<p><strong>ಹೈದರಾಬಾದ್</strong>: ತಂದೂರಿ ಕೊಲೆ ಪ್ರಕರಣ, ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಹತ್ಯೆಯಂತಹ ಪ್ರಕರಣಗಳ ತನಿಖೆಗೆ ನೆರವಾಗಿದ್ದ ಡಿಎನ್ಎ ಬೆರಳಚ್ಚು ವಿಧಾನವು ದುಬಾರಿ ವೆಚ್ಚದಿಂದಾಗಿ ಈಗ ಹಿನ್ನಡೆ ಅನುಭವಿಸುತ್ತಿದೆ.<br /> <br /> ಈ ವಿಧಾನವನ್ನು ಆಯ್ಕೆ ಮಾಡಿಕೊಳ್ಳುವ ಪೊಲೀಸ್ ಇಲಾಖೆಯು ಪ್ರತಿ ಪರೀಕ್ಷೆಗೂ 5 ಸಾವಿರ ರೂಪಾಯಿ ವ್ಯಯಿಸಬೇಕಾಗುತ್ತದೆ. ಮೂಲ ಮಾದರಿಗೆ ಹೋಲಿಸಲು ಕನಿಷ್ಠ ಮೂರು ಬಾರಿಯಾದರೂ ಬೆರಳಚ್ಚು ಪರೀಕ್ಷೆ ಮಾಡಬೇಕಾಗಿರುವುದರಿಂದ ಪ್ರತಿ ಪ್ರಕರಣಕ್ಕೆ ಏನಿಲ್ಲವೆಂದರೂ 20 ಸಾವಿರ ರೂಪಾಯಿ ಖರ್ಚಾಗುತ್ತದೆ. <br /> <br /> `ಡಿಎನ್ಎ ಪರೀಕ್ಷೆಯಲ್ಲಿ ಬಳಸುವ ರಾಸಾಯನಿಕ ವಸ್ತು ದೇಶೀಯವಾಗಿ ಲಭ್ಯವಿರದ ಕಾರಣ ಆಮದು ಮಾಡಿಕೊಳ್ಳಲಾಗುತ್ತದೆ. ಹಾಗಾಗಿಯೇ ಬೆರಳಚ್ಚು ಮಾದರಿ ಪರೀಕ್ಷೆ ದುಬಾರಿಯಾಗುತ್ತದೆ. ಅದು ದೇಶೀಯವಾಗಿ ಲಭ್ಯವಾದಲ್ಲಿ ವೆಚ್ಚ ಕಡಿಮೆ ಆಗಲಿದೆ~ ಎಂದು ಡಿಎನ್ಎ ಬೆರಳಚ್ಚು ಹಾಗೂ ವಿಶ್ಲೇಷಣಾ ಕೇಂದ್ರದ (ಸಿಡಿಎಫ್ಡಿ) ನಿರ್ದೇಶಕ ಜೆ.ಗೌರಿಶಂಕರ್ ಹೇಳುತ್ತಾರೆ. ಡಿಎನ್ಎ ಬೆರಳಚ್ಚು ಪರೀಕ್ಷೆಯು ಅಲ್ಲಗಳೆಯಲಾಗದ ಪುರಾವೆ ಮೂಲಕ ಖಂಡಿತವಾಗಿಯೂ ಅಪರಾಧಿಗಳನ್ನು ಪತ್ತೆ ಹಚ್ಚಲು ನೆರವಾಗುತ್ತದೆ. ಆ ಮೂಲಕ ಅಪರಾಧ ನ್ಯಾಯಾಂಗ ವ್ಯವಸ್ಥೆ ಸುಧಾರಿಸುತ್ತದೆ ಎನ್ನುತ್ತಾರೆ ಅವರು.<br /> <br /> ಭುವನೇಶ್ವರದಲ್ಲಿರುವ ಜೀವವಿಜ್ಞಾನ ಸಂಸ್ಥೆಯಲ್ಲಿ ಡಿಎನ್ಎ ಪರೀಕ್ಷಾ ವ್ಯವಸ್ಥೆಗೆ ಇತ್ತೀಚೆಗೆ ಒಡಿಶಾ ಸರ್ಕಾರದ ಜತೆ ಸಿಡಿಎಫ್ಡಿಯು ಒಪ್ಪಂದಕ್ಕೆ ಸಹಿ ಹಾಕಿದೆ. ಲೈಂಗಿಕ ದೌರ್ಜನ್ಯ ಪ್ರಕರಣಗಳು, ಶವದ ಗುರುತು ಹಾಗೂ ನಾಪತ್ತೆಯಾದವರ ಗುರುತು ಪತ್ತೆಗೆ ಈ ಪ್ರಯೋಗಾಲಯವು ಸರ್ಕಾರಕ್ಕೆ ನೆರವು ನೀಡಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೈದರಾಬಾದ್</strong>: ತಂದೂರಿ ಕೊಲೆ ಪ್ರಕರಣ, ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಹತ್ಯೆಯಂತಹ ಪ್ರಕರಣಗಳ ತನಿಖೆಗೆ ನೆರವಾಗಿದ್ದ ಡಿಎನ್ಎ ಬೆರಳಚ್ಚು ವಿಧಾನವು ದುಬಾರಿ ವೆಚ್ಚದಿಂದಾಗಿ ಈಗ ಹಿನ್ನಡೆ ಅನುಭವಿಸುತ್ತಿದೆ.<br /> <br /> ಈ ವಿಧಾನವನ್ನು ಆಯ್ಕೆ ಮಾಡಿಕೊಳ್ಳುವ ಪೊಲೀಸ್ ಇಲಾಖೆಯು ಪ್ರತಿ ಪರೀಕ್ಷೆಗೂ 5 ಸಾವಿರ ರೂಪಾಯಿ ವ್ಯಯಿಸಬೇಕಾಗುತ್ತದೆ. ಮೂಲ ಮಾದರಿಗೆ ಹೋಲಿಸಲು ಕನಿಷ್ಠ ಮೂರು ಬಾರಿಯಾದರೂ ಬೆರಳಚ್ಚು ಪರೀಕ್ಷೆ ಮಾಡಬೇಕಾಗಿರುವುದರಿಂದ ಪ್ರತಿ ಪ್ರಕರಣಕ್ಕೆ ಏನಿಲ್ಲವೆಂದರೂ 20 ಸಾವಿರ ರೂಪಾಯಿ ಖರ್ಚಾಗುತ್ತದೆ. <br /> <br /> `ಡಿಎನ್ಎ ಪರೀಕ್ಷೆಯಲ್ಲಿ ಬಳಸುವ ರಾಸಾಯನಿಕ ವಸ್ತು ದೇಶೀಯವಾಗಿ ಲಭ್ಯವಿರದ ಕಾರಣ ಆಮದು ಮಾಡಿಕೊಳ್ಳಲಾಗುತ್ತದೆ. ಹಾಗಾಗಿಯೇ ಬೆರಳಚ್ಚು ಮಾದರಿ ಪರೀಕ್ಷೆ ದುಬಾರಿಯಾಗುತ್ತದೆ. ಅದು ದೇಶೀಯವಾಗಿ ಲಭ್ಯವಾದಲ್ಲಿ ವೆಚ್ಚ ಕಡಿಮೆ ಆಗಲಿದೆ~ ಎಂದು ಡಿಎನ್ಎ ಬೆರಳಚ್ಚು ಹಾಗೂ ವಿಶ್ಲೇಷಣಾ ಕೇಂದ್ರದ (ಸಿಡಿಎಫ್ಡಿ) ನಿರ್ದೇಶಕ ಜೆ.ಗೌರಿಶಂಕರ್ ಹೇಳುತ್ತಾರೆ. ಡಿಎನ್ಎ ಬೆರಳಚ್ಚು ಪರೀಕ್ಷೆಯು ಅಲ್ಲಗಳೆಯಲಾಗದ ಪುರಾವೆ ಮೂಲಕ ಖಂಡಿತವಾಗಿಯೂ ಅಪರಾಧಿಗಳನ್ನು ಪತ್ತೆ ಹಚ್ಚಲು ನೆರವಾಗುತ್ತದೆ. ಆ ಮೂಲಕ ಅಪರಾಧ ನ್ಯಾಯಾಂಗ ವ್ಯವಸ್ಥೆ ಸುಧಾರಿಸುತ್ತದೆ ಎನ್ನುತ್ತಾರೆ ಅವರು.<br /> <br /> ಭುವನೇಶ್ವರದಲ್ಲಿರುವ ಜೀವವಿಜ್ಞಾನ ಸಂಸ್ಥೆಯಲ್ಲಿ ಡಿಎನ್ಎ ಪರೀಕ್ಷಾ ವ್ಯವಸ್ಥೆಗೆ ಇತ್ತೀಚೆಗೆ ಒಡಿಶಾ ಸರ್ಕಾರದ ಜತೆ ಸಿಡಿಎಫ್ಡಿಯು ಒಪ್ಪಂದಕ್ಕೆ ಸಹಿ ಹಾಕಿದೆ. ಲೈಂಗಿಕ ದೌರ್ಜನ್ಯ ಪ್ರಕರಣಗಳು, ಶವದ ಗುರುತು ಹಾಗೂ ನಾಪತ್ತೆಯಾದವರ ಗುರುತು ಪತ್ತೆಗೆ ಈ ಪ್ರಯೋಗಾಲಯವು ಸರ್ಕಾರಕ್ಕೆ ನೆರವು ನೀಡಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
