<p><strong>ವಾಷಿಂಗ್ಟನ್ (ಪಿಟಿಐ</strong>): ಮಾಹಿತಿ ಸೋರಿಕೆ ಆರೋಪಕ್ಕೆ ಗುರಿಯಾಗಿರುವ ರಾಷ್ಟ್ರೀಯ ಭದ್ರತಾ ಸಂಸ್ಥೆ ಮಾಜಿ ಗುತ್ತಿಗೆದಾರ ಎಡ್ವರ್ಡ್ ಸ್ನೊಡೆನ್ ವಿಷಯದಲ್ಲಿ ಉಭಯ ದೇಶಗಳ ನಡುವೆ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿರುವುದರಿಂದ ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಅವರು ಮಾಸ್ಕೊ ಪ್ರವಾಸ ರದ್ದು ಮಾಡುವ ಸಾಧ್ಯತೆ ಇದೆ.<br /> <br /> `ಒಂದು ವೇಳೆ ಹೀಗಾದಲ್ಲಿ ಪುಟಿನ್ ತೀವ್ರ ಮುಖಭಂಗ ಎದುರಿಸಿದಂತಾಗುತ್ತದೆ' ಎಂದು ದಿ ನ್ಯೂಯಾರ್ಕ್ ಟೈಮ್ಸ ವರದಿ ಮಾಡಿದೆ.<br /> <br /> ಆದರೆ ಈ ಸಂಬಂಧ ಶ್ವೇತಭವನದಿಂದ ಅಧಿಕೃತ ಹೇಳಿಕೆ ಹೊರಬಿದ್ದಿಲ್ಲ. ಮಾಧ್ಯಮಗಳಲ್ಲಿ ಮಾತ್ರ ಇದು ಹೆಚ್ಚು ಸುದ್ದಿಯಾಗಿದೆ. `ಅಮೆರಿಕ ಸರ್ಕಾರವು ಒಬಾಮ-ಪುಟಿನ್ ಭೇಟಿ ರದ್ದು ಮಾಡುವ ಬಗ್ಗೆ ಚಿಂತಿಸುತ್ತಿದೆ' ಎಂದು ಗುರುವಾರ ಮಾಧ್ಯಮಗಳು ವರದಿ ಮಾಡಿವೆ. ರಷ್ಯಾದ ಸೇಂಟ್ ಪೀಟರ್ಸ್ಬರ್ಗ್ನಲ್ಲಿ ನಡೆಯಲಿರುವ ಜಿ-20 ಶೃಂಗಸಭೆಯಲ್ಲಿ ಭಾಗವಹಿಸಲು ಸೆಪ್ಟೆಂಬರ್ನಲ್ಲಿ ಒಬಾಮ ರಷ್ಯಾಗೆ ತೆರಳಬೇಕಿದೆ.<br /> <br /> ಸ್ನೊಡೆಲ್, ರಷ್ಯಾದಲ್ಲಿ ಆಶ್ರಯ ಕೇಳಿರುವ ಹಿನ್ನೆಲೆಯಲ್ಲಿ ಉಭಯ ದೇಶಗಳ ನಡುವೆ ಬಿಗುವಿನ ವಾತಾವರಣ ಉಂಟಾಗಿದೆ. ಸ್ನೊಡೆನ್ ಅವರನ್ನು ಅಮೆರಿಕಕ್ಕೆ ಮರಳಿ ಕಳಿಸುವಂತೆ ಒಬಾಮ ಆಡಳಿತ ರಷ್ಯಾ ಸರ್ಕಾರವನ್ನು ಆಗ್ರಹಿಸುತ್ತಲೇ ಇದೆ. ಸ್ನೊಡೆನ್ ವಿವಾದ ಮಾತ್ರವಲ್ಲ; ಸಿರಿಯಾ ಸಂಘರ್ಷ, ಅಣ್ವಸ್ತ್ರ ಹಾಗೂ ಭಿನ್ನಮತೀಯರನ್ನು ನಡೆಸಿಕೊಳ್ಳುತ್ತಿರುವ ಪುಟಿನ್ ಸರ್ಕಾರದ ನೀತಿ ವಿಷಯದಲ್ಲಿಯೂ ಇತ್ತೀಚಿನ ದಿನಗಳಲ್ಲಿ ಅಮೆರಿಕ-ರಷ್ಯಾ ಸಂಬಂಧ ಹಳಸಿದೆ.<br /> <br /> ಒಬಾಮ-ಪುಟಿನ್ ಭೇಟಿ ಬಗ್ಗೆ ಮಾಧ್ಯಮದವರು ಕೇಳಿದ ಪ್ರಶ್ನೆಗೆ ಶ್ವೇತಭವನದ ಪತ್ರಿಕಾ ಕಾರ್ಯದರ್ಶಿ ಜೇ ಕಾರ್ನಿ ಹಾರಿಕೆಯ ಉತ್ತರ ನೀಡಿದ್ದಾರೆ.<br /> <br /> ಕಳೆದ ವರ್ಷ ಕೂಡ ಉಭಯ ನಾಯಕರ ಉದ್ದೇಶಿತ ಭೇಟಿ ರದ್ದಾಗಿತ್ತು. ಕ್ಯಾಂಪ್ ಡೇವಿಡ್ನಲ್ಲಿ ನಡೆದ ಜಿ-8 ಶೃಂಗ ಸಭೆಗೆ ಪುಟಿನ್ ಆಗಮಿಸಿರಲಿಲ್ಲ. ತಮ್ಮ ನೂತನ ಸಂಪುಟ ರಚನೆ ಒತ್ತಡದಿಂದಾಗಿ ಸಭೆಗೆ ಬರುತ್ತಿಲ್ಲ ಎಂದು ಸಬೂಬು ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಪಿಟಿಐ</strong>): ಮಾಹಿತಿ ಸೋರಿಕೆ ಆರೋಪಕ್ಕೆ ಗುರಿಯಾಗಿರುವ ರಾಷ್ಟ್ರೀಯ ಭದ್ರತಾ ಸಂಸ್ಥೆ ಮಾಜಿ ಗುತ್ತಿಗೆದಾರ ಎಡ್ವರ್ಡ್ ಸ್ನೊಡೆನ್ ವಿಷಯದಲ್ಲಿ ಉಭಯ ದೇಶಗಳ ನಡುವೆ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿರುವುದರಿಂದ ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಅವರು ಮಾಸ್ಕೊ ಪ್ರವಾಸ ರದ್ದು ಮಾಡುವ ಸಾಧ್ಯತೆ ಇದೆ.<br /> <br /> `ಒಂದು ವೇಳೆ ಹೀಗಾದಲ್ಲಿ ಪುಟಿನ್ ತೀವ್ರ ಮುಖಭಂಗ ಎದುರಿಸಿದಂತಾಗುತ್ತದೆ' ಎಂದು ದಿ ನ್ಯೂಯಾರ್ಕ್ ಟೈಮ್ಸ ವರದಿ ಮಾಡಿದೆ.<br /> <br /> ಆದರೆ ಈ ಸಂಬಂಧ ಶ್ವೇತಭವನದಿಂದ ಅಧಿಕೃತ ಹೇಳಿಕೆ ಹೊರಬಿದ್ದಿಲ್ಲ. ಮಾಧ್ಯಮಗಳಲ್ಲಿ ಮಾತ್ರ ಇದು ಹೆಚ್ಚು ಸುದ್ದಿಯಾಗಿದೆ. `ಅಮೆರಿಕ ಸರ್ಕಾರವು ಒಬಾಮ-ಪುಟಿನ್ ಭೇಟಿ ರದ್ದು ಮಾಡುವ ಬಗ್ಗೆ ಚಿಂತಿಸುತ್ತಿದೆ' ಎಂದು ಗುರುವಾರ ಮಾಧ್ಯಮಗಳು ವರದಿ ಮಾಡಿವೆ. ರಷ್ಯಾದ ಸೇಂಟ್ ಪೀಟರ್ಸ್ಬರ್ಗ್ನಲ್ಲಿ ನಡೆಯಲಿರುವ ಜಿ-20 ಶೃಂಗಸಭೆಯಲ್ಲಿ ಭಾಗವಹಿಸಲು ಸೆಪ್ಟೆಂಬರ್ನಲ್ಲಿ ಒಬಾಮ ರಷ್ಯಾಗೆ ತೆರಳಬೇಕಿದೆ.<br /> <br /> ಸ್ನೊಡೆಲ್, ರಷ್ಯಾದಲ್ಲಿ ಆಶ್ರಯ ಕೇಳಿರುವ ಹಿನ್ನೆಲೆಯಲ್ಲಿ ಉಭಯ ದೇಶಗಳ ನಡುವೆ ಬಿಗುವಿನ ವಾತಾವರಣ ಉಂಟಾಗಿದೆ. ಸ್ನೊಡೆನ್ ಅವರನ್ನು ಅಮೆರಿಕಕ್ಕೆ ಮರಳಿ ಕಳಿಸುವಂತೆ ಒಬಾಮ ಆಡಳಿತ ರಷ್ಯಾ ಸರ್ಕಾರವನ್ನು ಆಗ್ರಹಿಸುತ್ತಲೇ ಇದೆ. ಸ್ನೊಡೆನ್ ವಿವಾದ ಮಾತ್ರವಲ್ಲ; ಸಿರಿಯಾ ಸಂಘರ್ಷ, ಅಣ್ವಸ್ತ್ರ ಹಾಗೂ ಭಿನ್ನಮತೀಯರನ್ನು ನಡೆಸಿಕೊಳ್ಳುತ್ತಿರುವ ಪುಟಿನ್ ಸರ್ಕಾರದ ನೀತಿ ವಿಷಯದಲ್ಲಿಯೂ ಇತ್ತೀಚಿನ ದಿನಗಳಲ್ಲಿ ಅಮೆರಿಕ-ರಷ್ಯಾ ಸಂಬಂಧ ಹಳಸಿದೆ.<br /> <br /> ಒಬಾಮ-ಪುಟಿನ್ ಭೇಟಿ ಬಗ್ಗೆ ಮಾಧ್ಯಮದವರು ಕೇಳಿದ ಪ್ರಶ್ನೆಗೆ ಶ್ವೇತಭವನದ ಪತ್ರಿಕಾ ಕಾರ್ಯದರ್ಶಿ ಜೇ ಕಾರ್ನಿ ಹಾರಿಕೆಯ ಉತ್ತರ ನೀಡಿದ್ದಾರೆ.<br /> <br /> ಕಳೆದ ವರ್ಷ ಕೂಡ ಉಭಯ ನಾಯಕರ ಉದ್ದೇಶಿತ ಭೇಟಿ ರದ್ದಾಗಿತ್ತು. ಕ್ಯಾಂಪ್ ಡೇವಿಡ್ನಲ್ಲಿ ನಡೆದ ಜಿ-8 ಶೃಂಗ ಸಭೆಗೆ ಪುಟಿನ್ ಆಗಮಿಸಿರಲಿಲ್ಲ. ತಮ್ಮ ನೂತನ ಸಂಪುಟ ರಚನೆ ಒತ್ತಡದಿಂದಾಗಿ ಸಭೆಗೆ ಬರುತ್ತಿಲ್ಲ ಎಂದು ಸಬೂಬು ಹೇಳಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
