ಜೆ.ಸಿ.ಪಟೇಲ್‌ ಬಳಿ ನಗದು ಇಲ್ಲ!

ದಾವಣಗೆರೆ: ದಾವಣಗೆರೆ ಲೋಕಸಭಾ ಕ್ಷೇತ್ರದಿಂದ ಸರ್ವ ಜನತಾ ಪಕ್ಷದಿಂದ ಕಣಕ್ಕೆ ಇಳಿದಿರುವ ಜೆ.ಸಿ.ಪಟೇಲ್‌ ತಮ್ಮ ಆಸ್ತಿ ವಿವರ ಘೋಷಣೆ ಮಾಡಿಕೊಂಡಿದ್ದು, ಅವರ ಬಳಿ ಯಾವುದೇ ನಗದು ಇಲ್ಲ. ಬ್ಯಾಂಕ್‌ನಲ್ಲಿ ನಿಗದಿತ ಠೇವಣಿ ಬಿಟ್ಟರೆ ಹೆಚ್ಚಿನ ಹಣವೂ ಇಲ್ಲ!



ಕೆನರಾ ಬ್ಯಾಂಕ್‌ನ ಅವರ ಖಾತೆಯಲ್ಲಿ ₨ 500 ಹಾಗೂ ಪತ್ನಿ ಖಾತೆಯಲ್ಲಿ ಕಾರ್ಪೋರೇಷನ್‌ ಬ್ಯಾಂಕ್‌– ₨ 500, ಕರ್ನಾಟಕ ಬ್ಯಾಂಕ್‌– ₨ 500 ಮೂಲ ಠೇವಣಿ ಇದೆ. ಅವರ ಬಳಿ ಎರಡು ಬೈಕ್‌ ಹಾಗೂ 1 ಕಾರು ಇದೆ. ಪಟೇಲ್‌ ಬಳಿ 30 ಗ್ರಾಂ ಚಿನ್ನಾಭರಣ, ಪತ್ನಿ ಹೆಸರಲ್ಲಿ 90 ಗ್ರಾಂ ಚಿನ್ನಾಭರಣ ಇದೆ ಎಂದು ಉಲ್ಲೇಖಿಸಿದ್ದಾರೆ.



ಅವಿಭಕ್ತ ಕುಟುಂಬದ ಆಸ್ತಿ ಒಟ್ಟು 21 ಎಕರೆ ಇದೆ ಎಂದು ಉಲ್ಲೇಖಿಸಿದ್ದಾರೆ. ಇವರ ಮೇಲೆ ಯಾವುದೇ ಕ್ರಿಮಿನಲ್‌ ಮೊಕದ್ದಮೆ ದಾಖಲಾಗಿಲ್ಲ.