<p><strong>ಲಂಡನ್ (ಪಿಟಿಐ):</strong> ಮ್ಯಾಂಚೆಸ್ಟರ್ ವಸ್ತು ಸಂಗ್ರಹಾಲಯದಲ್ಲಿರುವ 4000 ವರ್ಷಗಳ ಹಿಂದಿನ ಈಜಿಪ್ಟಿನ ಪ್ರತಿಮೆಯೊಂದು ತಂತಾನೇ ಅರ್ಧ ವೃತ್ತಾಕಾರದಲ್ಲಿ ಪರಿಭ್ರಮಿಸುತ್ತಿರುವುದು ಗಮನಕ್ಕೆ ಬಂದಿದ್ದು, ಇದು ಸೋಜಿಗ ಮೂಡಿಸಿದೆ!<br /> <br /> ಈಜಿಪ್ಟಿನ ಮಮ್ಮಿಯ ಸಮಾಧಿಯೊಂದರಲ್ಲಿ ಕ್ರಿಸ್ತಪೂರ್ವ 1800ನೇ ಇಸವಿಯಲ್ಲಿ ಪತ್ತೆಯಾದ 10 ಇಂಚು ಎತ್ತರದ ಈ ಪ್ರತಿಮೆಯು 80 ವರ್ಷಗಳಿಂದ ಈ ವಸ್ತುಸಂಗ್ರಹಾಲಯದಲ್ಲಿ ಇದೆ. ಕೆಲವು ವಾರಗಳಿಂದೀಚೆಗೆ ಇದು ಪರಿಭ್ರಮಿಸುತ್ತಿರುವುದು ಮೇಲ್ವಿಚಾರಕರ ಗಮನಕ್ಕೆ ಬಂದಿದೆ. ತಜ್ಞರು ವೀಡಿಯೊ ಚಿತ್ರೀಕರಣ ಮಾಡಿ ಇದನ್ನು ಖಚಿತಪಡಿಸಿಕೊಂಡಿದ್ದು, ಅವರಲ್ಲಿ ಕೂಡ ಈ ವಿದ್ಯಮಾನ ಆಶ್ಚರ್ಯ ಮೂಡಿಸಿದೆ.<br /> <br /> ಈ ಪ್ರತಿಮೆಯು ರಾತ್ರಿ ವೇಳೆ ಸ್ಥಿರವಾಗಿ ಇರುತ್ತದೆ. ಆದರೆ ಹಗಲಿನ ವೇಳೆ ನಿಧಾನವಾಗಿ ಪರಿಭ್ರಮಿಸುತ್ತಿದೆ ಎಂದು ವರದಿಗಳು ಹೇಳಿವೆ.<br /> <br /> ಆಧ್ಯಾತ್ಮಿಕ ಪವಾಡವೇ ಇದಕ್ಕೆ ಕಾರಣವಿರಬಹುದು ಎಂಬುದು ವಸ್ತು ಸಂಗ್ರಹಾಲಯದ ಮೇಲ್ವಿಚಾರಕ ಕ್ಯಾಂಪ್ಬೆಲ್ ಪ್ರೈಸ್ ಅವರ ಅಭಿಪ್ರಾಯ. `ಗಾಜಿನ ಪೆಟ್ಟಿಗೆಯಲ್ಲಿ ಇಡಲಾಗಿರುವ ಈ ಪ್ರತಿಮೆ ತಿರುವುಮುರವಾಗಿದ್ದನ್ನು ಒಂದು ರಾತ್ರಿ ಗಮನಿಸಿದೆ. ಇದು ನನ್ನಲ್ಲಿ ನಿಜಕ್ಕೂ ಅಚ್ಚರಿ ಉಂಟು ಮಾಡಿತು. ನಂತರ ಅದನ್ನು ಸ್ವಸ್ಥಾನಕ್ಕೆ ನಿಲ್ಲಿಸಿದೆ. ಮರುದಿನ ಪುನಃ ಅದು ತಿರುವುಮುರುವಾಗಿ ನಿಂತಿತ್ತು' ಎಂದು ಅವರು ಹೇಳಿದ್ದಾರೆ.<br /> <br /> ಆದರೆ ತಜ್ಞರು ಇದಕ್ಕೆ ಹೇಳುವ ವೈಜ್ಞಾನಿಕ ಕಾರಣ ಬೇರೆ ರೀತಿ ಇದೆ. ಇಲ್ಲಿಗೆ ಬರುವ ಪ್ರವಾಸಿಗರು ನಡೆದಾಡುವಾಗ ಉಂಟಾಗುವ ಕಂಪನಗಳು ಈ ಚಲನೆಗೆ ಕಾರಣವಿರಬಹುದು ಎನ್ನುತ್ತಾರೆ ಅವರು. ಆದರೆ ಪ್ರೈಸ್ ಇದನ್ನು ಒಪ್ಪುವುದಿಲ್ಲ.<br /> <br /> ಇಲ್ಲಿಗೆ ಈ ಹಿಂದಿನಿಂದಲೂ ಪ್ರವಾಸಿಗಳು ಆಗಮಿಸುತ್ತಿದ್ದು, ಆಗೆಲ್ಲಾ ಇಲ್ಲದ ಕಂಪನದ ಪರಿಣಾಮ ಈಗ ಮಾತ್ರ ಹೇಗೆ ಆಗಲು ಸಾಧ್ಯ? ಅದೂ ಅಲ್ಲದೆ, ಸರಿಯಾಗಿ ಅರ್ಧ ವೃತ್ತಾಕಾರದಲ್ಲಿಯೇ ಅದು ಏಕೆ ಚಲಿಸಬೇಕು?- ಎಂದು ಕೇಳುತ್ತಾರೆ.<br /> ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಈ ವಿದ್ಯಮಾನವನ್ನು ನೋಡಬೇಕು ಎಂದು ಅವರು ಮನವಿ ಮಾಡಿದ್ದಾರೆ. ಅಲ್ಲದೇ, ಪ್ರತಿಮೆಯ ಈ ಪರಿಭ್ರಮಣದ ನಿಗೂಢತೆಗೆ ಕಾರಣ ಏನೆಂಬುದನ್ನು ಪತ್ತೆಹಚ್ಚಬೇಕು ಎಂದೂ ಅವರು ಕೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ):</strong> ಮ್ಯಾಂಚೆಸ್ಟರ್ ವಸ್ತು ಸಂಗ್ರಹಾಲಯದಲ್ಲಿರುವ 4000 ವರ್ಷಗಳ ಹಿಂದಿನ ಈಜಿಪ್ಟಿನ ಪ್ರತಿಮೆಯೊಂದು ತಂತಾನೇ ಅರ್ಧ ವೃತ್ತಾಕಾರದಲ್ಲಿ ಪರಿಭ್ರಮಿಸುತ್ತಿರುವುದು ಗಮನಕ್ಕೆ ಬಂದಿದ್ದು, ಇದು ಸೋಜಿಗ ಮೂಡಿಸಿದೆ!<br /> <br /> ಈಜಿಪ್ಟಿನ ಮಮ್ಮಿಯ ಸಮಾಧಿಯೊಂದರಲ್ಲಿ ಕ್ರಿಸ್ತಪೂರ್ವ 1800ನೇ ಇಸವಿಯಲ್ಲಿ ಪತ್ತೆಯಾದ 10 ಇಂಚು ಎತ್ತರದ ಈ ಪ್ರತಿಮೆಯು 80 ವರ್ಷಗಳಿಂದ ಈ ವಸ್ತುಸಂಗ್ರಹಾಲಯದಲ್ಲಿ ಇದೆ. ಕೆಲವು ವಾರಗಳಿಂದೀಚೆಗೆ ಇದು ಪರಿಭ್ರಮಿಸುತ್ತಿರುವುದು ಮೇಲ್ವಿಚಾರಕರ ಗಮನಕ್ಕೆ ಬಂದಿದೆ. ತಜ್ಞರು ವೀಡಿಯೊ ಚಿತ್ರೀಕರಣ ಮಾಡಿ ಇದನ್ನು ಖಚಿತಪಡಿಸಿಕೊಂಡಿದ್ದು, ಅವರಲ್ಲಿ ಕೂಡ ಈ ವಿದ್ಯಮಾನ ಆಶ್ಚರ್ಯ ಮೂಡಿಸಿದೆ.<br /> <br /> ಈ ಪ್ರತಿಮೆಯು ರಾತ್ರಿ ವೇಳೆ ಸ್ಥಿರವಾಗಿ ಇರುತ್ತದೆ. ಆದರೆ ಹಗಲಿನ ವೇಳೆ ನಿಧಾನವಾಗಿ ಪರಿಭ್ರಮಿಸುತ್ತಿದೆ ಎಂದು ವರದಿಗಳು ಹೇಳಿವೆ.<br /> <br /> ಆಧ್ಯಾತ್ಮಿಕ ಪವಾಡವೇ ಇದಕ್ಕೆ ಕಾರಣವಿರಬಹುದು ಎಂಬುದು ವಸ್ತು ಸಂಗ್ರಹಾಲಯದ ಮೇಲ್ವಿಚಾರಕ ಕ್ಯಾಂಪ್ಬೆಲ್ ಪ್ರೈಸ್ ಅವರ ಅಭಿಪ್ರಾಯ. `ಗಾಜಿನ ಪೆಟ್ಟಿಗೆಯಲ್ಲಿ ಇಡಲಾಗಿರುವ ಈ ಪ್ರತಿಮೆ ತಿರುವುಮುರವಾಗಿದ್ದನ್ನು ಒಂದು ರಾತ್ರಿ ಗಮನಿಸಿದೆ. ಇದು ನನ್ನಲ್ಲಿ ನಿಜಕ್ಕೂ ಅಚ್ಚರಿ ಉಂಟು ಮಾಡಿತು. ನಂತರ ಅದನ್ನು ಸ್ವಸ್ಥಾನಕ್ಕೆ ನಿಲ್ಲಿಸಿದೆ. ಮರುದಿನ ಪುನಃ ಅದು ತಿರುವುಮುರುವಾಗಿ ನಿಂತಿತ್ತು' ಎಂದು ಅವರು ಹೇಳಿದ್ದಾರೆ.<br /> <br /> ಆದರೆ ತಜ್ಞರು ಇದಕ್ಕೆ ಹೇಳುವ ವೈಜ್ಞಾನಿಕ ಕಾರಣ ಬೇರೆ ರೀತಿ ಇದೆ. ಇಲ್ಲಿಗೆ ಬರುವ ಪ್ರವಾಸಿಗರು ನಡೆದಾಡುವಾಗ ಉಂಟಾಗುವ ಕಂಪನಗಳು ಈ ಚಲನೆಗೆ ಕಾರಣವಿರಬಹುದು ಎನ್ನುತ್ತಾರೆ ಅವರು. ಆದರೆ ಪ್ರೈಸ್ ಇದನ್ನು ಒಪ್ಪುವುದಿಲ್ಲ.<br /> <br /> ಇಲ್ಲಿಗೆ ಈ ಹಿಂದಿನಿಂದಲೂ ಪ್ರವಾಸಿಗಳು ಆಗಮಿಸುತ್ತಿದ್ದು, ಆಗೆಲ್ಲಾ ಇಲ್ಲದ ಕಂಪನದ ಪರಿಣಾಮ ಈಗ ಮಾತ್ರ ಹೇಗೆ ಆಗಲು ಸಾಧ್ಯ? ಅದೂ ಅಲ್ಲದೆ, ಸರಿಯಾಗಿ ಅರ್ಧ ವೃತ್ತಾಕಾರದಲ್ಲಿಯೇ ಅದು ಏಕೆ ಚಲಿಸಬೇಕು?- ಎಂದು ಕೇಳುತ್ತಾರೆ.<br /> ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಈ ವಿದ್ಯಮಾನವನ್ನು ನೋಡಬೇಕು ಎಂದು ಅವರು ಮನವಿ ಮಾಡಿದ್ದಾರೆ. ಅಲ್ಲದೇ, ಪ್ರತಿಮೆಯ ಈ ಪರಿಭ್ರಮಣದ ನಿಗೂಢತೆಗೆ ಕಾರಣ ಏನೆಂಬುದನ್ನು ಪತ್ತೆಹಚ್ಚಬೇಕು ಎಂದೂ ಅವರು ಕೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
