<p><strong>ಲಂಡನ್ (ಪಿಟಿಐ</strong>): ವಿಶ್ವದ ಪ್ರಥಮ `ಇವಾ' (ಭ್ರೂಣದ ಬದುಕು ನಿರ್ಧರಿಸುವಿಕೆ) ತಂತ್ರಜ್ಞಾನದ ಮಗು ಇಂಗ್ಲೆಂಡಿನಲ್ಲಿ ಜನಿಸಿದೆ.<br /> ಇಂಗ್ಲೆಂಡ್ನ ಲಿವರ್ಪೂಲ್ ಆಸ್ಪತ್ರೆಯಲ್ಲಿ 42 ವರ್ಷದ ಮನಃಶಾಸ್ತ್ರಜ್ಞೆ ರುಥ್ ಕಾರ್ಟರ್ ವಿಶ್ವದ ಪ್ರಥಮ ಐವಿಎಫ್ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ತಾಯಿ- ಮಗು ಆರೋಗ್ಯವಾಗಿದ್ದಾರೆ.<br /> <br /> `ಇವಾ' ತಂತ್ರಜ್ಞಾನದಿಂದಾಗಿ ಜನಿಸಿದ ಮೊದಲ ಮಗು ಇದಾಗಿದೆ. ಈ ತಂತ್ರಜ್ಞಾನದಲ್ಲಿ ಐವಿಎಫ್ (ಪ್ರನಾಳೀಯ ಫಲೀಕರಣ) ಟೈಮ್ಲ್ಯಾಪ್ಸ್ ಫೋಟೊಗ್ರಫಿ ತಂತ್ರವು ಸಮರ್ಥ ಭ್ರೂಣವನ್ನು ಪತ್ತೆ ಹಚ್ಚುತ್ತದೆ. ಈ ತಂತ್ರದ ಮೂಲಕ ಭ್ರೂಣದ ಬೆಳವಣಿಗೆ ಮತ್ತು ಯಾವ ಭ್ರೂಣ ಫಲೀಕರಣವಾಗಿ ಮಗು ಯಶಸ್ವಿಯಾಗಿ ಜನಿಸುತ್ತದೆ ಎಂಬುದನ್ನು ಅಲ್ಪಾವಧಿಯಲ್ಲಿ ಪತ್ತೆ ಹಚ್ಚಬಹುದು.<br /> <br /> ಬೆಳವಣಿಗೆ ಹೊಂದುತ್ತಿರುವ ಭ್ರೂಣದ ಸಾವಿರಾರು ಫೋಟೊ ತೆಗೆಯುವ ಐವಿಎಫ್, ನಂತರ ಅದರಲ್ಲಿ ಯಾವ ಹಂತದ ಭ್ರೂಣ ಸಮರ್ಥವಾಗಿ ಹಾಗೂ ಯಶಸ್ವಿಯಾಗಿ ಗರ್ಭಕಟ್ಟಿ ಮಗು ಜನಿಸಲು ಸಾಧ್ಯವಾಗುತ್ತದೆ ಎಂಬುದನ್ನು ನಿಖರವಾಗಿ ತಿಳಿಸುತ್ತದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.<br /> <br /> ಪ್ರನಾಳೀಯ ಫಲೀಕರಣಕ್ಕೆ ಸಂಬಂಧಿಸಿದಂತೆ ವಿಜ್ಞಾನಿಗಳು ಅನೇಕ ವರ್ಷಗಳಿಂದ ಸಂಶೋಧನೆ ನಡೆಸುತ್ತಿದ್ದಾರೆ. ಈಗ ಈ ಸಂಶೋಧನೆ ಯಶಸ್ವಿಯಾಗಿದ್ದು, ಪದೇಪದೇ ಗರ್ಭಪಾತಕ್ಕೆ ಒಳಗಾಗುವ ಮಹಿಳೆಯರಿಗೆ ಈ ತಂತ್ರಜ್ಞಾನ ವರವಾಗುತ್ತದೆಂದು ಹೇಳಲಾಗುತ್ತಿದೆ.<br /> <br /> `ಹಲವು ವರ್ಷಗಳಿಂದ ನಾನು ಮತ್ತು ನನ್ನ ಪತಿ ಮಗುವಿಗಾಗಿ ಪ್ರಯತ್ನ ಪಡುತ್ತಿದ್ದೆವು. ಇನ್ನೇನು ಗರ್ಭ ನಿಂತು ನಾನು ಗರ್ಭಿಣಿಯಾದೆ ಅನ್ನುವಷ್ಟರಲ್ಲೇ ಪದೇಪದೇ ಗರ್ಭಪಾತ ಆಗುತ್ತಿತ್ತು. ಆದರೆ, ಐವಿಎಫ್ ತಂತ್ರದಿಂದ ಈಗ ತಾಯಿಯಾಗಿದ್ದೇನೆ' ಎಂದು ಪ್ರಥಮ `ಇವಾ' ಮಗುವಿನ ತಾಯಿ ಕಾರ್ಟರ್ ಪ್ರತಿಕ್ರಿಯಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ</strong>): ವಿಶ್ವದ ಪ್ರಥಮ `ಇವಾ' (ಭ್ರೂಣದ ಬದುಕು ನಿರ್ಧರಿಸುವಿಕೆ) ತಂತ್ರಜ್ಞಾನದ ಮಗು ಇಂಗ್ಲೆಂಡಿನಲ್ಲಿ ಜನಿಸಿದೆ.<br /> ಇಂಗ್ಲೆಂಡ್ನ ಲಿವರ್ಪೂಲ್ ಆಸ್ಪತ್ರೆಯಲ್ಲಿ 42 ವರ್ಷದ ಮನಃಶಾಸ್ತ್ರಜ್ಞೆ ರುಥ್ ಕಾರ್ಟರ್ ವಿಶ್ವದ ಪ್ರಥಮ ಐವಿಎಫ್ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು, ತಾಯಿ- ಮಗು ಆರೋಗ್ಯವಾಗಿದ್ದಾರೆ.<br /> <br /> `ಇವಾ' ತಂತ್ರಜ್ಞಾನದಿಂದಾಗಿ ಜನಿಸಿದ ಮೊದಲ ಮಗು ಇದಾಗಿದೆ. ಈ ತಂತ್ರಜ್ಞಾನದಲ್ಲಿ ಐವಿಎಫ್ (ಪ್ರನಾಳೀಯ ಫಲೀಕರಣ) ಟೈಮ್ಲ್ಯಾಪ್ಸ್ ಫೋಟೊಗ್ರಫಿ ತಂತ್ರವು ಸಮರ್ಥ ಭ್ರೂಣವನ್ನು ಪತ್ತೆ ಹಚ್ಚುತ್ತದೆ. ಈ ತಂತ್ರದ ಮೂಲಕ ಭ್ರೂಣದ ಬೆಳವಣಿಗೆ ಮತ್ತು ಯಾವ ಭ್ರೂಣ ಫಲೀಕರಣವಾಗಿ ಮಗು ಯಶಸ್ವಿಯಾಗಿ ಜನಿಸುತ್ತದೆ ಎಂಬುದನ್ನು ಅಲ್ಪಾವಧಿಯಲ್ಲಿ ಪತ್ತೆ ಹಚ್ಚಬಹುದು.<br /> <br /> ಬೆಳವಣಿಗೆ ಹೊಂದುತ್ತಿರುವ ಭ್ರೂಣದ ಸಾವಿರಾರು ಫೋಟೊ ತೆಗೆಯುವ ಐವಿಎಫ್, ನಂತರ ಅದರಲ್ಲಿ ಯಾವ ಹಂತದ ಭ್ರೂಣ ಸಮರ್ಥವಾಗಿ ಹಾಗೂ ಯಶಸ್ವಿಯಾಗಿ ಗರ್ಭಕಟ್ಟಿ ಮಗು ಜನಿಸಲು ಸಾಧ್ಯವಾಗುತ್ತದೆ ಎಂಬುದನ್ನು ನಿಖರವಾಗಿ ತಿಳಿಸುತ್ತದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.<br /> <br /> ಪ್ರನಾಳೀಯ ಫಲೀಕರಣಕ್ಕೆ ಸಂಬಂಧಿಸಿದಂತೆ ವಿಜ್ಞಾನಿಗಳು ಅನೇಕ ವರ್ಷಗಳಿಂದ ಸಂಶೋಧನೆ ನಡೆಸುತ್ತಿದ್ದಾರೆ. ಈಗ ಈ ಸಂಶೋಧನೆ ಯಶಸ್ವಿಯಾಗಿದ್ದು, ಪದೇಪದೇ ಗರ್ಭಪಾತಕ್ಕೆ ಒಳಗಾಗುವ ಮಹಿಳೆಯರಿಗೆ ಈ ತಂತ್ರಜ್ಞಾನ ವರವಾಗುತ್ತದೆಂದು ಹೇಳಲಾಗುತ್ತಿದೆ.<br /> <br /> `ಹಲವು ವರ್ಷಗಳಿಂದ ನಾನು ಮತ್ತು ನನ್ನ ಪತಿ ಮಗುವಿಗಾಗಿ ಪ್ರಯತ್ನ ಪಡುತ್ತಿದ್ದೆವು. ಇನ್ನೇನು ಗರ್ಭ ನಿಂತು ನಾನು ಗರ್ಭಿಣಿಯಾದೆ ಅನ್ನುವಷ್ಟರಲ್ಲೇ ಪದೇಪದೇ ಗರ್ಭಪಾತ ಆಗುತ್ತಿತ್ತು. ಆದರೆ, ಐವಿಎಫ್ ತಂತ್ರದಿಂದ ಈಗ ತಾಯಿಯಾಗಿದ್ದೇನೆ' ಎಂದು ಪ್ರಥಮ `ಇವಾ' ಮಗುವಿನ ತಾಯಿ ಕಾರ್ಟರ್ ಪ್ರತಿಕ್ರಿಯಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
