ಗುರುವಾರ , ಜೂನ್ 24, 2021
23 °C

ಕೆಟ್ಟ ವಾಸನೆ, ಸೊಳ್ಳೆ, ಹಂದಿ- ನಾಯಿಗಳ ಹಾವಳಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತಲಘಟ್ಟಪುರ: ಒಂದೆಡೆ ಕೆಟ್ಟ ವಾಸನೆ, ಮತ್ತೊಂದೆಡೆ ಸೊಳ್ಳೆ, ನೊಣ, ಹಂದಿ-ನಾಯಿಗಳ ಹಾವಳಿಯ ನಡುವೆಯೇ ಬಿಬಿಎಂಪಿ ವ್ಯಾಪ್ತಿಯ ಕೊತ್ತನೂರು ರಸ್ತೆಯ ಹರಿ ನಗರ, ಭವಾನಿ ದೇವಸ್ಥಾನ, ಟಿಸಿಎಚ್ ಕಾಲೇಜು ಸುತ್ತಮುತ್ತಲ ಪ್ರದೇಶದ ಜನ ಜೀವನ ಸಾಗಿಸುವಂತಾಗಿದೆ.



ಇಲ್ಲಿ ಹೊಸದಾಗಿ ನಿರ್ಮಾಣವಾದ ಬಡಾವಣೆಗಳ ಶೌಚಾಲಯದ ನೀರು, ತೆರೆದ ಚರಂಡಿಯಲ್ಲಿ ಹರಿಯುತ್ತಿದೆ. ಇದರಿಂದ ಜನತೆ ಕೆಟ್ಟ ವಾಸನೆಯ ಗಾಳಿ ಸೇವನೆ ಮಾಡುವಂತಾಗಿದೆ. ಇನ್ನು ನಾಯಿ, ಹಂದಿ, ಬೀಡಾಡಿ ಹಸುಗಳ ಕಾಟ ಕೂಡ ಹೇಳತೀರದು.



ಕುಡಿಯುವ ನೀರಿನ ಸಮಸ್ಯೆಯೂ ಬಿಗಡಾಯಿಸಿದೆ. ನಾಲ್ಕೈದು ದಿನಕ್ಕೊಮ್ಮೆ 30 ನಿಮಿಷ ಮಾತ್ರ ಜಲಮಂಡಳಿ ನೀರು ಬಿಡುತ್ತಿದೆ. ಕೆಲವೊಮ್ಮೆ ಸರಿಯಾಗಿ ನೀರು ಸಿಗುವುದೇ ಇಲ್ಲ ಎಂದು ಗೃಹಿಣಿಯರಾದ ಸಂಧ್ಯಾ, ಸಮೀರಾ ನೊಂದು ನುಡಿದರು.



ಹಣವಂತರು ಟ್ಯಾಂಕರ್ ನೀರಿಗೆ 250- 300 ರೂಪಾಯಿ ಕೊಟ್ಟು ಖರೀದಿಸಿ ನೀರಿನ ಬವಣೆ ನೀಗಿಸಿಕೊಳ್ಳುತ್ತಾರೆ. ಆದರೆ, ಬಡವರು ಮಾತ್ರ ನೀರಿಗಾಗಿ ಬಿಂದಿಗೆಗಳನ್ನು ಹಿಡಿದು ಅಲೆಯಬೇಕಾಗಿದೆ. ಕೂಗಳತೆ ದೂರದಲ್ಲಿರುವ ಕೊತ್ತನೂರು ಬಡಾವಣೆ, ಆರ್‌ಬಿಐ ಲೇಔಟ್, ಜೆ.ಪಿ. ನಗರ, ಕನಕಪುರ ರಸ್ತೆ ಮುಂತಾದ ಪ್ರದೇಶಗಳಿಗೆ ನಿತ್ಯ ಕಾವೇರಿ ನೀರು ಸರಬರಾಜು ಮಾಡಲಾಗುತ್ತಿದೆ.

 

ಆದರೆ, ಸಾಮಾನ್ಯ ಜನರು ವಾಸಿಸುವ ಬಡಾವಣೆಗಳಿಗೆ ಕೊಳವೆ ಬಾವಿ ನೀರು ಕೂಡ ಸರಿಯಾಗಿ ಪೂರೈಕೆಯಾಗುತ್ತಿಲ್ಲ ಎಂದು ಸ್ಥಳೀಯರು ದೂರಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.