ನಾಪೋಕ್ಲು: ಹಳ್ಳಿ ರೇಡಿಯೊ ಕಾರ್ಯಕ್ರಮ

ನಾಪೋಕ್ಲು: ಮಡಿಕೇರಿ ಆಕಾಶವಾಣಿಯಿಂದ ವಾರಕ್ಕೊಮ್ಮೆ ಪ್ರಸಾರವಾಗುತ್ತಿರುವ ಹಳ್ಳಿ ರೇಡಿಯೊ ಕಾರ್ಯಕ್ರಮ ಬುಧವಾರ  ನಾಪೋಕ್ಲು ಸಮೀಪದ ಹಳೆ ತಾಲ್ಲೂಕಿನ  ಭಗವತಿ ದೇವಾಲಯದ ಸಮುದಾಯ ಭವನದಲ್ಲಿ ನಡೆಯಿತು.ಈ ಸಂದರ್ಭದಲ್ಲಿ ಮಾತನಾಡಿದ ಕಾರ್ಯಕ್ರಮ ಆಯೋಜಕ ಹಾಗೂ ನಿರೂಪಕ ನಾಗೇಶ್ ಕಾಲೂರು ಇದು 141ನೇ ಹಳ್ಳಿ ರೇಡಿಯೊ ಕಾರ್ಯಕ್ರಮವಾಗಿದೆ. ಈ ಕಾರ್ಯಕ್ರಮವನ್ನು ಮೊದಲ ಬಾರಿಗೆ ಮಡಿಕೇರಿ ಸಮೀಪದ ಕಾಲೂರು ಗ್ರಾಮದಲ್ಲಿ ಆರಂಭಿಸಲಾಯಿತು ಎಂದು ತಿಳಿಸಿದರು.



ಗ್ರಾಮೀಣ ಜನರ ಜೀವನ ಕ್ರಮ, ಕೃಷಿ ಪದ್ಧತಿ, ಪ್ರತಿಭೆಗಳ ಗುರುತಿಸುವಿಕೆ, ಧಾರ್ಮಿಕ ಕೇಂದ್ರಗಳ ಮಾಹಿತಿ ಮತ್ತು ಗ್ರಾಮದಲ್ಲಿ ಆಗಬೇಕಾದ ಅಭಿವೃದ್ಧಿ     ಚಿತ್ರಣವನ್ನು ಸಂಬಂಧಿಸಿದವರ ಗಮನಕ್ಕೆ ತರುವುದೇ ಈ ಕಾರ್ಯಕ್ರಮದ ಉದ್ದೇಶವಾಗಿದೆ ಎಂದು ಹೇಳಿದರು.



ಕಾರ್ಯಕ್ರಮದಲ್ಲಿ ಗ್ರಾಮದ ಹಿರಿಯರು, ಜನಪ್ರತಿನಿಧಿಗಳು ಇತರರು ಗ್ರಾಮದ ಮಾಹಿತಿ ನೀಡಿದರು. ಸಮಾರಂಭದ ಅಧ್ಯಕ್ಷತೆಯನ್ನು ದೇವಾಲಯ ಆಡಳಿತ ಮಂಡಳಿ ಅಧ್ಯಕ್ಷ ಕುಲ್ಲೆೀಟಿರ ಮಾದಪ್ಪ ವಹಿಸಿದ್ದರು.



ದೇವಾಲಯದ ಗೌರವ ಕಾರ್ಯದರ್ಶಿ ಅರೆಯಡ    ಸೋಮಪ್ಪ ಸ್ವಾಗತಿಸಿದರು. ಕುಲ್ಲೆೀಟಿರ ಅರುಣ್ ಬೇಬ ವಂದಿಸಿದರು.