ಸಕ್ಕರೆಯಿಂದ ಡೀಸೆಲ್!

ಲಂಡನ್ (ಪಿಟಿಐ): ಸಿಹಿ ಡೀಸೆಲ್! ಹೌದು, ಸಕ್ಕರೆಯನ್ನು ನೇರವಾಗಿ ನವೀಕೃತ ಡಿಸೇಲ್ ಆಗಿ ಪರಿವರ್ತಿಸಬಹುದಾದ ವಿಧಾನವನ್ನು ವಿಜ್ಞಾನಿಗಳು ಕಂಡು ಹಿಡಿದಿದ್ದಾರೆ.ವಾಹನಗಳಲ್ಲಿ ಬಳಸುವ ಪಳೆಯುಳಿಕೆ ಇಂಧನದ ಬದಲಿಗೆ ಇದನ್ನು ಬಳಸಬಹುದು.



ಸೂಕ್ಷ್ಮಾಣು ಕಿಣ್ವ ಪ್ರಕ್ರಿಯೆಯಿಂದ ಡೀಸೆಲ್ ತಯಾರಿಸುವುದನ್ನು ಸುಮಾರು 100 ವರ್ಷಗಳ ಹಿಂದೆ ಇಸ್ರೇಲ್‌ನ ಪ್ರಥಮ ಅಧ್ಯಕ್ಷ ಮತ್ತು ರಸಾಯನಶಾಸ್ತ್ರಜ್ಞ ಕೇಮ್ ವೇಜ್‌ಮನ್ ಅವರು ಕಂಡು ಹಿಡಿದಿದ್ದರು. ದೀರ್ಘಕಾಲದಿಂದ ನಿಂತುಹೋಗಿದ್ದ ಈ ಕಾರ್ಯಕ್ಕೆ ಕ್ಯಾಲಿಫೋರ್ನಿಯಾ ಬರ್ಕಲಿ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಚಾಲನೆ ನೀಡಿದ್ದಾರೆ.



 ಜಾಗತಿಕ ತಾಪಮಾನ ಹೆಚ್ಚಳಕ್ಕೆ ಪ್ರಮುಖ ಕಾರಣವಾದ ವಾಹನಗಳು ಹೊರಸೂಸುವ ಕಾರ್ಬನ್ ಡೈ ಆಕ್ಸೈಡ್ ಪ್ರಮಾಣವನ್ನು ಇದು ತಗ್ಗಿಸಲಿದೆ ಎಂದು ವಿಜ್ಞಾನಿಗಳು ಹೇಳಿಕೊಂಡಿದ್ದಾರೆ.