ಮಂಗಳವಾರ, ಜೂನ್ 22, 2021
29 °C

ರೈಲ್ವೇ ಮುಂಗಡಪತ್ರ ಜನಸಾಮಾನ್ಯ ವಿರೋಧಿ: ಬಿಜೆಪಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ರೈಲ್ವೇ ಮುಂಗಡಪತ್ರವನ್ನು ~ಜನಸಾಮಾನ್ಯ ವಿರೋಧಿ~ ಎಂಬುದಾಗಿ ಬಣ್ಣಿಸಿರುವ ಬಿಜೆಪಿ, ಮುಂಗಡ ಪತ್ರದಲ್ಲಿ ಭವಿಷ್ಯದ ಕುರಿತು ~ದೃಷ್ಟಿ~ಯೇ ಇಲ್ಲ. ಈ ಮುಂಗಡಪತ್ರದ ಪರಿಣಾಮವಾಗಿ ಬೆಲೆಗಳು ಗಗನಕ್ಕೆ ಏರಲಿವೆ ಎಂದು ಟೀಕಿಸಿದೆ.



ಸಂಸತ್ ಭವನದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಹಿರಿಯ ಬಿಜೆಪಿ ನಾಯಕ ಯಶವಂತ ಸಿನ್ಹ ಅವರು ರೈಲ್ವೇ ಪ್ರಯಾಣಿಕ ದರ ಹೆಚ್ಚಳವನ್ನು ವಿರೋಧಿಸಿ, ~ಸರ್ಕಾರ ಹೀಗೆ ಒಂದೇ ಹೊಡೆತಕ್ಕೆ ಪ್ರಯಾಣಿಕ ದರವನ್ನು ಏರಿಸಿ ಜನ ಸಾಮಾನ್ಯರ ಮೇಲೆ ಇನ್ನೊಂದು ಹೊರೆ ಹೊರಿಸಬಾರದಿತ್ತು ಎಂದು ಹೇಳಿದರು.



ಮಾಜಿ ಹಣಕಾಸು ಸಚಿವರೂ ಆದ ಸಿನ್ಹ ~ದರ ಏರಿಕೆಯು ಅತ್ಯಂತ ಹೆಚ್ಚಿನ ಪ್ರಮಾಣದ್ದಾಗಿರುವುದರಿಂದ ಸಾಮಾನ್ಯರ ಮೇಲೆ ದೊಡ್ಡ ಹೊರೆಯಾಗುತ್ತದೆ ಎಂದು ವಿಶ್ಲೇಷಿಸಿದರು.



ದರಗಳನ್ನು ಹಲವು ವರ್ಷಗಳ ಬಳಿಕ ಒಮ್ಮಿಂದೊಮ್ಮೆಗೇ ಏರಿಸಲಾಗಿದೆ. ಬದಲಿಗೆ ಪ್ರತಿವರ್ಷ ಸ್ವಲ್ಪ ಸ್ವಲ್ಪ ಏರಿಸಿದ್ದರೆ ಜನರಿಗೆ ಅದು ಹೊರೆಯಾಗುತ್ತಿರಲಿಲ್ಲ. 500 ರಿಂದ 1000 ಕಿ.ಮೀ. ಸಂಚರಿಸುವ ಬಡವರಿಗೆ ಈ ದರ ಏರಿಕೆ ಭಾರಿ ಹೊರೆಯಾಗುತ್ತದೆ ಎಂದು ಅವರು ಹೇಳಿದರು.



~ನಾವು ಏನೂ ಮಾಡದೆ ಹಠಾತ್ತನೆ ಒಮ್ಮಿಂದೊಮ್ಮೆಗೇ ಏನಾದರೂ ಮಾಡಿದರೆ ಅದರ ಪರಿಣಾಮ ಅತ್ಯಂತ ಕೆಟ್ಟದಾಗಿರುತ್ತದೆ. ಇದು (ಇಂತಹ ಹೊರೆ) ಸಾಮಾನ್ಯ ಮುಂಗಡಪತ್ರದಲ್ಲೂ ಪುನರಾವರ್ತಿಸಲಾರದು ಎಂದು ನಾನು ಹಾರೈಸುವೆ~ ಎಂದು ಸಿನ್ಹ ಹೇಳಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.