<p><strong>ನ್ಯೂಯಾರ್ಕ್ (ಪಿಟಿಐ):</strong> `ಅಮೆರಿಕದ ಅಧ್ಯಕ್ಷರು ಯಾರೊಂದಿಗೂ ಬೆರೆಯುವುದಿಲ್ಲ, ವಿಶ್ವದ ನಾಯಕರೊಂದಿಗೆ ಸ್ನೇಹ ಬೆಳೆಸುವುದಿಲ್ಲ~ ಎಂಬ ಟೀಕೆಗೆ ಎದಿರೇಟು ನೀಡಿರುವ ಬರಾಕ್ ಒಬಾಮ, ಭಾರತದ ಪ್ರಧಾನಿ ಮನಮೋಹನ್ ಸಿಂಗ್ ಹಾಗೂ ಜರ್ಮನಿಯ ಚಾನ್ಸಲರ್ ಏಂಜೆಲಾ ಮರ್ಕೆಲ್ ತಮ್ಮ ಸ್ನೇಹವಲಯದ ಗಣ್ಯರ ಪಟ್ಟಿಯಲ್ಲಿ ಬರುತ್ತಾರೆ ಎಂದಿದ್ದಾರೆ.<br /> <br /> `ವಿಶ್ವದ ನಾಯಕರೊಂದಿಗೆ ಸ್ನೇಹ ಹಾಗೂ ವಿಶ್ವಾಸ ಬೆಳೆಸಿಕೊಳ್ಳುವಲ್ಲಿ ಹಿಂದೆ ಬಿದ್ದಿಲ್ಲ. ಇದು ಪರಿಣಾಮಕಾರಿ ಪ್ರಜಾಪ್ರಭುತ್ವಕ್ಕೆ ದಾರಿ ಮಾಡಿಕೊಟ್ಟಿದೆ~ ಎಂದು `ಟೈಮ್ಸ~ ನಿಯತಕಾಲಿಕಕ್ಕೆ ನೀಡಿದ ಸಂದರ್ಶನದಲ್ಲಿ ಒಬಾಮ ಹೇಳಿದ್ದಾರೆ.<br /> <br /> ದಕ್ಷಿಣ ಕೊರಿಯಾ ಅಧ್ಯಕ್ಷ ಲೀ ಮ್ಯೂಂಗ್ ಬಾಕ್, ಟರ್ಕಿ ಪ್ರಧಾನಿ ರೆಸೆಪ್ ಟಯಿಪ್ ಎರ್ಡೋಗನ್ ಹಾಗೂ ಬ್ರಿಟನ್ ಪ್ರಧಾನಿ ಡೇವಿಡ್ ಕೆಮರಾನ್ ಅವರೊಂದಿಗೂ ತಾವು ನಿಕಟ ಸಂಬಂಧ ಹೊಂದಿರುವುದಾಗಿ ಒಬಾಮ ಹೇಳಿದ್ದಾರೆ.</p>.<p>`ನೀವು ಬೇಕಾದರೆ ಈ ನಾಯಕರನ್ನೆಲ್ಲ ಕೇಳಿ ನೋಡಿದರೆ ಗೊತ್ತಾಗುತ್ತದೆ. ಅಮೆರಿಕದ ಅಧ್ಯಕ್ಷರಲ್ಲಿ ನಾವು ತುಂಬ ನಂಬಿಕೆ ಹಾಗೂ ವಿಶ್ವಾಸ ಇಟ್ಟಿದ್ದೇವೆ ಎಂಬ ಉತ್ತರ ಅವರಿಂದ ಬರುತ್ತದೆ~ ಎಂದು ಒಬಾಮ ಹೇಳಿದ್ದಾರೆ.<br /> <br /> `ನಾನು ವಾಷಿಂಗ್ಟನ್ ಪಾರ್ಟಿಗಳಿಗೆಲ್ಲ ಹೋಗುವುದಿಲ್ಲ. ಹಾಗಾಗಿಯೇ ಯಾರೊಂದಿಗೂ ಬೆರೆಯುವುದಿಲ್ಲ ಎಂಬ ಅಭಿಪ್ರಾಯ ಮೂಡಿದೆ. ಬಿಡುವಾದಾಗ ಕುಟುಂಬದ ಜತೆ ಕಳೆಯುವುದು ನನ್ನ ಆದ್ಯತೆ. ನನಗೆ 13 ಹಾಗೂ 10 ವರ್ಷದ ಪುತ್ರಿಯರಿದ್ದಾರೆ.</p>.<p>ಇವರಿಬ್ಬರೊಂದಿಗೆ ಕಾಲ ಕಳೆಯಲು ನಾನು ಹಾಗೂ ನನ್ನ ಪತ್ನಿ ಮಿಶೆಲ್ ಇಷ್ಟಪಡುತ್ತೇವೆ. ಹಾಗಾಗಿಯೇ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವುದು ವಿರಳ. ಮಕ್ಕಳಿಗೆ ಒಳ್ಳೆಯ ತಂದೆ-ತಾಯಿ ಆಗಿರುವುದೂ ಅಷ್ಟೇ ಮುಖ್ಯವಲ್ಲವೇ?~ ಎನ್ನುವುದು ಒಬಾಮ ಪ್ರಶ್ನೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್ (ಪಿಟಿಐ):</strong> `ಅಮೆರಿಕದ ಅಧ್ಯಕ್ಷರು ಯಾರೊಂದಿಗೂ ಬೆರೆಯುವುದಿಲ್ಲ, ವಿಶ್ವದ ನಾಯಕರೊಂದಿಗೆ ಸ್ನೇಹ ಬೆಳೆಸುವುದಿಲ್ಲ~ ಎಂಬ ಟೀಕೆಗೆ ಎದಿರೇಟು ನೀಡಿರುವ ಬರಾಕ್ ಒಬಾಮ, ಭಾರತದ ಪ್ರಧಾನಿ ಮನಮೋಹನ್ ಸಿಂಗ್ ಹಾಗೂ ಜರ್ಮನಿಯ ಚಾನ್ಸಲರ್ ಏಂಜೆಲಾ ಮರ್ಕೆಲ್ ತಮ್ಮ ಸ್ನೇಹವಲಯದ ಗಣ್ಯರ ಪಟ್ಟಿಯಲ್ಲಿ ಬರುತ್ತಾರೆ ಎಂದಿದ್ದಾರೆ.<br /> <br /> `ವಿಶ್ವದ ನಾಯಕರೊಂದಿಗೆ ಸ್ನೇಹ ಹಾಗೂ ವಿಶ್ವಾಸ ಬೆಳೆಸಿಕೊಳ್ಳುವಲ್ಲಿ ಹಿಂದೆ ಬಿದ್ದಿಲ್ಲ. ಇದು ಪರಿಣಾಮಕಾರಿ ಪ್ರಜಾಪ್ರಭುತ್ವಕ್ಕೆ ದಾರಿ ಮಾಡಿಕೊಟ್ಟಿದೆ~ ಎಂದು `ಟೈಮ್ಸ~ ನಿಯತಕಾಲಿಕಕ್ಕೆ ನೀಡಿದ ಸಂದರ್ಶನದಲ್ಲಿ ಒಬಾಮ ಹೇಳಿದ್ದಾರೆ.<br /> <br /> ದಕ್ಷಿಣ ಕೊರಿಯಾ ಅಧ್ಯಕ್ಷ ಲೀ ಮ್ಯೂಂಗ್ ಬಾಕ್, ಟರ್ಕಿ ಪ್ರಧಾನಿ ರೆಸೆಪ್ ಟಯಿಪ್ ಎರ್ಡೋಗನ್ ಹಾಗೂ ಬ್ರಿಟನ್ ಪ್ರಧಾನಿ ಡೇವಿಡ್ ಕೆಮರಾನ್ ಅವರೊಂದಿಗೂ ತಾವು ನಿಕಟ ಸಂಬಂಧ ಹೊಂದಿರುವುದಾಗಿ ಒಬಾಮ ಹೇಳಿದ್ದಾರೆ.</p>.<p>`ನೀವು ಬೇಕಾದರೆ ಈ ನಾಯಕರನ್ನೆಲ್ಲ ಕೇಳಿ ನೋಡಿದರೆ ಗೊತ್ತಾಗುತ್ತದೆ. ಅಮೆರಿಕದ ಅಧ್ಯಕ್ಷರಲ್ಲಿ ನಾವು ತುಂಬ ನಂಬಿಕೆ ಹಾಗೂ ವಿಶ್ವಾಸ ಇಟ್ಟಿದ್ದೇವೆ ಎಂಬ ಉತ್ತರ ಅವರಿಂದ ಬರುತ್ತದೆ~ ಎಂದು ಒಬಾಮ ಹೇಳಿದ್ದಾರೆ.<br /> <br /> `ನಾನು ವಾಷಿಂಗ್ಟನ್ ಪಾರ್ಟಿಗಳಿಗೆಲ್ಲ ಹೋಗುವುದಿಲ್ಲ. ಹಾಗಾಗಿಯೇ ಯಾರೊಂದಿಗೂ ಬೆರೆಯುವುದಿಲ್ಲ ಎಂಬ ಅಭಿಪ್ರಾಯ ಮೂಡಿದೆ. ಬಿಡುವಾದಾಗ ಕುಟುಂಬದ ಜತೆ ಕಳೆಯುವುದು ನನ್ನ ಆದ್ಯತೆ. ನನಗೆ 13 ಹಾಗೂ 10 ವರ್ಷದ ಪುತ್ರಿಯರಿದ್ದಾರೆ.</p>.<p>ಇವರಿಬ್ಬರೊಂದಿಗೆ ಕಾಲ ಕಳೆಯಲು ನಾನು ಹಾಗೂ ನನ್ನ ಪತ್ನಿ ಮಿಶೆಲ್ ಇಷ್ಟಪಡುತ್ತೇವೆ. ಹಾಗಾಗಿಯೇ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವುದು ವಿರಳ. ಮಕ್ಕಳಿಗೆ ಒಳ್ಳೆಯ ತಂದೆ-ತಾಯಿ ಆಗಿರುವುದೂ ಅಷ್ಟೇ ಮುಖ್ಯವಲ್ಲವೇ?~ ಎನ್ನುವುದು ಒಬಾಮ ಪ್ರಶ್ನೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
