ವೈಮಾನಿಕ ರೇಡಾರ್ ಯಶಸ್ವಿ ಪ್ರಯೋಗ

ನವದೆಹಲಿ (ಐಎಎನ್‌ಎಸ್): ರಾಷ್ಟ್ರವು ದೇಶೀಯವಾಗಿ ನಿರ್ಮಿಸಿರುವ ಎರಡನೇ ವೈಮಾನಿಕ ರೇಡಾರ್‌ನ ಪರೀಕ್ಷಾರ್ಥ ಪ್ರಯೋಗ ಗುರುವಾರ ಯಶಸ್ವಿಯಾಗಿ ನಡೆಯಿತು.



ಭಾರತದ ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆಯು ಬ್ರೆಜಿಲ್‌ನ ಎಂಬ್ರೇಯರ್ ವಿಮಾನಕ್ಕೆ ಅಳವಡಿಸಿ ಅಭಿವೃದ್ಧಿಪಡಿಸಿರುವ ಈ ರೇಡಾರ್‌ಅನ್ನು ಬ್ರೆಜಿಲ್‌ನ ಸ್ಯಾನ್ ಜೋಸ್ ಡಾಸ್ ಕ್ಯಾಂಪಸ್‌ನಲ್ಲಿ ಪರೀಕ್ಷಿಸಲಾಯಿತು.



ವಿಮಾನಕ್ಕೆ ಜೋಡಿಸಲಾಗಿರುವ ಈ ರೇಡಾರ್ `ಆಕಾಶದ ಕಣ್ಣು~  ಎಂದೇ ಹೆಸರಾಗಿದೆ. ಶತ್ರುಪಡೆಯ ವಿಮಾನಗಳೆಡೆಗೆ ಮಾತ್ರವಲ್ಲದೆ ಮುನ್ನುಗ್ಗಿ ಬರುವ ಕ್ಷಿಪಣಿಗಳು ಹಾಗೂ ಶತ್ರುಪಡೆ ಯೋಧರ ಚಲನವಲನಗಳ ಬಗ್ಗೆಯೂ ಇದು ಎಚ್ಚರಿಕೆ ನೀಡುತ್ತದೆ ಎಂದು ಡಿಆರ್‌ಡಿಒ ಮೂಲಗಳು ಹೇಳಿಕೊಂಡಿವೆ.