ಭಾನುವಾರ, ಜೂನ್ 20, 2021
25 °C

ಕ್ಷಾಮದಿಂದ ಸಿಂಧೂ ನಾಗರಿಕತೆ ಅಳಿವು?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಂಡನ್‌ (ಪಿಟಿಐ): ವಾಯವ್ಯ ಭಾರತ­ದಲ್ಲಿ ಹಠಾತ್ತಾಗಿ ಮುಂಗಾರು ದುರ್ಬಲ­ ಗೊಂಡದ್ದೇ 4,000 ವರ್ಷಗಳ ಹಿಂದೆ ಸಿಂಧೂ ಕಣಿವೆ ನಾಗರಿಕತೆ ಕುಸಿ­ಯಲು ಕಾರಣ ಎಂದು ಪ್ರಾಚೀನ ನಾಗ­ರಿ­ಕತೆ­ಗಳ ಮೇಲೆ ಹವಾ­ಮಾನ ಬದಲಾ­ವ­­ಣೆಯ ಪರಿಣಾಮ­ಗಳ ಬಗೆಗಿನ ಕೇಂಬ್ರಿಜ್‌ ವಿಶ್ವವಿದ್ಯಾಲಯದ ಅಧ್ಯಯನವೊಂದು ಹೇಳಿದೆ.



ಸಿಂಧೂ ಕಣಿವೆ ನಗರೀಕರಣ­ಗೊ­ಳ್ಳುತ್ತಿದ್ದ ಆರಂಭಿಕ ದಿನ­ಗಳಲ್ಲಿ ಮುಂಗಾರು ದುರ್ಬಲಗೊಂಡಿದ್ದ­ರಿಂದಾಗಿ ತೀವ್ರ ಕ್ಷಾಮ ಉಂಟಾಯಿತು. 

ಈಶಾನ್ಯ ಭಾರತದ ಮೇಘಾಲಯ, ಒಮಾನ್‌ ಮತ್ತು ಅರಬ್ಬಿ ಸಮುದ್ರಗಳ ಪುರಾವೆಗಳನ್ನೂ ಒಟ್ಟಾಗಿ ಇಟ್ಟು ನೋಡಿ­ದಾಗ ಭಾರತದ ದೊಡ್ಡ ಭೂ­ಪ್ರದೇಶ­ದಲ್ಲಿ ಮುಂಗಾರು ದುರ್ಬಲ­ಗೊಂಡಿ­ರುವುದು ದೃಢವಾಗುತ್ತದೆ ಎಂದು ಕೇಂಬ್ರಿಜ್‌ ವಿಶ್ವವಿದ್ಯಾಲಯದ ಭೂ­ವಿಜ್ಞಾನ ವಿಭಾಗದ ಡೇವಿಡ್‌ ಹೊಡೆಲ್‌ ಹೇಳಿದ್ದಾರೆ.



ದೊಡ್ಡ ನಗರಗಳಲ್ಲಿ ವಾಸಿಸುತ್ತಿದ್ದ ಜನರು ಚದುರಿ ಹೋಗಿರುವುದು ನಿಜ. ಆದರೆ ಯಾವುದಾದರೂ ಒಂದೇ ಕಾರಣ­­­ದಿಂದ ಹಾಗೆ ಆಗಿರಬಹುದು ಎಂದು ಹೇಳುವುದು ಅಸಾಧ್ಯ. ಆದರೆ ಹವಾ­ಮಾನ ಬದಲಾವಣೆ ಒಂದು ಮುಖ್ಯ­ವಾದಕಾರಣವಂತೂ ಹೌದು ಎಂದು ಅವರು ವಿಶ್ಲೇಷಿಸಿದ್ದಾರೆ.



ಬ್ರಿಟನ್‌– ಭಾರತ ಶಿಕ್ಷಣ ಮತ್ತು ಸಂಶೋಧನಾ ಉಪಕ್ರಮ ಈ ಅಧ್ಯಯನಕ್ಕೆ ಅನುದಾನ ಒದಗಿಸಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.