ಸರ್ಕಾರ, ಸೇನೆ ವಿರುದ್ಧ ಬಂಡಾಯ:ಪಾಕ್ ಜನತೆಗೆ ಜವಾಹಿರಿ ಕರೆ

ವಾಷಿಂಗ್ಟನ್ (ಪಿಟಿಐ): `ಅರಬ್ ದಂಗೆ~ಯ ಮಾದರಿಯಲ್ಲಿ ಸರ್ಕಾರ ಮತ್ತು ಸೇನೆಯ ವಿರುದ್ಧ ಬಂಡಾಯ ಏಳುವಂತೆ ಮತ್ತು ದೇಶದ ಸೇನೆಯನ್ನು ಅಮೆರಿಕದ ಗುಲಾಮರೆಂದು ಘೋಷಿ ಸುವಂತೆ ಪಾಕಿಸ್ತಾನ ಜನತೆಗೆ ಅಲ್‌ಖೈದಾ ಮುಖ್ಯಸ್ಥ ಐಮನ್ ಅಲ್-ಜವಾಹಿರಿ ಕರೆ ನೀಡಿದ್ದಾನೆ.



ಅಜ್ಞಾತ ಸ್ಥಳದಿಂದ ಜಿಹಾದಿ ಮುಸ್ಲಿಂ ವೇದಿಕೆಗಳಿಗೆ ಸುಮಾರು ಹತ್ತು ನಿಮಿಷಗಳ ವಿಡಿಯೊ ತಯಾರಿಸಿ ಕಳುಹಿಸಿರುವ ಜವಾಹಿರಿ, `ಪಾಕ್ ಸೇನೆ ಇಸ್ಲಾಂ ವಿರುದ್ಧದ ಸಮರದಲ್ಲಿ ಅಮೆರಿಕದೊಂದಿಗೆ ಪಾಲುದಾರಿಕೆ ಹೊಂದಿದೆ~ ಎಂದು ಆರೋಪಿಸಿದ್ದಾನೆ.



ಕಳೆದ ತಿಂಗಳು ಪಾಕಿಸ್ತಾನದಲ್ಲಿ ಅಲ್‌ಖೈದಾ ಒತ್ತೆಯಲ್ಲಿರಿಸಿಕೊಂಡಿರುವ ಅಮೆರಿಕದ ಹಿರಿಯ ಅಭಿವೃದ್ಧಿ ಪರಿಣತ ವಾರನ್ ವೀನ್‌ಸ್ಟೀನ್ ಅವರನ್ನು ಬಿಡುಗಡೆ ಮಾಡಲಾಗುವುದಿಲ್ಲ ಎಂದೂ ಈ ಈಜಿಪ್ಟ್‌ನ ಧಾರ್ಮಿಕ ನಾಯಕ ಹೇಳಿದ್ದಾನೆ.