕೌಂಟ್ ಅನ್ನು ಮುಚ್ಚಿಹಾಕಿದ್ದಾಳೆಂದು ಅವಳ ಸ್ನೇಹಿತರೇ ತಿಳಿಸಿದ್ದಾರೆ.<br /> <br /> ಇನ್ನೂ ಆಸಕ್ತಿಕರ ವಿಷಯವೆಂದರೆ ಮಧುರಾ ತಾನು ಪಡೆದಿದ್ದ ಒಲಿಂಪಿಕ್ ಪಾಸ್ ಚಿತ್ರವನ್ನು ಕೂಡ ಫೇಸ್ಬುಕ್ ವಾಲ್ನಲ್ಲಿ ಅಂಟಿಸಿದ್ದಳು. ಅವಳ ಬಗ್ಗೆ ಸದ್ಯಕ್ಕೆ ಇಷ್ಟು ವಿವರಗಳು ಲಭ್ಯವಾಗಿವೆ. ಆದರೆ ಭಾರತ ತಂಡದ ಜತೆಗಿದ್ದ ಯುವತಿ ಇವಳೇ ಎನ್ನುವುದನ್ನು ಸಂಘಟನಾ ಸಮಿತಿಯು ಖಚಿತ ಪಡಿಸಬೇಕಿದೆ.<br /> <br /> ಈ ಬಗ್ಗೆ ಪ್ರತಿಕ್ರಿಯಿಸಿದ ಭಾರತ ತಂಡದ ಉಸ್ತುವಾರಿ ಚೆಫ್ ಡಿ ಮಿಷನ್ ಪಿ.ಕೆ.ಮುರಳೀಧರನ್ ರಾಜಾ ಅವರು `ನಮಗೂ ವಿಷಯ ಮಾಧ್ಯಮಗಳಿಂದ ತಿಳಿದಿದೆ. ಆದರೆ ನಾವು ಲಂಡನ್ ಒಲಿಂಪಿಕ್ ಸಂಘಟನಾ ಸಮಿತಿಯಿಂದ ಅಧಿಕೃತವಾಗಿ ಪ್ರತಿಕ್ರಿಯೆಯನ್ನು ಎದುರು ನೋಡುತ್ತಿದ್ದೇವೆ~ ಎಂದಿದ್ದಾರೆ.<br /> <br /> `ನಮಗೆ ಅದೊಂದು ಆಘಾತಕಾರಿ ಹಾಗೂ ಮುಜುಗರದ ಘಟನೆಯಾಗಿದೆ. ಆದ್ದರಿಂದಲೇ ಕಟುವಾದ ಪದಗಳಲ್ಲಿ ಸಂಘಟನಾ ಸಮಿತಿಗೆ ದೂರು ನೀಡಿದ್ದೇವೆ~ ಎಂದ ರಾಜಾ `ಮಾಧ್ಯಮಗಳಲ್ಲಿ ಆ ಯುವತಿಯ ಬಗ್ಗೆ ಬಂದಿರುವ ಸುದ್ದಿಗೆ ಪ್ರತಿಕ್ರಿಯೆ ನೀಡಲು ಸಾಧ್ಯವಿಲ್ಲ. ಸಂಘಟನಾ ಸಮಿತಿಯಿಂದ ಖಚಿತವಾದ ಉತ್ತರ ಸಿಕ್ಕ ನಂತರವೇ ಆ ಕುರಿತು ಮಾತನಾಡುತ್ತೇನೆ~ ಎಂದು ಹೇಳಿದರು.<br /> <br /> ತಂಡದ ಸದಸ್ಯೆ ಅಲ್ಲದವಳು ಪಥಸಂಚಲನದಲ್ಲಿ ಕಾಣಿಸಿ ಕೊಂಡಿದ್ದರಿಂದ ಆ ಕ್ಷಣದ ಸೊಗಸು ಹದಗೆಟ್ಟು ಹೋಯಿತು ಎನ್ನುವುದು ಭಾರತ ತಂಡದ ಸದಸ್ಯರ ಅಭಿಪ್ರಾಯ. ದೇಶದ ಕ್ರೀಡಾಪಟುಗಳು ಮಿಂಚ ಬೇಕಾಗಿದ್ದ ಪಥಸಂಚಲನದ ಚಿತ್ರದಲ್ಲಿ ಯಾರೋ ಒಬ್ಬಳು ಮಹತ್ವ ಪಡೆಯುವಂತಾಗಿದ್ದು ಎಲ್ಲರಿಗೂ ಬೇಸರವಾಗುವಂತೆ ಮಾಡಿದೆ.<br /> <br /> `ನಮಗಂತೂ ಗೊತ್ತಿಲ್ಲ ಅವಳು ಯಾರೆಂದು. ಆ ಹುಡುಗಿಯು ದೇಶದ ಶ್ರೇಷ್ಠ ಕ್ರೀಡಾಪಟುಗಳ ಜೊತೆಗೆ ನಡೆದಳು ಎನ್ನುವುದೇ ದೊಡ್ಡ ಅವಮಾನ~ ಎಂದಿರುವ ರಾಜಾ `ವ್ಯವಸ್ಥಿತವಾಗಿ ರೂಪಿಸಿದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಇಂಥದೊಂದು ಘಟನೆ ನಡೆದಿದ್ದೇ ಅಚ್ಚರಿ. ಎಲ್ಲ ಪಾಸ್ಗಳ ಪರಿಶೀಲನೆ ನಂತರವೇ ಪಥಸಂಚಲನದಲ್ಲಿ ಪಾಲ್ಗೊಳ್ಳಲು ಕ್ರೀಡಾಪಟುಗಳಿಗೆ ಹಾಗೂ ಅಧಿಕಾರಿಗಳಿಗೆ ಅವಕಾಶ ನೀಡಿದ್ದು. <br /> <br /> ಆದರೆ ಅದು ಹೇಗೆ ಅವಳು ನುಸುಳಿ ಬಂದಳು ಎನ್ನುವುದೇ ನಮ್ಮನ್ನೂ ಕಾಡುತ್ತಿರುವ ಪ್ರಶ್ನೆ~ ಎಂದು ನುಡಿದರು. <br /> ಒಲಿಂಪಿಕ್ ಕೂಟವನ್ನು ವರದಿ ಮಾಡಲು ಭಾರತದಿಂದ ಬಂದಿರುವ ವರದಿಗಾರರು ಈ ಬಗ್ಗೆ ತಮಗೆ ಅದೇ ರಾತ್ರಿ ಪ್ರಶ್ನಿಸಿದ್ದರು. ಆಗ ತಮ್ಮಲ್ಲಿಯೂ ಉತ್ತರ ಇರಲಿಲ್ಲವೆಂದು ಅವರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ):</strong> ಯಾರಿವಳು...? ಎಂದು ಕೇಳಿದ್ದವರಿಗೆ ಈಗ ಉತ್ತರ ಸಿಕ್ಕಿದೆ. ಇವಳ ಹೆಸರು `ಮಧುರಾ ಹನಿ~ (ಮಧುರಾ ನಾಗೇಂದ್ರ) ಬೆಂಗಳೂರಿನವಳು!<br /> <br /> ಶುಕ್ರವಾರ ರಾತ್ರಿ ನಡೆದ ಒಲಿಂಪಿಕ್ ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭದಲ್ಲಿ ಭಾರತ ತಂಡದ ಸದಸ್ಯರ ಜತೆ ಪಥಸಂಚಲನದಲ್ಲಿ ನಡೆದು ಅಚ್ಚರಿಗೆ ಕಾರಣವಾಗಿದ್ದ ಬೆಡಗಿ ಯಾರೆನ್ನುವುದು ಪತ್ತೆಯಾಗಿದೆ.<br /> `ನಿಗೂಢ ಯುವತಿ~ ಎಂದೇ ಈವರೆಗೆ ಕರೆಸಿಕೊಂಡಿದ್ದವಳ ಹೆಸರು ಹಾಗೂ ಅವಳ ಮೂಲ ನೆಲೆಯ ವಿವರವೂ ಅವಳ ಸ್ನೇಹಿತರೊಬ್ಬರಿಂದ ಬಯಲಾಗಿದೆ. <br /> <br /> `ಅವಳು ನಮ್ಮ ಕಾಲೇಜು ಗೆಳತಿ. ಅಭ್ಯಾಸ ಮಾಡಿದ್ದು ಬೆಂಗಳೂರಿನಲ್ಲಿ. ಈಗ ಇಂಗ್ಲೆಂಡ್ನಲ್ಲಿ ಮ್ಯಾನೇಜ್ಮೆಂಟ್ ವಿಷಯದಲ್ಲಿ ಉನ್ನತ ಶಿಕ್ಷಣ ಪಡೆಯುತ್ತಿದ್ದಾಳೆ. ಅವಳ ಚಿತ್ರವನ್ನು ಕಂಡ ನಮ್ಮ ಎಲ್ಲ ಕಾಲೇಜು ಸ್ನೇಹಿತರು ಅಚ್ಚರಿಪಟ್ಟೆವು~ ಎಂದು ಮಧುರಾ ಸ್ನೇಹಿತರು ಹೇಳಿದ್ದಾರೆಂದು ಆಂಗ್ಲ ದಿನಪತ್ರಿಕೆಯೊಂದು ವರದಿ ಮಾಡಿದೆ.<br /> <br /> ತಾನು ಒಲಿಂಪಿಕ್ ತಂಡದೊಂದಿಗೆ ಇದ್ದ ಚಿತ್ರಗಳನ್ನು ಸ್ವತಃ `ಮಧುರಾ ಹನಿ~ ಹೆಸರಿನಲ್ಲಿ ಫೇಸ್ಬುಕ್ನಲ್ಲಿ ಪ್ರಕಟಿಸಿದ್ದಳು. ಆದರೆ ಭಾರತ ತಂಡದೊಂದಿಗೆ ಕಾಣಿಸಿಕೊಂಡ ಘಟನೆಯು ವಿವಾದದ ಸ್ವರೂಪ ಪಡೆದ ನಂತರ ಅವಳು ತನ್ನ ಫೇಸ್ಬುಕ್ ಅಕೌಂಟ್ ಅನ್ನು ಮುಚ್ಚಿಹಾಕಿದ್ದಾಳೆಂದು ಅವಳ ಸ್ನೇಹಿತರೇ ತಿಳಿಸಿದ್ದಾರೆ.<br /> <br /> ಇನ್ನೂ ಆಸಕ್ತಿಕರ ವಿಷಯವೆಂದರೆ ಮಧುರಾ ತಾನು ಪಡೆದಿದ್ದ ಒಲಿಂಪಿಕ್ ಪಾಸ್ ಚಿತ್ರವನ್ನು ಕೂಡ ಫೇಸ್ಬುಕ್ ವಾಲ್ನಲ್ಲಿ ಅಂಟಿಸಿದ್ದಳು. ಅವಳ ಬಗ್ಗೆ ಸದ್ಯಕ್ಕೆ ಇಷ್ಟು ವಿವರಗಳು ಲಭ್ಯವಾಗಿವೆ. ಆದರೆ ಭಾರತ ತಂಡದ ಜತೆಗಿದ್ದ ಯುವತಿ ಇವಳೇ ಎನ್ನುವುದನ್ನು ಸಂಘಟನಾ ಸಮಿತಿಯು ಖಚಿತ ಪಡಿಸಬೇಕಿದೆ.<br /> <br /> ಈ ಬಗ್ಗೆ ಪ್ರತಿಕ್ರಿಯಿಸಿದ ಭಾರತ ತಂಡದ ಉಸ್ತುವಾರಿ ಚೆಫ್ ಡಿ ಮಿಷನ್ ಪಿ.ಕೆ.ಮುರಳೀಧರನ್ ರಾಜಾ ಅವರು `ನಮಗೂ ವಿಷಯ ಮಾಧ್ಯಮಗಳಿಂದ ತಿಳಿದಿದೆ. ಆದರೆ ನಾವು ಲಂಡನ್ ಒಲಿಂಪಿಕ್ ಸಂಘಟನಾ ಸಮಿತಿಯಿಂದ ಅಧಿಕೃತವಾಗಿ ಪ್ರತಿಕ್ರಿಯೆಯನ್ನು ಎದುರು ನೋಡುತ್ತಿದ್ದೇವೆ~ ಎಂದಿದ್ದಾರೆ.<br /> <br /> `ನಮಗೆ ಅದೊಂದು ಆಘಾತಕಾರಿ ಹಾಗೂ ಮುಜುಗರದ ಘಟನೆಯಾಗಿದೆ. ಆದ್ದರಿಂದಲೇ ಕಟುವಾದ ಪದಗಳಲ್ಲಿ ಸಂಘಟನಾ ಸಮಿತಿಗೆ ದೂರು ನೀಡಿದ್ದೇವೆ~ ಎಂದ ರಾಜಾ `ಮಾಧ್ಯಮಗಳಲ್ಲಿ ಆ ಯುವತಿಯ ಬಗ್ಗೆ ಬಂದಿರುವ ಸುದ್ದಿಗೆ ಪ್ರತಿಕ್ರಿಯೆ ನೀಡಲು ಸಾಧ್ಯವಿಲ್ಲ. ಸಂಘಟನಾ ಸಮಿತಿಯಿಂದ ಖಚಿತವಾದ ಉತ್ತರ ಸಿಕ್ಕ ನಂತರವೇ ಆ ಕುರಿತು ಮಾತನಾಡುತ್ತೇನೆ~ ಎಂದು ಹೇಳಿದರು.<br /> <br /> ತಂಡದ ಸದಸ್ಯೆ ಅಲ್ಲದವಳು ಪಥಸಂಚಲನದಲ್ಲಿ ಕಾಣಿಸಿ ಕೊಂಡಿದ್ದರಿಂದ ಆ ಕ್ಷಣದ ಸೊಗಸು ಹದಗೆಟ್ಟು ಹೋಯಿತು ಎನ್ನುವುದು ಭಾರತ ತಂಡದ ಸದಸ್ಯರ ಅಭಿಪ್ರಾಯ. ದೇಶದ ಕ್ರೀಡಾಪಟುಗಳು ಮಿಂಚ ಬೇಕಾಗಿದ್ದ ಪಥಸಂಚಲನದ ಚಿತ್ರದಲ್ಲಿ ಯಾರೋ ಒಬ್ಬಳು ಮಹತ್ವ ಪಡೆಯುವಂತಾಗಿದ್ದು ಎಲ್ಲರಿಗೂ ಬೇಸರವಾಗುವಂತೆ ಮಾಡಿದೆ.<br /> <br /> `ನಮಗಂತೂ ಗೊತ್ತಿಲ್ಲ ಅವಳು ಯಾರೆಂದು. ಆ ಹುಡುಗಿಯು ದೇಶದ ಶ್ರೇಷ್ಠ ಕ್ರೀಡಾಪಟುಗಳ ಜೊತೆಗೆ ನಡೆದಳು ಎನ್ನುವುದೇ ದೊಡ್ಡ ಅವಮಾನ~ ಎಂದಿರುವ ರಾಜಾ `ವ್ಯವಸ್ಥಿತವಾಗಿ ರೂಪಿಸಿದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಇಂಥದೊಂದು ಘಟನೆ ನಡೆದಿದ್ದೇ ಅಚ್ಚರಿ. ಎಲ್ಲ ಪಾಸ್ಗಳ ಪರಿಶೀಲನೆ ನಂತರವೇ ಪಥಸಂಚಲನದಲ್ಲಿ ಪಾಲ್ಗೊಳ್ಳಲು ಕ್ರೀಡಾಪಟುಗಳಿಗೆ ಹಾಗೂ ಅಧಿಕಾರಿಗಳಿಗೆ ಅವಕಾಶ ನೀಡಿದ್ದು. <br /> <br /> ಆದರೆ ಅದು ಹೇಗೆ ಅವಳು ನುಸುಳಿ ಬಂದಳು ಎನ್ನುವುದೇ ನಮ್ಮನ್ನೂ ಕಾಡುತ್ತಿರುವ ಪ್ರಶ್ನೆ~ ಎಂದು ನುಡಿದರು. <br /> ಒಲಿಂಪಿಕ್ ಕೂಟವನ್ನು ವರದಿ ಮಾಡಲು ಭಾರತದಿಂದ ಬಂದಿರುವ ವರದಿಗಾರರು ಈ ಬಗ್ಗೆ ತಮಗೆ ಅದೇ ರಾತ್ರಿ ಪ್ರಶ್ನಿಸಿದ್ದರು. ಆಗ ತಮ್ಮಲ್ಲಿಯೂ ಉತ್ತರ ಇರಲಿಲ್ಲವೆಂದು ಅವರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
