ಸದ್ಯದಲ್ಲೇ ಮೀರಜ್ ವಿಮಾನಗಳ ಹಾರಾಟ

ನವದೆಹಲಿ (ಪಿಟಿಐ): ಒಂದು ತಿಂಗಳಿನಿಂದ ಹಾರಾಟ ನಡೆಸದೇ ಇರುವ `ಮೀರಜ್-2000~ ಯುದ್ಧ ವಿಮಾನಗಳು ಮಾಸಾಂತ್ಯಕ್ಕೆ ಹಾರಾಟ ನಡೆಸಲಿವೆ ಎಂದು ವಾಯುಪಡೆ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಎನ್.ಎ.ಕೆ. ಬ್ರೌನ್ ಹೇಳಿದ್ದಾರೆ.

 

`ಮೀರಜ್-2000~ ಸರಣಿಯ ಎರಡು ವಿಮಾನಗಳು ಕೇವಲ ಹನ್ನೊಂದು ದಿನಗಳ ಒಳಗೆ ಅಪಘಾತಕ್ಕೆ ಈಡಾದ ಹಿನ್ನೆಲೆಯಲ್ಲಿ 35 ದಿನಗಳಿಂದ ಅವುಗಳ ಕಾರ್ಯಾಚರಣೆ ಸ್ಥಗಿತಗೊಳಿಸಲಾಗಿತ್ತು. ವಿಮಾನಗಳ ತಪಾಸಣೆ ಮಾಡಲಾಗುತ್ತಿದ್ದು, ಈ ಮಾಸಾಂತ್ಯದಲ್ಲಿ ನಿಯಮಿತ ಹಾರಾಟ ನಡೆಸಲಾಗುವುದು ಎಂದು ಬ್ರೌನ್ ತಿಳಿಸಿದ್ದಾರೆ.