ಶುಕ್ರವಾರ, ಮಾರ್ಚ್ 5, 2021
23 °C

ಪಾಕ್‌ ಸೇನೆಯ ನುರಿತವರಿಂದ ತರಬೇತಿ: ಉಗ್ರ ಬಹದ್ದೂರ್‌ ಅಲಿ ಹೇಳಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪಾಕ್‌ ಸೇನೆಯ ನುರಿತವರಿಂದ ತರಬೇತಿ: ಉಗ್ರ ಬಹದ್ದೂರ್‌ ಅಲಿ ಹೇಳಿಕೆ

ನವದೆಹಲಿ(ಪಿಟಿಐ): 'ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿರುವ ಭಯೋತ್ಪಾದನೆ ಸಂಘಟನೆಗಳು ಹಾಗೂ ಪಾಕಿಸ್ತಾನ ಸೇನೆ ನನಗೆ ಮಾರ್ಗದರ್ಶನ ನೀಡುತ್ತಿತ್ತು' ಎಂದು ಜಮ್ಮು–ಕಾಶ್ಮೀರದಲ್ಲಿ ಭಯೋತ್ಪಾದಕ ದಾಳಿ ವೇಳೆ ಬಂಧಿಸಲಾಗಿರುವ ಪಾಕ್‌ ಮೂಲದ ಉಗ್ರ ಬಹದ್ದೂರ್‌ ಅಲಿ ಹೇಳಿದ್ದಾನೆ ಎಂದು ರಾಷ್ಟ್ರೀಯ ತನಿಖಾ ದಳ(ಎನ್‌ಐಎ) ಬುಧವಾರ ಹೇಳಿದೆ.



ಈ ಸಂಬಂಧ ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಎನ್‌ಐಎ ಅಧಿಕಾರಿಗಳು, ವಿಚಾರಣೆ ವೇಳೆ ಬಂಧಿತ ಉಗ್ರ ಬಹದ್ದೂರ್‌ ಅಲಿ ಮಹತ್ವದ ಮಾಹಿತಿ ಬಾಯ್ಬಿಟ್ಟಿದ್ದು, ತಾನು ಪಾಕಿಸ್ತಾನದ ಮೂಲದವನು ಎಂದು ತಪ್ಪೊಪ್ಪಿಕೊಂಡಿದ್ದಾನೆ ಎಂದು ತಿಳಿಸಿದರು.



ತಾನು ಪಾಕ್‌ನಿಂದ ಭಾರತದ ಗಡಿಯೊಳಗೆ ಅಕ್ರಮವಾಗಿ ನುಸುಳಿದ್ದಾಗಿ ಹಾಗೂ ಪಾಕಿಸ್ತಾನದಲ್ಲಿ ತರಬೇತಿ ಪಡೆದು ಬಂದಿರುವುದಾಗಿ ಅಲಿ ಹೇಳಿದ್ದಾನೆ. ಗಡಿಯಲ್ಲಿ ಉಗ್ರರ ಕ್ಯಾಂಪ್‌ಗಳಿವೆ. ಅಲ್ಲಿಗೆ ಪಾಕ್‌ ಸೇನೆಯ ಅನುಭವಿಗಳು ನಿರಂತರ ಭೇಟಿ ನೀಡಿ, ಮಾರ್ಗದರ್ಶನ ನೀಡುತ್ತಾರೆ ಎಂದು ಅಲಿ ಬಾಯ್ಬಿಟ್ಟಿದ್ದಾಗಿ ಎನ್‌ಐಎ ಹೇಳಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.