<p>ರಾಜ್ಯದಲ್ಲಿ ರೈಲ್ವೆ ಯೋಜನೆಗಳ ವಿಳಂಬಕ್ಕೆ `ಭೂಸ್ವಾಧೀನ ಪೂರ್ಣಗೊಳಿಸಿಲ್ಲ; ಭೂಮಿ ಹಸ್ತಾಂತರ ಮಾಡಿಲ್ಲ.....~ ಎಂದು ಇನ್ನುಮುಂದೆ ರೈಲ್ವೆ ಇಲಾಖೆ ಕುಂಟುನೆಪಗಳನ್ನು ಹೇಳುವ ಹಾಗಿಲ್ಲ.<br /> <br /> ಬೇಕಾಗಿರುವ ಒಟ್ಟು 2,494 ಎಕರೆ ಪೈಕಿ 2,400 ಎಕರೆ ಜಮೀನನ್ನು ರಾಜ್ಯ ಸರ್ಕಾರ ರೈಲ್ವೆಗೆ ಹಸ್ತಾಂತರ ಮಾಡಿದೆ. ಅಂದರೆ ಬಾಕಿ ಇರುವುದು ಕೇವಲ 94 ಎಕರೆ ಮಾತ್ರ. ಅದು ಕೂಡ ಸ್ವಲ್ಪ ದಿನದಲ್ಲಿ ಹಸ್ತಾಂತರವಾಗಲಿದೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ.<br /> <br /> ರೈಲ್ವೆ ಯೋಜನೆಗಳ ವಿಳಂಬಕ್ಕೆ ಭೂಸ್ವಾಧೀನ ಪ್ರಕ್ರಿಯೆಯೇ ದೊಡ್ಡ ತಲೆನೋವಾಗಿತ್ತು. ರೈಲ್ವೆ ಇಲಾಖೆ ಅಧಿಕಾರಿಗಳ ಜತೆ ಸಭೆ ಕರೆದಾಗಲೆಲ್ಲ ಭೂಸ್ವಾಧೀನದ್ದೇ ಚರ್ಚೆ. ಇನ್ನು ಮುಂದೆ ಹೊಸ ಯೋಜನೆಗಳಿಗೆ ಭೂಮಿ ಕೇಳಿದ ತಕ್ಷಣವೇ ಹಸ್ತಾಂತರ ಮಾಡಲು ರಾಜ್ಯ ಸರ್ಕಾರ ಮುಂದಾಗಿದೆ. <br /> <br /> 2010ರ ನಂತರ ಮಂಜೂರಾದ ಯೋಜನೆಗಳಿಗೆ ಮಾತ್ರ ಭೂಸ್ವಾಧೀನಕ್ಕೆ ರಾಜ್ಯ ಸರ್ಕಾರವೇ ಹಣ ನೀಡುತ್ತಿದೆ. ಹಳೆ ಯೋಜನೆಗಳಿಗೆ ಸಂಬಂಧಿಸಿದ 2,494 ಎಕರೆ ಭೂಸ್ವಾಧೀನಕ್ಕೆ ರೈಲ್ವೆಯೇ ಹಣ ನೀಡಿದೆ.<br /> <br /> `ಭೂಸ್ವಾಧೀನ ಕುರಿತ ದೂರುಗಳಿಂದ ರೋಸಿಹೋಗಿದ್ದ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಎಸ್.ವಿ.ರಂಗನಾಥ್ ಅವರು ಅದಕ್ಕೆ ಪರಿಹಾರ ಕಂಡುಕೊಳ್ಳಬೇಕೆಂದು ರೈಲ್ವೆ ಯೋಜನೆಗಳಿಗೆ ಸಂಬಂಧಿಸಿದ ಭೂಸ್ವಾಧೀನವನ್ನು `ತುರ್ತು~ ನಿಯಮಗಳಡಿ ಕೈಗೆತ್ತಿಕೊಂಡು, ಆದಷ್ಟು ಬೇಗ ಹಸ್ತಾಂತರ ಮಾಡಬೇಕೆಂದು ಕಟ್ಟಾಜ್ಞೆ ಮಾಡಿದರು. ಅದರ ಫಲವಾಗಿ ಇವತ್ತು ರೈಲ್ವೆಗೆ ಪೂರ್ಣ ಪ್ರಮಾಣದ ಭೂಮಿ ಹಸ್ತಾಂತರ ಮಾಡಲಾಗಿದೆ~ ಎಂದು ಹಿರಿಯ ಅಧಿಕಾರಿಯೊಬ್ಬರು `ಪ್ರಜಾವಾಣಿ~ಗೆ ತಿಳಿಸಿದರು.<br /> <br /> ಹಾಸನ- ಬೆಂಗಳೂರು, ಮೈಸೂರು- ಬೆಂಗಳೂರು, ಕೊಟ್ಟೂರು- ಹರಿಹರ, ಕಡೂರು- ಚಿಕ್ಕಮಗಳೂರು, ಅರಸೀಕೆರೆ- ಬೀರೂರು, ಕೋಲಾರ- ಚಿಕ್ಕಬಳ್ಳಾಪುರ, ಮುನಿರಾಬಾದ್- ಮೆಹಬೂಬ್ನಗರ, ಶಿವಮೊಗ್ಗ- ತಾಳಗುಪ್ಪ.... ಹೀಗೆ ಎಲ್ಲ ಹಳೆಯ ಯೋಜನೆಗಳಿಗೆ ಸಂಬಂಧಿಸಿದಂತೆ ಭೂಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳಿಸಲಾಗಿದೆ. ತುಮಕೂರು- ರಾಯದುರ್ಗ ಯೋಜನೆಗೆ ಸಂಬಂಧಿಸಿದಂತೆ ಭೂಸ್ವಾಧೀನಕ್ಕೆ ರೈಲ್ವೆ ಇಲಾಖೆ ಪತ್ರ ಬರೆದಿದ್ದು, ಸದ್ಯದಲ್ಲೇ ಅದು ಕೂಡ ಪೂರ್ಣವಾಗುವ ಸಾಧ್ಯತೆ ಇದೆ.<br /> <br /> ಈ ಯೋಜನೆಗೆ ಸಂಬಂಧಿಸಿದಂತೆ ರಾಜ್ಯದಲ್ಲಿ ಸುಮಾರು 102 ಕಿ.ಮೀ ಉದ್ದದ ರೈಲ್ವೆ ಮಾರ್ಗ ಹಾದು ಹೋಗಲಿದ್ದು, ಇದರಲ್ಲಿ ಸುಮಾರು 52 ಕಿ.ಮೀಗೆ ಬೇಕಾಗುವಷ್ಟು ಜಮೀನನ್ನು ಸ್ವಾಧೀನಪಡಿಸಿಕೊಳ್ಳಲಾಗಿದೆ. ತುಮಕೂರು ನಗರದ ಆಸುಪಾಸು ಸೇರಿದಂತೆ ಇನ್ನೂ ಕೆಲ ಕಡೆ ಭೂಸ್ವಾಧೀನ ಬಾಕಿ ಇದೆ. <br /> <br /> ಬಾಗಲಕೋಟೆ- ಕುಡಚಿ ನಡುವಿನ 141 ಕಿ.ಮೀ ಉದ್ದದ ರೈಲ್ವೆ ಯೋಜನೆಗೆ ರಾಜ್ಯ ಸರ್ಕಾರವೇ ತನ್ನ ಖರ್ಚಿನಲ್ಲಿ ಭೂಸ್ವಾಧೀನ ಮಾಡಿದೆ. ರೈಲ್ವೆ ಇಲಾಖೆ ಜಮೀನು ಕೋರಿದ ಕೇವಲ ಎಂಟು ತಿಂಗಳಲ್ಲಿಯೇ ಭೂಮಿ ಹಸ್ತಾಂತರ ಮಾಡಿದ್ದು, ಇದೊಂದು ದಾಖಲೆ ಅವಧಿಯ ಭೂಸ್ವಾಧೀನ ಎಂದೂ ಬಣ್ಣಿಸಲಾಗಿದೆ. <br /> <br /> <strong>ವಿಳಂಬಕ್ಕೆ ರೈಲ್ವೆ ಕಾರಣ: </strong>`ಭೂಸ್ವಾಧೀನ ವಿಳಂಬಕ್ಕೆ ರಾಜ್ಯ ಸರ್ಕಾರಕ್ಕಿಂತ ರೈಲ್ವೆ ಇಲಾಖೆಯೇ ಪ್ರಮುಖ ಕಾರಣ. ಬಜೆಟ್ನಲ್ಲಿ ಯೋಜನೆ ಪ್ರಕಟಿಸಿದ ತಕ್ಷಣವೇ ಜಮೀನಿಗೆ ಬೇಡಿಕೆ ಸಲ್ಲಿಸಿ, ಹಣ ಸಂದಾಯ ಮಾಡಿದ್ದರೆ ಈ ವೇಳೆಗೆ ಎಲ್ಲ ಯೋಜನೆಗಳಿಗೂ ಭೂಮಿಯನ್ನು ಹಸ್ತಾಂತರ ಮಾಡಬಹುದಿತ್ತು. ಆದರೆ, ರೈಲ್ವೆ ಇಲಾಖೆ ಹಂತ ಹಂತವಾಗಿ ಪ್ರಸ್ತಾವಗಳನ್ನು ಸಲ್ಲಿಸುತ್ತದೆ. ಅದರ ನಂತರ ಹಣ ನೀಡುವುದೂ ವಿಳಂಬ.<br /> <br /> ಈ ಕಾರಣದಿಂದ ಭೂಸ್ವಾಧೀನ ಪ್ರಕ್ರಿಯೆ ನಿಧಾನವಾಯಿತು~ ಎಂದು ಕಂದಾಯ ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ. ಉದಾಹರಣೆಗೆ ಬೆಂಗಳೂರು- ಮೈಸೂರು ಜೋಡಿ ರೈಲು ಮಾರ್ಗದ ಯೋಜನೆ ಕೈಗೆತ್ತಿಕೊಂಡು ಹಲವು ವರ್ಷಗಳೇ ಕಳೆದರೂ ಅದಕ್ಕೆ ಸಂಬಂಧಿಸಿದ ಭೂಸ್ವಾಧೀನ ಪ್ರಕ್ರಿಯೆ ಮಾತ್ರ ಇದುವರೆಗೂ ಪೂರ್ಣಗೊಂಡಿಲ್ಲ. ಇದಕ್ಕೆ ಕಾರಣ ರೈಲ್ವೆ ಇಲಾಖೆ. `ಕಾಲಕಾಲಕ್ಕೆ ಪ್ರಸ್ತಾವಗಳನ್ನು ಸಲ್ಲಿಸಿ, ಜಮೀನು ಕೇಳಿದ್ದರೆ ಯಾವ ಸಮಸ್ಯೆಯೂ ಇರುತ್ತಿರಲಿಲ್ಲ. ಒಂದು ಹಂತದ ಯೋಜನೆ ಪೂರ್ಣಗೊಂಡ ನಂತರ ಮತ್ತೊಂದು ಹಂತದ ಯೋಜನೆಯನ್ನು ಪ್ರಾಥಮಿಕ ಹಂತದಿಂದ ಕೈಗೆತ್ತಿಕೊಳ್ಳಲಾಗುತ್ತಿದೆ. <br /> <br /> ಇದರಿಂದ ವಿಳಂಬವಾಯಿತು~ ಎನ್ನುವುದು ರೈಲ್ವೆ ಇಲಾಖೆ ಅಧಿಕಾರಿಗಳ ವಿವರಣೆ. `ಯೋಜನೆಗೆ ಮಂಜೂರಾತಿ ಸಿಕ್ಕ ನಂತರ ಭೂಸ್ವಾಧೀನಕ್ಕೆ ರೈಲ್ವೆ ಅಧಿಕಾರಿಗಳು ಬೇಡಿಕೆ ಸಲ್ಲಿಸಬೇಕು. ಅದೇ ಸಂದರ್ಭದಲ್ಲಿ ಹಣ ಕೂಡ ಬಿಡುಗಡೆ ಮಾಡಬೇಕು. ಹಾಗೆ ಮಾಡಿದಾಗ ಭೂಸ್ವಾಧೀನ ಪ್ರಕ್ರಿಯೆ ವಿಳಂಬ ಆಗುವುದನ್ನು ತಡೆಯಬಹುದು~ ಎನ್ನುತ್ತಾರೆ ಕಂದಾಯ ಇಲಾಖೆ ಅಧಿಕಾರಿಗಳು.<br /> <br /> <strong>ತಕ್ಷಣ ಜಮೀನು: </strong>ತುಮಕೂರು- ಚಿತ್ರದುರ್ಗ; ಶಿವಮೊಗ್ಗ- ಹರಿಹರ; ವೈಟ್ಫೀಲ್ಡ್- ಕೋಲಾರ ನಡುವಿನ ರೈಲ್ವೆ ಯೋಜನೆಗಳಿಗೆ ಜಮೀನು ಕೇಳಿದ ತಕ್ಷಣವೇ ಸರ್ಕಾರ ನೀಡಲು ಸಿದ್ಧತೆ ನಡೆಸಿದೆ. ಈ ಯೋಜನೆಗಳಿಗೂ ರಾಜ್ಯ ಸರ್ಕಾರವೇ ಭೂಮಿ ವೆಚ್ಚವನ್ನೂ ಭರಿಸಲಿದೆ. ಹೀಗಾಗಿ ಹಣ ಬಿಡುಗಡೆಗೂ ರಾಜ್ಯ ಸರ್ಕಾರ ತುದಿಗಾಲ ಮೇಲೆ ನಿಂತಿದೆ. ಆದರೆ, ರೈಲ್ವೆ ಮಾತ್ರ ಆ ಬಗ್ಗೆ ಆಸಕ್ತಿ ತೋರಿಸುತ್ತಿಲ್ಲ. ಹೀಗಾಗಿ ಈ ಯೋಜನೆಗಳು ಕೇವಲ ಘೋಷಣೆಯಾಗಿಯೇ ಉಳಿದಿವೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ರಾಜ್ಯದಲ್ಲಿ ರೈಲ್ವೆ ಯೋಜನೆಗಳ ವಿಳಂಬಕ್ಕೆ `ಭೂಸ್ವಾಧೀನ ಪೂರ್ಣಗೊಳಿಸಿಲ್ಲ; ಭೂಮಿ ಹಸ್ತಾಂತರ ಮಾಡಿಲ್ಲ.....~ ಎಂದು ಇನ್ನುಮುಂದೆ ರೈಲ್ವೆ ಇಲಾಖೆ ಕುಂಟುನೆಪಗಳನ್ನು ಹೇಳುವ ಹಾಗಿಲ್ಲ.<br /> <br /> ಬೇಕಾಗಿರುವ ಒಟ್ಟು 2,494 ಎಕರೆ ಪೈಕಿ 2,400 ಎಕರೆ ಜಮೀನನ್ನು ರಾಜ್ಯ ಸರ್ಕಾರ ರೈಲ್ವೆಗೆ ಹಸ್ತಾಂತರ ಮಾಡಿದೆ. ಅಂದರೆ ಬಾಕಿ ಇರುವುದು ಕೇವಲ 94 ಎಕರೆ ಮಾತ್ರ. ಅದು ಕೂಡ ಸ್ವಲ್ಪ ದಿನದಲ್ಲಿ ಹಸ್ತಾಂತರವಾಗಲಿದೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ.<br /> <br /> ರೈಲ್ವೆ ಯೋಜನೆಗಳ ವಿಳಂಬಕ್ಕೆ ಭೂಸ್ವಾಧೀನ ಪ್ರಕ್ರಿಯೆಯೇ ದೊಡ್ಡ ತಲೆನೋವಾಗಿತ್ತು. ರೈಲ್ವೆ ಇಲಾಖೆ ಅಧಿಕಾರಿಗಳ ಜತೆ ಸಭೆ ಕರೆದಾಗಲೆಲ್ಲ ಭೂಸ್ವಾಧೀನದ್ದೇ ಚರ್ಚೆ. ಇನ್ನು ಮುಂದೆ ಹೊಸ ಯೋಜನೆಗಳಿಗೆ ಭೂಮಿ ಕೇಳಿದ ತಕ್ಷಣವೇ ಹಸ್ತಾಂತರ ಮಾಡಲು ರಾಜ್ಯ ಸರ್ಕಾರ ಮುಂದಾಗಿದೆ. <br /> <br /> 2010ರ ನಂತರ ಮಂಜೂರಾದ ಯೋಜನೆಗಳಿಗೆ ಮಾತ್ರ ಭೂಸ್ವಾಧೀನಕ್ಕೆ ರಾಜ್ಯ ಸರ್ಕಾರವೇ ಹಣ ನೀಡುತ್ತಿದೆ. ಹಳೆ ಯೋಜನೆಗಳಿಗೆ ಸಂಬಂಧಿಸಿದ 2,494 ಎಕರೆ ಭೂಸ್ವಾಧೀನಕ್ಕೆ ರೈಲ್ವೆಯೇ ಹಣ ನೀಡಿದೆ.<br /> <br /> `ಭೂಸ್ವಾಧೀನ ಕುರಿತ ದೂರುಗಳಿಂದ ರೋಸಿಹೋಗಿದ್ದ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಎಸ್.ವಿ.ರಂಗನಾಥ್ ಅವರು ಅದಕ್ಕೆ ಪರಿಹಾರ ಕಂಡುಕೊಳ್ಳಬೇಕೆಂದು ರೈಲ್ವೆ ಯೋಜನೆಗಳಿಗೆ ಸಂಬಂಧಿಸಿದ ಭೂಸ್ವಾಧೀನವನ್ನು `ತುರ್ತು~ ನಿಯಮಗಳಡಿ ಕೈಗೆತ್ತಿಕೊಂಡು, ಆದಷ್ಟು ಬೇಗ ಹಸ್ತಾಂತರ ಮಾಡಬೇಕೆಂದು ಕಟ್ಟಾಜ್ಞೆ ಮಾಡಿದರು. ಅದರ ಫಲವಾಗಿ ಇವತ್ತು ರೈಲ್ವೆಗೆ ಪೂರ್ಣ ಪ್ರಮಾಣದ ಭೂಮಿ ಹಸ್ತಾಂತರ ಮಾಡಲಾಗಿದೆ~ ಎಂದು ಹಿರಿಯ ಅಧಿಕಾರಿಯೊಬ್ಬರು `ಪ್ರಜಾವಾಣಿ~ಗೆ ತಿಳಿಸಿದರು.<br /> <br /> ಹಾಸನ- ಬೆಂಗಳೂರು, ಮೈಸೂರು- ಬೆಂಗಳೂರು, ಕೊಟ್ಟೂರು- ಹರಿಹರ, ಕಡೂರು- ಚಿಕ್ಕಮಗಳೂರು, ಅರಸೀಕೆರೆ- ಬೀರೂರು, ಕೋಲಾರ- ಚಿಕ್ಕಬಳ್ಳಾಪುರ, ಮುನಿರಾಬಾದ್- ಮೆಹಬೂಬ್ನಗರ, ಶಿವಮೊಗ್ಗ- ತಾಳಗುಪ್ಪ.... ಹೀಗೆ ಎಲ್ಲ ಹಳೆಯ ಯೋಜನೆಗಳಿಗೆ ಸಂಬಂಧಿಸಿದಂತೆ ಭೂಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳಿಸಲಾಗಿದೆ. ತುಮಕೂರು- ರಾಯದುರ್ಗ ಯೋಜನೆಗೆ ಸಂಬಂಧಿಸಿದಂತೆ ಭೂಸ್ವಾಧೀನಕ್ಕೆ ರೈಲ್ವೆ ಇಲಾಖೆ ಪತ್ರ ಬರೆದಿದ್ದು, ಸದ್ಯದಲ್ಲೇ ಅದು ಕೂಡ ಪೂರ್ಣವಾಗುವ ಸಾಧ್ಯತೆ ಇದೆ.<br /> <br /> ಈ ಯೋಜನೆಗೆ ಸಂಬಂಧಿಸಿದಂತೆ ರಾಜ್ಯದಲ್ಲಿ ಸುಮಾರು 102 ಕಿ.ಮೀ ಉದ್ದದ ರೈಲ್ವೆ ಮಾರ್ಗ ಹಾದು ಹೋಗಲಿದ್ದು, ಇದರಲ್ಲಿ ಸುಮಾರು 52 ಕಿ.ಮೀಗೆ ಬೇಕಾಗುವಷ್ಟು ಜಮೀನನ್ನು ಸ್ವಾಧೀನಪಡಿಸಿಕೊಳ್ಳಲಾಗಿದೆ. ತುಮಕೂರು ನಗರದ ಆಸುಪಾಸು ಸೇರಿದಂತೆ ಇನ್ನೂ ಕೆಲ ಕಡೆ ಭೂಸ್ವಾಧೀನ ಬಾಕಿ ಇದೆ. <br /> <br /> ಬಾಗಲಕೋಟೆ- ಕುಡಚಿ ನಡುವಿನ 141 ಕಿ.ಮೀ ಉದ್ದದ ರೈಲ್ವೆ ಯೋಜನೆಗೆ ರಾಜ್ಯ ಸರ್ಕಾರವೇ ತನ್ನ ಖರ್ಚಿನಲ್ಲಿ ಭೂಸ್ವಾಧೀನ ಮಾಡಿದೆ. ರೈಲ್ವೆ ಇಲಾಖೆ ಜಮೀನು ಕೋರಿದ ಕೇವಲ ಎಂಟು ತಿಂಗಳಲ್ಲಿಯೇ ಭೂಮಿ ಹಸ್ತಾಂತರ ಮಾಡಿದ್ದು, ಇದೊಂದು ದಾಖಲೆ ಅವಧಿಯ ಭೂಸ್ವಾಧೀನ ಎಂದೂ ಬಣ್ಣಿಸಲಾಗಿದೆ. <br /> <br /> <strong>ವಿಳಂಬಕ್ಕೆ ರೈಲ್ವೆ ಕಾರಣ: </strong>`ಭೂಸ್ವಾಧೀನ ವಿಳಂಬಕ್ಕೆ ರಾಜ್ಯ ಸರ್ಕಾರಕ್ಕಿಂತ ರೈಲ್ವೆ ಇಲಾಖೆಯೇ ಪ್ರಮುಖ ಕಾರಣ. ಬಜೆಟ್ನಲ್ಲಿ ಯೋಜನೆ ಪ್ರಕಟಿಸಿದ ತಕ್ಷಣವೇ ಜಮೀನಿಗೆ ಬೇಡಿಕೆ ಸಲ್ಲಿಸಿ, ಹಣ ಸಂದಾಯ ಮಾಡಿದ್ದರೆ ಈ ವೇಳೆಗೆ ಎಲ್ಲ ಯೋಜನೆಗಳಿಗೂ ಭೂಮಿಯನ್ನು ಹಸ್ತಾಂತರ ಮಾಡಬಹುದಿತ್ತು. ಆದರೆ, ರೈಲ್ವೆ ಇಲಾಖೆ ಹಂತ ಹಂತವಾಗಿ ಪ್ರಸ್ತಾವಗಳನ್ನು ಸಲ್ಲಿಸುತ್ತದೆ. ಅದರ ನಂತರ ಹಣ ನೀಡುವುದೂ ವಿಳಂಬ.<br /> <br /> ಈ ಕಾರಣದಿಂದ ಭೂಸ್ವಾಧೀನ ಪ್ರಕ್ರಿಯೆ ನಿಧಾನವಾಯಿತು~ ಎಂದು ಕಂದಾಯ ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ. ಉದಾಹರಣೆಗೆ ಬೆಂಗಳೂರು- ಮೈಸೂರು ಜೋಡಿ ರೈಲು ಮಾರ್ಗದ ಯೋಜನೆ ಕೈಗೆತ್ತಿಕೊಂಡು ಹಲವು ವರ್ಷಗಳೇ ಕಳೆದರೂ ಅದಕ್ಕೆ ಸಂಬಂಧಿಸಿದ ಭೂಸ್ವಾಧೀನ ಪ್ರಕ್ರಿಯೆ ಮಾತ್ರ ಇದುವರೆಗೂ ಪೂರ್ಣಗೊಂಡಿಲ್ಲ. ಇದಕ್ಕೆ ಕಾರಣ ರೈಲ್ವೆ ಇಲಾಖೆ. `ಕಾಲಕಾಲಕ್ಕೆ ಪ್ರಸ್ತಾವಗಳನ್ನು ಸಲ್ಲಿಸಿ, ಜಮೀನು ಕೇಳಿದ್ದರೆ ಯಾವ ಸಮಸ್ಯೆಯೂ ಇರುತ್ತಿರಲಿಲ್ಲ. ಒಂದು ಹಂತದ ಯೋಜನೆ ಪೂರ್ಣಗೊಂಡ ನಂತರ ಮತ್ತೊಂದು ಹಂತದ ಯೋಜನೆಯನ್ನು ಪ್ರಾಥಮಿಕ ಹಂತದಿಂದ ಕೈಗೆತ್ತಿಕೊಳ್ಳಲಾಗುತ್ತಿದೆ. <br /> <br /> ಇದರಿಂದ ವಿಳಂಬವಾಯಿತು~ ಎನ್ನುವುದು ರೈಲ್ವೆ ಇಲಾಖೆ ಅಧಿಕಾರಿಗಳ ವಿವರಣೆ. `ಯೋಜನೆಗೆ ಮಂಜೂರಾತಿ ಸಿಕ್ಕ ನಂತರ ಭೂಸ್ವಾಧೀನಕ್ಕೆ ರೈಲ್ವೆ ಅಧಿಕಾರಿಗಳು ಬೇಡಿಕೆ ಸಲ್ಲಿಸಬೇಕು. ಅದೇ ಸಂದರ್ಭದಲ್ಲಿ ಹಣ ಕೂಡ ಬಿಡುಗಡೆ ಮಾಡಬೇಕು. ಹಾಗೆ ಮಾಡಿದಾಗ ಭೂಸ್ವಾಧೀನ ಪ್ರಕ್ರಿಯೆ ವಿಳಂಬ ಆಗುವುದನ್ನು ತಡೆಯಬಹುದು~ ಎನ್ನುತ್ತಾರೆ ಕಂದಾಯ ಇಲಾಖೆ ಅಧಿಕಾರಿಗಳು.<br /> <br /> <strong>ತಕ್ಷಣ ಜಮೀನು: </strong>ತುಮಕೂರು- ಚಿತ್ರದುರ್ಗ; ಶಿವಮೊಗ್ಗ- ಹರಿಹರ; ವೈಟ್ಫೀಲ್ಡ್- ಕೋಲಾರ ನಡುವಿನ ರೈಲ್ವೆ ಯೋಜನೆಗಳಿಗೆ ಜಮೀನು ಕೇಳಿದ ತಕ್ಷಣವೇ ಸರ್ಕಾರ ನೀಡಲು ಸಿದ್ಧತೆ ನಡೆಸಿದೆ. ಈ ಯೋಜನೆಗಳಿಗೂ ರಾಜ್ಯ ಸರ್ಕಾರವೇ ಭೂಮಿ ವೆಚ್ಚವನ್ನೂ ಭರಿಸಲಿದೆ. ಹೀಗಾಗಿ ಹಣ ಬಿಡುಗಡೆಗೂ ರಾಜ್ಯ ಸರ್ಕಾರ ತುದಿಗಾಲ ಮೇಲೆ ನಿಂತಿದೆ. ಆದರೆ, ರೈಲ್ವೆ ಮಾತ್ರ ಆ ಬಗ್ಗೆ ಆಸಕ್ತಿ ತೋರಿಸುತ್ತಿಲ್ಲ. ಹೀಗಾಗಿ ಈ ಯೋಜನೆಗಳು ಕೇವಲ ಘೋಷಣೆಯಾಗಿಯೇ ಉಳಿದಿವೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
