ಗುರುವಾರ , ಮೇ 13, 2021
40 °C

ಚಂದಾ ವಸೂಲಿ ತಡೆ ಸಾಧ್ಯವೆ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಂದಾ ವಸೂಲಿ ಮಾಡದಂತೆಯೂ ಹಾಗೂ ಮಾಡಿದರೆ ಉಗ್ರ ಕ್ರಮ ಕೈಗೊಳ್ಳುವುದಾಗಿಯೂ ಆರಕ್ಷಕರಿಗೆ ಗೃಹ ಇಲಾಖೆ ಸಭೆಯಲ್ಲಿ ಗೃಹ ಮಂತ್ರಿ ಜಾರ್ಜ್ ಎಚ್ಚರಿಸಿದ್ದಾರೆ.



ಆದರೆ ಈ ಚಂದಾ ವಸೂಲಿ ದಂಧೆ ನಾಜೂಕಾಗಿ ಪೊಲೀಸರ ಜೀವನದಲ್ಲಿ ಹಾಸುಹೊಕ್ಕಾಗಿದ್ದು ಇದನ್ನು ಓಡಿಸುವುದು ಅಷ್ಟು ಸುಲಭದ ಮಾತಲ್ಲ. ರಸ್ತೆ ಬದಿಯಲ್ಲಿ ಬೋಂಡಾ ಮಾರುವಾತ ಶಪಿಸುತ್ತಾ ಇವರಿಗೆ ಮಾಮೂಲಿ ಕೊಡುತ್ತಾನೆ. ಬೆಳಿಗ್ಗೆ ಎಲ್ಲೋ ಕೆಲಸ ಮಾಡಿಕೊಂಡು ಬಂದು ಸಂಜೆ ವೇಳೆ ಹೊಟ್ಟೆಪಾಡಿಗಾಗಿ ಒಂದು ತಳ್ಳುವ ಗಾಡಿಯಲ್ಲಿ ಬಂದು ವ್ಯಾಪಾರ ಶುರು ಮಾಡಿದ್ದೆ ತಡ ಪೊಲೀಸರು ಬಂದು ಮಾಮೂಲಿ ನಿಗದಿಗೊಳಿಸುತ್ತಾರೆ. ಅವರಲ್ಲೂ ಭೇದಗಳಿವೆ. ಬಿಳಿಗೆ ಇಷ್ಟು ಖಾಕಿಗೆ ಇಷ್ಟು ಅಂತ. ಇದಕ್ಕಾಗಿ  ಪೊಲೀಸ್ ಇಲಾಖೆ ಇವರಿಗೆ ಚೀತಾ, ಹೊಯ್ಸಳ ಎಂಬ ಹೆಸರಿನ ವಾಹನಗಳನ್ನು ಕೊಟ್ಟಿದೆ ಎಂದು ಜನ ಮಾತನಾಡುವುದನ್ನು ನಾವು ಕೇಳುತ್ತಿದ್ದೇವೆ. ಗೃಹಸಚಿವರ ಹೇಳಿಕೆಯಿಂದ ಯಾರೂ ಕಂಗೆಟ್ಟು ಕುಳಿತಂತೆ ಕಾಣುತ್ತಿಲ್ಲ. ನಿಜಕ್ಕೂ ಈ ಕಾರ್ಯ ಫಲಪ್ರದವಾಗಿಸಲು ಸರ್ಕಾರ ಶ್ರಮಿಸಲಿ.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.