<p>ವಾಷಿಂಗ್ಟನ್ (ಪಿಟಿಐ): ಎಚ್-1ಬಿ ಮತ್ತು ಎಲ್ 1 ವೀಸಾಗಳ ಮೇಲೆ ಹೆಚ್ಚುವರಿ ಶುಲ್ಕ ವಿಧಿಸುವ ಮಸೂದೆಗೆ ಅಮೆರಿಕ ಸಂಸತ್ತು ಅಂಗೀಕಾರ ನೀಡಿದ್ದು, ಇದರಿಂದ ಈ ವೀಸಾಗಳನ್ನು ಹೆಚ್ಚಾಗಿ ಬಳಸುತ್ತಿದ್ದ ಭಾರತೀಯ ವೃತ್ತಿಪರರ ಮೇಲೆ ತಲಾ 2000 ಡಾಲರ್ಗಳಷ್ಟು ಅಧಿಕ ಹೊರೆ ಬೀಳಲಿದೆ.<br /> <br /> ಹೊರಗುತ್ತಿಗೆಯಲ್ಲಿ ತೊಡಗಿರುವ ಭಾರತದ ಕಂಪೆನಿಗಳ ಮೇಲೂ ಇದರಿಂದ ಹೊರೆ ಬೀಳಲಿದೆ. ನ್ಯೂಯಾರ್ಕಿನ ಅವಳಿ ಗೋಪುರ ನೆಲಸಮಗೊಂಡ ನಂತರ ನಡೆದ ‘ಗ್ರೌಂಡ್ ಜೀರೋ’ ಪರಿಹಾರ ಕಾರ್ಯಾಚರಣೆಯಲ್ಲಿ ತೊಡಗಿ ಅನಾರೋಗ್ಯಕ್ಕೆ ತುತ್ತಾದವರಿಗೆ ಉಚಿತ ಚಿಕಿತ್ಸೆ- ಪರಿಹಾರ ನೀಡಲು 430 ಕೋಟಿ ಡಾಲರ್ ನಿಧಿ ಸಂಗ್ರಹಿಸುವುದು ಈ ಮಸೂದೆಯ ಉದ್ದೇಶ.<br /> <br /> ಕೆಲವು ವಿದೇಶಿ ಕಂಪೆನಿಗಳ ಮೇಲೆ ಶೇ 2ರಷ್ಟು ಉತ್ಪಾದನಾ ತೆರಿಗೆ ವಿಧಿಸುವ ಜತೆಗೆ ಇನ್ನಿತರ ಕ್ರಮಗಳ ಮೂಲಕ ನಿಧಿಯನ್ನು ಸಂಗ್ರಹಿಸುವ ಯೋಜನೆಯನ್ನೂ ಮಸೂದೆ ಹೊಂದಿದೆ. <br /> <br /> ಎಚ್-1ಬಿ ಮತ್ತು ಎಲ್1 ವೀಸಾಗಳ ಶುಲ್ಕ ಹೆಚ್ಚಳವನ್ನು ಏಳು ವರ್ಷಗಳ ಅವಧಿಗೆ ವಿಸ್ತರಿಸಿರುವುದು ಸಂಪನ್ಮೂಲ ಸಂಗ್ರಹಕ್ಕೆ ಕೈಗೊಂಡಿರುವ ಮತ್ತೊಂದು ಕ್ರಮ. ಹೀಗಾಗಿ, 2014ರ ಸೆಪ್ಟೆಂಬರ್ 30ರಂದು ಕೊನೆಯಾಗಬೇಕಿದ್ದ ವೀಸಾ ಶುಲ್ಕ ಹೆಚ್ಚಳ ನೀತಿ 2021ರ ಸೆಪ್ಟೆಂಬರ್ 30ರವರೆಗೂ ವಿಸ್ತರಣೆಯಾಗಲಿದೆ. <br /> ಅದೇ ರೀತಿ ರಾಷ್ಟ್ರಕ್ಕೆ ಭೇಟಿ ನೀಡುವ ಕೆಲವು ಪ್ರವಾಸಿಗರಿಗೆ ವಿಧಿಸುತ್ತಿರುವ ಶುಲ್ಕವನ್ನು ಇನ್ನಷ್ಟು ಅವಧಿಗೆ ಮುಂದುವರಿಸಲಾಗುವುದು.</p>.<p>ಈ ಮಸೂದೆ ಸೆನೆಟ್ನಲ್ಲಿ (ಮೇಲ್ಮನೆ) ಒಮ್ಮತದಿಂದ ಅನುಮೋದನೆಗೊಂಡಿತು. ಕೆಳಮನೆಯಲ್ಲಿ ಮಸೂದೆ ಪರವಾಗಿ 206 ಮತಗಳು ಬಿದ್ದರೆ ವಿರುದ್ಧವಾಗಿ 60 ಮತಗಳು ಬಿದ್ದವು.</p>.<p>‘ನಾವು ಬಹುದಿನಗಳಿಂದ ನಿರೀಕ್ಷಿಸುತ್ತಿದ್ದ ಮಸೂದೆ ಇದೀಗ ಕ್ರಿಸ್ಮಸ್ನ ಶುಭ ಸಂದರ್ಭದಲ್ಲೇ ಅಂಗೀಕಾರವಾಗಿರುವುದರಿಂದ ತುಂಬಾ ಸಂತಸವಾಗಿದೆ’ ಎಂದು ಕೆಳಮನೆಯಲ್ಲಿ ಆಡಳಿತ ಪಕ್ಷದ ನಾಯಕರಾದ ಸ್ಟೆನಿ ಎಚ್.ಹೋಯರ್ ಮತ್ತು ನ್ಯೂಯಾರ್ಕಿನ ಸೆನೆಟರ್ಗಳಾದ ಚಾರ್ಲ್ಸ್ ಸ್ಕ್ಯೂಮರ್ ಹಾಗೂ ಕ್ರಿಸ್ಟಿನ್ ಗಿಲ್ಲಿ ಬ್ರ್ಯಾಂಡ್ ಹೇಳಿದ್ದಾರೆ.</p>.<p>‘ಈ ಮಸೂದೆಯಲ್ಲಿ ಕೆಲವು ಸಣ್ಣಪುಟ್ಟ ಲೋಪಗಳಿದ್ದರೂ ಒಟ್ಟಾರೆ ಸಮಾಧಾನ ತರುವಂತಿದೆ. 430 ಕೋಟಿ ಡಾಲರ್ ನಿಧಿ ತೀರಾ ಸಣ್ಣ ಮೊತ್ತವೇನೂ ಅಲ್ಲ’ ಎಂದು ಸೆನೆಟ್ನಲ್ಲಿ ಆಡಳಿತ ಪಕ್ಷದ ನಾಯಕರಾಗಿರುವ ಹ್ಯಾರಿ ರೀಡ್ ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ.</p>.<p>‘ಈ ಮಸೂದೆಯ ಅಂಗೀಕಾರ ಅಮೆರಿಕದ, ವಿಶೇಷವಾಗಿ ನ್ಯೂಯಾರ್ಕ್ ಮತ್ತು ನ್ಯೂಜೆರ್ಸಿಯ ಜನರಿಗೆ ಸಂದ ಜಯವಾಗಿದೆ’ ಎಂದೂ ಅವರು ಹೇಳಿದ್ದಾರೆ.</p>.<p>ಅಮೆರಿಕದ ವಾಣಿಜ್ಯೋದ್ಯಮಿಗಳ ಸಂಘ ಸೇರಿದಂತೆ ಹಲವು ವಾಣಿಜ್ಯ ಸಂಘಟನೆಗಳು ಈ ಮಸೂದೆಗೆ ವಿರೋಧ ವ್ಯಕ್ತಪಡಿಸಿದ್ದವು. ಸಾಕಷ್ಟು ಸಂಖ್ಯೆಯಲ್ಲಿ ರಿಪಬ್ಲಿಕನ್ ಪಕ್ಷದ ಸಂಸದರೂ ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದರು.</p>.<p>ವಿದೇಶಿ ಕಂಪೆನಿಗಳ ಮೇಲೆ ಶೇ 2ರಷ್ಟು ಉತ್ಪಾದನಾ ತೆರಿಗೆ ವಿಧಿಸುವುದು ಅಸಮಂಜಸ ಹಾಗೂ ಅಪಾಯಕಾರಿ. ವಿದೇಶಗಳಲ್ಲಿ ವಹಿವಾಟು ಮಾಡಬೇಕೆಂಬ ಯೋಜನೆ ಹೊಂದಿರುವ ಅಮೆರಿಕದ ಕಂಪೆನಿಗಳಿಗೆ ಇದರಿಂದ ಧಕ್ಕೆಯಾಗುತ್ತದೆ ಎಂದು ಟೆಕ್ಸಾಸ್ ಸಂಸದ ಕೆವಿನ್ ಬ್ರ್ಯಾಂಡಿ ಟೀಕಿಸಿದ್ದಾರೆ.</p>.<p>ವಿದೇಶಗಳಲ್ಲಿ ಪೈಪೋಟಿ ನಡೆಸುತ್ತಿರುವ ನಮ್ಮ ಕಂಪೆನಿಗಳ ಮೇಲೆ ಆ ರಾಷ್ಟ್ರಗಳೂ ತೆರಿಗೆ ವಿಧಿಸಲು ಇದು ಪ್ರಚೋದನೆ ನೀಡುತ್ತದೆಂಬುದು ಅವರ ಆತಂಕ.</p>.<p>‘ಗ್ರೌಂಡ್ ಜೀರೋ’ ಪರಿಹಾರ ಕಾರ್ಯಾಚರಣೆಯಲ್ಲಿ ದೀರ್ಘಕಾಲ ಪಾಲ್ಗೊಂಡಿದ್ದರ ಪರಿಣಾಮ ರೋಗಕ್ಕೆ ತುತ್ತಾಗಿ ಮೃತರಾದ ಪೊಲೀಸ್ ಅಧಿಕಾರಿ ಜೇಮ್ಸ್ ಝಡ್ರೋಗ ಅವರ ಹೆಸರನ್ನೇ ಈ ಕಾಯ್ದೆಗೆ ನಾಮಕರಣ ಮಾಡಲಾಗಿದೆ.</p>.<p>ಇವು ಈ ಮಸೂದೆಯ ಪ್ರಮುಖ ಅಂಶಗಳಾಗಿದ್ದು ಇನ್ನೂ ಹೆಚ್ಚಿನ ವಿವರಗಳು ಇನ್ನೂ ಬಹಿರಂಗಗೊಂಡಿಲ್ಲ ಎಂಬುದೂ ಗಮನಾರ್ಹ. ಇದೀಗ ಈ ಮಸೂದೆ ಶ್ವೇತಭವನಕ್ಕೆ ಹೋಗಲಿದ್ದು, ಅಧ್ಯಕ್ಷ ಬರಾಕ್ ಒಮಾಮ ಅವರ ಅಂಕಿತ ಬಿದ್ದ ನಂತರ ಕಾಯ್ದೆಯಾಗಿ ಜಾರಿಗೊಳ್ಳಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಾಷಿಂಗ್ಟನ್ (ಪಿಟಿಐ): ಎಚ್-1ಬಿ ಮತ್ತು ಎಲ್ 1 ವೀಸಾಗಳ ಮೇಲೆ ಹೆಚ್ಚುವರಿ ಶುಲ್ಕ ವಿಧಿಸುವ ಮಸೂದೆಗೆ ಅಮೆರಿಕ ಸಂಸತ್ತು ಅಂಗೀಕಾರ ನೀಡಿದ್ದು, ಇದರಿಂದ ಈ ವೀಸಾಗಳನ್ನು ಹೆಚ್ಚಾಗಿ ಬಳಸುತ್ತಿದ್ದ ಭಾರತೀಯ ವೃತ್ತಿಪರರ ಮೇಲೆ ತಲಾ 2000 ಡಾಲರ್ಗಳಷ್ಟು ಅಧಿಕ ಹೊರೆ ಬೀಳಲಿದೆ.<br /> <br /> ಹೊರಗುತ್ತಿಗೆಯಲ್ಲಿ ತೊಡಗಿರುವ ಭಾರತದ ಕಂಪೆನಿಗಳ ಮೇಲೂ ಇದರಿಂದ ಹೊರೆ ಬೀಳಲಿದೆ. ನ್ಯೂಯಾರ್ಕಿನ ಅವಳಿ ಗೋಪುರ ನೆಲಸಮಗೊಂಡ ನಂತರ ನಡೆದ ‘ಗ್ರೌಂಡ್ ಜೀರೋ’ ಪರಿಹಾರ ಕಾರ್ಯಾಚರಣೆಯಲ್ಲಿ ತೊಡಗಿ ಅನಾರೋಗ್ಯಕ್ಕೆ ತುತ್ತಾದವರಿಗೆ ಉಚಿತ ಚಿಕಿತ್ಸೆ- ಪರಿಹಾರ ನೀಡಲು 430 ಕೋಟಿ ಡಾಲರ್ ನಿಧಿ ಸಂಗ್ರಹಿಸುವುದು ಈ ಮಸೂದೆಯ ಉದ್ದೇಶ.<br /> <br /> ಕೆಲವು ವಿದೇಶಿ ಕಂಪೆನಿಗಳ ಮೇಲೆ ಶೇ 2ರಷ್ಟು ಉತ್ಪಾದನಾ ತೆರಿಗೆ ವಿಧಿಸುವ ಜತೆಗೆ ಇನ್ನಿತರ ಕ್ರಮಗಳ ಮೂಲಕ ನಿಧಿಯನ್ನು ಸಂಗ್ರಹಿಸುವ ಯೋಜನೆಯನ್ನೂ ಮಸೂದೆ ಹೊಂದಿದೆ. <br /> <br /> ಎಚ್-1ಬಿ ಮತ್ತು ಎಲ್1 ವೀಸಾಗಳ ಶುಲ್ಕ ಹೆಚ್ಚಳವನ್ನು ಏಳು ವರ್ಷಗಳ ಅವಧಿಗೆ ವಿಸ್ತರಿಸಿರುವುದು ಸಂಪನ್ಮೂಲ ಸಂಗ್ರಹಕ್ಕೆ ಕೈಗೊಂಡಿರುವ ಮತ್ತೊಂದು ಕ್ರಮ. ಹೀಗಾಗಿ, 2014ರ ಸೆಪ್ಟೆಂಬರ್ 30ರಂದು ಕೊನೆಯಾಗಬೇಕಿದ್ದ ವೀಸಾ ಶುಲ್ಕ ಹೆಚ್ಚಳ ನೀತಿ 2021ರ ಸೆಪ್ಟೆಂಬರ್ 30ರವರೆಗೂ ವಿಸ್ತರಣೆಯಾಗಲಿದೆ. <br /> ಅದೇ ರೀತಿ ರಾಷ್ಟ್ರಕ್ಕೆ ಭೇಟಿ ನೀಡುವ ಕೆಲವು ಪ್ರವಾಸಿಗರಿಗೆ ವಿಧಿಸುತ್ತಿರುವ ಶುಲ್ಕವನ್ನು ಇನ್ನಷ್ಟು ಅವಧಿಗೆ ಮುಂದುವರಿಸಲಾಗುವುದು.</p>.<p>ಈ ಮಸೂದೆ ಸೆನೆಟ್ನಲ್ಲಿ (ಮೇಲ್ಮನೆ) ಒಮ್ಮತದಿಂದ ಅನುಮೋದನೆಗೊಂಡಿತು. ಕೆಳಮನೆಯಲ್ಲಿ ಮಸೂದೆ ಪರವಾಗಿ 206 ಮತಗಳು ಬಿದ್ದರೆ ವಿರುದ್ಧವಾಗಿ 60 ಮತಗಳು ಬಿದ್ದವು.</p>.<p>‘ನಾವು ಬಹುದಿನಗಳಿಂದ ನಿರೀಕ್ಷಿಸುತ್ತಿದ್ದ ಮಸೂದೆ ಇದೀಗ ಕ್ರಿಸ್ಮಸ್ನ ಶುಭ ಸಂದರ್ಭದಲ್ಲೇ ಅಂಗೀಕಾರವಾಗಿರುವುದರಿಂದ ತುಂಬಾ ಸಂತಸವಾಗಿದೆ’ ಎಂದು ಕೆಳಮನೆಯಲ್ಲಿ ಆಡಳಿತ ಪಕ್ಷದ ನಾಯಕರಾದ ಸ್ಟೆನಿ ಎಚ್.ಹೋಯರ್ ಮತ್ತು ನ್ಯೂಯಾರ್ಕಿನ ಸೆನೆಟರ್ಗಳಾದ ಚಾರ್ಲ್ಸ್ ಸ್ಕ್ಯೂಮರ್ ಹಾಗೂ ಕ್ರಿಸ್ಟಿನ್ ಗಿಲ್ಲಿ ಬ್ರ್ಯಾಂಡ್ ಹೇಳಿದ್ದಾರೆ.</p>.<p>‘ಈ ಮಸೂದೆಯಲ್ಲಿ ಕೆಲವು ಸಣ್ಣಪುಟ್ಟ ಲೋಪಗಳಿದ್ದರೂ ಒಟ್ಟಾರೆ ಸಮಾಧಾನ ತರುವಂತಿದೆ. 430 ಕೋಟಿ ಡಾಲರ್ ನಿಧಿ ತೀರಾ ಸಣ್ಣ ಮೊತ್ತವೇನೂ ಅಲ್ಲ’ ಎಂದು ಸೆನೆಟ್ನಲ್ಲಿ ಆಡಳಿತ ಪಕ್ಷದ ನಾಯಕರಾಗಿರುವ ಹ್ಯಾರಿ ರೀಡ್ ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ.</p>.<p>‘ಈ ಮಸೂದೆಯ ಅಂಗೀಕಾರ ಅಮೆರಿಕದ, ವಿಶೇಷವಾಗಿ ನ್ಯೂಯಾರ್ಕ್ ಮತ್ತು ನ್ಯೂಜೆರ್ಸಿಯ ಜನರಿಗೆ ಸಂದ ಜಯವಾಗಿದೆ’ ಎಂದೂ ಅವರು ಹೇಳಿದ್ದಾರೆ.</p>.<p>ಅಮೆರಿಕದ ವಾಣಿಜ್ಯೋದ್ಯಮಿಗಳ ಸಂಘ ಸೇರಿದಂತೆ ಹಲವು ವಾಣಿಜ್ಯ ಸಂಘಟನೆಗಳು ಈ ಮಸೂದೆಗೆ ವಿರೋಧ ವ್ಯಕ್ತಪಡಿಸಿದ್ದವು. ಸಾಕಷ್ಟು ಸಂಖ್ಯೆಯಲ್ಲಿ ರಿಪಬ್ಲಿಕನ್ ಪಕ್ಷದ ಸಂಸದರೂ ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದರು.</p>.<p>ವಿದೇಶಿ ಕಂಪೆನಿಗಳ ಮೇಲೆ ಶೇ 2ರಷ್ಟು ಉತ್ಪಾದನಾ ತೆರಿಗೆ ವಿಧಿಸುವುದು ಅಸಮಂಜಸ ಹಾಗೂ ಅಪಾಯಕಾರಿ. ವಿದೇಶಗಳಲ್ಲಿ ವಹಿವಾಟು ಮಾಡಬೇಕೆಂಬ ಯೋಜನೆ ಹೊಂದಿರುವ ಅಮೆರಿಕದ ಕಂಪೆನಿಗಳಿಗೆ ಇದರಿಂದ ಧಕ್ಕೆಯಾಗುತ್ತದೆ ಎಂದು ಟೆಕ್ಸಾಸ್ ಸಂಸದ ಕೆವಿನ್ ಬ್ರ್ಯಾಂಡಿ ಟೀಕಿಸಿದ್ದಾರೆ.</p>.<p>ವಿದೇಶಗಳಲ್ಲಿ ಪೈಪೋಟಿ ನಡೆಸುತ್ತಿರುವ ನಮ್ಮ ಕಂಪೆನಿಗಳ ಮೇಲೆ ಆ ರಾಷ್ಟ್ರಗಳೂ ತೆರಿಗೆ ವಿಧಿಸಲು ಇದು ಪ್ರಚೋದನೆ ನೀಡುತ್ತದೆಂಬುದು ಅವರ ಆತಂಕ.</p>.<p>‘ಗ್ರೌಂಡ್ ಜೀರೋ’ ಪರಿಹಾರ ಕಾರ್ಯಾಚರಣೆಯಲ್ಲಿ ದೀರ್ಘಕಾಲ ಪಾಲ್ಗೊಂಡಿದ್ದರ ಪರಿಣಾಮ ರೋಗಕ್ಕೆ ತುತ್ತಾಗಿ ಮೃತರಾದ ಪೊಲೀಸ್ ಅಧಿಕಾರಿ ಜೇಮ್ಸ್ ಝಡ್ರೋಗ ಅವರ ಹೆಸರನ್ನೇ ಈ ಕಾಯ್ದೆಗೆ ನಾಮಕರಣ ಮಾಡಲಾಗಿದೆ.</p>.<p>ಇವು ಈ ಮಸೂದೆಯ ಪ್ರಮುಖ ಅಂಶಗಳಾಗಿದ್ದು ಇನ್ನೂ ಹೆಚ್ಚಿನ ವಿವರಗಳು ಇನ್ನೂ ಬಹಿರಂಗಗೊಂಡಿಲ್ಲ ಎಂಬುದೂ ಗಮನಾರ್ಹ. ಇದೀಗ ಈ ಮಸೂದೆ ಶ್ವೇತಭವನಕ್ಕೆ ಹೋಗಲಿದ್ದು, ಅಧ್ಯಕ್ಷ ಬರಾಕ್ ಒಮಾಮ ಅವರ ಅಂಕಿತ ಬಿದ್ದ ನಂತರ ಕಾಯ್ದೆಯಾಗಿ ಜಾರಿಗೊಳ್ಳಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
