ಗುರುವಾರ , ಏಪ್ರಿಲ್ 22, 2021
28 °C

ಬ್ರಿಟನ್ ವಿವಿಗೆ ಯೂನಸ್ ನೂತನ ಕುಲಪತಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಂಡನ್ (ಪಿಟಿಐ): ಕಿರು ಸಾಲ ಯೋಜನೆಯ ರೂವಾರಿ, ನೊಬೆಲ್ ಶಾಂತಿ ಪ್ರಶಸ್ತಿ ಪುರಸ್ಕೃತ ಮಹಮ್ಮದ್ ಯೂನಸ್ ಅವರು ಗ್ಲಾಸ್ಗೊ ಕ್ಯಾಲೆಡೋನಿಯಾ ವಿಶ್ವವಿದ್ಯಾಲಯದ ನೂತನ ಕುಲಪತಿಯಾಗಿ ಆಯ್ಕೆಯಾಗಿದ್ದಾರೆ.    ಲಾರ್ಡ್ ಮ್ಯಾಕ್‌ಡೊನಾಲ್ಡ್ ಅವರ ಐದು ವರ್ಷಗಳ ಅಧಿಕಾರಾವಧಿ ಪೂರ್ಣಗೊಂಡಿದ್ದು, ತೆರವಾದ ಸ್ಥಾನಕ್ಕೆ ಯೂನಸ್ ನೇಮಕಗೊಂಡಿದ್ದಾರೆ.



ಬಾಂಗ್ಲಾದೇಶದಲ್ಲಿ ಕಿರು ಸಾಲ ಯೋಜನೆ ಹಾಗೂ ಗ್ರಾಮೀಣ ಬ್ಯಾಂಕಿಂಗ್ ಸೇವೆಯಲ್ಲಿ ಯೂನಸ್ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಇವರು 1976ರಲ್ಲಿ ಸ್ಥಾಪಿಸಿದ ಗ್ರಾಮೀಣ ಬ್ಯಾಂಕ್ ಪ್ರಸ್ತುತ ಅಮೆರಿಕ ಸೇರಿದಂತೆ 100 ದೇಶಗಳಲ್ಲಿ ಕಾರ್ಯ ನಿರ್ವಹಿಸುತ್ತದೆ.



`ಚಾನ್ಸಲರ್ ಸ್ಥಾನಕ್ಕೆ ನೀಡಿದ ಆಮಂತ್ರಣವನ್ನು ಯೂನಸ್ ಒಪ್ಪಿಕೊಂಡಿರುವುದು ತಮ್ಮ ವಿಶ್ವವಿದ್ಯಾಲಯಕ್ಕೆ ಗೌರವ ತಂದುಕೊಟ್ಟಿದೆ~ ಎಂದುಉಪ ಕುಲಪತಿ ಹಾಗೂ ಪ್ರಾಂಶುಪಾಲೆ ಪಮೇಲಾ ಗಿಲ್ಲಿ ತಿಳಿಸಿದ್ದಾರೆ. 2010ರಲ್ಲಿ ವಿವಿಯು ಬಾಂಗ್ಲಾದಲ್ಲಿ ನರ್ಸಿಂಗ್ ಕಾಲೇಜು ಸ್ಥಾಪಿಸಿತ್ತು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.