ಭಾನುವಾರ, ಜೂನ್ 13, 2021
24 °C

ಎಸ್‌ಬಿಐ ಜನರಲ್ ಇನ್ಶುರನ್ಸ್: ಒಂದು ವರ್ಷ ಪೂರ್ಣ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: `ಎಸ್‌ಬಿಐ~ ಜನರಲ್ ಇನ್ಶುರನ್ಸ್‌ನ ಬೆಂಗಳೂರು ಶಾಖೆಯು,  2011ನೇ ಸಾಲಿನಲ್ಲಿ ಸುಮಾರು 10 ಸಾವಿರ ಗ್ರಾಹಕರನ್ನು ಪಡೆದುಕೊಂಡಿದ್ದು, ಸಣ್ಣ, ಮಧ್ಯಮ, ಬೃಹತ್ ಮತ್ತು ಚಿಲ್ಲರೆ ಉದ್ಯಮಗಳಿಂದ ರೂ10 ಕೋಟಿ ಗಳಷ್ಟು ವಿಮಾ ಆದಾಯ ಗಳಿಸಿದೆ ಎಂದು ಕಂಪೆನಿ ಪ್ರಕಟಣೆ ತಿಳಿಸಿದೆ.

`ಎಸ್‌ಬಿಐ~ ಜನರಲ್ ಇನ್ಶುರನ್ಸ್ ಬೆಂಗಳೂರಿನಲ್ಲಿ ಯಶಸ್ವಿಯಾಗಿ ಒಂದು ವರ್ಷ ಪೂರೈಸಿದೆ. ಈ ಅವಧಿಯಲ್ಲಿ ಸುಮಾರು 3,600 ಸಣ್ಣ ಉದ್ದಿಮೆಗಳು ಮತ್ತು  ಸುಮಾರು 360 ಮಧ್ಯಮ ಹಾಗೂ ಬೃಹತ್ ಉದ್ಯಮಗಳ ಆಸ್ತಿಗಳಿಗೆ ವಿಮಾ ನೆರವು ಒದಗಿಸಲಾಗಿದೆ ಎಂದು  ಶಾಖಾ ಮುಖ್ಯ ವಿಕ್ರಯಾಧಿಕಾರಿ ಶಿವಾನಂದ ಗುಮಾಸ್ತೆ ತಿಳಿಸಿದ್ದಾರೆ.



`ಎಸ್‌ಬಿಐ~ನ ಸುಮಾರು 180 ಶಾಖೆಗಳ ಮೂಲಕ ರಾಜ್ಯದಲ್ಲಿ ವಿಮೆ ಮಾರಾಟ ಮಾಡಲಾಗಿದೆ. ಚಿಲ್ಲರೆ ಮತ್ತು ಮಧ್ಯಮ ಉದ್ಯಮಗಳ ವಿಮೆಗೆ ಹೆಚ್ಚಿನ ಬೇಡಿಕೆ ವ್ಯಕ್ತವಾಗಿದೆ. ಸದ್ಯ ಬೆಂಗಳೂರು ಶಾಖೆಯು 150 ಸಕ್ರಿಯ ಏಜೆಂಟರನ್ನು ಹೊಂದಿದ್ದು, ಈ ಸಂಖ್ಯೆಯನ್ನು ಹೆಚ್ಚಿಸಲು ನಿರ್ಧರಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.