ಮಂಗಳವಾರ, ಜೂನ್ 22, 2021
29 °C

ನ್ಯಾಯಮೂರ್ತಿ ಹುದ್ದೆ ಭರ್ತಿಗೆ ಆಗ್ರಹ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ರಾಜ್ಯ ಹೈಕೋರ್ಟ್‌ನಲ್ಲಿ ಖಾಲಿ ಇರುವ ನ್ಯಾಯಮೂರ್ತಿಗಳ ಹುದ್ದೆಗೆ  ‘ಸಮರ್ಥ ಮತ್ತು ಸೂಕ್ತ ವಕೀಲ­­ರನ್ನು’  ನೇಮಕ ಮಾಡುವಂತೆ ಮುಖ್ಯ ನ್ಯಾಯಮೂರ್ತಿ ಡಿ.ಎಚ್‌. ವಘೇಲಾ ಅವರನ್ನು ಒತ್ತಾಯಿಸಲು ರಾಜ್ಯ ವಕೀಲರ ಪರಿಷತ್ತು ಶನಿವಾರ ನಿರ್ಣಯ ಕೈಗೊಂಡಿದೆ.



ಈ ಸಂಬಂಧ ಮುಖ್ಯ ನ್ಯಾಯ­ಮೂರ್ತಿ­ಗಳನ್ನು ಮತ್ತು  ಸಾಂವಿಧಾನಿಕ ಹುದ್ದೆ­ಗಳಲ್ಲಿ ಇರುವವರನ್ನು ಒತ್ತಾ­ಯಿಸ­­­ಲಾ­ಗುವುದು. ವಕೀಲರ ಪರಿ­ಷ­ತ್ತಿನ ಅಧ್ಯಕ್ಷ ಸಿ.ಆರ್‌. ಗೋಪಾಲ­ಸ್ವಾಮಿ, ಬೆಂಗಳೂರು ವಕೀಲರ ಸಂಘದ ಅಧ್ಯಕ್ಷ ಕೆ.ಎನ್‌. ಸುಬ್ಬಾರೆಡ್ಡಿ, ಹಿರಿಯ ವಕೀಲರ ಪರವಾಗಿ ಬಿ.ವಿ. ಆಚಾರ್ಯ ಮತ್ತು ಅಡ್ವೊಕೇಟ್‌ ಜನರಲ್‌ ಪ್ರೊ. ರವಿವರ್ಮ ಕುಮಾರ್‌ ಅವರಿಗೆ ನ್ಯಾ. ವಘೇಲಾ ಅವರನ್ನು ಭೇಟಿ ಮಾಡಿ, ಅವರಲ್ಲಿ ಈ ವಿಷಯ ಪ್ರಸ್ತಾಪಿಸುವ ಅಧಿಕಾರ ನೀಡಲಾಗಿದೆ ಎಂದು ನಿರ್ಣಯ-­­ದಲ್ಲಿ ಹೇಳಲಾಗಿದೆ.



ನ್ಯಾಯಮೂರ್ತಿಗಳ ನೇಮಕಕ್ಕೆ ಸಂಬಂಧಿಸಿದಂತೆ ರಾಜ್ಯ ವಕೀಲರ ಪರಿ­ಷ­ತ್ತಿನ ಸಭಾಂಗಣದಲ್ಲಿ ನಡೆದ ಸಂವಾದ ಕಾರ್ಯಕ್ರಮದ ನಂತರ ಗೋಪಾಲ­ಸ್ವಾಮಿ ಅವರು ಈ ವಿಷಯ ತಿಳಿಸಿದರು.



‘ಈ ವರ್ಷದ ಆರಂಭದಲ್ಲಿ, ಹೈಕೋರ್ಟ್‌ನ ಮೂರು ಪೀಠಗಳಲ್ಲಿ (ಬೆಂಗಳೂರು, ಧಾರವಾಡ ಮತ್ತು ಗುಲ್ಬರ್ಗ) ಒಟ್ಟು 12 ನ್ಯಾಯ­ಮೂರ್ತಿ­ಗಳ ಹುದ್ದೆ ಖಾಲಿ ಇದ್ದವು’ ಎಂದು ಗೋಪಾಲಸ್ವಾಮಿ ಅವರು ‘ಪ್ರಜಾವಾಣಿ’ಗೆ ವಿವರಿಸಿದರು.



‘ಹೈಕೋರ್ಟ್‌ನ ಮೂರೂ ಪೀಠ­ಗಳಿಗೆ ಮಂಜೂರಾದ ನ್ಯಾಯ­ಮೂರ್ತಿ­ಗಳ ಹುದ್ದೆ ಈಗಿರುವ 50ರಿಂದ 62ಕ್ಕೆ ಏರಿಕೆಯಾಗಲಿದೆ. ಎಚ್‌.ಎನ್‌. ನಾಗ­ಮೋಹನ ದಾಸ್‌ ಅವರು ಈಗಾಗಲೇ ನಿವೃತ್ತರಾಗಿದ್ದಾರೆ. ಬಿ.ವಿ. ಪಿಂಟೋ ಅವರು ಸೇವೆಯಿಂದ ಬಿಡುಗಡೆ­ಯಾಗಿ­ದ್ದಾರೆ. ಏಪ್ರಿಲ್‌ ಮೊದಲೆರಡು ವಾರ­ಗಳಲ್ಲಿ ಮೂವರು ನ್ಯಾಯ­ಮೂರ್ತಿ­ಗಳು ನಿವೃತ್ತ­ರಾಗಲಿ­ದ್ದಾರೆ’ ಎಂದರು.



ವಕೀಲರ ಪರಿಷತ್ತಿನ ನಿಯೋಗ ಮುಖ್ಯ ನ್ಯಾಯಮೂರ್ತಿಯವರನ್ನು ಸೋಮವಾರ ಭೇಟಿಯಾಗುವ ಸಾಧ್ಯತೆ ಇದೆ. ಸಂವಾದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ವಕೀಲ­ರಾದ ಪ್ರಮೀಳಾ ನೇಸರ್ಗಿ, ಸುಬ್ಬಾರೆಡ್ಡಿ,  ಪಿ.ಎಸ್‌. ರಾಜ­ಗೋಪಾಲ್‌, ಕೆ. ಸುಬ್ಬರಾವ್‌, ಎಂ.ಟಿ. ನಾಣಯ್ಯ, ಹೆಚ್ಚುವರಿ ಅಡ್ವೊಕೇಟ್‌ ಜನರಲ್‌ ಎಚ್‌. ಕಾಂತರಾಜ ಮತ್ತಿ­ತ­ರರು ಸಂವಾದ ಕಾರ್ಯ­ಕ್ರಮ­ದಲ್ಲಿ ಪಾಲ್ಗೊಂಡಿದ್ದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.