<p><strong>ಬೆಂಗಳೂರು: </strong>`ಆರಂಭದಲ್ಲಿ ಹರಿಯುವ ರನ್ಗಳ ಬಗ್ಗೆ ಚಿಂತೆ ಬೇಡ. ಆದರೆ 6ರಿಂದ 15 ಓವರ್ಗಳ ನಡುವೆ ನಿಮ್ಮ ಸಾಮರ್ಥ್ಯ ತೋರಿಸಬೇಕು~ -ಇದು ಬೌಲಿಂಗ್ ಕೋಚ್ ವಾಸೀಮ್ ಅಕ್ರಮ್ ತಮ್ಮ ಬೌಲರ್ಗಳಿಗೆ ಹೇಳಿದ ಕಿವಿಮಾತು.<br /> <br /> ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಚಾಂಪಿಯನ್ಸ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ಅಕ್ರಮ್ ಅವರ ಮಾತನ್ನು ಉಳಿಸಿಕೊಂಡಿದ್ದು ಕೋಲ್ಕತ್ತ ನೈಟ್ ರೈಡರ್ಸ್ ಬೌಲರ್ಗಳು. ಪ್ರಭಾವಿ ಬೌಲಿಂಗ್ ದಾಳಿಯ ಪ್ರಯತ್ನದ ಅಡಿಪಾಯದ ಮೇಲೆ ಜಯದ ಕಳಶವಿಟ್ಟಿದ್ದು ಜಾಕ್ ಕಾಲಿಸ್ ಹಾಗೂ ಗೌತಮ್ ಗಂಭೀರ್ ಬ್ಯಾಟಿಂಗ್.<br /> <br /> ಪರಿಣಾಮ ದಕ್ಷಿಣ ಆಫ್ರಿಕಾದ ವಾರಿಯರ್ಸ್ ಎದುರಿನ `ಬಿ~ ಗುಂಪಿನ ಈ ಪಂದ್ಯದಲ್ಲಿ ಸುಲಭವಾಗಿಯೇ ಗೆದ್ದ ನೈಟ್ ರೈಡರ್ಸ್ ಸೆಮಿಫೈನಲ್ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.<br /> <br /> ಆರಂಭದಲ್ಲಿ ಅಬ್ಬರಿಸಿದ್ದ ವಾರಿಯರ್ಸ್ ತಂಡವನ್ನು ಕೇವಲ 155 ರನ್ಗಳಿಗೆ ನಿಯಂತ್ರಿಸುವಲ್ಲಿ ರೈಡಸ್ ಬೌಲರ್ಗಳು ಯಶಸ್ವಿಯಾದರು. ಆ ಮೊತ್ತ ಗಂಭೀರ್ ಪಡೆಗೆ ದೊಡ್ಡ ಸವಾಲೇನೂ ಆಗಲಿಲ್ಲ. ಮಳೆ ಕೂಡ ಅವರ ಗೆಲುವಿನ ಹಾದಿಯನ್ನು ಸುಗಮಗೊಳಿಸಲು ಕೊಂಚ ನೆರವಾಯಿತು. <br /> <br /> ಎದುರಾಳಿಗೆ ಸಾಧಾರಣ ಗುರಿ ನೀಡಿದ್ದ ವಾರಿಯರ್ಸ್ ಫೀಲ್ಡಿಂಗ್ನಲ್ಲೂ ಎಡವಿತು. ಅದು ಈ ತಂಡದ ಸೋಲಿಗೆ ಆಹ್ವಾನ ನೀಡಿತು. ಬೌಷರ್ ಒಮ್ಮೆ ಸೊಸೊಬೆ ಬೌಲಿಂಗ್ನಲ್ಲಿ ಕ್ಯಾಚ್ ಕೈಬಿಟ್ಟಾಗ ಕಾಲಿಸ್ 15 ರನ್ ಗಳಿಸಿದ್ದರು. ಬೋಥಾ ಎಸೆತದಲ್ಲಿ ಸ್ಮಟ್ಸ್ ಕ್ಯಾಚ್ ಬಿಟ್ಟಾಗ ಗಂಭೀರ್ 21 ರನ್ ಕಲೆಹಾಕಿದ್ದರು. ಅದು ಕಾಲಿಸ್ (ಅಜೇಯ 31; 19 ಎಸೆತ, 3 ಬೌಂ. 1 ಸಿ) ಹಾಗೂ ಗಂಭೀರ್ (ಅಜೇಯ 33; 23 ಎಸೆತ, 3 ಬೌ, 1 ಸಿ) ನೆರವಿಗೆ ಬಂತು. <br /> <br /> ಆರಂಭದಲ್ಲಿ ವಾರಿಯರ್ಸ್ನ ಜೆ.ಟಿ.ಸ್ಮಟ್ಸ್ (46; 43 ಎಸೆತ, 6 ಬೌಂಡರಿ) ಹಾಗೂ ಕಾಲಿನ್ ಇಂಗ್ರಾಮ್ (61; 47 ಎಸೆತ, 3 ಬೌ, 3 ಸಿ.) ಜೊತೆಯಾಟದ ವೈಖರಿ ನೋಡಿದಾಗ ರೈಡರ್ಸ್ ಹೋರಾಟ ುಗಿದು ಹೋಯಿತೇನೊ ಎನ್ನುವ ಭಾವನೆ ಮೂಡಿತ್ತು. ಕಾರಣ ಇವರಿಬ್ಬರು ಕೇವಲ 61 ಎಸೆತಗಳಲ್ಲಿ 80 ರನ್ ಕಲೆಹಾಕಿದರು. <br /> <strong><br /> ಮಳೆ ಕಾರಣ ಪಂದ್ಯ ರದ್ದು: </strong>ಸಾಮರ್ಸೆಟ್ ಹಾಗೂ ಸೌತ್ ಆಸ್ಟ್ರೇಲಿಯಾದ ರೆಡ್ಬ್ಯಾಕ್ಸ್ ತಂಡಗಳ ನಡುವೆ ಶನಿವಾರ ನಡೆಯಬೇಕಿದ್ದ ಇನ್ನೊಂದು ಪಂದ್ಯ ಮಳೆಗೆ ಆಹುತಿಯಾಯಿತು. <br /> <br /> <br /> <strong>ಸ್ಕೋರು ವಿವರ<br /> ವಾರಿಯರ್ಸ್ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 155</strong><br /> ಜೆ.ಟಿ.ಸ್ಮಟ್ಸ್ ಸಿ ಇಕ್ಬಾಲ್ ಅಬ್ದುಲ್ಲಾ ಬಿ ಎಲ್.ಬಾಲಾಜಿ 46<br /> ಆ್ಯಷ್ವೆಲ್ ಪ್ರಿನ್ಸ್ ಬಿ ಜಾಕ್ ಕಾಲಿಸ್ 04<br /> ಕಾಲಿನ್ ಇಂಗ್ರಾಮ್ ಸಿ ಇಕ್ಬಾಲ್ ಅಬ್ದುಲ್ಲಾ ಬಿ ಬ್ರೆಟ್ ಲೀ 61<br /> ಮಾರ್ಕ್ ಬೌಷರ್ ಔಟಾಗದೆ 38 <br /> ಕ್ರೇಗ್ ತೈಸನ್ ಸಿ ಜಾಕ್ ಕಾಲಿಸ್ ಬಿ ಎಲ್.ಬಾಲಾಜಿ 00<br /> ಕೆಲಿ ಸ್ಮಟ್ಸ್ ಔಟಾಗದೆ 00<br /> ಇತರೆ (ಬೈ-1, ಲೆಗ್ಬೈ-3, ನೋಬಾಲ್-1, ವೈಡ್-1) 06<br /> ವಿಕೆಟ್ ಪತನ: 1-15 (ಪ್ರಿನ್ಸ್; 1.6); 2-95 (ಮಟ್ಸ್; 12.1); 3-141 (ಇಂಗ್ರಾಮ್; 18.5); 4-152 (ತೈಸನ್; 19.4). <br /> ಬೌಲಿಂಗ್: ಬ್ರೆಟ್ ಲೀ 4-0-25-1, ಜಾಕ್ ಕಾಲಿಸ್ 4-0-33-1 (ವೈಡ್-1), ಯೂಸುಫ್ ಪಠಾಣ್ 3-0-23-0, ಇಕ್ಬಾಲ್ ಅಬ್ದುಲ್ಲಾ 2-0-12-0, ಶಕಿಬ್ ಅಲ್ ಹಸನ್ 3-0-23-0, ಎಲ್.ಬಾಲಾಜಿ 4-0-35-2 (ನೋಬಾಲ್-1)<br /> <br /> <strong>ಕೋಲ್ಕತ್ತ ನೈಟ್ ರೈಡರ್ಸ್ 9 ಓವರ್ಗಳಲ್ಲಿ 1ವಿಕೆಟ್ ನಷ್ಟಕ್ಕೆ 83</strong><br /> ಮನ್ವಿಂದರ್ ಬಿಸ್ಲಾ ಸಿ ಮಾರ್ಕ್ ಬೌಷರ್ ಬಿ ವೇಯ್ನ ಪಾರ್ನೆಲ್ 19 <br /> ಜಾಕ್ ಕಾಲಿಸ್ ಔಟಾಗದೆ 31<br /> ಗೌತಮ್ ಗಂಭೀರ್ ಔಟಾಗದೆ 33<br /> ವಿಕೆಟ್ ಪತನ: 1-35 (ಬಿಸ್ಲಾ; 3.3). <br /> ಬೌಲಿಂಗ್: ಲೊನ್ವಾಬೊ ಸೊಸೊಬೆ 2-0-20-0, ರಸ್ಟಿ ಥೆರಾನ್ 2-0-14-0, ವೇಯ್ನ ಪಾರ್ನೆಲ್ 2-0-24-1, ನಿಕಿ ಬೋಯೆ 2-0-20-0, ಜೋಹಾನ್ ಬೋಥಾ 1-0-5-0<br /> <br /> <strong>ಫಲಿತಾಂಶ: ಡಕ್ವರ್ತ್ ಲೂಯಿಸ್ ನಿಯಮದ ಪ್ರಕಾರ ನೈಟ್ ರೈಡರ್ಸ್ಗೆ 22 ರನ್ಗಳ ಗೆಲುವು. ಪಂದ್ಯ ಶ್ರೇಷ್ಠ: ಕಾಲಿನ್ ಇಂಗ್ರಾಮ್. </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>`ಆರಂಭದಲ್ಲಿ ಹರಿಯುವ ರನ್ಗಳ ಬಗ್ಗೆ ಚಿಂತೆ ಬೇಡ. ಆದರೆ 6ರಿಂದ 15 ಓವರ್ಗಳ ನಡುವೆ ನಿಮ್ಮ ಸಾಮರ್ಥ್ಯ ತೋರಿಸಬೇಕು~ -ಇದು ಬೌಲಿಂಗ್ ಕೋಚ್ ವಾಸೀಮ್ ಅಕ್ರಮ್ ತಮ್ಮ ಬೌಲರ್ಗಳಿಗೆ ಹೇಳಿದ ಕಿವಿಮಾತು.<br /> <br /> ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಚಾಂಪಿಯನ್ಸ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯ ಪಂದ್ಯದಲ್ಲಿ ಅಕ್ರಮ್ ಅವರ ಮಾತನ್ನು ಉಳಿಸಿಕೊಂಡಿದ್ದು ಕೋಲ್ಕತ್ತ ನೈಟ್ ರೈಡರ್ಸ್ ಬೌಲರ್ಗಳು. ಪ್ರಭಾವಿ ಬೌಲಿಂಗ್ ದಾಳಿಯ ಪ್ರಯತ್ನದ ಅಡಿಪಾಯದ ಮೇಲೆ ಜಯದ ಕಳಶವಿಟ್ಟಿದ್ದು ಜಾಕ್ ಕಾಲಿಸ್ ಹಾಗೂ ಗೌತಮ್ ಗಂಭೀರ್ ಬ್ಯಾಟಿಂಗ್.<br /> <br /> ಪರಿಣಾಮ ದಕ್ಷಿಣ ಆಫ್ರಿಕಾದ ವಾರಿಯರ್ಸ್ ಎದುರಿನ `ಬಿ~ ಗುಂಪಿನ ಈ ಪಂದ್ಯದಲ್ಲಿ ಸುಲಭವಾಗಿಯೇ ಗೆದ್ದ ನೈಟ್ ರೈಡರ್ಸ್ ಸೆಮಿಫೈನಲ್ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.<br /> <br /> ಆರಂಭದಲ್ಲಿ ಅಬ್ಬರಿಸಿದ್ದ ವಾರಿಯರ್ಸ್ ತಂಡವನ್ನು ಕೇವಲ 155 ರನ್ಗಳಿಗೆ ನಿಯಂತ್ರಿಸುವಲ್ಲಿ ರೈಡಸ್ ಬೌಲರ್ಗಳು ಯಶಸ್ವಿಯಾದರು. ಆ ಮೊತ್ತ ಗಂಭೀರ್ ಪಡೆಗೆ ದೊಡ್ಡ ಸವಾಲೇನೂ ಆಗಲಿಲ್ಲ. ಮಳೆ ಕೂಡ ಅವರ ಗೆಲುವಿನ ಹಾದಿಯನ್ನು ಸುಗಮಗೊಳಿಸಲು ಕೊಂಚ ನೆರವಾಯಿತು. <br /> <br /> ಎದುರಾಳಿಗೆ ಸಾಧಾರಣ ಗುರಿ ನೀಡಿದ್ದ ವಾರಿಯರ್ಸ್ ಫೀಲ್ಡಿಂಗ್ನಲ್ಲೂ ಎಡವಿತು. ಅದು ಈ ತಂಡದ ಸೋಲಿಗೆ ಆಹ್ವಾನ ನೀಡಿತು. ಬೌಷರ್ ಒಮ್ಮೆ ಸೊಸೊಬೆ ಬೌಲಿಂಗ್ನಲ್ಲಿ ಕ್ಯಾಚ್ ಕೈಬಿಟ್ಟಾಗ ಕಾಲಿಸ್ 15 ರನ್ ಗಳಿಸಿದ್ದರು. ಬೋಥಾ ಎಸೆತದಲ್ಲಿ ಸ್ಮಟ್ಸ್ ಕ್ಯಾಚ್ ಬಿಟ್ಟಾಗ ಗಂಭೀರ್ 21 ರನ್ ಕಲೆಹಾಕಿದ್ದರು. ಅದು ಕಾಲಿಸ್ (ಅಜೇಯ 31; 19 ಎಸೆತ, 3 ಬೌಂ. 1 ಸಿ) ಹಾಗೂ ಗಂಭೀರ್ (ಅಜೇಯ 33; 23 ಎಸೆತ, 3 ಬೌ, 1 ಸಿ) ನೆರವಿಗೆ ಬಂತು. <br /> <br /> ಆರಂಭದಲ್ಲಿ ವಾರಿಯರ್ಸ್ನ ಜೆ.ಟಿ.ಸ್ಮಟ್ಸ್ (46; 43 ಎಸೆತ, 6 ಬೌಂಡರಿ) ಹಾಗೂ ಕಾಲಿನ್ ಇಂಗ್ರಾಮ್ (61; 47 ಎಸೆತ, 3 ಬೌ, 3 ಸಿ.) ಜೊತೆಯಾಟದ ವೈಖರಿ ನೋಡಿದಾಗ ರೈಡರ್ಸ್ ಹೋರಾಟ ುಗಿದು ಹೋಯಿತೇನೊ ಎನ್ನುವ ಭಾವನೆ ಮೂಡಿತ್ತು. ಕಾರಣ ಇವರಿಬ್ಬರು ಕೇವಲ 61 ಎಸೆತಗಳಲ್ಲಿ 80 ರನ್ ಕಲೆಹಾಕಿದರು. <br /> <strong><br /> ಮಳೆ ಕಾರಣ ಪಂದ್ಯ ರದ್ದು: </strong>ಸಾಮರ್ಸೆಟ್ ಹಾಗೂ ಸೌತ್ ಆಸ್ಟ್ರೇಲಿಯಾದ ರೆಡ್ಬ್ಯಾಕ್ಸ್ ತಂಡಗಳ ನಡುವೆ ಶನಿವಾರ ನಡೆಯಬೇಕಿದ್ದ ಇನ್ನೊಂದು ಪಂದ್ಯ ಮಳೆಗೆ ಆಹುತಿಯಾಯಿತು. <br /> <br /> <br /> <strong>ಸ್ಕೋರು ವಿವರ<br /> ವಾರಿಯರ್ಸ್ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 155</strong><br /> ಜೆ.ಟಿ.ಸ್ಮಟ್ಸ್ ಸಿ ಇಕ್ಬಾಲ್ ಅಬ್ದುಲ್ಲಾ ಬಿ ಎಲ್.ಬಾಲಾಜಿ 46<br /> ಆ್ಯಷ್ವೆಲ್ ಪ್ರಿನ್ಸ್ ಬಿ ಜಾಕ್ ಕಾಲಿಸ್ 04<br /> ಕಾಲಿನ್ ಇಂಗ್ರಾಮ್ ಸಿ ಇಕ್ಬಾಲ್ ಅಬ್ದುಲ್ಲಾ ಬಿ ಬ್ರೆಟ್ ಲೀ 61<br /> ಮಾರ್ಕ್ ಬೌಷರ್ ಔಟಾಗದೆ 38 <br /> ಕ್ರೇಗ್ ತೈಸನ್ ಸಿ ಜಾಕ್ ಕಾಲಿಸ್ ಬಿ ಎಲ್.ಬಾಲಾಜಿ 00<br /> ಕೆಲಿ ಸ್ಮಟ್ಸ್ ಔಟಾಗದೆ 00<br /> ಇತರೆ (ಬೈ-1, ಲೆಗ್ಬೈ-3, ನೋಬಾಲ್-1, ವೈಡ್-1) 06<br /> ವಿಕೆಟ್ ಪತನ: 1-15 (ಪ್ರಿನ್ಸ್; 1.6); 2-95 (ಮಟ್ಸ್; 12.1); 3-141 (ಇಂಗ್ರಾಮ್; 18.5); 4-152 (ತೈಸನ್; 19.4). <br /> ಬೌಲಿಂಗ್: ಬ್ರೆಟ್ ಲೀ 4-0-25-1, ಜಾಕ್ ಕಾಲಿಸ್ 4-0-33-1 (ವೈಡ್-1), ಯೂಸುಫ್ ಪಠಾಣ್ 3-0-23-0, ಇಕ್ಬಾಲ್ ಅಬ್ದುಲ್ಲಾ 2-0-12-0, ಶಕಿಬ್ ಅಲ್ ಹಸನ್ 3-0-23-0, ಎಲ್.ಬಾಲಾಜಿ 4-0-35-2 (ನೋಬಾಲ್-1)<br /> <br /> <strong>ಕೋಲ್ಕತ್ತ ನೈಟ್ ರೈಡರ್ಸ್ 9 ಓವರ್ಗಳಲ್ಲಿ 1ವಿಕೆಟ್ ನಷ್ಟಕ್ಕೆ 83</strong><br /> ಮನ್ವಿಂದರ್ ಬಿಸ್ಲಾ ಸಿ ಮಾರ್ಕ್ ಬೌಷರ್ ಬಿ ವೇಯ್ನ ಪಾರ್ನೆಲ್ 19 <br /> ಜಾಕ್ ಕಾಲಿಸ್ ಔಟಾಗದೆ 31<br /> ಗೌತಮ್ ಗಂಭೀರ್ ಔಟಾಗದೆ 33<br /> ವಿಕೆಟ್ ಪತನ: 1-35 (ಬಿಸ್ಲಾ; 3.3). <br /> ಬೌಲಿಂಗ್: ಲೊನ್ವಾಬೊ ಸೊಸೊಬೆ 2-0-20-0, ರಸ್ಟಿ ಥೆರಾನ್ 2-0-14-0, ವೇಯ್ನ ಪಾರ್ನೆಲ್ 2-0-24-1, ನಿಕಿ ಬೋಯೆ 2-0-20-0, ಜೋಹಾನ್ ಬೋಥಾ 1-0-5-0<br /> <br /> <strong>ಫಲಿತಾಂಶ: ಡಕ್ವರ್ತ್ ಲೂಯಿಸ್ ನಿಯಮದ ಪ್ರಕಾರ ನೈಟ್ ರೈಡರ್ಸ್ಗೆ 22 ರನ್ಗಳ ಗೆಲುವು. ಪಂದ್ಯ ಶ್ರೇಷ್ಠ: ಕಾಲಿನ್ ಇಂಗ್ರಾಮ್. </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
