ಗುರುವಾರ , ಆಗಸ್ಟ್ 6, 2020
27 °C

ಬರಲಿದೆ `ಬುಝುಕಿ'

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬರಲಿದೆ `ಬುಝುಕಿ'

ಹಿಂದಿ ಹಾಡುಗಳನ್ನೇ ನೆಚ್ಚಿಕೊಂಡು ಕಳೆದೆರಡು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿರುವ `ಅಖ್ಸ್'ನಲ್ಲಿ ಅಕೂಸ್ಟಿಕ್ ಗಿಟಾರ್ (ಕ್ಸೇವಿಯರ್ ವಿಶಾಲ್), ಎಲೆಕ್ಟ್ರಿಕ್ ಗಿಟಾರ್ (ಶ್ರೀಧರ್ ವರದರಾಜನ್), ಬಾಸ್ ಗಿಟಾರ್ (ರವೀಶ್ ಟಿರ್ಕೆ), ಡ್ರಮ್ಸ (ಯದುನಂದನ್ ನಾಗರಾಜ್) ಹಾಗೂ ಕೊಳಲು (ಅರ್ಜುನ್ ಎಂ.ಪಿ.ಎನ್.) ಬಳಕೆಯಾಗುತ್ತಿದೆ. ಇದೀಗ ಅವರ ತುಡಿತವಿರುವುದು ಗ್ರೀಕ್‌ನಲ್ಲಿ ಮನೆಮಾತಾಗಿರುವ ವಾದ್ಯ `ಬುಝುಕಿ'ಯನ್ನು ನಗರಕ್ಕೆ ಪರಿಚಯಿಸಬೇಕು ಎಂದು.



`ಬುಝುಕಿ' ಗ್ರೀಕ್‌ನ ಜನಪದದಲ್ಲಿ ಸ್ಥಾನ ಪಡೆದು ಹೆಚ್ಚಾಗಿ ಅಥೆನ್ಸ್‌ನಲ್ಲಿ ಬಳಕೆಯಾಗುತ್ತಿದ್ದ ವಾದ್ಯ. ಮೇಲ್ನೋಟಕ್ಕೆ ತಂಬೂರಿಯಂತೆ ಕಾಣುವ `ಬುಝುಕಿ' ತೀಕ್ಷ್ಣವಾದ ನಾದ ಹೊಮ್ಮಿಸುತ್ತದೆ. ಟರ್ಕಿಯಲ್ಲಿ ಬುಝುಕ್ ಎಂದರೆ `ಮುರಿದ' ಅಥವಾ `ಪರಿಷ್ಕೃತ' ಎಂದರ್ಥ. ಅಸಲಿಗೆ `ಬುಝುಕಿ' ಗ್ರೀಸ್‌ನ ಮೂಲ ಸಂಗೀತವಾದ್ಯವಲ್ಲ. 1900ರಲ್ಲಿ ಅಲ್ಲಿಗೆ ಏಷ್ಯಾ ಖಂಡದಿಂದ ವಲಸೆ ಹೋದವರು ಅಲ್ಲಿಗೆ ಪರಿಚಯಿಸಿದ ವಾದ್ಯ ಪರಿಕರವದು. ಅಲ್ಲಿಂದೀಚೆ ಅದು ಗ್ರೀಕ್ ಜನರ ಸಂಗೀತಕ್ಕೆ ಪ್ರಮುಖ ವಾದ್ಯವಾಗಿಬಿಟ್ಟಿದೆ.



`ಬುಝುಕಿ' ಮೂಲ ಯಾವುದು ಮತ್ತು ಯಾವಾಗ ಅದು ವಾದ್ಯರೂಪದಲ್ಲಿ ಎಲ್ಲಿ ಬಳಕೆಯಾಯಿತು ಎಂಬುದನ್ನು ಹುಡುಕಲು ಹೊರಟರೆ ಗೊಂದಲವೇ ಎದುರಾಗುತ್ತದೆ. ಆದರೆ ಅದು ಪರಿಷ್ಕರಣೆಯಾಗುತ್ತಾ ಪ್ರಸಕ್ತ ರೂಪ ಪಡೆದ ವಾದ್ಯವೆಂಬುದು ಗೊತ್ತಾಗುತ್ತದೆ. ತಂಬೂರ ಕುಟುಂಬದಲ್ಲೇ ಗುರುತಿಸಿಕೊಳ್ಳುವ ಇದು `ಪಂಡೋರಾ' ಎಂದೂ ಕರೆಸಿಕೊಂಡಿತ್ತು ಎಂಬ ಮಾಹಿತಿ ಲಭ್ಯವಾಗುತ್ತದೆ.



ಗ್ರೀಸ್‌ನಲ್ಲಿರುವ ರಾಷ್ಟ್ರೀಯ ಪುರಾತತ್ವ ವಸ್ತು ಸಂಗ್ರಹಾಲಯದಲ್ಲಿರುವ ಆಧುನಿಕ `ಬುಝುಕಿ'ಯನ್ನು ಹೋಲುವ ವಾದ್ಯಪರಿಕರವೊಂದು ಇದ್ದು, ಅದರಲ್ಲಿ  ಕ್ರಿಸ್ತಪೂರ್ವ 330-320 ನಡುವಿನ ಕಾಲಘಟ್ಟವನ್ನು ಬರೆಯಲಾಗಿದೆ.

ಅಂತೂ, ಪುರಾತನ ವಾದ್ಯವೊಂದನ್ನು ಆಧುನಿಕ ಬ್ಯಾಂಡ್ ಸಂಗೀತಕ್ಕೆ ಒಗ್ಗಿಸಿಕೊಳ್ಳುವ ಪ್ರಯತ್ನ `ಅಖ್ಸ್' ತರುಣರದ್ದು.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.