<p><br /> ‘<strong>ಹ್ಯೂಸ್ಟನ್... ಕೊನೆಯ ಬಾರಿಗೆ ಡಿಸ್ಕವರಿಯ ಚಕ್ರ ನಿಲ್ಲುತ್ತಿದೆ...’<br /> -ಕಮಾಂಡರ್ ಸ್ಟೀವನ್ ಲಿಂಡ್ಸೆ ಭಾವುಕರಾಗಿ ನುಡಿದ ಮಾತಿದು.</strong><br /> ಮಾರ್ಚ್ 10 (ಕಳೆದ ಗುರುವಾರ) ಬಾಹ್ಯಾಕಾಶ ಅಧ್ಯಯನ ಕ್ಷೇತ್ರದ ಪುಟದಲ್ಲಿ ಇತಿಹಾಸವೊಂದು ದಾಖಲಾಯಿತು. <br /> ಅಂತರಿಕ್ಷಯಾನಿಗಳನ್ನು ಅಂತರರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರಕ್ಕೆ ಕರೆದೊಯ್ಯುತ್ತಿದ್ದ ಬಾಹ್ಯಾಕಾಶ ನೌಕೆ ‘ಡಿಸ್ಕವರಿ’ 13 ದಿನಗಳ ತನ್ನ ಕೊನೆಯ ಯಾನವನ್ನು ಯಶಸ್ವಿಯಾಗಿ ಮುಗಿಸಿ ಫ್ಲಾರಿಡಾದ ಕೆನಡಿ ಬಾಹ್ಯಾಕಾಶ ಕೇಂದ್ರಕ್ಕೆ ಬಂದಿಳಿಯಿತು.<br /> <br /> ತನ್ನ 27 ವರ್ಷಗಳ ಯಶಸ್ವಿ ಹಾರಾಟ ಜೀವನದಲ್ಲಿ ನಾಸಾ ವಿಜ್ಞಾನಿಗಳು ರೂಪಿಸಿದ್ದ ಹಲವು ಬಾಹ್ಯಾಕಾಶ ಯೋಜನೆಗಳಲ್ಲಿ ಪ್ರಮುಖ ಪಾತ್ರವಹಿಸಿದ್ದ ‘ಡಿಸ್ಕವರಿ’ ನೌಕೆಯ ಅಂತಿಮ ಭೂ ಸ್ಪರ್ಶ ಮಾಡಿದ ಸಂದರ್ಭದಲ್ಲಿ ನೂರಾರು ಖಗೋಳ ಆಸಕ್ತರು ಹ್ಯೂಸ್ಟನ್ನಲ್ಲಿರುವ ಜಾನ್ಸನ್ ಬಾಹ್ಯಾಕಾಶ ಕೇಂದ್ರದಲ್ಲಿ ನೆರೆದಿದ್ದರು.<br /> <br /> ತನಗೆ ನೀಡಿದ ಕೆಲಸವನ್ನು ಪ್ರತಿ ಬಾರಿಯು ಯಶಸ್ವಿಯಾಗಿ ನಿರ್ವಹಿಸಿ ಖಗೋಳ ವಿಜ್ಞಾನಿಗಳ ನೆಚ್ಚಿನ ನೌಕೆ ‘ಡಿಸ್ಕವರಿ’ಯು ತನ್ನ ಅತ್ಯುತ್ತಮ ಸಾಮರ್ಥ್ಯವನ್ನು ಕೊನೆಯ ಸಲವೂ ಸಾಬೀತು ಪಡಿಸಿತು.<br /> <br /> <strong>ಡಿಸ್ಕವರಿಯ ಹಾದಿ...</strong><br /> ನಾಸಾ ವಿಜ್ಞಾನಿಗಳು ‘ಡಿಸ್ಕವರಿ’ಯ ನಿರ್ಮಾಣ ಕಾರ್ಯವನ್ನು ಕೈಗೆತ್ತಿಕೊಮಡಿದ್ದು 1979ರಲ್ಲಿ. ಐದು ವರ್ಷಗಳ ಬಳಿಕ ಅಂದರೆ 1984ರಲ್ಲಿ ಅದು ಮೊದಲ ಬಾರಿಗೆ ಗಗನಯಾನಿಗಳನ್ನು ಹೊತ್ತು ಅಂತರಿಕ್ಷಕ್ಕೆ ನೆಗೆದಿತ್ತು.<br /> <br /> ಅಲ್ಲಿಂದ ಇಲ್ಲಿಯವರೆಗೆ 27 ವರ್ಷಗಳ ಕಾಲ 39 ಬಾರಿ ಡಿಸ್ಕವರಿ ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಗಗನಯಾನಿಗಳನ್ನು ಹೊತ್ತೊಯ್ದು ಮರಳಿದೆ.<br /> <br /> ಸರಿ ಸುಮಾರು 241 ದಶಲಕ್ಷ ಕಿ.ಮೀಗಳಷ್ಟು ದೂರ ಕ್ರಮಿಸಿರುವ ಈ ಬಾಹ್ಯಾಕಾಶ ನೌಕೆ, ಒಟ್ಟು 365 ದಿನಗಳನ್ನು ಅಂತರಿಕ್ಷದಲ್ಲಿಯೇ ಕಳೆದಿದೆ!<br /> <br /> ಇತರ ಬಾಹ್ಯಾಕಾಶ ನೌಕೆಗಳಿಗೆ ಹೋಲಿಸಿದರೆ, ಅತಿ ಹೆಚ್ಚು ಬಾರಿ ಅಂತರಿಕ್ಷಕ್ಕೆ ಪ್ರಯಾಣ ಮಾಡಿದ, ಹೆಚ್ಚು ಗಗನಯಾನಿಗಳನ್ನು ಹೊತ್ತೊಯ್ದ ಶ್ರೇಯ ಕೂಡ ಡಿಸ್ಕವರಿಯದ್ದೇ.<br /> <br /> <strong>ಮುಂದೆ...</strong><br /> ಕಳೆದ ಗುರುವಾರ ಭೂಮಿಯನ್ನು ಸ್ಪರ್ಶಿಸಿದ ಬಳಿಕ ಡಿಸ್ಕವರಿ ನೌಕೆಯನ್ನು ವಿಜ್ಞಾನಿಗಳ ತಂಡವೊಂದಕ್ಕೆ ಹಸ್ತಾಂತರಿಸಲಾಗಿದೆ. <br /> <br /> ಈ ತಂಡವು ಕೆಲವು ತಿಂಗಳ ಕಾಲ ನೌಕೆಯನ್ನು ಕೂಲಂಕಷವಾಗಿ ಪರಿಶೀಲಿಸಿ ಅದನ್ನು ಕಾರ್ಯಾಚರಣೆಯಿಂದ ಸಂಪೂರ್ಣವಾಗಿ ನಿವೃತ್ತಿ ಗೊಳಿಸಿದ ಬಳಿಕ ನೌಕೆಯನ್ನು ಸ್ಮಿತ್ಸೊನಿಯನ್ ಸಂಸ್ಥೆಯ ಸಂಗ್ರಹಾಲಯದಲ್ಲಿ ಇಡಲಾಗುವುದು. ಆ ಮೂಲಕ ‘ಡಿಸ್ಕವರಿ’ ನೆನಪು ಹಸಿರಾಗಿಯೇ ಉಳಿಯಲಿದೆ.<br /> <br /> <strong>ನಿವೃತ್ತಿಗೆ ಕಾರಣ..</strong><br /> ನಾಸಾ ಆಡಳಿತವು ಉದ್ದೇಶಪೂರ್ವಕವಾಗಿಯೇ ಡಿಸ್ಕವರಿಗೆ ವಿದಾಯ ಹೇಳಿದ್ದಲ್ಲ. ಅಮೆರಿಕ ಸರ್ಕಾರ ಬಾಹ್ಯಾಕಾಶ ಯೋಜನೆಗಳಿಗೆ ನೀಡುವ ಅನುದಾನವನ್ನು ಕಡಿತಗೊಳಿಸಿರುವುದೇ ಇದಕ್ಕೆ ಕಾರಣ.<br /> <br /> ಅನುದಾನದ ಕೊರತೆಯಿಂದಾಗಿಹಂತ ಹಂತವಾಗಿ ನಾಸಾ ತನ್ನ ಬಾಹ್ಯಾಕಾಶ ಯೋಜನೆಗಳ ಬಾಗಿಲುಗಳನ್ನು ಮುಚ್ಚುತ್ತಿದೆ. </p>.<p><strong>ಡಿಸ್ಕವರಿ ಮಾತ್ರವಲ್ಲ...</strong><br /> ಮುಂಬರುವ ದಿನಗಳಲ್ಲಿ ನಾಸಾದ ಇನ್ನೂ ಎರಡು ಬಾಹ್ಯಾಕಾಶ ನೌಕೆಗಳು ತಮ್ಮ ಕಾರ್ಯಾಚರಣೆಯನ್ನು ನಿಲ್ಲಿಸಲಿವೆ.<br /> ಏಪ್ರಿಲ್ ತಿಂಗಳಲ್ಲಿ ‘ಎಂಡೇವರ್’ ನೌಕೆ ನಿವೃತ್ತಿಗೊಳ್ಳಲಿದ್ದರೆ, ಜೂನ್ನಲ್ಲಿ ಅಟ್ಲಾಂಟಿಸ್ ನೌಕೆ ಕೂಡ ಕಾರ್ಯಾಚರಣೆಯನ್ನು ನಿಲ್ಲಿಸಲಿದೆ. ಆ ಮೂಲಕ ನಾಸಾದ ಬಾಹ್ಯಾಕಾಶ ಯೋಜನೆಗಳಿಗೆ ತೆರೆ ಬೀಳಲಿದೆ. ಒಂದು ವೇಳೆ ನಾಸಾದ ಬಾಹ್ಯಾಕಾಶ ಯೋಜನೆಗಳು ಸಂಪೂರ್ಣವಾಗಿ ಸ್ಥಗಿತಗೊಂಡರೆ ಫ್ಲಾರಿಡಾದ ಕೆನಡಿ ಬಾಹ್ಯಾಕಾಶ ಕೇಂದ್ರದಲ್ಲಿರುವ 7000 ಉದ್ಯೋಗಗಳಿಗೆ ಕತ್ತರಿ ಬೀಳಲಿದೆ ಎಂದು ಅಂದಾಜಿಸಲಾಗಿದೆ.<br /> <br /> ಅಮೆರಿಕದ ಭವಿಷ್ಯದ ಅಂತರಿಕ್ಷಯೋಜನೆಗಳ ಕುರಿತು ನಾಸಾ ವಿಜ್ಞಾನಿಗಳಿಗೂ ಸ್ಪಷ್ಟತೆ ಇಲ್ಲ. ಮಂಗಳಗ್ರಹಕ್ಕೆ ಮಾನವನನ್ನು ಹೊತ್ತೊಯ್ಯಬಲ್ಲ ದೂರ -ವ್ಯಾಪ್ತಿಯ ರಾಕೆಟ್ ಅನ್ನು ನಾಸಾ ತಯಾರಿಸಬೇಕು ಎಂಬುದನ್ನು ಅಮೆರಿಕ ಸರ್ಕಾರ ಬಯಸುತ್ತಿದೆ. ಈ ನಿಟ್ಟಿನಲ್ಲಿ ನಾಸಾ ವಿಜ್ಞಾನಿಗಳು ಕಾರ್ಯಪ್ರವೃತ್ತರಾಗಿದ್ದರೂ, ಈಗ ಸರ್ಕಾರ ನೀಡುತ್ತಿರುವ ಅನುದಾನದಲ್ಲಿ ಈ ಯೋಜನೆಯನ್ನು ಪೂರ್ಣಗೊಳಿಸಲು ಸಾಧ್ಯವಿಲ್ಲ ಎಂದು ಹೇಳುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><br /> ‘<strong>ಹ್ಯೂಸ್ಟನ್... ಕೊನೆಯ ಬಾರಿಗೆ ಡಿಸ್ಕವರಿಯ ಚಕ್ರ ನಿಲ್ಲುತ್ತಿದೆ...’<br /> -ಕಮಾಂಡರ್ ಸ್ಟೀವನ್ ಲಿಂಡ್ಸೆ ಭಾವುಕರಾಗಿ ನುಡಿದ ಮಾತಿದು.</strong><br /> ಮಾರ್ಚ್ 10 (ಕಳೆದ ಗುರುವಾರ) ಬಾಹ್ಯಾಕಾಶ ಅಧ್ಯಯನ ಕ್ಷೇತ್ರದ ಪುಟದಲ್ಲಿ ಇತಿಹಾಸವೊಂದು ದಾಖಲಾಯಿತು. <br /> ಅಂತರಿಕ್ಷಯಾನಿಗಳನ್ನು ಅಂತರರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರಕ್ಕೆ ಕರೆದೊಯ್ಯುತ್ತಿದ್ದ ಬಾಹ್ಯಾಕಾಶ ನೌಕೆ ‘ಡಿಸ್ಕವರಿ’ 13 ದಿನಗಳ ತನ್ನ ಕೊನೆಯ ಯಾನವನ್ನು ಯಶಸ್ವಿಯಾಗಿ ಮುಗಿಸಿ ಫ್ಲಾರಿಡಾದ ಕೆನಡಿ ಬಾಹ್ಯಾಕಾಶ ಕೇಂದ್ರಕ್ಕೆ ಬಂದಿಳಿಯಿತು.<br /> <br /> ತನ್ನ 27 ವರ್ಷಗಳ ಯಶಸ್ವಿ ಹಾರಾಟ ಜೀವನದಲ್ಲಿ ನಾಸಾ ವಿಜ್ಞಾನಿಗಳು ರೂಪಿಸಿದ್ದ ಹಲವು ಬಾಹ್ಯಾಕಾಶ ಯೋಜನೆಗಳಲ್ಲಿ ಪ್ರಮುಖ ಪಾತ್ರವಹಿಸಿದ್ದ ‘ಡಿಸ್ಕವರಿ’ ನೌಕೆಯ ಅಂತಿಮ ಭೂ ಸ್ಪರ್ಶ ಮಾಡಿದ ಸಂದರ್ಭದಲ್ಲಿ ನೂರಾರು ಖಗೋಳ ಆಸಕ್ತರು ಹ್ಯೂಸ್ಟನ್ನಲ್ಲಿರುವ ಜಾನ್ಸನ್ ಬಾಹ್ಯಾಕಾಶ ಕೇಂದ್ರದಲ್ಲಿ ನೆರೆದಿದ್ದರು.<br /> <br /> ತನಗೆ ನೀಡಿದ ಕೆಲಸವನ್ನು ಪ್ರತಿ ಬಾರಿಯು ಯಶಸ್ವಿಯಾಗಿ ನಿರ್ವಹಿಸಿ ಖಗೋಳ ವಿಜ್ಞಾನಿಗಳ ನೆಚ್ಚಿನ ನೌಕೆ ‘ಡಿಸ್ಕವರಿ’ಯು ತನ್ನ ಅತ್ಯುತ್ತಮ ಸಾಮರ್ಥ್ಯವನ್ನು ಕೊನೆಯ ಸಲವೂ ಸಾಬೀತು ಪಡಿಸಿತು.<br /> <br /> <strong>ಡಿಸ್ಕವರಿಯ ಹಾದಿ...</strong><br /> ನಾಸಾ ವಿಜ್ಞಾನಿಗಳು ‘ಡಿಸ್ಕವರಿ’ಯ ನಿರ್ಮಾಣ ಕಾರ್ಯವನ್ನು ಕೈಗೆತ್ತಿಕೊಮಡಿದ್ದು 1979ರಲ್ಲಿ. ಐದು ವರ್ಷಗಳ ಬಳಿಕ ಅಂದರೆ 1984ರಲ್ಲಿ ಅದು ಮೊದಲ ಬಾರಿಗೆ ಗಗನಯಾನಿಗಳನ್ನು ಹೊತ್ತು ಅಂತರಿಕ್ಷಕ್ಕೆ ನೆಗೆದಿತ್ತು.<br /> <br /> ಅಲ್ಲಿಂದ ಇಲ್ಲಿಯವರೆಗೆ 27 ವರ್ಷಗಳ ಕಾಲ 39 ಬಾರಿ ಡಿಸ್ಕವರಿ ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಗಗನಯಾನಿಗಳನ್ನು ಹೊತ್ತೊಯ್ದು ಮರಳಿದೆ.<br /> <br /> ಸರಿ ಸುಮಾರು 241 ದಶಲಕ್ಷ ಕಿ.ಮೀಗಳಷ್ಟು ದೂರ ಕ್ರಮಿಸಿರುವ ಈ ಬಾಹ್ಯಾಕಾಶ ನೌಕೆ, ಒಟ್ಟು 365 ದಿನಗಳನ್ನು ಅಂತರಿಕ್ಷದಲ್ಲಿಯೇ ಕಳೆದಿದೆ!<br /> <br /> ಇತರ ಬಾಹ್ಯಾಕಾಶ ನೌಕೆಗಳಿಗೆ ಹೋಲಿಸಿದರೆ, ಅತಿ ಹೆಚ್ಚು ಬಾರಿ ಅಂತರಿಕ್ಷಕ್ಕೆ ಪ್ರಯಾಣ ಮಾಡಿದ, ಹೆಚ್ಚು ಗಗನಯಾನಿಗಳನ್ನು ಹೊತ್ತೊಯ್ದ ಶ್ರೇಯ ಕೂಡ ಡಿಸ್ಕವರಿಯದ್ದೇ.<br /> <br /> <strong>ಮುಂದೆ...</strong><br /> ಕಳೆದ ಗುರುವಾರ ಭೂಮಿಯನ್ನು ಸ್ಪರ್ಶಿಸಿದ ಬಳಿಕ ಡಿಸ್ಕವರಿ ನೌಕೆಯನ್ನು ವಿಜ್ಞಾನಿಗಳ ತಂಡವೊಂದಕ್ಕೆ ಹಸ್ತಾಂತರಿಸಲಾಗಿದೆ. <br /> <br /> ಈ ತಂಡವು ಕೆಲವು ತಿಂಗಳ ಕಾಲ ನೌಕೆಯನ್ನು ಕೂಲಂಕಷವಾಗಿ ಪರಿಶೀಲಿಸಿ ಅದನ್ನು ಕಾರ್ಯಾಚರಣೆಯಿಂದ ಸಂಪೂರ್ಣವಾಗಿ ನಿವೃತ್ತಿ ಗೊಳಿಸಿದ ಬಳಿಕ ನೌಕೆಯನ್ನು ಸ್ಮಿತ್ಸೊನಿಯನ್ ಸಂಸ್ಥೆಯ ಸಂಗ್ರಹಾಲಯದಲ್ಲಿ ಇಡಲಾಗುವುದು. ಆ ಮೂಲಕ ‘ಡಿಸ್ಕವರಿ’ ನೆನಪು ಹಸಿರಾಗಿಯೇ ಉಳಿಯಲಿದೆ.<br /> <br /> <strong>ನಿವೃತ್ತಿಗೆ ಕಾರಣ..</strong><br /> ನಾಸಾ ಆಡಳಿತವು ಉದ್ದೇಶಪೂರ್ವಕವಾಗಿಯೇ ಡಿಸ್ಕವರಿಗೆ ವಿದಾಯ ಹೇಳಿದ್ದಲ್ಲ. ಅಮೆರಿಕ ಸರ್ಕಾರ ಬಾಹ್ಯಾಕಾಶ ಯೋಜನೆಗಳಿಗೆ ನೀಡುವ ಅನುದಾನವನ್ನು ಕಡಿತಗೊಳಿಸಿರುವುದೇ ಇದಕ್ಕೆ ಕಾರಣ.<br /> <br /> ಅನುದಾನದ ಕೊರತೆಯಿಂದಾಗಿಹಂತ ಹಂತವಾಗಿ ನಾಸಾ ತನ್ನ ಬಾಹ್ಯಾಕಾಶ ಯೋಜನೆಗಳ ಬಾಗಿಲುಗಳನ್ನು ಮುಚ್ಚುತ್ತಿದೆ. </p>.<p><strong>ಡಿಸ್ಕವರಿ ಮಾತ್ರವಲ್ಲ...</strong><br /> ಮುಂಬರುವ ದಿನಗಳಲ್ಲಿ ನಾಸಾದ ಇನ್ನೂ ಎರಡು ಬಾಹ್ಯಾಕಾಶ ನೌಕೆಗಳು ತಮ್ಮ ಕಾರ್ಯಾಚರಣೆಯನ್ನು ನಿಲ್ಲಿಸಲಿವೆ.<br /> ಏಪ್ರಿಲ್ ತಿಂಗಳಲ್ಲಿ ‘ಎಂಡೇವರ್’ ನೌಕೆ ನಿವೃತ್ತಿಗೊಳ್ಳಲಿದ್ದರೆ, ಜೂನ್ನಲ್ಲಿ ಅಟ್ಲಾಂಟಿಸ್ ನೌಕೆ ಕೂಡ ಕಾರ್ಯಾಚರಣೆಯನ್ನು ನಿಲ್ಲಿಸಲಿದೆ. ಆ ಮೂಲಕ ನಾಸಾದ ಬಾಹ್ಯಾಕಾಶ ಯೋಜನೆಗಳಿಗೆ ತೆರೆ ಬೀಳಲಿದೆ. ಒಂದು ವೇಳೆ ನಾಸಾದ ಬಾಹ್ಯಾಕಾಶ ಯೋಜನೆಗಳು ಸಂಪೂರ್ಣವಾಗಿ ಸ್ಥಗಿತಗೊಂಡರೆ ಫ್ಲಾರಿಡಾದ ಕೆನಡಿ ಬಾಹ್ಯಾಕಾಶ ಕೇಂದ್ರದಲ್ಲಿರುವ 7000 ಉದ್ಯೋಗಗಳಿಗೆ ಕತ್ತರಿ ಬೀಳಲಿದೆ ಎಂದು ಅಂದಾಜಿಸಲಾಗಿದೆ.<br /> <br /> ಅಮೆರಿಕದ ಭವಿಷ್ಯದ ಅಂತರಿಕ್ಷಯೋಜನೆಗಳ ಕುರಿತು ನಾಸಾ ವಿಜ್ಞಾನಿಗಳಿಗೂ ಸ್ಪಷ್ಟತೆ ಇಲ್ಲ. ಮಂಗಳಗ್ರಹಕ್ಕೆ ಮಾನವನನ್ನು ಹೊತ್ತೊಯ್ಯಬಲ್ಲ ದೂರ -ವ್ಯಾಪ್ತಿಯ ರಾಕೆಟ್ ಅನ್ನು ನಾಸಾ ತಯಾರಿಸಬೇಕು ಎಂಬುದನ್ನು ಅಮೆರಿಕ ಸರ್ಕಾರ ಬಯಸುತ್ತಿದೆ. ಈ ನಿಟ್ಟಿನಲ್ಲಿ ನಾಸಾ ವಿಜ್ಞಾನಿಗಳು ಕಾರ್ಯಪ್ರವೃತ್ತರಾಗಿದ್ದರೂ, ಈಗ ಸರ್ಕಾರ ನೀಡುತ್ತಿರುವ ಅನುದಾನದಲ್ಲಿ ಈ ಯೋಜನೆಯನ್ನು ಪೂರ್ಣಗೊಳಿಸಲು ಸಾಧ್ಯವಿಲ್ಲ ಎಂದು ಹೇಳುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
