ಬುಧವಾರ, ಏಪ್ರಿಲ್ 21, 2021
23 °C

ಬ್ರೆಜಿಲ್‌ಗೆ ಆಘಾತ ನೀಡಿದ ಮೆಕ್ಸಿಕೊ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಂಡನ್ (ಎಎಫ್‌ಪಿ): ಒಲಿಂಪಿಕ್ಸ್‌ನಲ್ಲಿ ಚಿನ್ನ ಗೆಲ್ಲಬೇಕೆಂಬ ಬ್ರೆಜಿಲ್ ತಂಡದ ಕನಸು ಈ ಬಾರಿಯೂ ಭಗ್ನಗೊಂಡಿದೆ. ಪುರುಷರ ಫುಟ್‌ಬಾಲ್ ಟೂರ್ನಿಯ ಫೈನಲ್‌ನಲ್ಲಿ ಅಮೋಘ ಪ್ರದರ್ಶನ ತೋರಿದ ಮೆಕ್ಸಿಕೊ ಚಿನ್ನದ ಪದಕ ಜಯಿಸಿತು.



ಕಿಕ್ಕಿರಿದು ತುಂಬಿದ್ದ ವೆಂಬ್ಲೆ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಈ ಪಂದ್ಯದಲ್ಲಿ ಮೆಕ್ಸಿಕೊ 2-1 ಗೋಲುಗಳಿಂದ ಐದು ಬಾರಿಯ ವಿಶ್ವ ಚಾಂಪಿಯನ್ ಬ್ರೆಜಿಲ್‌ಗೆ ಆಘಾತ ನೀಡಿತು. ಈ ಮೂಲಕ ಕೇವಲ ಬೆಳ್ಳಿ ಪದಕಕ್ಕೆ ಬ್ರೆಜಿಲ್ ಸಮಾಧಾನಪಡಬೇಕಾಯಿತು. ಈ ತಂಡದವರು 1988ರ ಸೋಲ್ ಒಲಿಂಪಿಕ್ಸ್‌ನಲ್ಲಿ ಕೂಡ ಫೈನಲ್ ತಲುಪಿದ್ದರು. ಆದರೆ ಆಗ 1-2ರಲ್ಲಿ ಸೋವಿಯತ್ ಒಕ್ಕೂಟದ ಎದುರು ನಿರಾಸೆ ಅನುಭವಿಸಿದ್ದರು.



ಈ ಪಂದ್ಯದ ಗೆಲುವಿನ ಹೀರೊ ಆರ್ಬೆ ಪೆರಾಲ್ಟಾಸ್. ಅವರು ತಂದಿತ್ತ ಎರಡು ಗೋಲುಗಳು ಬ್ರೆಜಿಲ್‌ಗೆ ಆಘಾತ ನೀಡಿದವು. ಹಾಲೆಂಡ್‌ನ ಈ ಸ್ಟ್ರೈಕರ್ ಪಂದ್ಯ ಆರಂಭವಾದ ಕೇವಲ 30 ಸೆಕೆಂಡ್‌ಗಳಲ್ಲಿ ಮೊದಲ ಗೋಲು ಗಳಿಸಿದರು. ಎರಡನೇ ಅವಧಿಯಲ್ಲಿ ಅವರು ಮತ್ತೊಂದು ಗೋಲು ತಂದಿತ್ತರು. 75ನೇ ನಿಮಿಷದಲ್ಲಿ ಅವರು ತಂದಿತ್ತ ಗೋಲು ವೆುಕ್ಸಿಕೊಗೆ 2-1 ಗೋಲುಗಳ ಮುನ್ನಡೆ ದೊರಕಿಸಿ ಕೊಟ್ಟಿತು. ಬ್ರೆಜಿಲ್ ಪರ  ಹಲ್ಕ್ 32ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿದ್ದರು.



ಮೆಕ್ಸಿಕೊ ಇದೇ ಮೊದಲ ಬಾರಿ ಒಲಿಂಪಿಕ್ಸ್ ಫೈನಲ್‌ನಲ್ಲಿ ಆಡಲು ಅರ್ಹತೆ ಪಡೆದಿತ್ತು. ಆ ಯತ್ನದಲ್ಲಿಯೇ ಯಶಸ್ವಿಯಾಯಿತು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.