ಶನಿವಾರ, ಜನವರಿ 18, 2020
20 °C

ಉಪ ಕಾನ್ಸಲ್‌ ಜತೆ ಅನುಚಿತ ವರ್ತನೆ: ಸ್ಪೀಕರ್‌ ಪ್ರತಿಭಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಭಾರತದ ಉಪ ಕಾನ್ಸಲ್‌ ಜನರಲ್‌  ಜತೆ ಅನುಚಿತ­ವಾಗಿ ವರ್ತಿಸಿದ್ದರ ಪ್ರತಿಭ­ಟನಾ ಸೂಚಕ­ವಾಗಿ ಲೋಕಸಭೆ ಸ್ಪೀಕರ್‌ ಮೀರಾ ಕುಮಾರ್ ಅವರು ಅಮೆರಿಕ ಸಂಸದರ ನಿಯೋಗ­ದೊಂದಿಗಿನ ಸಭೆಯನ್ನು ಸೋಮವಾರ ರದ್ದುಪಡಿಸಿದ್ದಾರೆ.



ವೀಸಾ ವಂಚನೆ ಆರೋಪಕ್ಕೆ ಸಂಬಂಧಿ­ಸಿದಂತೆ ಅಮೆರಿಕದಲ್ಲಿನ ಭಾರತದ ಉಪ ಕಾನ್ಸಲ್‌ ಜನರಲ್‌ ದೇವಯಾನಿ ಖೋಬ್ರಾಗಡೆ ಅವ­ರನ್ನು ಬಂಧಿಸಿ ಕೈಕೊಳ ತೊಡಿಸಿ ಸಾರ್ವಜನಿಕವಾಗಿ ಅಪಮಾನ ಮಾಡಲಾಗಿತ್ತು.



‘ದೇವಯಾನಿ ಅವರನ್ನು ಅಮೆರಿಕ ಕೆಟ್ಟದಾಗಿ ನಡೆಸಿಕೊಂಡಿದ್ದು, ಆ ದೇಶದ ಸಂಸದರ ಜೊತೆ ಸಭೆ ನಡೆಸುವುದು ಸೂಕ್ತವಲ್ಲ ಎಂದು ರಾಜಕೀಯಕ್ಕೆ ಬರು­ವುದಕ್ಕೂ ಮುನ್ನ ಸ್ವತಃ ಐಎಫ್‌ಎಸ್‌ ಅಧಿಕಾರಿಯಾಗಿದ್ದ ಮೀರಾ ಕುಮಾರ್‌ ಭಾವಿಸಿ ಈ ನಿರ್ಧಾರ ತೆಗೆದುಕೊಂಡಿ­ದ್ದಾರೆ’ ಎಂದು ಮೂಲಗಳು ತಿಳಿಸಿವೆ.



ಇದೇ ಕಾರಣಕ್ಕಾಗಿ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಶಿವಶಂಕರ್‌ ಮೆನನ್‌ ಕೂಡ ಈಚೆಗೆ ಅಮೆರಿಕ ಸಂಸ­ದರ ಜೊತೆಗಿನ ಸಭೆ ರದ್ದು­ಪಡಿ­­ಸಿ­­ದ್ದರು. ಅಲ್ಲದೇ ಭಾರತದಲ್ಲಿನ ಅಮೆರಿಕ ರಾಯ­ಭಾರಿ ನ್ಯಾನ್ಸಿ ಪೊವೆಲ್‌ ಅವರ ಬಳಿಯೂ ಭಾರತ ಪ್ರತಿಭಟನೆ ದಾಖಲಿಸಿತ್ತು.

ಪ್ರತಿಕ್ರಿಯಿಸಿ (+)