<p>ಮನೆಯೆಂಬುದು ನಾಲ್ಕು ದಿಕ್ಕುಗಳನ್ನು ಆವರಿಸಿಕೊಂಡ ಬದುಕಿನ ಸುರಕ್ಷಾ ಕವಚ. ಆದಿಕಾಲದ ಮಾನವ ಮಳೆ, ಗಾಳಿ, ಚಳಿಯಿಂದ ರಕ್ಷಿಸಿಕೊಳ್ಳಲು ಬರೀ ಕಲ್ಲಿನ ಸುರಕ್ಷಾ ಗೋಡೆಗಳನ್ನು ಕಟ್ಟಿಕೊಂಡಿದ್ದ. ಕಾಲ ಬದಲಾಗಿದೆ. ಮನೆ ನಿರ್ಮಾಣಕ್ಕೆ ಕಲ್ಲು, ಮನೆ ಕಡ್ಡಾಯವಲ್ಲ. ತಂತ್ರಜ್ಞಾನದ ಆವಿಷ್ಕಾರಗಳು ಕಲ್ಲು-ಮಣ್ಣಿಗೆ ಸಾಕಷ್ಟು ಪರ್ಯಾಯಗಳನ್ನು ಸೃಷ್ಟಿಸಿದೆ.<br /> <br /> ಅದೇ ರೀತಿ ಗೃಹೋಪಯೋಗಿ ಸಾಧನ ಸಲಕರಣೆಗಳಲ್ಲಿಯೂ ಸಾಕಷ್ಟು ಪರಿವರ್ತನೆಯಾಗಿದ್ದು, ಸುಧಾರಿತ ವಿಜ್ಞಾನ-ತಂತ್ರಜ್ಞಾನದ ಪ್ರತಿಬಿಂಬವನ್ನು ಎಲ್ಲರ ಮನೆಗಳಲ್ಲೂ ನಿಚ್ಚಳವಾಗಿ ಗುರುತಿಸಬಹುದು.<br /> <br /> ಗೃಹೋಪಯೋಗಿ ವಸ್ತುಗಳಲ್ಲಿ ಪ್ರಮುಖವಾಗಿ ಎಲೆಕ್ಟ್ರಾನಿಕ್ ಸಾಧನ, ಯಂತ್ರೋಪಕರಣಗಳು ಜಾಗ ಪಡೆದಿವೆ. ಟಿವಿ, ರೇಡಿಯೊಗಳು ವಿಜ್ಞಾನ ಕ್ಷೇತ್ರದ ಅಪೂರ್ವ ಕೊಡುಗೆಗಳು ಎಂದು ಮೋಜುಪಟ್ಟುಕೊಳ್ಳುತ್ತಿದ್ದ ದಿನಗಳು ಈಗಿಲ್ಲ. ದಿನದಿನಕ್ಕೂ ಎಲೆಕ್ಟ್ರಾನಿಕ್ ಸಾಧನಗಳಲ್ಲೆ ಅತ್ಯಾಧುನಿಕತೆ ಮನೆಯನ್ನು ಆಕ್ರಮಿಸಿಕೊಳ್ಳುತ್ತಿದೆ. ಇಂದು ಖರೀದಿಸಿದ್ದು ನಾಳೆಗೆ ಹಳೆಯದಾಗಿ ಕಾಣುತ್ತದೆ!<br /> <br /> ಷಾಪಿಂಗ್ ಮಾಲ್ಗಳಲ್ಲಿ ಮಾರಾಟ ಹಾಗೂ ಖರೀದಿ ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ಸ್ ಸಾಧನಗಳಲ್ಲಿ ಬಹುತೇಕ ಗೃಹೋಪಯೋಗಿ ಎನ್ನುವುದು ವಿಶೇಷ. ಹಲ್ಲುಜ್ಜಿಕೊಳ್ಳಲು ಎಲೆಕ್ಟ್ರಿಕ್ ಬ್ರಷ್ ಕೂಡಾ ಮಾರುಕಟ್ಟೆಗೆ ಬಂದಿದೆ ಎನ್ನುವುದು ಗೊತ್ತಿಲ್ಲದವರಿಗೆ ಹೊಸದು, ಈಗಾಗಲೇ ಉಪಯೋಗಿಸಿದವರಿಗೆ ಹಲ್ಲುಜ್ಜದೆ ಇರುವ ತಂತ್ರಜ್ಞಾನ ಬರುವುದು ಯಾವಾಗ ಎನ್ನುವ ತವಕ.<br /> <br /> ಹೀಗೆ ಪ್ರತಿಯೊಂದು ಕೆಲಸಕ್ಕೂ ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ ಸಾಧನಗಳನ್ನು ಬಳಸಿಕೊಳ್ಳುವುದು ಅನಿವಾರ್ಯ ಎನ್ನುವಷ್ಟು ಎಲ್ಲರೂ ಅವಲಂಬಿಗಳಾಗಿದ್ದೇವೆ. ಇಂಥದ್ದೇ ಸಾಧನ ಖರೀದಿಸಬೇಕು ಎಂದು ಹೋಗಿ ಖರೀದಿಸಿ ತರುವುದು ಒಂದು ಭಾಗವಾದರೆ, ನೋಡಿದ ಮೇಲೆ ಆಸೆಪಟ್ಟು ತರುವುದು ಇನ್ನೊಂದು ಕೊಳ್ಳುಬಾಕ ವಿಧಾನ.<br /> <br /> ಒಂದಿಷ್ಟು ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ಸ್ ಸಾಧನಗಳು ವೈಯಕ್ತಿಕ ಬಳಕೆಗೆ, ಇನ್ನೊಂದಿಷ್ಟು ಮನೆಮಂದಿಯೆಲ್ಲರ ಬಳಕೆಗೆ ಬರುವಂತಹವು. ಗ್ರಾಮೀಣ ಭಾಗದ ಮನೆಗಳಲ್ಲಿ ತೀರಾ ಅವಶ್ಯಕ ಎಲೆಕ್ಟ್ರಿಕಲ್ ಸಾಧನಗಳನ್ನು ಕಾಣುತ್ತೇವೆ.<br /> <br /> ಆದರೆ ನಗರದ ಮನೆಗಳಲ್ಲಿ ಹಾಗಾಗುವುದಿಲ್ಲ. ಎಲೆಕ್ಟ್ರಿಕ್ ಸಾಧನಗಳ ಮೇಲೆ ಜನರ ಅವಲಂಬನೆ ಬೆಳೆಸಲು ಎಲೆಕ್ಟ್ರಾನಿಕ್ ಸಾಧನಗಳ ಕಂಪೆನಿಗಳು ಸದಾ ಹೊಸದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಲೆ ಇರುತ್ತವೆ.<br /> <br /> ಮಕ್ಕಳು ಆಡುವ ಆಟದ ವಸ್ತುಗಳಿಂದ ಹಿಡಿದು ಅಜ್ಜ ಬಳಸುವ `ಹಿಯರಿಂಗ್ ಮೆಷಿನ್~ ಎಲ್ಲವೂ ವಿದ್ಯುತ್ ಅವಲಂಬಿತ ಸಾಧನಗಳು. ಮನೆ-ಮನೆಮಂದಿಯ ನಡುವೆ ಹಾಸುಹೊಕ್ಕಾಗಿರುವ ಎಲೆಕ್ಟ್ರಾನಿಕ್ ಸಾಧನಗಳನ್ನು ನಿರ್ವಹಿಸುವುದು, ದೀರ್ಘಕಾಲಿಕ ಬಾಳಿಸುವುದು, ಸಣ್ಣ ರಿಪೇರಿ ಮಾಡಿಕೊಳ್ಳುವುದು ಕೂಡಾ ಜೀವನ ಕ್ರಮದಲ್ಲಿ ಬಹಳ ಮುಖ್ಯವಾದ ಭಾಗ.<br /> <br /> ನೇರವಾಗಿ ವಿದ್ಯುತ್ನ್ನು ಬಳಸುವ ಸಾಧನಗಳು ಎಲೆಕ್ಟ್ರಿಕಲ್ಸ್. ಚಾರ್ಜ್ ಮಾಡಿದರೆ ಅಥವಾ ಬ್ಯಾಟರಿ ಮೂಲಕ ನಡೆಯುವ ಸಾಧನಗಳು ಎಲೆಕ್ಟ್ರಾನಿಕ್ಸ್. ಮಾಧ್ಯಮ ವರ್ಗದವರ ಮನೆಗಳಲ್ಲಿ ಇವುಗಳನ್ನು ಅತೀ ಹೆಚ್ಚಾಗಿ ಕಾಣಬಹುದು. ಟಿವಿ, ಮೊಬೈಲ್, ಮಿಕ್ಸರ್, ವಾಟರ್ ಹೀಟರ್, ಪ್ಲೇಯರ್, ಆಟಿಕೆಗಳು, ವಾಷಿಂಗ್ ಮೆಷಿನ್..<br /> <br /> ಹೀಗೆ ಮನೆಯಲ್ಲಿ ಒಂದು `ಸಂಡೇ ಬಜಾರ್~ಗೆ ಆಗುವಷ್ಟು ಸಾಧನಗಳನ್ನು ಕಾಣಬಹುದು. ಎಲ್ಲ ಆಧುನಿಕ ಜೀವನದ ಪರಿಣಾಮ. `ಹೆಳ್ಕೊಳ್ಳಾಕ್ ಒಂದೂರು ತಲೆಮೇಲೆ ಒಂದ್ಸೂರು; ಮಲಗೋಕೆ ಭೂಮ್ತಾಯ್ ಮಂಚ್~ ಎನ್ನುವ ನೆಮ್ಮದಿ ಮಾತ್ರ ಓಡಿಹೋಗಿದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮನೆಯೆಂಬುದು ನಾಲ್ಕು ದಿಕ್ಕುಗಳನ್ನು ಆವರಿಸಿಕೊಂಡ ಬದುಕಿನ ಸುರಕ್ಷಾ ಕವಚ. ಆದಿಕಾಲದ ಮಾನವ ಮಳೆ, ಗಾಳಿ, ಚಳಿಯಿಂದ ರಕ್ಷಿಸಿಕೊಳ್ಳಲು ಬರೀ ಕಲ್ಲಿನ ಸುರಕ್ಷಾ ಗೋಡೆಗಳನ್ನು ಕಟ್ಟಿಕೊಂಡಿದ್ದ. ಕಾಲ ಬದಲಾಗಿದೆ. ಮನೆ ನಿರ್ಮಾಣಕ್ಕೆ ಕಲ್ಲು, ಮನೆ ಕಡ್ಡಾಯವಲ್ಲ. ತಂತ್ರಜ್ಞಾನದ ಆವಿಷ್ಕಾರಗಳು ಕಲ್ಲು-ಮಣ್ಣಿಗೆ ಸಾಕಷ್ಟು ಪರ್ಯಾಯಗಳನ್ನು ಸೃಷ್ಟಿಸಿದೆ.<br /> <br /> ಅದೇ ರೀತಿ ಗೃಹೋಪಯೋಗಿ ಸಾಧನ ಸಲಕರಣೆಗಳಲ್ಲಿಯೂ ಸಾಕಷ್ಟು ಪರಿವರ್ತನೆಯಾಗಿದ್ದು, ಸುಧಾರಿತ ವಿಜ್ಞಾನ-ತಂತ್ರಜ್ಞಾನದ ಪ್ರತಿಬಿಂಬವನ್ನು ಎಲ್ಲರ ಮನೆಗಳಲ್ಲೂ ನಿಚ್ಚಳವಾಗಿ ಗುರುತಿಸಬಹುದು.<br /> <br /> ಗೃಹೋಪಯೋಗಿ ವಸ್ತುಗಳಲ್ಲಿ ಪ್ರಮುಖವಾಗಿ ಎಲೆಕ್ಟ್ರಾನಿಕ್ ಸಾಧನ, ಯಂತ್ರೋಪಕರಣಗಳು ಜಾಗ ಪಡೆದಿವೆ. ಟಿವಿ, ರೇಡಿಯೊಗಳು ವಿಜ್ಞಾನ ಕ್ಷೇತ್ರದ ಅಪೂರ್ವ ಕೊಡುಗೆಗಳು ಎಂದು ಮೋಜುಪಟ್ಟುಕೊಳ್ಳುತ್ತಿದ್ದ ದಿನಗಳು ಈಗಿಲ್ಲ. ದಿನದಿನಕ್ಕೂ ಎಲೆಕ್ಟ್ರಾನಿಕ್ ಸಾಧನಗಳಲ್ಲೆ ಅತ್ಯಾಧುನಿಕತೆ ಮನೆಯನ್ನು ಆಕ್ರಮಿಸಿಕೊಳ್ಳುತ್ತಿದೆ. ಇಂದು ಖರೀದಿಸಿದ್ದು ನಾಳೆಗೆ ಹಳೆಯದಾಗಿ ಕಾಣುತ್ತದೆ!<br /> <br /> ಷಾಪಿಂಗ್ ಮಾಲ್ಗಳಲ್ಲಿ ಮಾರಾಟ ಹಾಗೂ ಖರೀದಿ ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ಸ್ ಸಾಧನಗಳಲ್ಲಿ ಬಹುತೇಕ ಗೃಹೋಪಯೋಗಿ ಎನ್ನುವುದು ವಿಶೇಷ. ಹಲ್ಲುಜ್ಜಿಕೊಳ್ಳಲು ಎಲೆಕ್ಟ್ರಿಕ್ ಬ್ರಷ್ ಕೂಡಾ ಮಾರುಕಟ್ಟೆಗೆ ಬಂದಿದೆ ಎನ್ನುವುದು ಗೊತ್ತಿಲ್ಲದವರಿಗೆ ಹೊಸದು, ಈಗಾಗಲೇ ಉಪಯೋಗಿಸಿದವರಿಗೆ ಹಲ್ಲುಜ್ಜದೆ ಇರುವ ತಂತ್ರಜ್ಞಾನ ಬರುವುದು ಯಾವಾಗ ಎನ್ನುವ ತವಕ.<br /> <br /> ಹೀಗೆ ಪ್ರತಿಯೊಂದು ಕೆಲಸಕ್ಕೂ ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ ಸಾಧನಗಳನ್ನು ಬಳಸಿಕೊಳ್ಳುವುದು ಅನಿವಾರ್ಯ ಎನ್ನುವಷ್ಟು ಎಲ್ಲರೂ ಅವಲಂಬಿಗಳಾಗಿದ್ದೇವೆ. ಇಂಥದ್ದೇ ಸಾಧನ ಖರೀದಿಸಬೇಕು ಎಂದು ಹೋಗಿ ಖರೀದಿಸಿ ತರುವುದು ಒಂದು ಭಾಗವಾದರೆ, ನೋಡಿದ ಮೇಲೆ ಆಸೆಪಟ್ಟು ತರುವುದು ಇನ್ನೊಂದು ಕೊಳ್ಳುಬಾಕ ವಿಧಾನ.<br /> <br /> ಒಂದಿಷ್ಟು ಎಲೆಕ್ಟ್ರಿಕಲ್ಸ್, ಎಲೆಕ್ಟ್ರಾನಿಕ್ಸ್ ಸಾಧನಗಳು ವೈಯಕ್ತಿಕ ಬಳಕೆಗೆ, ಇನ್ನೊಂದಿಷ್ಟು ಮನೆಮಂದಿಯೆಲ್ಲರ ಬಳಕೆಗೆ ಬರುವಂತಹವು. ಗ್ರಾಮೀಣ ಭಾಗದ ಮನೆಗಳಲ್ಲಿ ತೀರಾ ಅವಶ್ಯಕ ಎಲೆಕ್ಟ್ರಿಕಲ್ ಸಾಧನಗಳನ್ನು ಕಾಣುತ್ತೇವೆ.<br /> <br /> ಆದರೆ ನಗರದ ಮನೆಗಳಲ್ಲಿ ಹಾಗಾಗುವುದಿಲ್ಲ. ಎಲೆಕ್ಟ್ರಿಕ್ ಸಾಧನಗಳ ಮೇಲೆ ಜನರ ಅವಲಂಬನೆ ಬೆಳೆಸಲು ಎಲೆಕ್ಟ್ರಾನಿಕ್ ಸಾಧನಗಳ ಕಂಪೆನಿಗಳು ಸದಾ ಹೊಸದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಲೆ ಇರುತ್ತವೆ.<br /> <br /> ಮಕ್ಕಳು ಆಡುವ ಆಟದ ವಸ್ತುಗಳಿಂದ ಹಿಡಿದು ಅಜ್ಜ ಬಳಸುವ `ಹಿಯರಿಂಗ್ ಮೆಷಿನ್~ ಎಲ್ಲವೂ ವಿದ್ಯುತ್ ಅವಲಂಬಿತ ಸಾಧನಗಳು. ಮನೆ-ಮನೆಮಂದಿಯ ನಡುವೆ ಹಾಸುಹೊಕ್ಕಾಗಿರುವ ಎಲೆಕ್ಟ್ರಾನಿಕ್ ಸಾಧನಗಳನ್ನು ನಿರ್ವಹಿಸುವುದು, ದೀರ್ಘಕಾಲಿಕ ಬಾಳಿಸುವುದು, ಸಣ್ಣ ರಿಪೇರಿ ಮಾಡಿಕೊಳ್ಳುವುದು ಕೂಡಾ ಜೀವನ ಕ್ರಮದಲ್ಲಿ ಬಹಳ ಮುಖ್ಯವಾದ ಭಾಗ.<br /> <br /> ನೇರವಾಗಿ ವಿದ್ಯುತ್ನ್ನು ಬಳಸುವ ಸಾಧನಗಳು ಎಲೆಕ್ಟ್ರಿಕಲ್ಸ್. ಚಾರ್ಜ್ ಮಾಡಿದರೆ ಅಥವಾ ಬ್ಯಾಟರಿ ಮೂಲಕ ನಡೆಯುವ ಸಾಧನಗಳು ಎಲೆಕ್ಟ್ರಾನಿಕ್ಸ್. ಮಾಧ್ಯಮ ವರ್ಗದವರ ಮನೆಗಳಲ್ಲಿ ಇವುಗಳನ್ನು ಅತೀ ಹೆಚ್ಚಾಗಿ ಕಾಣಬಹುದು. ಟಿವಿ, ಮೊಬೈಲ್, ಮಿಕ್ಸರ್, ವಾಟರ್ ಹೀಟರ್, ಪ್ಲೇಯರ್, ಆಟಿಕೆಗಳು, ವಾಷಿಂಗ್ ಮೆಷಿನ್..<br /> <br /> ಹೀಗೆ ಮನೆಯಲ್ಲಿ ಒಂದು `ಸಂಡೇ ಬಜಾರ್~ಗೆ ಆಗುವಷ್ಟು ಸಾಧನಗಳನ್ನು ಕಾಣಬಹುದು. ಎಲ್ಲ ಆಧುನಿಕ ಜೀವನದ ಪರಿಣಾಮ. `ಹೆಳ್ಕೊಳ್ಳಾಕ್ ಒಂದೂರು ತಲೆಮೇಲೆ ಒಂದ್ಸೂರು; ಮಲಗೋಕೆ ಭೂಮ್ತಾಯ್ ಮಂಚ್~ ಎನ್ನುವ ನೆಮ್ಮದಿ ಮಾತ್ರ ಓಡಿಹೋಗಿದೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
