<p><strong>ಅಮ್ಮತ್ತಿ (ಕೊಡಗು):</strong> ಹದಿನಾರನೇ ವಾರ್ಷಿಕ ಕೊಡವ ಕೌಟುಂಬಿಕ ಹಾಕಿ ಉತ್ಸವ `ಐಚೆಟ್ಟಿರ ಕಪ್~ಗೆ ಶನಿವಾರ ವಿಧಾನಸಭಾಧ್ಯಕ್ಷ ಕೆ.ಜಿ. ಬೋಪಯ್ಯ ಚಾಲನೆ ನೀಡಿದರು. <br /> <br /> ಹಾಕಿ ರಂಗಕ್ಕೆ ಉತ್ತಮ ಆಟಗಾರರನ್ನು ನೀಡಿದ ಹೆಮ್ಮೆ ಕೊಡಗು ಜಿಲ್ಲೆಗಿದ್ದು, ಕ್ರೀಡೆಗಳ ತವರೂರು ಎನ್ನುವ ಖ್ಯಾತಿ ಶಾಶ್ವತವಾಗಿರಲಿ ಎಂದು ಅವರು ಹಾರೈಸಿದರು. <br /> <br /> ಸಮಾರಂಭದ ಮುಖ್ಯ ಅತಿಥಿಯಾಗಿ ಆಗಮಿಸಿದ ಭಾರತ ಹಾಕಿ ತಂಡದ ತರಬೇತುದಾರ ಮೈಕೆಲ್ ನಾಬ್ಸ್ ಮಾತನಾಡಿ, ಕೊಡವ ಕುಟುಂಬಗಳ ಹಾಕಿ ಉತ್ಸವದ ಬಗ್ಗೆ ಬಹಳಷ್ಟು ಕೇಳಿದ್ದೆ. ಇದನ್ನು ನೋಡಬೇಕೆನ್ನುವ ಬಯಕೆ ಇಂದು ನನಸಾಯಿತು ಎಂದರು. <br /> <br /> ಐಚೆಟ್ಟಿರ ಕುಟುಂಬದ ಮುಖ್ಯಸ್ಥ ಐ.ಪಿ. ಕುಟ್ಟಪ್ಪ, ಸಂಘಟನಾ ಸಮಿತಿಯ ಅಧ್ಯಕ್ಷ ಐ. ಕೆ. ಅನಿಲ್, ಕೊಡವ ಹಾಕಿ ಉತ್ಸವದ ಜನಕ ಪಾಂಡಂಡ ಕುಟ್ಟಪ್ಪ, ಹಾಕಿ ಇಂಡಿಯಾ ಅಧ್ಯಕ್ಷೆ ಮರಿಯಮ್ಮ ಕೋಷಿ ಇತರರು ಭಾಗವಹಿಸಿದ್ದರು. <br /> <br /> ಸಮಾರಂಭದಲ್ಲಿ ಸಂಸದ ಎಚ್.ವಿಶ್ವನಾಥ್, ವಿಧಾನ ಪರಿಷತ್ ಸದಸ್ಯ ಎಂ.ಸಿ. ನಾಣಯ್ಯ, ಶಾಸಕ ಎಂ.ಪಿ. ಅಪ್ಪಚ್ಚು ರಂಜನ್, ಜಿ.ಪಂ. ಅಧ್ಯಕ್ಷ ಶಾಂತೆಯಂಡ ರವಿ ಕುಶಾಲಪ್ಪ, ಪತ್ರಕರ್ತ ಎಂ.ಎ. ಪೊನ್ನಪ್ಪ ಇತರರು ಉಪಸ್ಥಿತರಿದ್ದರು. <br /> <br /> <strong>ರಂಜಿಸಿದ ಪಂದ್ಯ: </strong>ಉದ್ಘಾಟನಾ ಸಮಾರಂಭದ ನಿಮಿತ್ತ ಇಂಡಿಯಾ ಇಲೆವೆನ್ ತಂಡ ಹಾಗೂ ಕೂರ್ಗ್ ಇಲೆವೆನ್ ತಂಡಗಳ ನಡುವೆ ಆಯೋಜಿಸಲಾಗಿದ್ದ ಪ್ರದರ್ಶನ ಪಂದ್ಯವು ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸಿತು.<br /> <br /> ಇಂಡಿಯಾ ಇಲೆವನ್ ತಂಡದಲ್ಲಿ ಒಲಿಂಪಿಕ್ಗೆ ಆಯ್ಕೆಯಾಗಿರುವ ತಂಡದ ಸದಸ್ಯರು ಆಟವಾಡಿದರೆ ಕೂರ್ಗ್ ಇಲೆವನ್ ತಂಡದಲ್ಲಿ ಕೊಡಗು ಜಿಲ್ಲೆಯ ಆಟಗಾರರು ಭಾಗವಹಿಸಿದ್ದರು. <br /> <br /> ಪಂದ್ಯದ ಮೊದಲಾರ್ಧದಲ್ಲಿ ಕೂರ್ಗ್ ಇಲೆವನ್ ತಂಡದ ಪಾಂಡಂಡ ಎ. ಅಪ್ಪಯ್ಯ ಅವರು ಮೊದಲ ಗೋಲು ದಾಖಲಿಸಿದರು. ಮುಂದಿನ ಕ್ಷಣದಲ್ಲಿಯೇ ಇಂಡಿಯಾ ಇಲೆವನ್ ತಂಡದ ಗುಣಶೇಖರ್ ಗೋಲು ಬಾರಿಸುವ ಮೂಲಕ ಸಮಬಲ ಸಾಧಿಸಿದರು. <br /> <br /> ದ್ವಿತೀಯಾರ್ಧದಲ್ಲಿ ಇಂಡಿಯಾ ಇಲೆವನ್ ತಂಡವು ಮೇಲುಗೈ ಸಾಧಿಸಿತು. ಎಸ್.ಕೆ. ಉತ್ತಪ್ಪ ಹಾಗೂ ಶಂಕರ್ ಪಾಟೀಲ ತಲಾ ಒಂದು ಗೋಲು ಗಳಿಸಿದರು. ಈ ಮೂಲಕ ಪಂದ್ಯವನ್ನು 3-1 ಗೋಲುಗಳಿಂದ ಇಂಡಿಯಾ ಇಲೆವನ್ ತನ್ನದಾಗಿಸಿಕೊಂಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಮ್ಮತ್ತಿ (ಕೊಡಗು):</strong> ಹದಿನಾರನೇ ವಾರ್ಷಿಕ ಕೊಡವ ಕೌಟುಂಬಿಕ ಹಾಕಿ ಉತ್ಸವ `ಐಚೆಟ್ಟಿರ ಕಪ್~ಗೆ ಶನಿವಾರ ವಿಧಾನಸಭಾಧ್ಯಕ್ಷ ಕೆ.ಜಿ. ಬೋಪಯ್ಯ ಚಾಲನೆ ನೀಡಿದರು. <br /> <br /> ಹಾಕಿ ರಂಗಕ್ಕೆ ಉತ್ತಮ ಆಟಗಾರರನ್ನು ನೀಡಿದ ಹೆಮ್ಮೆ ಕೊಡಗು ಜಿಲ್ಲೆಗಿದ್ದು, ಕ್ರೀಡೆಗಳ ತವರೂರು ಎನ್ನುವ ಖ್ಯಾತಿ ಶಾಶ್ವತವಾಗಿರಲಿ ಎಂದು ಅವರು ಹಾರೈಸಿದರು. <br /> <br /> ಸಮಾರಂಭದ ಮುಖ್ಯ ಅತಿಥಿಯಾಗಿ ಆಗಮಿಸಿದ ಭಾರತ ಹಾಕಿ ತಂಡದ ತರಬೇತುದಾರ ಮೈಕೆಲ್ ನಾಬ್ಸ್ ಮಾತನಾಡಿ, ಕೊಡವ ಕುಟುಂಬಗಳ ಹಾಕಿ ಉತ್ಸವದ ಬಗ್ಗೆ ಬಹಳಷ್ಟು ಕೇಳಿದ್ದೆ. ಇದನ್ನು ನೋಡಬೇಕೆನ್ನುವ ಬಯಕೆ ಇಂದು ನನಸಾಯಿತು ಎಂದರು. <br /> <br /> ಐಚೆಟ್ಟಿರ ಕುಟುಂಬದ ಮುಖ್ಯಸ್ಥ ಐ.ಪಿ. ಕುಟ್ಟಪ್ಪ, ಸಂಘಟನಾ ಸಮಿತಿಯ ಅಧ್ಯಕ್ಷ ಐ. ಕೆ. ಅನಿಲ್, ಕೊಡವ ಹಾಕಿ ಉತ್ಸವದ ಜನಕ ಪಾಂಡಂಡ ಕುಟ್ಟಪ್ಪ, ಹಾಕಿ ಇಂಡಿಯಾ ಅಧ್ಯಕ್ಷೆ ಮರಿಯಮ್ಮ ಕೋಷಿ ಇತರರು ಭಾಗವಹಿಸಿದ್ದರು. <br /> <br /> ಸಮಾರಂಭದಲ್ಲಿ ಸಂಸದ ಎಚ್.ವಿಶ್ವನಾಥ್, ವಿಧಾನ ಪರಿಷತ್ ಸದಸ್ಯ ಎಂ.ಸಿ. ನಾಣಯ್ಯ, ಶಾಸಕ ಎಂ.ಪಿ. ಅಪ್ಪಚ್ಚು ರಂಜನ್, ಜಿ.ಪಂ. ಅಧ್ಯಕ್ಷ ಶಾಂತೆಯಂಡ ರವಿ ಕುಶಾಲಪ್ಪ, ಪತ್ರಕರ್ತ ಎಂ.ಎ. ಪೊನ್ನಪ್ಪ ಇತರರು ಉಪಸ್ಥಿತರಿದ್ದರು. <br /> <br /> <strong>ರಂಜಿಸಿದ ಪಂದ್ಯ: </strong>ಉದ್ಘಾಟನಾ ಸಮಾರಂಭದ ನಿಮಿತ್ತ ಇಂಡಿಯಾ ಇಲೆವೆನ್ ತಂಡ ಹಾಗೂ ಕೂರ್ಗ್ ಇಲೆವೆನ್ ತಂಡಗಳ ನಡುವೆ ಆಯೋಜಿಸಲಾಗಿದ್ದ ಪ್ರದರ್ಶನ ಪಂದ್ಯವು ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸಿತು.<br /> <br /> ಇಂಡಿಯಾ ಇಲೆವನ್ ತಂಡದಲ್ಲಿ ಒಲಿಂಪಿಕ್ಗೆ ಆಯ್ಕೆಯಾಗಿರುವ ತಂಡದ ಸದಸ್ಯರು ಆಟವಾಡಿದರೆ ಕೂರ್ಗ್ ಇಲೆವನ್ ತಂಡದಲ್ಲಿ ಕೊಡಗು ಜಿಲ್ಲೆಯ ಆಟಗಾರರು ಭಾಗವಹಿಸಿದ್ದರು. <br /> <br /> ಪಂದ್ಯದ ಮೊದಲಾರ್ಧದಲ್ಲಿ ಕೂರ್ಗ್ ಇಲೆವನ್ ತಂಡದ ಪಾಂಡಂಡ ಎ. ಅಪ್ಪಯ್ಯ ಅವರು ಮೊದಲ ಗೋಲು ದಾಖಲಿಸಿದರು. ಮುಂದಿನ ಕ್ಷಣದಲ್ಲಿಯೇ ಇಂಡಿಯಾ ಇಲೆವನ್ ತಂಡದ ಗುಣಶೇಖರ್ ಗೋಲು ಬಾರಿಸುವ ಮೂಲಕ ಸಮಬಲ ಸಾಧಿಸಿದರು. <br /> <br /> ದ್ವಿತೀಯಾರ್ಧದಲ್ಲಿ ಇಂಡಿಯಾ ಇಲೆವನ್ ತಂಡವು ಮೇಲುಗೈ ಸಾಧಿಸಿತು. ಎಸ್.ಕೆ. ಉತ್ತಪ್ಪ ಹಾಗೂ ಶಂಕರ್ ಪಾಟೀಲ ತಲಾ ಒಂದು ಗೋಲು ಗಳಿಸಿದರು. ಈ ಮೂಲಕ ಪಂದ್ಯವನ್ನು 3-1 ಗೋಲುಗಳಿಂದ ಇಂಡಿಯಾ ಇಲೆವನ್ ತನ್ನದಾಗಿಸಿಕೊಂಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
