<p><strong>ಸಿಂಫೆರೊಪಾಲ್ (ಎಎಫ್ಪಿ): </strong>ಉಕ್ರೇನ್ನಿಂದ ಬೇರ್ಪಟ್ಟು, ರಷ್ಯಾದೊಂದಿಗೆ ಸೇರಲು ಅಥವಾ ಸ್ವಾಯತ್ತ ದೇಶವಾಗಲು ಕ್ರಿಮಿಯಾ ಗಣರಾಜ್ಯದಲ್ಲಿ ಭಾನುವಾರ ನಡೆದ ಜನಮತ ಗಣನೆಯಲ್ಲಿ ಸಾಕಷ್ಟು ಸಂಖ್ಯೆಯ ಜನರು ಭಾಗವಹಿಸಿ ಮತದಾನ ಮಾಡಿದರು.<br /> <br /> ಬಹುತೇಕ ರಷ್ಯಾ ಮೂಲನಿವಾಸಿಗಳೇ ಹೆಚ್ಚಿರುವ ಈ ವಜ್ರದಾಕಾರದ ಕಪ್ಪು ಸಮುದ್ರ ಪರ್ಯಾಯ ದ್ವೀಪದಲ್ಲಿ ೧೫ ಲಕ್ಷ ಜನರು ಜನಮತಗಣನೆ ಮತದಾನದಲ್ಲಿ ಪಾಲ್ಗೊಂಡಿದ್ದರು.<br /> <br /> ಜನಮತಗಣನೆಯ ಫಲಿತಾಂಶವನ್ನು ತಾವು ಮಾನ್ಯ ಮಾಡುವುದಿಲ್ಲ ಎಂದು ರಷ್ಯಾ ಹೊರತುಪಡಿಸಿ, ಉಕ್ರೇನ್ನ ಹೊಸ ಸರ್ಕಾರ ಮತ್ತು ಅಂತರರಾಷ್ಟ್ರೀಯ ಸಮುದಾಯ ಈಗಾಗಲೇ ಸ್ಪಷ್ಟಪಡಿಸಿವೆ.<br /> <br /> ಕಳೆದ ತಿಂಗಳು ಉಕ್ರೇನ್ನಲ್ಲಿ ಅಧ್ಯಕ್ಷವಿಕ್ಟರ್ ಯನುಕೋವಿಚ್ ಅವರ ವಿರುದ್ಧ ಪ್ರತಿಭಟನೆ ನಡೆದು, ಅವರನ್ನು ಪದಚ್ಯುತಿಗೊಳಿಸಿದ ನಂತರ ಹೊಸ ಹಂಗಾಮಿ ಸರ್ಕಾರ ಸ್ಥಾಪನೆಯಾಗಿದೆ.<br /> <br /> ಆನಂತರ ರಷ್ಯಾ ಸರ್ಕಾರಿ ಸೇನೆ ಮತ್ತು ಅದರ ಪರವಿರುವ ಪ್ರಜಾ ಸೇನೆ, ಉಕ್ರೇನ್ ಆಡಳಿತವಿದ್ದ ಕ್ರಿಮಿಯಾವನ್ನು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡಿವೆ. ಕ್ರಿಮಿಯಾ ಸಂಸತ್ ಕೂಡ ರಷ್ಯಾ ಪರನಿರ್ಣಯ ಕೈಗೊಂಡಿದೆ.<br /> <br /> ಉಕ್ರೇನ್ ಮತ್ತು ರಷ್ಯಾ ಸೇನೆಗಳು ಈಗ ಕ್ರಿಮಿಯಾ ಗಡಿಯಲ್ಲಿವೆ. ವಿಶ್ವಸಂಸ್ಥೆ, ಅಮೆರಿಕ, ಐರೋಪ್ಯ ಒಕ್ಕೂಟ ಸೇರಿ ಅಂತರರಾಷ್ಟ್ರೀಯ ಸಮುದಾಯ, ರಷ್ಯಾದ ಹಸ್ತಕ್ಷೇಪವನ್ನು ವಿರೋಧಿಸಿವೆ.<br /> <br /> ಭದ್ರತಾ ಮಂಡಳಿಯಲ್ಲಿ ಪಾಶ್ಚಿಮಾತ್ಯ ರಾಷ್ಟ್ರಗಳು ಶನಿವಾರ ರಾತ್ರಿ ಮಂಡಿಸಿದ ನಿರ್ಣಯವನ್ನು ರಷ್ಯಾ ತನ್ನ ವಿಟೊ ಅಧಿಕಾರ ಬಳಸಿ ತಿರಸ್ಕರಿಸಿದ್ದು, ಚೀನಾ ಈ ಸಭೆಗೆ ಗೈರುಹಾಜರಾಗಿತ್ತು.<br /> <br /> ಇದರಿಂದ ಪೂರ್ವ ಯೂರೋಪ್ ಗಡಿಯಲ್ಲಿರುವ ಈ ಗಣರಾಜ್ಯದಲ್ಲಿ ಶೀತಲಸಮರ ಮಾದರಿಯ ಭದ್ರತಾ ಬಿಕ್ಕಟ್ಟು ಇನ್ನಷ್ಟು ತೀವ್ರಗೊಂಡಿದೆ. ಉಕ್ರೇನ್ ಮತ್ತು ರಷ್ಯಾ ನಡುವೆ ಯುದ್ಧ ಭೀತಿ ನಿರ್ಮಾಣವಾಗಿದ್ದು, ಇದನ್ನು ಖಂಡಿಸಿ ಪ್ರತಿಭಟನೆಗಳು ನಡೆದಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಂಫೆರೊಪಾಲ್ (ಎಎಫ್ಪಿ): </strong>ಉಕ್ರೇನ್ನಿಂದ ಬೇರ್ಪಟ್ಟು, ರಷ್ಯಾದೊಂದಿಗೆ ಸೇರಲು ಅಥವಾ ಸ್ವಾಯತ್ತ ದೇಶವಾಗಲು ಕ್ರಿಮಿಯಾ ಗಣರಾಜ್ಯದಲ್ಲಿ ಭಾನುವಾರ ನಡೆದ ಜನಮತ ಗಣನೆಯಲ್ಲಿ ಸಾಕಷ್ಟು ಸಂಖ್ಯೆಯ ಜನರು ಭಾಗವಹಿಸಿ ಮತದಾನ ಮಾಡಿದರು.<br /> <br /> ಬಹುತೇಕ ರಷ್ಯಾ ಮೂಲನಿವಾಸಿಗಳೇ ಹೆಚ್ಚಿರುವ ಈ ವಜ್ರದಾಕಾರದ ಕಪ್ಪು ಸಮುದ್ರ ಪರ್ಯಾಯ ದ್ವೀಪದಲ್ಲಿ ೧೫ ಲಕ್ಷ ಜನರು ಜನಮತಗಣನೆ ಮತದಾನದಲ್ಲಿ ಪಾಲ್ಗೊಂಡಿದ್ದರು.<br /> <br /> ಜನಮತಗಣನೆಯ ಫಲಿತಾಂಶವನ್ನು ತಾವು ಮಾನ್ಯ ಮಾಡುವುದಿಲ್ಲ ಎಂದು ರಷ್ಯಾ ಹೊರತುಪಡಿಸಿ, ಉಕ್ರೇನ್ನ ಹೊಸ ಸರ್ಕಾರ ಮತ್ತು ಅಂತರರಾಷ್ಟ್ರೀಯ ಸಮುದಾಯ ಈಗಾಗಲೇ ಸ್ಪಷ್ಟಪಡಿಸಿವೆ.<br /> <br /> ಕಳೆದ ತಿಂಗಳು ಉಕ್ರೇನ್ನಲ್ಲಿ ಅಧ್ಯಕ್ಷವಿಕ್ಟರ್ ಯನುಕೋವಿಚ್ ಅವರ ವಿರುದ್ಧ ಪ್ರತಿಭಟನೆ ನಡೆದು, ಅವರನ್ನು ಪದಚ್ಯುತಿಗೊಳಿಸಿದ ನಂತರ ಹೊಸ ಹಂಗಾಮಿ ಸರ್ಕಾರ ಸ್ಥಾಪನೆಯಾಗಿದೆ.<br /> <br /> ಆನಂತರ ರಷ್ಯಾ ಸರ್ಕಾರಿ ಸೇನೆ ಮತ್ತು ಅದರ ಪರವಿರುವ ಪ್ರಜಾ ಸೇನೆ, ಉಕ್ರೇನ್ ಆಡಳಿತವಿದ್ದ ಕ್ರಿಮಿಯಾವನ್ನು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡಿವೆ. ಕ್ರಿಮಿಯಾ ಸಂಸತ್ ಕೂಡ ರಷ್ಯಾ ಪರನಿರ್ಣಯ ಕೈಗೊಂಡಿದೆ.<br /> <br /> ಉಕ್ರೇನ್ ಮತ್ತು ರಷ್ಯಾ ಸೇನೆಗಳು ಈಗ ಕ್ರಿಮಿಯಾ ಗಡಿಯಲ್ಲಿವೆ. ವಿಶ್ವಸಂಸ್ಥೆ, ಅಮೆರಿಕ, ಐರೋಪ್ಯ ಒಕ್ಕೂಟ ಸೇರಿ ಅಂತರರಾಷ್ಟ್ರೀಯ ಸಮುದಾಯ, ರಷ್ಯಾದ ಹಸ್ತಕ್ಷೇಪವನ್ನು ವಿರೋಧಿಸಿವೆ.<br /> <br /> ಭದ್ರತಾ ಮಂಡಳಿಯಲ್ಲಿ ಪಾಶ್ಚಿಮಾತ್ಯ ರಾಷ್ಟ್ರಗಳು ಶನಿವಾರ ರಾತ್ರಿ ಮಂಡಿಸಿದ ನಿರ್ಣಯವನ್ನು ರಷ್ಯಾ ತನ್ನ ವಿಟೊ ಅಧಿಕಾರ ಬಳಸಿ ತಿರಸ್ಕರಿಸಿದ್ದು, ಚೀನಾ ಈ ಸಭೆಗೆ ಗೈರುಹಾಜರಾಗಿತ್ತು.<br /> <br /> ಇದರಿಂದ ಪೂರ್ವ ಯೂರೋಪ್ ಗಡಿಯಲ್ಲಿರುವ ಈ ಗಣರಾಜ್ಯದಲ್ಲಿ ಶೀತಲಸಮರ ಮಾದರಿಯ ಭದ್ರತಾ ಬಿಕ್ಕಟ್ಟು ಇನ್ನಷ್ಟು ತೀವ್ರಗೊಂಡಿದೆ. ಉಕ್ರೇನ್ ಮತ್ತು ರಷ್ಯಾ ನಡುವೆ ಯುದ್ಧ ಭೀತಿ ನಿರ್ಮಾಣವಾಗಿದ್ದು, ಇದನ್ನು ಖಂಡಿಸಿ ಪ್ರತಿಭಟನೆಗಳು ನಡೆದಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
