ಶನಿವಾರ, ಮೇ 21, 2022
23 °C

ವಿಡಿಯೊ ಬ್ಯುಸಿನೆಸ್ ಕೌನ್ಸೆಲಿಂಗ್ ಸೆಂಟರ್‌ಗೆ ಚಾಲನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕರ್ನಾಟಕ ಮಹಿಳಾ ಉದ್ಯಮಿಗಳ ಸಂಘವು (ಅವೇಕ್) ವಿಡಿಯೊ ಸಂವಾದದ ಮೂಲಕ ಮಹಿಳಾ ಉದ್ಯಮಿಗಳಿಗೆ ಮಾರ್ಗದರ್ಶನ ಮತ್ತು ತರಬೇತಿ ನೀಡಲು ಪ್ರಾರಂಭಿಸಿರುವ ‘ವಿಡಿಯೊ ಬ್ಯುಸಿನೆಸ್ ಕೌನ್ಸೆಲಿಂಗ್ ಸೆಂಟರ್’ಗಳಿಗೆ ಮಂಗಳವಾರ ಚಾಲನೆ ನೀಡಲಾಯಿತು.



ತನ್ನ ‘ಅಮಿತ ಸಂಪನ್ಮೂಲ ಸೌಕರ್ಯ’ (ಔರ) ಕಾರ್ಯಕ್ರಮದಡಿಯಲ್ಲಿ ‘ಅವೇಕ್’, ನಗರ ಸೇರಿದಂತೆ ರಾಜ್ಯದ ಎಂಟು ಕಡೆ ಇಂತಹ ಸಲಹಾ ಕೇಂದ್ರಗಳನ್ನು ತೆರೆದಿದೆ.

ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ರಾಜಾಜಿನಗರ ಕೈಗಾರಿಕಾ ಪ್ರದೇಶ (ಪ್ರಧಾನ ಕಚೇರಿ), ಬೆಂಗಳೂರು ದಕ್ಷಿಣ, ಬೆಳಗಾವಿ, ವಿಜಾಪುರ, ಗುಲ್ಬರ್ಗ, ಕೊಪ್ಪಳ, ಮಳವಳ್ಳಿ (ಮಂಡ್ಯ), ತುಮಕೂರು- ಗಳಲ್ಲಿರುವ ಅವೇಕ್ ಕಚೇರಿಗಳಲ್ಲಿ ಈ ಸಲಹಾ ಕೇಂದ್ರಗಳು ಕಾರ್ಯನಿರ್ವಹಿಸಲಿವೆ.



ಉದ್ಘಾಟನಾ ಸಂದರ್ಭದಲ್ಲಿ ತಾಂತ್ರಿಕ ದೋಷದಿಂದಾಗಿ ಸಲಹಾ ಕೇಂದ್ರಗಳ ನಡುವೆ ವಿಡಿಯೊ ಸಂವಾದ ಸಮರ್ಪಕವಾಗಿ ನಡೆಯಲಿಲ್ಲ.ಕೈಗಾರಿಕಾ ಮತ್ತು ವಾಣಿಜ್ಯ ಇಲಾಖೆ ನಿರ್ದೇಶಕ ಡಾ.ರಾಜಕುಮಾರ್ ಖತ್ರಿ ಭಾಗವಹಿಸಿದ್ದರು. ರಾಜ್ಯ ಮಹಿಳಾ ಅಭಿವೃದ್ಧಿ ನಿಗಮದ ಅಧ್ಯಕ್ಷೆ ಸರೋಜಿನಿ ಭಾರದ್ವಾಜ್ ‘ಅವೇಕ್ ಬಜಾರ್’ ಅನ್ನು ಉದ್ಘಾಟಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.