ಕಿಡ್ನಿ ದಿನ: ನಾಳೆ ಉಚಿತ ತಪಾಸಣೆ

ಬೆಂಗಳೂರು: ನಗರದ ವಿಕ್ರಂ ಆಸ್ಪತ್ರೆಯು ಮಾ. 13ರಂದು ವಿಶ್ವ ಕಿಡ್ನಿ ದಿನದ ಅಂಗವಾಗಿ ಉಚಿತ ತಪಾಸಣಾ ಶಿಬಿರ ಆಯೋಜಿಸಿದೆ. ಬಡವರಿಗೆ ರಿಯಾಯಿತಿ ದರದಲ್ಲಿ ಚಿಕಿತ್ಸೆ ನೀಡಲೂ ನಿರ್ಧರಿಸಿದೆ.



ಪತ್ರಿಕಾ ಗೋಷ್ಠಿಯಲ್ಲಿ ಮಂಗಳ­ವಾರ ವಿಕ್ರಂ ಆಸ್ಪತ್ರೆ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಸುಧೀರ್‌ ಪೈ ಹಾಗೂ ಉಪ ವೈದ್ಯಕೀಯ ಅಧೀಕ್ಷಕ ಡಾ. ರವೀಶ್‌ ಈ ಮಾಹಿತಿ ನೀಡಿದರು. ‘ಮಕ್ಕ­ಳಿಂದ ಮುದುಕರವರೆಗೆ ಎಲ್ಲ ವಯೋ­ಮಾನದವರ ಮೂತ್ರ­ರೋಗ ಹಾಗೂ ಮೂತ್ರಪಿಂಡ ಸಮ­ಸ್ಯೆ­ಗಳಿಗೆ ನಮ್ಮ ಆಸ್ಪತ್ರೆಯಲ್ಲಿ ಪರಿಹಾರ ಲಭ್ಯವಿದೆ’ ಎಂದು ಹೇಳಿದರು.



‘ದಿನದ ಅವಧಿಯಲ್ಲಿ ಹೆಚ್ಚಿನ ಪ್ರಮಾಣದ ನೀರು ಸೇವನೆ ಮಾಡಿದರೆ ಮೂತ್ರಪಿಂಡದಲ್ಲಿ ಹರಳುಗಳಾಗುವ (ಕಿಡ್ನಿ ಸ್ಟೋನ್‌) ಸಾಧ್ಯತೆ ತುಂಬಾ ಕಡಿಮೆ’ ಎಂದು ತಿಳಿಸಿದರು.