ಗುರುವಾರ , ಆಗಸ್ಟ್ 5, 2021
23 °C

ಪೂರ್ಣಿಮ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಎಲ್ಲಿದ್ದಳು ಇಲ್ಲೆ ತನಕ

ನನ್ನ ಪುಟ್ಟ ಕಿನ್ನರಿ?

ಬಂದಳೇಕೆ ಈಗ ನನ್ನ

ಮಡಿಲಿಗೆ ಈ ಕುವರಿ?

 

ಮಗಳಿಲ್ಲದ ನನ್ನ ಕೊರತೆ

ಇವಳಿಗೆ ಅರಿವಾಯಿತೆ?

ಆ ಕೊರತೆಯ ನೀಗಲೆಂದೇ

ಬಂದಳೆ ಈ ದೇವತೆ?

 

ಹೆಸರಿಗೆ ತಕ್ಕಂತೆ ಇವಳು

ತುಂಬು ಚಂದಿರ:

ಬೆಳದಿಂಗಳ ತಂಪು ಇವಳು

ಇರುವ ಪರಿಸರ.

 

ಮಾತಿನಮಲ್ಲೆ ಇವಳು

ಚೈತನ್ಯದ ಚಿಲುಮೆ.

ಅಮೃತ ಕಲಶ ಇವಳ ಹೃದಯ,

ಧಾರೆ ಧಾರೆ ಒಲುಮೆ.

 

ಏನೇ ಸುಖವಿದ್ದರೇನು

ಆ ಅಮೆರಿಕದಲ್ಲಿ?

ಮರುಗುತ್ತಿತ್ತು ಇವಳ ಮನಸು

ನೆನೆದು ಕರುಳಬಳ್ಳಿ.

 

ಪರದೇಶದ ಹಂಗು ತೊರೆದು

ಬಂದಿದ್ದಾಳೆ ತೌರಿಗೆ:

ಮತ್ತೆ ಸೀರೆಯುಟ್ಟು, ಮುಡಿದು

ತುರುಬಿನಲ್ಲಿ ಮಲ್ಲಿಗೆ.

 

ತಡವಾದರೂ ಏನು, ಮಗಳೇ,

ಬಂದಿರು ಬಿಡುವಾಗಿ:

ನಾವೆಲ್ಲರೂ ಮುಳುಗೇಳಲು

ಪ್ರೀತಿಯ ಮಡುವಾಗಿ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.