<p><strong>ಮಂಡ್ಯ:</strong> ಉತ್ತರಾಖಂಡ ಜಲಪ್ರಳಯದಲ್ಲಿ ಮದ್ದೂರಿನ ಎಂ.ಜಿ. ಸೀತಾರಾಮು ಕುಟುಂಬದ 13 ಮಂದಿ ಸದಸ್ಯರು ಕಾಣೆಯಾಗಿ ಒಂದು ತಿಂಗಳು ಕಳೆದಿದೆ. ಇಂದಿಗೂ ಅವರ ಬರುವಿಕೆಯ ಆಶಾಭಾವನೆಯಲ್ಲಿದ್ದಾರೆ ಕುಟುಂಬದ ಸದಸ್ಯರು.<br /> <br /> ರಾಜ್ಯ ಸರ್ಕಾರದಿಂದ ಉತ್ತರಾಖಂಡಕ್ಕೆ ತೆರಳಿದ್ದ ಸಚಿವರು ಹಾಗೂ ಅಧಿಕಾರಿಗಳು ನೂರಾರು ಪ್ರವಾಸಿಗರನ್ನು ಕರೆ ತಂದಿದ್ದಾರೆ. ಕೆಲವರು ಕಾಣೆಯಾಗಿದ್ದು, ಸಿಕ್ಕಿಲ್ಲ. ಅಲ್ಲಿನ ಸರ್ಕಾರಕ್ಕೆ ಕಾಣೆಯಾದವರ ಬಗ್ಗೆ ವಿವರ ತಿಳಿಸಿ ಎಂದು ಹೇಳಿ ಬಂದಿದ್ದಾರೆ.<br /> ಆದರೆ, ಸೀತಾರಾಮು ಕುಟುಂಬದವರು ಮಾತ್ರ ಇಂದಿಗೂ ಉತ್ತರಾಖಂಡದಲ್ಲಿ ಕುಟುಂಬದ ಸದಸ್ಯರಿಗಾಗಿ ಹುಡುಕಾಟ ಮುಂದುವರಿಸಿದ್ದಾರೆ.<br /> <br /> ರಾಜ್ಯ ಸರ್ಕಾರವು ಪಟ್ಟಿ ನೀಡಿ ಬಂದ ನಂತರ, ಕಾಣೆಯಾದವರ ಸ್ಥಿತಿ ಏನಾಗಿದೆ. ಯಾರದ್ದಾದರೂ ಸುಳಿವು ಸಿಕ್ಕಿದೆಯೇ ಎಂಬ ಬಗೆಗೆ ಕುಟುಂಬದ ಸದಸ್ಯರಿಗೆ ಮಾಹಿತಿ ಇಲ್ಲ. ಜಿಲ್ಲಾ ಉಸ್ತುವಾರಿ ಸಚಿವರೂ ಸೇರಿದಂತೆ ಹಲವರು ಬಂದು ಸಾಂತ್ವನ ಹೇಳಿ ಬಂದಿದ್ದಾರೆ.<br /> <br /> ಮದ್ದೂರಿನ ಹಿರಿಯ ಪತ್ರಕರ್ತ ಸೀತಾರಾಮು ಅವರೊಂದಿಗೆ ಕುಟುಂಬದ ಹದಿನೆಂಟು ಮಂದಿ ಕೇದಾರನಾಥ, ಬದರಿನಾಥ ದರ್ಶನಕ್ಕೆಂದು ತೆರಳಿದ್ದರು. ಕೇದಾರದಿಂದ ಡೋಲಿ ಹಾಗೂ ಕುದುರೆಗಳ ಮೇಲೆ ಗೌರಿಕುಂಡದತ್ತ ಹೊರಟಾಗ ಕಾಣೆಯಾಗಿದ್ದರು.<br /> <br /> ಅದರಲ್ಲಿ ಸೀತಾರಾಮು ಹಾಗೂ ಇನ್ನೂ ನಾಲ್ವರು ಮರಳಿ ಬಂದಿದ್ದಾರೆ. ಎಂ.ಜಿ.ನಾಗರಾಜು, ಸುಮಾರಾಜು, ಲೀಲಾವತಿ, ಗುರುರಾಜ, ಉಮಾರಾಜ, ಎಸ್.ವಿ.ಕುಮಾರ್, ಸೀತಾಲಕ್ಷ್ಮೀ, ಎಂ.ಜಿ. ರಮೇಶ್, ನಾಗಲಕ್ಷ್ಮೀ, ನಾಗಶ್ರೀ ಮಕ್ಕಳಾದ ಅನಿರುದ್ಧ, ಅತುಲ್ಚಂದ್ರ ಹಾಗೂ ಅಮಿತ್ಚಂದ್ರ ಕಾಣೆಯಾದವರು.<br /> <br /> `ಪತ್ನಿ ನಾಗಶ್ರೀ, ಮಕ್ಕಳಾದ ಅಮಿತ್ಚಂದ್ರ, ಅತುಲ್ಚಂದ್ರ ಹಾಗೂ ಕುಟುಂಬದ ಇನ್ನಿತರ ಸದಸ್ಯರನ್ನು ಹುಡುಕಿಕೊಂಡು ನಮ್ಮ ಭಾವ ರವಿಚಂದ್ರ ಅವರು ಉತ್ತರಾಖಂಡಕ್ಕೆ ಹೋಗಿದ್ದಾರೆ' ಎನ್ನುತ್ತಾರೆ ಸೀತಾರಾಮು ಅವರ ಪುತ್ರ ರಾಘವೇಂದ್ರ.<br /> <br /> `ಸರ್ಕಾರದಿಂದ ಕಾಣೆಯಾದವರ ಬಗೆಗೆ ಯಾವುದೇ ಮಾಹಿತಿ ಬಂದಿಲ್ಲ. ಈ ಹಿಂದೆಯೇ ಮಾಧ್ಯಮದವರಿಗೆಲ್ಲ ಪಟ್ಟಿ ನೀಡಿದ್ದೆವು. ಸೋಮವಾರ ಮತ್ತೆ ದೂರವಾಣಿ ಕರೆ ಮಾಡಿ ಕೇಳುತ್ತಿದ್ದಾರೆ. ಏನಾದರೂ ಸುದ್ದಿ ಇದೆಯಾ?' ಎಂದು ರಾಘವೇಂದ್ರ ಹೇಳಿದರು.<br /> <br /> ಇಲ್ಲಿಯವರೆಗೆ ಕುಟುಂಬದವರು ಕೈಕಟ್ಟಿ ಕುಳಿತಿಲ್ಲ. ಕುಟುಂಬದವರು ಉತ್ತರಾಖಂಡಕ್ಕೆ ಹೋಗಿ ಹುಡುಕಾಟ ನಡೆಸಿದ್ದಾರೆ. ಒಬ್ಬರು ಮರಳಿ ಬಂದ ಮೇಲೆ, ಮತ್ತೊಬ್ಬರು ಹೋಗುತ್ತಲೇ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಡ್ಯ:</strong> ಉತ್ತರಾಖಂಡ ಜಲಪ್ರಳಯದಲ್ಲಿ ಮದ್ದೂರಿನ ಎಂ.ಜಿ. ಸೀತಾರಾಮು ಕುಟುಂಬದ 13 ಮಂದಿ ಸದಸ್ಯರು ಕಾಣೆಯಾಗಿ ಒಂದು ತಿಂಗಳು ಕಳೆದಿದೆ. ಇಂದಿಗೂ ಅವರ ಬರುವಿಕೆಯ ಆಶಾಭಾವನೆಯಲ್ಲಿದ್ದಾರೆ ಕುಟುಂಬದ ಸದಸ್ಯರು.<br /> <br /> ರಾಜ್ಯ ಸರ್ಕಾರದಿಂದ ಉತ್ತರಾಖಂಡಕ್ಕೆ ತೆರಳಿದ್ದ ಸಚಿವರು ಹಾಗೂ ಅಧಿಕಾರಿಗಳು ನೂರಾರು ಪ್ರವಾಸಿಗರನ್ನು ಕರೆ ತಂದಿದ್ದಾರೆ. ಕೆಲವರು ಕಾಣೆಯಾಗಿದ್ದು, ಸಿಕ್ಕಿಲ್ಲ. ಅಲ್ಲಿನ ಸರ್ಕಾರಕ್ಕೆ ಕಾಣೆಯಾದವರ ಬಗ್ಗೆ ವಿವರ ತಿಳಿಸಿ ಎಂದು ಹೇಳಿ ಬಂದಿದ್ದಾರೆ.<br /> ಆದರೆ, ಸೀತಾರಾಮು ಕುಟುಂಬದವರು ಮಾತ್ರ ಇಂದಿಗೂ ಉತ್ತರಾಖಂಡದಲ್ಲಿ ಕುಟುಂಬದ ಸದಸ್ಯರಿಗಾಗಿ ಹುಡುಕಾಟ ಮುಂದುವರಿಸಿದ್ದಾರೆ.<br /> <br /> ರಾಜ್ಯ ಸರ್ಕಾರವು ಪಟ್ಟಿ ನೀಡಿ ಬಂದ ನಂತರ, ಕಾಣೆಯಾದವರ ಸ್ಥಿತಿ ಏನಾಗಿದೆ. ಯಾರದ್ದಾದರೂ ಸುಳಿವು ಸಿಕ್ಕಿದೆಯೇ ಎಂಬ ಬಗೆಗೆ ಕುಟುಂಬದ ಸದಸ್ಯರಿಗೆ ಮಾಹಿತಿ ಇಲ್ಲ. ಜಿಲ್ಲಾ ಉಸ್ತುವಾರಿ ಸಚಿವರೂ ಸೇರಿದಂತೆ ಹಲವರು ಬಂದು ಸಾಂತ್ವನ ಹೇಳಿ ಬಂದಿದ್ದಾರೆ.<br /> <br /> ಮದ್ದೂರಿನ ಹಿರಿಯ ಪತ್ರಕರ್ತ ಸೀತಾರಾಮು ಅವರೊಂದಿಗೆ ಕುಟುಂಬದ ಹದಿನೆಂಟು ಮಂದಿ ಕೇದಾರನಾಥ, ಬದರಿನಾಥ ದರ್ಶನಕ್ಕೆಂದು ತೆರಳಿದ್ದರು. ಕೇದಾರದಿಂದ ಡೋಲಿ ಹಾಗೂ ಕುದುರೆಗಳ ಮೇಲೆ ಗೌರಿಕುಂಡದತ್ತ ಹೊರಟಾಗ ಕಾಣೆಯಾಗಿದ್ದರು.<br /> <br /> ಅದರಲ್ಲಿ ಸೀತಾರಾಮು ಹಾಗೂ ಇನ್ನೂ ನಾಲ್ವರು ಮರಳಿ ಬಂದಿದ್ದಾರೆ. ಎಂ.ಜಿ.ನಾಗರಾಜು, ಸುಮಾರಾಜು, ಲೀಲಾವತಿ, ಗುರುರಾಜ, ಉಮಾರಾಜ, ಎಸ್.ವಿ.ಕುಮಾರ್, ಸೀತಾಲಕ್ಷ್ಮೀ, ಎಂ.ಜಿ. ರಮೇಶ್, ನಾಗಲಕ್ಷ್ಮೀ, ನಾಗಶ್ರೀ ಮಕ್ಕಳಾದ ಅನಿರುದ್ಧ, ಅತುಲ್ಚಂದ್ರ ಹಾಗೂ ಅಮಿತ್ಚಂದ್ರ ಕಾಣೆಯಾದವರು.<br /> <br /> `ಪತ್ನಿ ನಾಗಶ್ರೀ, ಮಕ್ಕಳಾದ ಅಮಿತ್ಚಂದ್ರ, ಅತುಲ್ಚಂದ್ರ ಹಾಗೂ ಕುಟುಂಬದ ಇನ್ನಿತರ ಸದಸ್ಯರನ್ನು ಹುಡುಕಿಕೊಂಡು ನಮ್ಮ ಭಾವ ರವಿಚಂದ್ರ ಅವರು ಉತ್ತರಾಖಂಡಕ್ಕೆ ಹೋಗಿದ್ದಾರೆ' ಎನ್ನುತ್ತಾರೆ ಸೀತಾರಾಮು ಅವರ ಪುತ್ರ ರಾಘವೇಂದ್ರ.<br /> <br /> `ಸರ್ಕಾರದಿಂದ ಕಾಣೆಯಾದವರ ಬಗೆಗೆ ಯಾವುದೇ ಮಾಹಿತಿ ಬಂದಿಲ್ಲ. ಈ ಹಿಂದೆಯೇ ಮಾಧ್ಯಮದವರಿಗೆಲ್ಲ ಪಟ್ಟಿ ನೀಡಿದ್ದೆವು. ಸೋಮವಾರ ಮತ್ತೆ ದೂರವಾಣಿ ಕರೆ ಮಾಡಿ ಕೇಳುತ್ತಿದ್ದಾರೆ. ಏನಾದರೂ ಸುದ್ದಿ ಇದೆಯಾ?' ಎಂದು ರಾಘವೇಂದ್ರ ಹೇಳಿದರು.<br /> <br /> ಇಲ್ಲಿಯವರೆಗೆ ಕುಟುಂಬದವರು ಕೈಕಟ್ಟಿ ಕುಳಿತಿಲ್ಲ. ಕುಟುಂಬದವರು ಉತ್ತರಾಖಂಡಕ್ಕೆ ಹೋಗಿ ಹುಡುಕಾಟ ನಡೆಸಿದ್ದಾರೆ. ಒಬ್ಬರು ಮರಳಿ ಬಂದ ಮೇಲೆ, ಮತ್ತೊಬ್ಬರು ಹೋಗುತ್ತಲೇ ಇದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
