ಶುಕ್ರವಾರ, ಮೇ 27, 2022
31 °C

ಮಾನವರ ಮೂಲ ಏಷ್ಯಾ: ಸಂಶೋಧನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್ (ಪಿಟಿಐ): ಎಲ್ಲರೂ ನಂಬಿರುವಂತೆ ಆಧುನಿಕ ಮಾನವರ ಪೂರ್ವಜರು ಹುಟ್ಟಿದ್ದು ಆಫ್ರಿಕಾದಲ್ಲಿ ಅಲ್ಲ, ಏಷ್ಯಾದಲ್ಲಿ ಎನ್ನುವುದು ಅಧ್ಯಯನವೊಂದರಿಂದ ಗೊತ್ತಾಗಿದೆ.



ಅಂತರರಾಷ್ಟ್ರೀಯ ಮಾನವ ಶಾಸ್ತ್ರಜ್ಞರ ತಂಡ ಮ್ಯಾನ್ಮಾರ್‌ನಲ್ಲಿ  ನಡೆಸಿದ ಪಳೆಯುಳಿಕೆಗಳ ಅಧ್ಯಯನದಿಂದ ಈ ವಿಷಯ ದೃಢಪಟ್ಟಿದೆ.



ಮಂಗಗಳು, ಚಿಂಪಾಂಜಿಗಳು, ಗೊರಿಲ್ಲಾ, ಮಾನವರು ಸೇರಿದಂತೆ ವಾನರ ಪ್ರಭೇದಕ್ಕೆಲ್ಲ ಮೂಲವಾದ `ಆಂಥ್ರೊಪಾಯ್ಡ~ಗಳು ಹುಟ್ಟಿದ್ದು ಆಫ್ರಿಕಾದಲ್ಲಿ ಎಂದು ಈವರೆಗೆ ನಂಬಲಾಗಿತ್ತು.



ಆದರೆ, ಮ್ಯಾನ್ಮಾರ್‌ನಲ್ಲಿ `ಆಫ್ರಾಸಿಯಾ ಡ್ಜಿಜಿಡೆ~ ಎಂಬ  `ಆಂಥ್ರೊಪಾಯ್ಡ~ನ  ಹಲ್ಲು ದೊರಕಿದೆ. ಈ ಜೀವಿ 3.7 ಕೋಟಿ ವರ್ಷಗಳ ಹಿಂದೆ ಬದುಕಿತ್ತು ಎನ್ನಲಾಗಿದೆ. ಏಷ್ಯಾ ಮತ್ತು ಆಫ್ರಿಕಾ ನಡುವಿನ ನಾಪತ್ತೆಯಾಗಿದ್ದ ಕೊಂಡಿ ಎಂದು `ಆಫ್ರಾಸಿಯಾ~ವನ್ನು ಈಗ ಬಣ್ಣಿಸಲಾಗುತ್ತಿದೆ.



ಇತ್ತೀಚೆಗಷ್ಟೆ ಲಿಬಿಯಾದ ಸಹರಾ ಮರು ಭೂಮಿಯಲ್ಲಿ `ಆಫ್ರಾಸಿಯಾ~ ವನ್ನು ಹೋಲುವ 3.8 ಕೋಟಿ ವರ್ಷಗಳ ಹಿಂದಿನ `ಆಫ್ರೊಟಾರ್ಸಿಯಸ್ ಲಿಬಿಕಸ್~ ಪಳೆಯುಳಿಕೆ ಪತ್ತೆಯಾಗಿತ್ತು. ಆ ಸಮಯದಲ್ಲಿ ಆಫ್ರಿಕಾದ `ಆಂಥ್ರೊಪಾಯ್ಡ~ಗಳು ವೈವಿಧ್ಯಮಯ ರಚನೆ ಹೊಂದಿದ್ದರಿಂದ ಅವುಗಳ ಮೂಲ ಬೇರೆಲ್ಲೋ ಇರಬಹುದು ಎಂದು ವಿಜ್ಞಾನಿಗಳು ಊಹಿಸಿದ್ದರು.



ಮ್ಯಾನ್ಮಾರ್‌ನಲ್ಲಿ ದೊರಕಿದ `ಆಫ್ರಾಸಿಯಾ~ದ ಪಳೆಯುಳಿಕೆಯಿಂದ ಆಫ್ರಿಕಾದ `ಆಂಥ್ರೊಪಾಯ್ಡ~ಗಳ ಮೂಲ ಏಷ್ಯಾ ಎಂದು ಊಹಿಸಬಹುದಾಗಿದೆ. ಆಫ್ರಿಕಾ ಮಾನವರ ಮೂಲ. ಆದರೆ, ಮಾನವರ ಪೂರ್ವಜರ ಮೂಲ ಏಷ್ಯಾ ಎಂದು ಫ್ರಾನ್ಸ್‌ನ ಪಳೆಯುಳಿಕೆ ಶಾಸ್ತ್ರಜ್ಞ ಜೀನ್ ಜಾಕ್ವಿಸ್ ಜೇಗರ್ ಹೇಳಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.