ಗುರುವಾರ , ಜೂನ್ 17, 2021
26 °C

ಕಾಣದ ಕೈಗಳ ಪತ್ತೆಯಾಗಲಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರಿನಲ್ಲಿ ವಿದ್ಯುನ್ಮಾನ ಮಾಧ್ಯಮದವರ ಮೇಲಿನ ಹಲ್ಲೆ ಬಗ್ಗೆ ಪೊಲೀಸರಿಗೆ ಮುನ್ಸೂಚನೆ ಇದ್ದಿತೆಂಬುದು ನಿಜವಾಗಿದ್ದಲ್ಲಿ ಈಗ ಪತ್ರಕರ್ತರು ಹಾಗೂ ವಕೀಲರ ನಡುವೆ ನಡೆಯುತ್ತಿರುವ ಜಟಾಪಟಿಯನ್ನು ನಿಲ್ಲಿಸಿ ಗಲಭೆಯ ಹಿಂದಿನ ಕಾಣದ ಕೈಗಳು ಯಾವುವು ಎಂಬುದನ್ನು ತಿಳಿಯಲು ಯತ್ನಿಸುವುದು ಅತಿ ಜರೂರಾಗಿ ಆಗ ಬೇಕಾಗಿರುವ ಕೆಲಸ.



ಮಾಜೀ ಮಂತ್ರಿಯೊಬ್ಬರನ್ನು ನ್ಯಾಯಾಲಯದಲ್ಲಿ ಹಾಜರು ಪಡಿಸುವ ಸಮಯದಲ್ಲಿ ಹೀಗೆ ಆಗಿದೆಯೆಂದರೆ ಅದರ  ಹಿಂದೆ ಬೇರೆಯೇ ಶಕ್ತಿಗಳು ಕೆಲಸಮಾಡಿವೆ ಎಂದೇ  ಹೇಳಬಹುದು. ಹಿಂದೆ ಒಬ್ಬ ಮುಖ್ಯಮಂತ್ರಿಯನ್ನು ಕೆಳಗಿಳಿಸಲು  ಕೋಮು ಗಲಭೆಹುಟ್ಟುಹಾಕಿದ ರಾಜಕೀಯ ಚರಿತ್ರೆ ಇರುವ ರಾಜ್ಯ ಇದು.



ಸಮಾಜದಲ್ಲಿ ಮಾಧ್ಯಮಗಳು ಮತ್ತು ನ್ಯಾಯವಾದಿಗಳು ಇಬ್ಬರೂ ಅತಿ ಮುಖ್ಯ ಪಾತ್ರ ವಹಿಸುವವರು. ಇಂಥವರು ಬೇರೆ ಯಾರದೋ ಚಿತಾವಣೆಗೆ ಒಳಗಾಗಿ ಒಬ್ಬರ ಮೇಲೊಬ್ಬರು ಕೆಸರು ಚೆಲ್ಲುವುದು ಆತಂಕಕಾರಿಯಾದ ಬೆಳವಣಿಗೆ.



ಹಾಗಾಗಿ ಪ್ರತಿಷ್ಠೆಯನ್ನು ಬದಿಗೊತ್ತಿ ವಸ್ತುನಿಷ್ಠವಾಗಿ ಆಗಿದ್ದೇನು ಮತ್ತು ಆಗಬೇಕಾದದ್ದೇನು ಎಂಬುದರ ಕುರಿತು ಎರಡೂ ಕಡೆಯವರು ಜತೆಗೂಡಿ ಯೋಚನೆ ಮಾಡುವುದು ಮುಂದಿನ ಕಾರ್ಯಕ್ರಮವಾಗಬೇಕಾಗಿದೆ.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.