<p>ಇದೊಂದು ವೃಕ್ಷ. ಅದ್ವಿತೀಯ ದಾಖಲೆಗಳ, ಅತಿ ವಿಸ್ಮಯದ ಗುಣಗಳ, ಅಸದಳ ಸಾಮರ್ಥ್ಯಗಳ ವೃಕ್ಷ. `ಸಿಕ್ಪೋಯಾ~ ಎಂಬ ಹೆಸರಿನ ಈ ವೃಕ್ಷದ್ದೇ ಎರಡು ಪ್ರಭೇದಗಳಿವೆ ಕೂಡ: `ಸಿಕ್ಪೋಯಾ ಜೈಗಾಂಟಿಯಾ ಮತ್ತು ಸಿಕ್ಪೋಯಾ ಸೂಪರ್ ವೈರೆಸ್ಸ್~ ಆದರೂ ಈ ಎರಡೂ ಪ್ರಭೇದಗಳನ್ನೂ ಒಟ್ಟಾಗಿ `ರೆಡ್ ಉಡ್ಸ್~ ಎಂದೇ ಕರೆವುದು ಸಾಮಾನ್ಯ `ಬಿಗ್ ಟ್ರೀಸ್~ (ಬೃಹತ್ ವೃಕ್ಷಗಳು) ಎಂಬ ಹೆಸರಿನಿಂದಲೂ ಅವು ಪ್ರಸಿದ್ಧ.</p>.<p><br /> ಗೆಳೆಯರೇ, ನಿಮಗೇ ತಿಳಿದಂತೆ ವೃಕ್ಷಗಳಲ್ಲಿ ಹತ್ತಾರು ಸಾವಿರ ವಿಧಗಳಿವೆ. ಭವ್ಯತೆಗೆ, ರಮ್ಯತೆಗೆ, ಉಪಯಕ್ತತೆಗೆ, ಭಾರೀ ಗಾತ್ರಕ್ಕೆ, ದೀರ್ಘ ಆಯುಷ್ಯಕ್ಕೆ ಅವು ಪ್ರತಿಮೆಗಳಾಗಿವೆ.<br /> <br /> ಹೇರಳ ಜೀವಿಗಳಿಗೆ ಆಶ್ರಯತಾಣವಾಗಿ, ಆಹಾರದ ಆಕರವಾಗಿ ಜೀವಲೋಕದ ಅತ್ಯದ್ಭುತ, ಅಸದೃಶ, ಅತ್ಯವಶ್ಯ ಸೃಷ್ಟಿಗಳಾಗಿವೆ. ಅಂತಹ ವೃಕ್ಷ ಸಾಮ್ರಾಜ್ಯದಲ್ಲಿ ಅತಿ ವಿಶಿಷ್ಟ ವೃಕ್ಷಗಳೂ ಹೇರಳ. <br /> <br /> ಉದಾಹರಣೆಗೆ ದೀರ್ಘಾಯುಷ್ಯಕ್ಕೆ `ಪೈನ್~ ವೃಕ್ಷ (ಚಿತ್ರ - 2), ಅತಿ ವಿಚಿತ್ರ ಜೀವನ ಕ್ರಮಕ್ಕೆ `ಫಿಗ್~ ವೃಕ್ಷ (ಚಿತ್ರ - 3) ಇತ್ಯಾದಿ. ಆದರೆ ಉನ್ನತಿಯಲ್ಲಿ, ಒಟ್ಟು ದ್ರವ್ಯರಾಶಿಯಲ್ಲಿ, ಯಶಸ್ವೀ ಬದುಕಿನ ತಂತ್ರಗಳಲ್ಲಿ ಸಿಕ್ಪೋಯಾ ವೃಕ್ಷಗಳಿಗೆ ಸರಿಸಾಟಿ ಬೇರಾವ ವೃಕ್ಷವೂ ಇಲ್ಲ. ಸಿಕ್ಪೋಯಾ ವೃಕ್ಷಗಳ ಅನನ್ಯ ದಾಖಲೆಗಳನ್ನು ಗಮನಿಸಿ:<br /> <br /> - ಎತ್ತರದ ಬೆಳವಣಿಗೆಯಲ್ಲಿ ಈ ವೃಕ್ಷದ್ದೇ ವಿಶ್ವದಾಖಲೆ. ಸಿಕ್ವೋಯಾ ವೃಕ್ಷದ ಇಪ್ಪತ್ತೇ ವರ್ಷ ವಯಸ್ಸಿನ ಎಳೆ ಸಸಿಗಳೇ 50 ಅಡಿ ಎತ್ತರ ಇರುತ್ತವೆ. ಸಿಕ್ವೋಯಾ ವೃಕ್ಷಗಳು 350 ಅಡಿ ಎತ್ತರವನ್ನೂ ಮೀರಿ ಬೆಳೆಯುತ್ತವೆ. ಇಸವಿ 2006 ರಲ್ಲಿ ಪತ್ತೆಯಾದ `ಸಿಕ್ಪೋಯಾ ಸೂಪರ್ ನೈರೆನ್ಸ್~ ಪ್ರಭೇದದ ಒಂದು ವೃಕ್ಷದ್ದೇ ಎತ್ತರದಲ್ಲಿ ಈ ವರೆಗಿನ ವಿಶ್ವದಾಖಲೆ. `ಹೈಪರಿಯಾನ್~ ಎಂಬ ಹೆಸರಿನ ಈ ವೃಕ್ಷದ ಈಗಿನ ಎತ್ತರ 379 ಅಡಿ! ಅಂಗುಲ! ಎಂದರೆ ಸುಮಾರು ನಲವತ್ತೈದು ಮಹಡಿ ಕಟ್ಟಡದಷ್ಟು ಎತ್ತರ!<br /> <br /> -ಸಿಕ್ಪೋಯಾದ ಮತ್ತೊಂದು ಪ್ರಭೇದ `ಸಿಕ್ಪೋಯಾ ಜೈಂಗಾಟಿಯಾ~ದ ಒಂದು ವೃಕ್ಷ ಗಾತ್ರ ಮತ್ತು ತೂಕ ಎರಡರಲ್ಲೂ ವಿಶ್ವದಾಖಲೆ ಸೃಷ್ಟಿಸಿದೆ. ಅದರ ಎತ್ತರ 272 ಅಡಿ, ಕಾಂಡದ ಸುತ್ತಳತೆ 101 ಅಡಿ 7 ಅಂಗುಲ; ಒಟ್ಟು ತೂಕ 2145 ಟನ್! ಈ ಪ್ರಭೇದದ ಒಂದು ವೃಕ್ಷದ ಕಾಂಡದ ಮೂಲಕವೇ ರಸ್ತೆಯನ್ನೇ ಕೊರೆದ ಅದ್ಭುತ ದಾಖಲೆಯೂ ಇದೆ (ಚಿತ್ರ - 5).<br /> <br /> - ಆಯುಷ್ಯದಲ್ಲಿ ವಿಶ್ವದಾಖಲೆ ಹೊಂದಿಲ್ಲದಿದ್ದರೂ ಸಿಕ್ಪೋಯಾಗಳದು ಬಹು ದೀರ್ಘ ಆಯುಷ್ಯ - ಇಪ್ಪತ್ತು ವರ್ಷವಾದರೂ `ಸಸಿ~ ಆಗಿ, ಎಪ್ಪತ್ತು ವರ್ಷದ ವೇಳೆಗೆ `ಹದಿಹರೆಯ~ ತಲುಪುವ, ಮುನ್ನೂರು ವರ್ಷ ವಯಸ್ಸಾದಾಗ `ವಯಸ್ಕ~ ಆಗುವ ಸಿಕ್ಪೋಯಾಗಳು ನಾಲ್ಕು - ಐದು ಸಾವಿರ ವರ್ಷ ಆರಾಮವಾಗಿ ಬಾಳಬಲ್ಲವು! (ವಿವಿಧ ಎತ್ತರ, ಗಾತ್ರಗಳ ಸಿಕ್ಪೋಯಾ ವೃಕ್ಷಗಳನ್ನೂ ಸಿಕ್ಪೋಯಾ ತೋಪುಗಳನ್ನೂ ಚಿತ್ರಗಳಲ್ಲಿ ಗಮನಿಸಿ).<br /> <br /> <strong>ಇಲ್ಲೊಂದು ಪ್ರಶ್ನೆ:</strong> ಸಿಕ್ಪೋಯಾ ವೃಕ್ಷಗಳ ಇಷ್ಟೊಂದು ಎತ್ತರಕ್ಕೆ, ಇಂಥ ಮಹಾಗಾತ್ರಕ್ಕೆ ಬೆಳೆದು, ದೃಢವಾಗಿಯೇ ಉಳಿದು ಸಾವಿರಾರು ವರ್ಷ ಬಾಳಬಲ್ಲವು ಹೇಗೆ? ಅಷ್ಟೆತ್ತರ ಇದ್ದೂ ಮುರಿದು ಬೀಳದೆ, ಅಷ್ಟು ಕಾಲ ಪಿಡುಗುಕಾರಕಗಳ ದಾಳಿಗೆ ಸಿಲುಕದೆ ಬದುಕಬಲ್ಲವು ಹೇಗೆ?<br /> <br /> ಅದಕ್ಕೆ ಕಾರಣವಾಗಿರುವ ಐದು ವಿಶಿಷ್ಟ ತಂತ್ರಗಳನ್ನು ಸಿಕ್ಪೋಯಾ ವೃಕ್ಷಗಳು ಮೈಗೂಡಿಸಿಕೊಂಡಿವೆ. ಅಚ್ಚರಿಯ ಆ ಪಂಚಕೌಶಲ್ಯಗಳನ್ನು ನೀವೇ ಗಮನಿಸಿ:<br /> <br /> 1) ಸಿಕ್ಪೋಯಾ ವೃಕ್ಷಗಳದು ಅತಿ ಸೂಕ್ಷ್ಮ ದ್ಯುತಿ ಸಂಶ್ಲೇಷಣಾ ಸಾಮರ್ಥ್ಯ, ಅತ್ಯಂತ ಮಂದ, ಕನಿಷ್ಟ ಸೂರ್ಯರಶ್ಮಿಯಲ್ಲೂ ಅವು ಸಮರ್ಥವಾಗಿ ಆಹಾರ ತಯಾರಿಸಿಕೊಳ್ಳುತ್ತವೆ, ಬೆಳೆಯುತ್ತವೆ. ಹಾಗಾಗಿ ಅಡವಿ ಚಾವಣಿಯ ನೆರಳಿನಲ್ಲಿ ಸಿಕ್ಪೋಯಾ ಸಸಿಗಳು ನೆಮ್ಮದಿಯಾಗಿಯೇ ಬೆಳೆಯುತ್ತವೆ.<br /> <br /> 2) ಸಿಕ್ಪೋಯಾ ವೃಕ್ಷಗಳು ದೂರ ದೂರ ಚಾಚಿಕೊಳ್ಳದ ಕೆಲವೇ ಕೊಂಬೆಗಳನ್ನು ಧರಿಸುತ್ತವೆ; ನೆಲದಿಂದ ಬಹು ಎತ್ತರದವರೆಗೂ ಬೋಳಾಗಿ ಕಂಬದಂತೆಯೇ ಉಳಿಯುತ್ತವೆ (ಚಿತ್ರಗಳಲ್ಲಿ ಗಮನಿಸಿ) ಹಾಗಾಗಿ ಅವುಗಳ ನಿಲುವು ಅತ್ಯಂತ ನೇರ, ದೃಢ.<br /> <br /> 3) ಸಿಕ್ಪೋಯಾ ವೃಕ್ಷಗಳು ಬೇರು ಹರಡುವ ಕ್ರಮವೂ ತುಂಬ ವಿಭಿನ್ನ, ವಿಶಿಷ್ಟ. 350 ಅಡಿ ಮೀರಿ ಮೋಡಗಳನ್ನೇ ಇರಿಯುವಂತೆ ನಿಲ್ಲುವ ಈ ಗಗನಚುಂಬಿಗಳ ಬೇರುಗಳು ಕೇವಲ ಮೂರರಿಂದ ಆರು ಅಡಿ ಆಳಕ್ಕಷ್ಟೇ ಇಳಿದಿರುತ್ತದೆ. ಆದರೆ ಅಷ್ಟೂ ಆಳಕ್ಕೆ ಈ ಬೇರುಗಳು ಕಾಂಡದ ಸುತ್ತಲೂ 50 ರಿಂದ 150 ಅಡಿ ದೂರದವರೆಗೂ ದಟ್ಟವಾಗಿ ಹರಡಿ ಇತರ ವೃಕ್ಷಗಳ ಬೇರುಗಳೊಡನೆ ನೇಯ್ದು ನಿಲ್ಲುತ್ತವೆ. ಹಾಗಾಗಿ ಎಂಥ ಬಿರುಗಾಳಿಯಲ್ಲೂ ಎಷ್ಟೇ ತೂಗಾಡಿದರೂ ಸಿಕ್ಪೋಯಾ ವೃಕ್ಷಗಳು ಮುರಿದು ಬೀಳುವುದಿಲ್ಲ.<br /> <br /> 4) ಸಿಕ್ಪೋಯಾ ವೃಕ್ಷಕ್ಕೆ ದಿನಕ್ಕೆ ಕನಿಷ್ಟ ಒಂದು ಸಾವಿರ ಲೀಟರ್ ನೀರು ಬೇಕು. ಮಳೆಗಾಲವಲ್ಲದ ದಿನಗಳಲ್ಲಿ ನೆಲದಿಂದ ಬೇರುಗಳ ಮೂಲಕ ಈ ಪ್ರಮಾಣದ ನೀರು ಒದಗುವುದಿಲ್ಲ. ಅದಕ್ಕೇ ಈ ವೃಕ್ಷಗಳು ಎಲೆಗಳ ಮೂಲಕವೇ ನೀರನ್ನು ಹೀರಿಕೊಳ್ಳುವ ತಂತ್ರ ಪಡೆದಿವೆ. ಮುಗಿಲ ಚುಂಬಿಸುವ ಈ ವೃಕ್ಷಗಳ ಎಲೆಗಳು ಅವನ್ನಾವರಿಸಿ ಸಾಗುವ ಮೋಡಗಳಿಂದಲೇ ತೇವಾಂಶವನ್ನು ಕಸಿಯುತ್ತವೆ.<br /> <br /> 5) ಸಿಕ್ಪೋಯಾ ವೃಕ್ಷಗಳ ಮೇಲೆ ಪಿಡುಗುಕಾರಕ ಕೀಟಗಳ, ಶಿಲೀಂದ್ರಗಳ ದಾಳಿ ಬಹುಪಾಲು ಶೂನ್ಯ. ಏಕೆಂದರೆ ಸಿಕ್ಪೋಯಾ ವೃಕ್ಷದ ಬೇರು ಕಾಂಡ ಎಲೆಗಳಲ್ಲೆಲ್ಲ ಆಮ್ಲೀಯ ಟ್ಯಾನಿನ್ಗಳು ಭಾರೀ ಪ್ರಮಾಣದಲ್ಲಿ ಬೆರೆತಿವೆ. ಈ `ವಿಷ ವಸ್ತು~ವಿನಿಂದಾಗಿ ಸಿಕ್ಪೋಯಾಗಳು ರೋಗರಹಿತವಾಗಿದ್ದು ದೀರ್ಘಾಯುಷಿಗಳಾಗಿವೆ.<br /> <br /> ಆದರೇನು? ಎಂತೆಂತಹ ಶಕ್ತಿ ಸಾಮರ್ಥ್ಯಗಳನ್ನು ಸಿಕ್ಪೋಯಾಗಳು ನೈಸರ್ಗಿಕವಾಗಿ ಪಡೆದಿದ್ದರೂ ಮನುಷ್ಯರ ಹಾವಳಿಗಳಿಂದ ಅವು ತತ್ತರಿಸಿಹೋಗಿವೆ. ಉತ್ತರ ಅಮೆರಿಕದ ಖಂಡದ ಅದರಲ್ಲೂ ಯು.ಎಸ್.ಎ.ಯ ಪಶ್ಚಿಮ ಕರಾವಳಿಗಷ್ಟೇ ಸೀಮಿತವಾಗಿರುವ ನೆಲೆ ಹೊಂದಿವೆ. <br /> <br /> ಅಲ್ಲಿ ಹಬ್ಬಿರುವ `ಸಿಯೆರ್ರಾ ನಿವ್ಯಾಡಾ~ ಪರ್ವತ ಪಂಕ್ತಿಯ ಪಶ್ಚಿಮದ ಇಳುಕಲಿನುದ್ದಕ್ಕೂ ನಿಬಿಡ ಕಾನನವನ್ನೇ ರೂಪಿಸಿದ್ದ ಈ ವೃಕ್ಷಗಳು ಶತಮಾನಗಳಿಂದ ಮನುಷ್ಯರ ಗರಗಸಕ್ಕೆ ಸಿಲುಕಿ ಈಗ ಅಲ್ಲಲ್ಲಿ ಅಲ್ಲಲ್ಲಿ ತೇಪೆಗಳಂತೆ ಉಳಿದಿವೆ. ಈಗ ರಾಷ್ಟ್ರೀಯ ಉದ್ಯಾನಗಳಲ್ಲಿ ಸೇರಿ ಸಂಪೂರ್ಣ ರಕ್ಷಣೆಗೆ ಒಳಗಾಗಿ ಉಳಿದಿವೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇದೊಂದು ವೃಕ್ಷ. ಅದ್ವಿತೀಯ ದಾಖಲೆಗಳ, ಅತಿ ವಿಸ್ಮಯದ ಗುಣಗಳ, ಅಸದಳ ಸಾಮರ್ಥ್ಯಗಳ ವೃಕ್ಷ. `ಸಿಕ್ಪೋಯಾ~ ಎಂಬ ಹೆಸರಿನ ಈ ವೃಕ್ಷದ್ದೇ ಎರಡು ಪ್ರಭೇದಗಳಿವೆ ಕೂಡ: `ಸಿಕ್ಪೋಯಾ ಜೈಗಾಂಟಿಯಾ ಮತ್ತು ಸಿಕ್ಪೋಯಾ ಸೂಪರ್ ವೈರೆಸ್ಸ್~ ಆದರೂ ಈ ಎರಡೂ ಪ್ರಭೇದಗಳನ್ನೂ ಒಟ್ಟಾಗಿ `ರೆಡ್ ಉಡ್ಸ್~ ಎಂದೇ ಕರೆವುದು ಸಾಮಾನ್ಯ `ಬಿಗ್ ಟ್ರೀಸ್~ (ಬೃಹತ್ ವೃಕ್ಷಗಳು) ಎಂಬ ಹೆಸರಿನಿಂದಲೂ ಅವು ಪ್ರಸಿದ್ಧ.</p>.<p><br /> ಗೆಳೆಯರೇ, ನಿಮಗೇ ತಿಳಿದಂತೆ ವೃಕ್ಷಗಳಲ್ಲಿ ಹತ್ತಾರು ಸಾವಿರ ವಿಧಗಳಿವೆ. ಭವ್ಯತೆಗೆ, ರಮ್ಯತೆಗೆ, ಉಪಯಕ್ತತೆಗೆ, ಭಾರೀ ಗಾತ್ರಕ್ಕೆ, ದೀರ್ಘ ಆಯುಷ್ಯಕ್ಕೆ ಅವು ಪ್ರತಿಮೆಗಳಾಗಿವೆ.<br /> <br /> ಹೇರಳ ಜೀವಿಗಳಿಗೆ ಆಶ್ರಯತಾಣವಾಗಿ, ಆಹಾರದ ಆಕರವಾಗಿ ಜೀವಲೋಕದ ಅತ್ಯದ್ಭುತ, ಅಸದೃಶ, ಅತ್ಯವಶ್ಯ ಸೃಷ್ಟಿಗಳಾಗಿವೆ. ಅಂತಹ ವೃಕ್ಷ ಸಾಮ್ರಾಜ್ಯದಲ್ಲಿ ಅತಿ ವಿಶಿಷ್ಟ ವೃಕ್ಷಗಳೂ ಹೇರಳ. <br /> <br /> ಉದಾಹರಣೆಗೆ ದೀರ್ಘಾಯುಷ್ಯಕ್ಕೆ `ಪೈನ್~ ವೃಕ್ಷ (ಚಿತ್ರ - 2), ಅತಿ ವಿಚಿತ್ರ ಜೀವನ ಕ್ರಮಕ್ಕೆ `ಫಿಗ್~ ವೃಕ್ಷ (ಚಿತ್ರ - 3) ಇತ್ಯಾದಿ. ಆದರೆ ಉನ್ನತಿಯಲ್ಲಿ, ಒಟ್ಟು ದ್ರವ್ಯರಾಶಿಯಲ್ಲಿ, ಯಶಸ್ವೀ ಬದುಕಿನ ತಂತ್ರಗಳಲ್ಲಿ ಸಿಕ್ಪೋಯಾ ವೃಕ್ಷಗಳಿಗೆ ಸರಿಸಾಟಿ ಬೇರಾವ ವೃಕ್ಷವೂ ಇಲ್ಲ. ಸಿಕ್ಪೋಯಾ ವೃಕ್ಷಗಳ ಅನನ್ಯ ದಾಖಲೆಗಳನ್ನು ಗಮನಿಸಿ:<br /> <br /> - ಎತ್ತರದ ಬೆಳವಣಿಗೆಯಲ್ಲಿ ಈ ವೃಕ್ಷದ್ದೇ ವಿಶ್ವದಾಖಲೆ. ಸಿಕ್ವೋಯಾ ವೃಕ್ಷದ ಇಪ್ಪತ್ತೇ ವರ್ಷ ವಯಸ್ಸಿನ ಎಳೆ ಸಸಿಗಳೇ 50 ಅಡಿ ಎತ್ತರ ಇರುತ್ತವೆ. ಸಿಕ್ವೋಯಾ ವೃಕ್ಷಗಳು 350 ಅಡಿ ಎತ್ತರವನ್ನೂ ಮೀರಿ ಬೆಳೆಯುತ್ತವೆ. ಇಸವಿ 2006 ರಲ್ಲಿ ಪತ್ತೆಯಾದ `ಸಿಕ್ಪೋಯಾ ಸೂಪರ್ ನೈರೆನ್ಸ್~ ಪ್ರಭೇದದ ಒಂದು ವೃಕ್ಷದ್ದೇ ಎತ್ತರದಲ್ಲಿ ಈ ವರೆಗಿನ ವಿಶ್ವದಾಖಲೆ. `ಹೈಪರಿಯಾನ್~ ಎಂಬ ಹೆಸರಿನ ಈ ವೃಕ್ಷದ ಈಗಿನ ಎತ್ತರ 379 ಅಡಿ! ಅಂಗುಲ! ಎಂದರೆ ಸುಮಾರು ನಲವತ್ತೈದು ಮಹಡಿ ಕಟ್ಟಡದಷ್ಟು ಎತ್ತರ!<br /> <br /> -ಸಿಕ್ಪೋಯಾದ ಮತ್ತೊಂದು ಪ್ರಭೇದ `ಸಿಕ್ಪೋಯಾ ಜೈಂಗಾಟಿಯಾ~ದ ಒಂದು ವೃಕ್ಷ ಗಾತ್ರ ಮತ್ತು ತೂಕ ಎರಡರಲ್ಲೂ ವಿಶ್ವದಾಖಲೆ ಸೃಷ್ಟಿಸಿದೆ. ಅದರ ಎತ್ತರ 272 ಅಡಿ, ಕಾಂಡದ ಸುತ್ತಳತೆ 101 ಅಡಿ 7 ಅಂಗುಲ; ಒಟ್ಟು ತೂಕ 2145 ಟನ್! ಈ ಪ್ರಭೇದದ ಒಂದು ವೃಕ್ಷದ ಕಾಂಡದ ಮೂಲಕವೇ ರಸ್ತೆಯನ್ನೇ ಕೊರೆದ ಅದ್ಭುತ ದಾಖಲೆಯೂ ಇದೆ (ಚಿತ್ರ - 5).<br /> <br /> - ಆಯುಷ್ಯದಲ್ಲಿ ವಿಶ್ವದಾಖಲೆ ಹೊಂದಿಲ್ಲದಿದ್ದರೂ ಸಿಕ್ಪೋಯಾಗಳದು ಬಹು ದೀರ್ಘ ಆಯುಷ್ಯ - ಇಪ್ಪತ್ತು ವರ್ಷವಾದರೂ `ಸಸಿ~ ಆಗಿ, ಎಪ್ಪತ್ತು ವರ್ಷದ ವೇಳೆಗೆ `ಹದಿಹರೆಯ~ ತಲುಪುವ, ಮುನ್ನೂರು ವರ್ಷ ವಯಸ್ಸಾದಾಗ `ವಯಸ್ಕ~ ಆಗುವ ಸಿಕ್ಪೋಯಾಗಳು ನಾಲ್ಕು - ಐದು ಸಾವಿರ ವರ್ಷ ಆರಾಮವಾಗಿ ಬಾಳಬಲ್ಲವು! (ವಿವಿಧ ಎತ್ತರ, ಗಾತ್ರಗಳ ಸಿಕ್ಪೋಯಾ ವೃಕ್ಷಗಳನ್ನೂ ಸಿಕ್ಪೋಯಾ ತೋಪುಗಳನ್ನೂ ಚಿತ್ರಗಳಲ್ಲಿ ಗಮನಿಸಿ).<br /> <br /> <strong>ಇಲ್ಲೊಂದು ಪ್ರಶ್ನೆ:</strong> ಸಿಕ್ಪೋಯಾ ವೃಕ್ಷಗಳ ಇಷ್ಟೊಂದು ಎತ್ತರಕ್ಕೆ, ಇಂಥ ಮಹಾಗಾತ್ರಕ್ಕೆ ಬೆಳೆದು, ದೃಢವಾಗಿಯೇ ಉಳಿದು ಸಾವಿರಾರು ವರ್ಷ ಬಾಳಬಲ್ಲವು ಹೇಗೆ? ಅಷ್ಟೆತ್ತರ ಇದ್ದೂ ಮುರಿದು ಬೀಳದೆ, ಅಷ್ಟು ಕಾಲ ಪಿಡುಗುಕಾರಕಗಳ ದಾಳಿಗೆ ಸಿಲುಕದೆ ಬದುಕಬಲ್ಲವು ಹೇಗೆ?<br /> <br /> ಅದಕ್ಕೆ ಕಾರಣವಾಗಿರುವ ಐದು ವಿಶಿಷ್ಟ ತಂತ್ರಗಳನ್ನು ಸಿಕ್ಪೋಯಾ ವೃಕ್ಷಗಳು ಮೈಗೂಡಿಸಿಕೊಂಡಿವೆ. ಅಚ್ಚರಿಯ ಆ ಪಂಚಕೌಶಲ್ಯಗಳನ್ನು ನೀವೇ ಗಮನಿಸಿ:<br /> <br /> 1) ಸಿಕ್ಪೋಯಾ ವೃಕ್ಷಗಳದು ಅತಿ ಸೂಕ್ಷ್ಮ ದ್ಯುತಿ ಸಂಶ್ಲೇಷಣಾ ಸಾಮರ್ಥ್ಯ, ಅತ್ಯಂತ ಮಂದ, ಕನಿಷ್ಟ ಸೂರ್ಯರಶ್ಮಿಯಲ್ಲೂ ಅವು ಸಮರ್ಥವಾಗಿ ಆಹಾರ ತಯಾರಿಸಿಕೊಳ್ಳುತ್ತವೆ, ಬೆಳೆಯುತ್ತವೆ. ಹಾಗಾಗಿ ಅಡವಿ ಚಾವಣಿಯ ನೆರಳಿನಲ್ಲಿ ಸಿಕ್ಪೋಯಾ ಸಸಿಗಳು ನೆಮ್ಮದಿಯಾಗಿಯೇ ಬೆಳೆಯುತ್ತವೆ.<br /> <br /> 2) ಸಿಕ್ಪೋಯಾ ವೃಕ್ಷಗಳು ದೂರ ದೂರ ಚಾಚಿಕೊಳ್ಳದ ಕೆಲವೇ ಕೊಂಬೆಗಳನ್ನು ಧರಿಸುತ್ತವೆ; ನೆಲದಿಂದ ಬಹು ಎತ್ತರದವರೆಗೂ ಬೋಳಾಗಿ ಕಂಬದಂತೆಯೇ ಉಳಿಯುತ್ತವೆ (ಚಿತ್ರಗಳಲ್ಲಿ ಗಮನಿಸಿ) ಹಾಗಾಗಿ ಅವುಗಳ ನಿಲುವು ಅತ್ಯಂತ ನೇರ, ದೃಢ.<br /> <br /> 3) ಸಿಕ್ಪೋಯಾ ವೃಕ್ಷಗಳು ಬೇರು ಹರಡುವ ಕ್ರಮವೂ ತುಂಬ ವಿಭಿನ್ನ, ವಿಶಿಷ್ಟ. 350 ಅಡಿ ಮೀರಿ ಮೋಡಗಳನ್ನೇ ಇರಿಯುವಂತೆ ನಿಲ್ಲುವ ಈ ಗಗನಚುಂಬಿಗಳ ಬೇರುಗಳು ಕೇವಲ ಮೂರರಿಂದ ಆರು ಅಡಿ ಆಳಕ್ಕಷ್ಟೇ ಇಳಿದಿರುತ್ತದೆ. ಆದರೆ ಅಷ್ಟೂ ಆಳಕ್ಕೆ ಈ ಬೇರುಗಳು ಕಾಂಡದ ಸುತ್ತಲೂ 50 ರಿಂದ 150 ಅಡಿ ದೂರದವರೆಗೂ ದಟ್ಟವಾಗಿ ಹರಡಿ ಇತರ ವೃಕ್ಷಗಳ ಬೇರುಗಳೊಡನೆ ನೇಯ್ದು ನಿಲ್ಲುತ್ತವೆ. ಹಾಗಾಗಿ ಎಂಥ ಬಿರುಗಾಳಿಯಲ್ಲೂ ಎಷ್ಟೇ ತೂಗಾಡಿದರೂ ಸಿಕ್ಪೋಯಾ ವೃಕ್ಷಗಳು ಮುರಿದು ಬೀಳುವುದಿಲ್ಲ.<br /> <br /> 4) ಸಿಕ್ಪೋಯಾ ವೃಕ್ಷಕ್ಕೆ ದಿನಕ್ಕೆ ಕನಿಷ್ಟ ಒಂದು ಸಾವಿರ ಲೀಟರ್ ನೀರು ಬೇಕು. ಮಳೆಗಾಲವಲ್ಲದ ದಿನಗಳಲ್ಲಿ ನೆಲದಿಂದ ಬೇರುಗಳ ಮೂಲಕ ಈ ಪ್ರಮಾಣದ ನೀರು ಒದಗುವುದಿಲ್ಲ. ಅದಕ್ಕೇ ಈ ವೃಕ್ಷಗಳು ಎಲೆಗಳ ಮೂಲಕವೇ ನೀರನ್ನು ಹೀರಿಕೊಳ್ಳುವ ತಂತ್ರ ಪಡೆದಿವೆ. ಮುಗಿಲ ಚುಂಬಿಸುವ ಈ ವೃಕ್ಷಗಳ ಎಲೆಗಳು ಅವನ್ನಾವರಿಸಿ ಸಾಗುವ ಮೋಡಗಳಿಂದಲೇ ತೇವಾಂಶವನ್ನು ಕಸಿಯುತ್ತವೆ.<br /> <br /> 5) ಸಿಕ್ಪೋಯಾ ವೃಕ್ಷಗಳ ಮೇಲೆ ಪಿಡುಗುಕಾರಕ ಕೀಟಗಳ, ಶಿಲೀಂದ್ರಗಳ ದಾಳಿ ಬಹುಪಾಲು ಶೂನ್ಯ. ಏಕೆಂದರೆ ಸಿಕ್ಪೋಯಾ ವೃಕ್ಷದ ಬೇರು ಕಾಂಡ ಎಲೆಗಳಲ್ಲೆಲ್ಲ ಆಮ್ಲೀಯ ಟ್ಯಾನಿನ್ಗಳು ಭಾರೀ ಪ್ರಮಾಣದಲ್ಲಿ ಬೆರೆತಿವೆ. ಈ `ವಿಷ ವಸ್ತು~ವಿನಿಂದಾಗಿ ಸಿಕ್ಪೋಯಾಗಳು ರೋಗರಹಿತವಾಗಿದ್ದು ದೀರ್ಘಾಯುಷಿಗಳಾಗಿವೆ.<br /> <br /> ಆದರೇನು? ಎಂತೆಂತಹ ಶಕ್ತಿ ಸಾಮರ್ಥ್ಯಗಳನ್ನು ಸಿಕ್ಪೋಯಾಗಳು ನೈಸರ್ಗಿಕವಾಗಿ ಪಡೆದಿದ್ದರೂ ಮನುಷ್ಯರ ಹಾವಳಿಗಳಿಂದ ಅವು ತತ್ತರಿಸಿಹೋಗಿವೆ. ಉತ್ತರ ಅಮೆರಿಕದ ಖಂಡದ ಅದರಲ್ಲೂ ಯು.ಎಸ್.ಎ.ಯ ಪಶ್ಚಿಮ ಕರಾವಳಿಗಷ್ಟೇ ಸೀಮಿತವಾಗಿರುವ ನೆಲೆ ಹೊಂದಿವೆ. <br /> <br /> ಅಲ್ಲಿ ಹಬ್ಬಿರುವ `ಸಿಯೆರ್ರಾ ನಿವ್ಯಾಡಾ~ ಪರ್ವತ ಪಂಕ್ತಿಯ ಪಶ್ಚಿಮದ ಇಳುಕಲಿನುದ್ದಕ್ಕೂ ನಿಬಿಡ ಕಾನನವನ್ನೇ ರೂಪಿಸಿದ್ದ ಈ ವೃಕ್ಷಗಳು ಶತಮಾನಗಳಿಂದ ಮನುಷ್ಯರ ಗರಗಸಕ್ಕೆ ಸಿಲುಕಿ ಈಗ ಅಲ್ಲಲ್ಲಿ ಅಲ್ಲಲ್ಲಿ ತೇಪೆಗಳಂತೆ ಉಳಿದಿವೆ. ಈಗ ರಾಷ್ಟ್ರೀಯ ಉದ್ಯಾನಗಳಲ್ಲಿ ಸೇರಿ ಸಂಪೂರ್ಣ ರಕ್ಷಣೆಗೆ ಒಳಗಾಗಿ ಉಳಿದಿವೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
