<p>ಐಪಿಎಲ್ಗೆ ಪ್ರತ್ಯೇಕ ಕಾಲಾವಧಿ ಬೇಕಾ? ಇದಕ್ಕೆ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ `ಹೌದು~ ಎನ್ನುವ ಉತ್ತರ ಕೊಟ್ಟಿದ್ದಾರೆ. <br /> <br /> ಫ್ರಾಂಚೈಸ್ಸಿಗಳ ಹಿತಾಸಕ್ತಿಗೆ ಆಟಗಾರರು ಬಲಿಯಾಗಬೇಕೆ? ದುಡ್ಡಿಗಾಗಿ ಆಡುವುದು ಮುಖ್ಯವೇ? ದೊಡ್ಡ ಇತಿಹಾಸವಿರುವ ಟೆಸ್ಟ್, ಏಕದಿನ ಕ್ರಿಕೆಟ್ಗಿಂತ ಐಪಿಎಲ್ಗೆ ಪ್ರತ್ಯೇಕ ಕಾಲಾವಧಿ ಮೀಸಲಿಡುವುದು ಎಷ್ಟರ ಮಟ್ಟಿಗೆ ಸರಿ? ಅಂತರರಾಷ್ಟ್ರೀಯ ಆಟಕ್ಕಿಂತ ಈ ಚುಟುಕು ಆಟಕ್ಕೆ ಹೆಚ್ಚು ಪ್ರಾಮುಖ್ಯತೆಯಾ?<br /> <br /> ರಿಕಿ ಹೇಳಿಕೆಯಿಂದ ಈ ಪ್ರಶ್ನೆಗಳು ಹುಟ್ಟಿಕೊಂಡಿವೆ. ಕ್ರಿಕೆಟ್ ಜಗತ್ತಿನ ಒಂದಷ್ಟು ಮಂದಿಗೆ ಚಿಂತಿಸುವಂತೆ ಮಾಡಿವೆ. ಇದಕ್ಕವರು ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಯ ನಿದರ್ಶನ ನೀಡಿದ್ದಾರೆ. ಕಿವೀಸ್ ಮಂಡಳಿ ಐಪಿಎಲ್ ನಡೆಯುವ ವೇಳೆ ಯಾವುದೇ ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಯೋಜಿಸುವುದಿಲ್ಲ. ಎಲ್ಲಾ ಕ್ರಿಕೆಟ್ ಮಂಡಳಿಗಳು ಚರ್ಚೆ ಮಾಡಿ `ಪ್ರತ್ಯೇಕ ಕಾಲಾವಧಿ~ ನಿರ್ಧಾರ ಮಾಡಬೇಕು ಎನ್ನುವುದು ಆಸ್ಟ್ರೇಲಿಯಾದ ಆಟಗಾರನ ಮನದ ಇಂಗಿತ.<br /> <br /> <strong>ಆಗುವ ಲಾಭವೇನು: </strong>ಐಪಿಎಲ್ಗೆ `ಪ್ರತ್ಯೇಕ ಕಾಲಾವಧಿ~ಯ ಕೂಗು ಜಾರಿಗೆ ಬಂದರೆ ಆಗುವ ಲಾಭವೇನು. ಇದು ಸಹಜವಾಗಿ ಮೂಡುವ ಪ್ರಶ್ನೆ. ಇದಕ್ಕೆ ಈ ಸಲದ ಪುಣೆ ವಾರಿಯರ್ಸ್ ತಂಡವನ್ನು ಉದಾಹರಿಸಬಹುದು. <br /> <br /> ಅನಾರೋಗ್ಯದಿಂದ ಬಳಲಿದ ಯುವರಾಜ್ ಸಿಂಗ್ ಬದಲು ಆಸ್ಟ್ರೇಲಿಯಾ ತಂಡದ ನಾಯಕ ಮೈಕಲ್ ಕ್ಲಾರ್ಕ್ ಪುಣೆ ತಂಡದಲ್ಲಿ ಸ್ಥಾನ ಪಡೆದರು. ಆದರೆ, ಕ್ಲಾರ್ಕ್ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಆಡುತ್ತಿದ್ದಾರೆ. <br /> <br /> ಆದ್ದರಿಂದ ಅವರು ಅರ್ಧದಷ್ಟು ಐಪಿಎಲ್ ಮುಗಿದ ಮೇಲೆ ತಂಡಕ್ಕೆ ಲಭ್ಯ. ಇದೇ ಸ್ಥಿತಿ ಶ್ರೀಲಂಕಾದ ಆ್ಯಂಜೆಲೋ ಮ್ಯಾಥ್ಯೂಸ್ ಅವರದ್ದು. ಪುಣೆ ತಂಡದ ಈ ಆಟಗಾರನೂ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ನಲ್ಲಿ ಆಡುತ್ತಿದ್ದಾರೆ. <br /> <br /> ಪ್ರತ್ಯೇಕ ಕಾಲಾವಧಿ ಮೀಸಲಿಟ್ಟರೆ, ಈ ಸಂಕಷ್ಟ ತಪ್ಪಿಸಬಹುದು. ಅಷ್ಟೇ ಅಲ್ಲ ಕೋಟಿ, ಕೋಟಿ ಬಹುಮಾನ ತಂದುಕೊಡುವ ಚುಟುಕು ಆಟದ `ಕುಬೇರ~ನಾಗುವ ಅವಕಾಶ ಗಿಟ್ಟಿಸಿಕೊಳ್ಳಬಹುದು.<br /> <br /> ಪ್ರತ್ಯೇಕ ಕಾಲಾವಧಿ ನಿಗದಿಯಾದರೆ, ಶಾರೂಖ್, ನೀತಾ ಅಂಬಾನಿ, ವಿಜಯ್ ಮಲ್ಯ ಅವರಂಥಹ ಕೋಟಿ ಕೋಟಿ ಒಡೆಯರಿಗೆ ಇನ್ನಷ್ಟು `ಹೊಳಪು~ ಬರುತ್ತದೆ. ಜೊತೆಗೆ ಅವರ ಖಜಾನೆಯೂ ಭರ್ತಿ! ಇದರಿಂದ ಜಗತ್ತಿನ ಶ್ರೀಮಂತ ಕ್ರಿಕೆಟ್ ಮಂಡಳಿ ಬಿಸಿಸಿಐ ಮಡಿಲಿಗೆ ಹರಿದು ಬರುವ ಹಣಕ್ಕಂತೂ ಲೆಕ್ಕವೇ ಇಲ್ಲ.<br /> <br /> `ರಿಕಿ ಪಾಂಟಿಂಗ್ ಅವರ ಹೇಳಿಕೆಯನ್ನು ನಾನು ಬೆಂಬಲಿಸುತ್ತೇನೆ. ಎಲ್ಲಾ ಆಟಗಾರರು ಐಪಿಎಲ್ನಲ್ಲಿ ಪಾಲ್ಗೊಳ್ಳಬೇಕು. ಎಲ್ಲಾ ಕ್ರಿಕೆಟ್ ಸಂಸ್ಥೆಗಳು ಈ ಕುರಿತು ಚರ್ಚೆ ನಡೆಸಬೇಕು~ ಎನ್ನುತ್ತಾರೆ ಮಾಜಿ ಅಂತರರಾಷ್ಟ್ರೀಯ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್.<br /> <br /> ತೊಂದರೆಯೇನು: ರಿಕಿ ಹೇಳಿಕೆಯನ್ನು ಗಮನಿಸಿದರೆ, ಊಟಕ್ಕೆ ಉಪ್ಪಿನಕಾಯಿ ಅಗತ್ಯವೋ? ಉಪ್ಪಿನಕಾಯಿಯೇ ಊಟವೋ? ಎನ್ನುವ ಪ್ರಶ್ನೆ ಮೂಡುತ್ತದೆ. <br /> ಐಪಿಎಲ್ಗಾಗಿಯೇ ದೇಶದ ತಂಡವನ್ನು ತೊರೆದವರು ಇದ್ದಾರೆ. ಶ್ರೀಲಂಕಾದ ವೇಗಿ ಲಸಿತ್ ಮಾಲಿಂಗ ದೇಶಕ್ಕಾಗಿ ಆಡು ಎಂದರೆ, `ಅಬ್ಬಾ ಗಾಯ...~ ಎನ್ನುತ್ತಾರೆ. <br /> <br /> ಆದರೆ, ಐಪಿಎಲ್ ಎಂದಾಕ್ಷಣ ಎಲ್ಲೋ ಹುದುಗಿ ಹೋಗಿರುವ ಉತ್ಸಾಹದ ಬಲ ಹಾಗೂ ತೋಳ್ಬಲದಿಂದ ಎದುರಾಳಿ ಬ್ಯಾಟ್ಸ್ಮನ್ನ ಕಣ್ಣು ಕುಕ್ಕುವಂತೆ ಬೌಲಿಂಗ್ ಮಾಡುತ್ತಾರೆ. <br /> ವೆಸ್ಟ್ ಇಂಡೀಸ್ನ ಆಜಾನುಬಾಹು ಆಟಗಾರ ಕ್ರಿಸ್ ಗೇಲ್ ಚುಟುಕು ಕ್ರಿಕೆಟ್ನ ಬ್ಯಾಟಿಂಗ್ `ದೊರೆ~. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿರುವ ಈ ಆಟಗಾರನ ಬ್ಯಾಟಿಂಗ್ `ರೌದ್ರವಾತಾರ~ ನೋಡಲು ಕ್ರಿಕೆಟ್ ಅಭಿಮಾನಿಗಳು ಮುಗಿ ಬೀಳುತ್ತಾರೆ. <br /> <br /> ಆದರೆ, ತವರಿನಲ್ಲಿ ಆತನ ಪರಿಸ್ಥಿತಿ ಏನಾಗಿದೆ ನೋಡಿ. ವಿಂಡೀಸ್ ತಂಡದಲ್ಲಿಯೇ ಸಾಕಷ್ಟು ವರ್ಷ ಆಡಿ, ಅಲ್ಲಿಂದಲೇ ಬೆಳೆದು ಕೀರ್ತಿ, ಹಣ, ಅಭಿಮಾನಿಗಳ ಬಳಗವನ್ನು ಪಡೆದ ಗೇಲ್ ಈಗ ತಮ್ಮ ದೇಶದ ತಂಡದಲ್ಲಿ ಆಡಲು ಅವಕಾಶವಿಲ್ಲದೇ ಪರಿತಪಿಸುತ್ತಿದ್ದಾರೆ. <br /> <br /> ಪ್ರಮುಖ ಆಟಗಾರರಾದ ವಿರಾಟ್ ಕೊಹ್ಲಿ, ಸಚಿನ್ ತೆಂಡೂಲ್ಕರ್, ವೀರೇಂದ್ರ ಸೆಹ್ವಾಗ್, ಮಹೇಂದ್ರ ಸಿಂಗ್ ದೋನಿ ಅವರು ಐಪಿಎಲ್ನಲ್ಲಿ ಆಡುತ್ತಾರೆ. ಇದರಲ್ಲಿ ಯಾರಾದರೂ ಗಾಯಗೊಂಡರೆ, ಮುಂಬರುವಸರಣಿಯಲ್ಲಿ ಮತ್ಯಾರನ್ನು ನೆಚ್ಚಿಕೊಳ್ಳುವುದು? ಐಪಿಎಲ್ಗೆ ನೀಡುವ ಕಾಳಜಿ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ಏಕಿಲ್ಲ? <br /> <br /> ಐಪಿಎಲ್ ಊಟಕ್ಕೆ ಬೇಕಾದ ಉಪ್ಪಿನಕಾಯಿ ಮಾತ್ರ. ಅದುವೇ ಊಟವಲ್ಲ. ದೇಶವನ್ನು ಪ್ರತಿನಿಧಿಸುವುದಕ್ಕೆ ಮೊದಲ ಆದ್ಯತೆ ನೀಡಬೇಕು. ಚುಟುಕು ಆಟಕ್ಕೆ ದೇಶಿಯ ಹಾಗೂ ಕೌಂಟಿ ಕ್ರಿಕೆಟ್ನಲ್ಲಿ ಆಡುವ ಆಟಗಾರರಿಗೆ ಆದ್ಯತೆ ನೀಡಬೇಕು. <br /> <br /> ಇದರಲ್ಲಿಬಿಸಿಸಿಐನ ಸ್ವಾರ್ಥವೂ ಇದೆ. ಕೆಲ ತಿಂಗಳ ಹಿಂದೆ ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್ ನಡೆದಾಗ ಭಾರತದ ಯಾವ ಆಟಗಾರರೂ ಪಾಲ್ಗೊಂಡಿರಲಿಲ್ಲ. ಆದರೆ, ಭಾರತದಲ್ಲಿ ನಡೆಯುವ ಐಪಿಎಲ್ಗೆ `ಪ್ರತ್ಯೇಕ ಕಾಲಾವಧಿ~ಯ ಕೂಗು ಎಷ್ಟು ಸೂಕ್ತ?<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಐಪಿಎಲ್ಗೆ ಪ್ರತ್ಯೇಕ ಕಾಲಾವಧಿ ಬೇಕಾ? ಇದಕ್ಕೆ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ `ಹೌದು~ ಎನ್ನುವ ಉತ್ತರ ಕೊಟ್ಟಿದ್ದಾರೆ. <br /> <br /> ಫ್ರಾಂಚೈಸ್ಸಿಗಳ ಹಿತಾಸಕ್ತಿಗೆ ಆಟಗಾರರು ಬಲಿಯಾಗಬೇಕೆ? ದುಡ್ಡಿಗಾಗಿ ಆಡುವುದು ಮುಖ್ಯವೇ? ದೊಡ್ಡ ಇತಿಹಾಸವಿರುವ ಟೆಸ್ಟ್, ಏಕದಿನ ಕ್ರಿಕೆಟ್ಗಿಂತ ಐಪಿಎಲ್ಗೆ ಪ್ರತ್ಯೇಕ ಕಾಲಾವಧಿ ಮೀಸಲಿಡುವುದು ಎಷ್ಟರ ಮಟ್ಟಿಗೆ ಸರಿ? ಅಂತರರಾಷ್ಟ್ರೀಯ ಆಟಕ್ಕಿಂತ ಈ ಚುಟುಕು ಆಟಕ್ಕೆ ಹೆಚ್ಚು ಪ್ರಾಮುಖ್ಯತೆಯಾ?<br /> <br /> ರಿಕಿ ಹೇಳಿಕೆಯಿಂದ ಈ ಪ್ರಶ್ನೆಗಳು ಹುಟ್ಟಿಕೊಂಡಿವೆ. ಕ್ರಿಕೆಟ್ ಜಗತ್ತಿನ ಒಂದಷ್ಟು ಮಂದಿಗೆ ಚಿಂತಿಸುವಂತೆ ಮಾಡಿವೆ. ಇದಕ್ಕವರು ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಯ ನಿದರ್ಶನ ನೀಡಿದ್ದಾರೆ. ಕಿವೀಸ್ ಮಂಡಳಿ ಐಪಿಎಲ್ ನಡೆಯುವ ವೇಳೆ ಯಾವುದೇ ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಯೋಜಿಸುವುದಿಲ್ಲ. ಎಲ್ಲಾ ಕ್ರಿಕೆಟ್ ಮಂಡಳಿಗಳು ಚರ್ಚೆ ಮಾಡಿ `ಪ್ರತ್ಯೇಕ ಕಾಲಾವಧಿ~ ನಿರ್ಧಾರ ಮಾಡಬೇಕು ಎನ್ನುವುದು ಆಸ್ಟ್ರೇಲಿಯಾದ ಆಟಗಾರನ ಮನದ ಇಂಗಿತ.<br /> <br /> <strong>ಆಗುವ ಲಾಭವೇನು: </strong>ಐಪಿಎಲ್ಗೆ `ಪ್ರತ್ಯೇಕ ಕಾಲಾವಧಿ~ಯ ಕೂಗು ಜಾರಿಗೆ ಬಂದರೆ ಆಗುವ ಲಾಭವೇನು. ಇದು ಸಹಜವಾಗಿ ಮೂಡುವ ಪ್ರಶ್ನೆ. ಇದಕ್ಕೆ ಈ ಸಲದ ಪುಣೆ ವಾರಿಯರ್ಸ್ ತಂಡವನ್ನು ಉದಾಹರಿಸಬಹುದು. <br /> <br /> ಅನಾರೋಗ್ಯದಿಂದ ಬಳಲಿದ ಯುವರಾಜ್ ಸಿಂಗ್ ಬದಲು ಆಸ್ಟ್ರೇಲಿಯಾ ತಂಡದ ನಾಯಕ ಮೈಕಲ್ ಕ್ಲಾರ್ಕ್ ಪುಣೆ ತಂಡದಲ್ಲಿ ಸ್ಥಾನ ಪಡೆದರು. ಆದರೆ, ಕ್ಲಾರ್ಕ್ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಆಡುತ್ತಿದ್ದಾರೆ. <br /> <br /> ಆದ್ದರಿಂದ ಅವರು ಅರ್ಧದಷ್ಟು ಐಪಿಎಲ್ ಮುಗಿದ ಮೇಲೆ ತಂಡಕ್ಕೆ ಲಭ್ಯ. ಇದೇ ಸ್ಥಿತಿ ಶ್ರೀಲಂಕಾದ ಆ್ಯಂಜೆಲೋ ಮ್ಯಾಥ್ಯೂಸ್ ಅವರದ್ದು. ಪುಣೆ ತಂಡದ ಈ ಆಟಗಾರನೂ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ನಲ್ಲಿ ಆಡುತ್ತಿದ್ದಾರೆ. <br /> <br /> ಪ್ರತ್ಯೇಕ ಕಾಲಾವಧಿ ಮೀಸಲಿಟ್ಟರೆ, ಈ ಸಂಕಷ್ಟ ತಪ್ಪಿಸಬಹುದು. ಅಷ್ಟೇ ಅಲ್ಲ ಕೋಟಿ, ಕೋಟಿ ಬಹುಮಾನ ತಂದುಕೊಡುವ ಚುಟುಕು ಆಟದ `ಕುಬೇರ~ನಾಗುವ ಅವಕಾಶ ಗಿಟ್ಟಿಸಿಕೊಳ್ಳಬಹುದು.<br /> <br /> ಪ್ರತ್ಯೇಕ ಕಾಲಾವಧಿ ನಿಗದಿಯಾದರೆ, ಶಾರೂಖ್, ನೀತಾ ಅಂಬಾನಿ, ವಿಜಯ್ ಮಲ್ಯ ಅವರಂಥಹ ಕೋಟಿ ಕೋಟಿ ಒಡೆಯರಿಗೆ ಇನ್ನಷ್ಟು `ಹೊಳಪು~ ಬರುತ್ತದೆ. ಜೊತೆಗೆ ಅವರ ಖಜಾನೆಯೂ ಭರ್ತಿ! ಇದರಿಂದ ಜಗತ್ತಿನ ಶ್ರೀಮಂತ ಕ್ರಿಕೆಟ್ ಮಂಡಳಿ ಬಿಸಿಸಿಐ ಮಡಿಲಿಗೆ ಹರಿದು ಬರುವ ಹಣಕ್ಕಂತೂ ಲೆಕ್ಕವೇ ಇಲ್ಲ.<br /> <br /> `ರಿಕಿ ಪಾಂಟಿಂಗ್ ಅವರ ಹೇಳಿಕೆಯನ್ನು ನಾನು ಬೆಂಬಲಿಸುತ್ತೇನೆ. ಎಲ್ಲಾ ಆಟಗಾರರು ಐಪಿಎಲ್ನಲ್ಲಿ ಪಾಲ್ಗೊಳ್ಳಬೇಕು. ಎಲ್ಲಾ ಕ್ರಿಕೆಟ್ ಸಂಸ್ಥೆಗಳು ಈ ಕುರಿತು ಚರ್ಚೆ ನಡೆಸಬೇಕು~ ಎನ್ನುತ್ತಾರೆ ಮಾಜಿ ಅಂತರರಾಷ್ಟ್ರೀಯ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್.<br /> <br /> ತೊಂದರೆಯೇನು: ರಿಕಿ ಹೇಳಿಕೆಯನ್ನು ಗಮನಿಸಿದರೆ, ಊಟಕ್ಕೆ ಉಪ್ಪಿನಕಾಯಿ ಅಗತ್ಯವೋ? ಉಪ್ಪಿನಕಾಯಿಯೇ ಊಟವೋ? ಎನ್ನುವ ಪ್ರಶ್ನೆ ಮೂಡುತ್ತದೆ. <br /> ಐಪಿಎಲ್ಗಾಗಿಯೇ ದೇಶದ ತಂಡವನ್ನು ತೊರೆದವರು ಇದ್ದಾರೆ. ಶ್ರೀಲಂಕಾದ ವೇಗಿ ಲಸಿತ್ ಮಾಲಿಂಗ ದೇಶಕ್ಕಾಗಿ ಆಡು ಎಂದರೆ, `ಅಬ್ಬಾ ಗಾಯ...~ ಎನ್ನುತ್ತಾರೆ. <br /> <br /> ಆದರೆ, ಐಪಿಎಲ್ ಎಂದಾಕ್ಷಣ ಎಲ್ಲೋ ಹುದುಗಿ ಹೋಗಿರುವ ಉತ್ಸಾಹದ ಬಲ ಹಾಗೂ ತೋಳ್ಬಲದಿಂದ ಎದುರಾಳಿ ಬ್ಯಾಟ್ಸ್ಮನ್ನ ಕಣ್ಣು ಕುಕ್ಕುವಂತೆ ಬೌಲಿಂಗ್ ಮಾಡುತ್ತಾರೆ. <br /> ವೆಸ್ಟ್ ಇಂಡೀಸ್ನ ಆಜಾನುಬಾಹು ಆಟಗಾರ ಕ್ರಿಸ್ ಗೇಲ್ ಚುಟುಕು ಕ್ರಿಕೆಟ್ನ ಬ್ಯಾಟಿಂಗ್ `ದೊರೆ~. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿರುವ ಈ ಆಟಗಾರನ ಬ್ಯಾಟಿಂಗ್ `ರೌದ್ರವಾತಾರ~ ನೋಡಲು ಕ್ರಿಕೆಟ್ ಅಭಿಮಾನಿಗಳು ಮುಗಿ ಬೀಳುತ್ತಾರೆ. <br /> <br /> ಆದರೆ, ತವರಿನಲ್ಲಿ ಆತನ ಪರಿಸ್ಥಿತಿ ಏನಾಗಿದೆ ನೋಡಿ. ವಿಂಡೀಸ್ ತಂಡದಲ್ಲಿಯೇ ಸಾಕಷ್ಟು ವರ್ಷ ಆಡಿ, ಅಲ್ಲಿಂದಲೇ ಬೆಳೆದು ಕೀರ್ತಿ, ಹಣ, ಅಭಿಮಾನಿಗಳ ಬಳಗವನ್ನು ಪಡೆದ ಗೇಲ್ ಈಗ ತಮ್ಮ ದೇಶದ ತಂಡದಲ್ಲಿ ಆಡಲು ಅವಕಾಶವಿಲ್ಲದೇ ಪರಿತಪಿಸುತ್ತಿದ್ದಾರೆ. <br /> <br /> ಪ್ರಮುಖ ಆಟಗಾರರಾದ ವಿರಾಟ್ ಕೊಹ್ಲಿ, ಸಚಿನ್ ತೆಂಡೂಲ್ಕರ್, ವೀರೇಂದ್ರ ಸೆಹ್ವಾಗ್, ಮಹೇಂದ್ರ ಸಿಂಗ್ ದೋನಿ ಅವರು ಐಪಿಎಲ್ನಲ್ಲಿ ಆಡುತ್ತಾರೆ. ಇದರಲ್ಲಿ ಯಾರಾದರೂ ಗಾಯಗೊಂಡರೆ, ಮುಂಬರುವಸರಣಿಯಲ್ಲಿ ಮತ್ಯಾರನ್ನು ನೆಚ್ಚಿಕೊಳ್ಳುವುದು? ಐಪಿಎಲ್ಗೆ ನೀಡುವ ಕಾಳಜಿ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ಏಕಿಲ್ಲ? <br /> <br /> ಐಪಿಎಲ್ ಊಟಕ್ಕೆ ಬೇಕಾದ ಉಪ್ಪಿನಕಾಯಿ ಮಾತ್ರ. ಅದುವೇ ಊಟವಲ್ಲ. ದೇಶವನ್ನು ಪ್ರತಿನಿಧಿಸುವುದಕ್ಕೆ ಮೊದಲ ಆದ್ಯತೆ ನೀಡಬೇಕು. ಚುಟುಕು ಆಟಕ್ಕೆ ದೇಶಿಯ ಹಾಗೂ ಕೌಂಟಿ ಕ್ರಿಕೆಟ್ನಲ್ಲಿ ಆಡುವ ಆಟಗಾರರಿಗೆ ಆದ್ಯತೆ ನೀಡಬೇಕು. <br /> <br /> ಇದರಲ್ಲಿಬಿಸಿಸಿಐನ ಸ್ವಾರ್ಥವೂ ಇದೆ. ಕೆಲ ತಿಂಗಳ ಹಿಂದೆ ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್ ನಡೆದಾಗ ಭಾರತದ ಯಾವ ಆಟಗಾರರೂ ಪಾಲ್ಗೊಂಡಿರಲಿಲ್ಲ. ಆದರೆ, ಭಾರತದಲ್ಲಿ ನಡೆಯುವ ಐಪಿಎಲ್ಗೆ `ಪ್ರತ್ಯೇಕ ಕಾಲಾವಧಿ~ಯ ಕೂಗು ಎಷ್ಟು ಸೂಕ್ತ?<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
