<p>ಸಾಗರ ಬಳಿಯ ಮಾವಿನಸರದ ಕೃಷಿಕ ಶ್ರೀಪಾದ ಅವರದ್ದು ದೊಡ್ಡ ಪ್ರಮಾಣದ ಎರೆಗೊಬ್ಬರ ತಯಾರಿಕೆ. ಸುಮಾರು 30 ಅಡಿ ಉದ್ದ, 4 ಅಡಿ ಅಗಲದ 4-5 ಎರೆಗೊಬ್ಬರ ಟ್ಯಾಂಕ್ಗಳಿವೆ. ವಾರಕ್ಕೆ 6-7 ಕ್ವಿಂಟಾಲ್ ಉತ್ಪತ್ತಿ. ಮಾರಾಟ ಮಾಡುವಾಗ ಎರೆಗೊಬ್ಬರವನ್ನು ಜರಡಿ ಹಿಡಿದು (ಸಾಣಿಸಿ) ಚೀಲಗಳಲ್ಲಿ ತುಂಬಿಸುತ್ತಾರೆ. <br /> <br /> ಇದರಿಂದ ಗೊಬ್ಬರ ಕಸಕಡ್ಡಿಯಿಂದ ಮುಕ್ತವಾಗುತ್ತದೆ. ಎರೆಗೊಬ್ಬರದಿಂದ ಎರೆಹುಳುಗಳು ಬೇರ್ಪಡುತ್ತವೆ. ಆದರೆ ಮಾಮೂಲಿ ಜರಡಿಗಳಲ್ಲಿ ಕೆಲಸ ಮತ್ತು ಶ್ರಮ ಜಾಸ್ತಿ. ಮರಳು ಸಾಣಿಸುವ ಜರಡಿಗಳು ಮಳೆಗಾಲದಲ್ಲಿ ಎರೆಗೊಬ್ಬರದ ಕೆಲಸಕ್ಕೆ ಬರುವುದಿಲ್ಲ. ಏಕೆಂದರೆ ಗೊಬ್ಬರದಲ್ಲಿ ತೇವಾಂಶ ಹೆಚ್ಚು ಇರುವುದರಿಂದ ಸುಲಭವಾಗಿ ಕೆಳಕ್ಕೆ ಇಳಿಯುವುದಿಲ್ಲ.<br /> <br /> ಅದಕ್ಕಾಗಿ ಅವರು ಜರಡಿಯಲ್ಲಿ ಮಾರ್ಪಾಡು ಮಾಡಿದ್ದಾರೆ. ನೇತಾಡುವ ಈ ಜರಡಿಗೆ ಸುತ್ತಲೂ ಕಬ್ಬಿಣದ ಪಟ್ಟಿಗಳಿವೆ. ಇದಕ್ಕೆ ಮರಳು ಸಾಣಿಸುವ ಜರಡಿಗಿಂತ ದೊಡ್ಡ ಕಿಂಡಿಗಳುಳ್ಳ ಜಾಲರಿ (ಮೆಶ್) ಅಳವಡಿಸಿದ್ದಾರೆ (ವಿವಿಧ ಗಾತ್ರದ ಮೆಶ್ಗಳು ಮಾರುಕಟ್ಟೆಯಲ್ಲಿ ಲಭ್ಯ; ಬೇಕಾದ ಅಳತೆ ನೋಡಿಕೊಂಡು ತಂದು ಅಳವಡಿಸಿದರಾಯಿತು). ಒಮ್ಮೆ ಜಾಲರಿ ಹಾಳಾದರೆ, ಮತ್ತೊಂದನ್ನು ತಂದು ಕೂರಿಸಬಹುದು. ಇದಕ್ಕೆ ನಟ್ಬೋಲ್ಟ್ನ ವ್ಯವಸ್ಥೆ ಇದೆ. <br /> <br /> ಕೆಲಸ ಮಾಡುವಾಗ ಈ ಜರಡಿಯನ್ನು ನಾಲ್ಕೂ ಮೂಲೆಗಳಿಂದ ದಾರ /ಹಗ್ಗದಿಂದ ನೇತುಹಾಕಿಕೊಳ್ಳಬೇಕು. ಇಬ್ಬರು ಕೆಲಸಗಾರರು ಎರಡು ಕಡೆಗಳಲ್ಲಿ ಹಿಡಿದುಕೊಳ್ಳಲು ಅನುಕೂಲವಾಗುವಂತೆ ಎರಡು ಹಿಡಿಕೆಗಳಿವೆ (ಚಿತ್ರ ನೋಡಿ). ಒಬ್ಬರು ಎರೆಗೊಬ್ಬರ ತಂದು ಸುರುವಿದರೆ ಇಬ್ಬರು ಜರಡಿಯನ್ನು ಸುಲಭವಾಗಿ ಅಲ್ಲಾಡಿಸಬಹುದು.<br /> <br /> ನೇತು ಹಾಕಿರುವುದರಿಂದ ಜರಡಿಯು ಭಾರ ಎನಿಸುವುದಿಲ್ಲ ಮತ್ತು ಮೇಲೆ ಉಳಿಯುವ ಎರೆಹುಳುಗಳನ್ನು ಆರಾಮವಾಗಿ ಇನ್ನೊಂದೆಡೆ ಹಾಕಬಹುದು. ಕೆಲಸ ಮುಗಿದ ನಂತರ ಜರಡಿಯನ್ನು ಗೋಡೆಗೆ ನೇತುಹಾಕಬಹುದು. ಹೆಚ್ಚು ಶ್ರಮವಿಲ್ಲದೆ ಸುಲಭವಾಗಿ ಸಾಣಿಸಬಹುದು.<br /> <br /> `8-10 ವರ್ಷಗಳಿಂದ ಇದನ್ನು ಬಳಸುತ್ತಿದ್ದೇನೆ. ಎರೆಗೊಬ್ಬರ ತಯಾರಿಸುವವರಿಗೆ ಇದರ ಅಗತ್ಯ ಇದೆ~ ಎನ್ನುತ್ತಾರೆ ಶ್ರೀಪಾದ ರಾವ್. ಮಾಹಿತಿಗೆ 08183-236082</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಾಗರ ಬಳಿಯ ಮಾವಿನಸರದ ಕೃಷಿಕ ಶ್ರೀಪಾದ ಅವರದ್ದು ದೊಡ್ಡ ಪ್ರಮಾಣದ ಎರೆಗೊಬ್ಬರ ತಯಾರಿಕೆ. ಸುಮಾರು 30 ಅಡಿ ಉದ್ದ, 4 ಅಡಿ ಅಗಲದ 4-5 ಎರೆಗೊಬ್ಬರ ಟ್ಯಾಂಕ್ಗಳಿವೆ. ವಾರಕ್ಕೆ 6-7 ಕ್ವಿಂಟಾಲ್ ಉತ್ಪತ್ತಿ. ಮಾರಾಟ ಮಾಡುವಾಗ ಎರೆಗೊಬ್ಬರವನ್ನು ಜರಡಿ ಹಿಡಿದು (ಸಾಣಿಸಿ) ಚೀಲಗಳಲ್ಲಿ ತುಂಬಿಸುತ್ತಾರೆ. <br /> <br /> ಇದರಿಂದ ಗೊಬ್ಬರ ಕಸಕಡ್ಡಿಯಿಂದ ಮುಕ್ತವಾಗುತ್ತದೆ. ಎರೆಗೊಬ್ಬರದಿಂದ ಎರೆಹುಳುಗಳು ಬೇರ್ಪಡುತ್ತವೆ. ಆದರೆ ಮಾಮೂಲಿ ಜರಡಿಗಳಲ್ಲಿ ಕೆಲಸ ಮತ್ತು ಶ್ರಮ ಜಾಸ್ತಿ. ಮರಳು ಸಾಣಿಸುವ ಜರಡಿಗಳು ಮಳೆಗಾಲದಲ್ಲಿ ಎರೆಗೊಬ್ಬರದ ಕೆಲಸಕ್ಕೆ ಬರುವುದಿಲ್ಲ. ಏಕೆಂದರೆ ಗೊಬ್ಬರದಲ್ಲಿ ತೇವಾಂಶ ಹೆಚ್ಚು ಇರುವುದರಿಂದ ಸುಲಭವಾಗಿ ಕೆಳಕ್ಕೆ ಇಳಿಯುವುದಿಲ್ಲ.<br /> <br /> ಅದಕ್ಕಾಗಿ ಅವರು ಜರಡಿಯಲ್ಲಿ ಮಾರ್ಪಾಡು ಮಾಡಿದ್ದಾರೆ. ನೇತಾಡುವ ಈ ಜರಡಿಗೆ ಸುತ್ತಲೂ ಕಬ್ಬಿಣದ ಪಟ್ಟಿಗಳಿವೆ. ಇದಕ್ಕೆ ಮರಳು ಸಾಣಿಸುವ ಜರಡಿಗಿಂತ ದೊಡ್ಡ ಕಿಂಡಿಗಳುಳ್ಳ ಜಾಲರಿ (ಮೆಶ್) ಅಳವಡಿಸಿದ್ದಾರೆ (ವಿವಿಧ ಗಾತ್ರದ ಮೆಶ್ಗಳು ಮಾರುಕಟ್ಟೆಯಲ್ಲಿ ಲಭ್ಯ; ಬೇಕಾದ ಅಳತೆ ನೋಡಿಕೊಂಡು ತಂದು ಅಳವಡಿಸಿದರಾಯಿತು). ಒಮ್ಮೆ ಜಾಲರಿ ಹಾಳಾದರೆ, ಮತ್ತೊಂದನ್ನು ತಂದು ಕೂರಿಸಬಹುದು. ಇದಕ್ಕೆ ನಟ್ಬೋಲ್ಟ್ನ ವ್ಯವಸ್ಥೆ ಇದೆ. <br /> <br /> ಕೆಲಸ ಮಾಡುವಾಗ ಈ ಜರಡಿಯನ್ನು ನಾಲ್ಕೂ ಮೂಲೆಗಳಿಂದ ದಾರ /ಹಗ್ಗದಿಂದ ನೇತುಹಾಕಿಕೊಳ್ಳಬೇಕು. ಇಬ್ಬರು ಕೆಲಸಗಾರರು ಎರಡು ಕಡೆಗಳಲ್ಲಿ ಹಿಡಿದುಕೊಳ್ಳಲು ಅನುಕೂಲವಾಗುವಂತೆ ಎರಡು ಹಿಡಿಕೆಗಳಿವೆ (ಚಿತ್ರ ನೋಡಿ). ಒಬ್ಬರು ಎರೆಗೊಬ್ಬರ ತಂದು ಸುರುವಿದರೆ ಇಬ್ಬರು ಜರಡಿಯನ್ನು ಸುಲಭವಾಗಿ ಅಲ್ಲಾಡಿಸಬಹುದು.<br /> <br /> ನೇತು ಹಾಕಿರುವುದರಿಂದ ಜರಡಿಯು ಭಾರ ಎನಿಸುವುದಿಲ್ಲ ಮತ್ತು ಮೇಲೆ ಉಳಿಯುವ ಎರೆಹುಳುಗಳನ್ನು ಆರಾಮವಾಗಿ ಇನ್ನೊಂದೆಡೆ ಹಾಕಬಹುದು. ಕೆಲಸ ಮುಗಿದ ನಂತರ ಜರಡಿಯನ್ನು ಗೋಡೆಗೆ ನೇತುಹಾಕಬಹುದು. ಹೆಚ್ಚು ಶ್ರಮವಿಲ್ಲದೆ ಸುಲಭವಾಗಿ ಸಾಣಿಸಬಹುದು.<br /> <br /> `8-10 ವರ್ಷಗಳಿಂದ ಇದನ್ನು ಬಳಸುತ್ತಿದ್ದೇನೆ. ಎರೆಗೊಬ್ಬರ ತಯಾರಿಸುವವರಿಗೆ ಇದರ ಅಗತ್ಯ ಇದೆ~ ಎನ್ನುತ್ತಾರೆ ಶ್ರೀಪಾದ ರಾವ್. ಮಾಹಿತಿಗೆ 08183-236082</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>