ಸಾಕುನಾಯಿ ಜತೆ ಮಹಿಳೆ ಮದುವೆ

ಲಂಡನ್‌ (ಪಿಟಿಐ): ಬ್ರಿಟನ್ನಿನ 47ವರ್ಷದ ವಿಚ್ಛೇದಿತ ಮಹಿಳೆಯೊಬ್ಬರು, ತನ್ನ ಜೀವನ ಸಂಗಾತಿಗೆ ಇರಬೇಕಾದ ಎಲ್ಲಾ ಗುಣ ಲಕ್ಷಣಗಳು ತನ್ನ ಪ್ರೀತಿಯ ಸಾಕುನಾಯಿಯಲ್ಲಿ ಇವೆ ಎಂಬ ಕಾರಣಕ್ಕೆ ನಾಯಿ­ಯೊಂದಿಗೆ ವಿವಾಹವಾಗಿ ಅಚ್ಚರಿ ಮೂಡಿಸಿದ್ದಾರೆ.



ಪುರುಷರಿಂದ ನಿರಾಸೆಗೊಂಡಿರುವ ದಕ್ಷಿಣ ಲಂಡನ್‌ನ ಅಮಂಡ ರಾಡ್ಗರ್ಸ್‌ ಎಂಬುವವರು ತಮ್ಮ ನಿಷ್ಠಾವಂತ ಸಾಕುನಾಯಿಯಾದ ಶೆಬಾಳನ್ನು ವಿವಾಹವಾಗಿದ್ದಾರೆ. ಇವರ ವಿವಾಹಕ್ಕೆ 200 ಜನರು ಸಾಕ್ಷಿಯಾಗಿದ್ದರು.



‘ನಾನು ವಿಶೇಷ ಉಡುಪು ಧರಿಸಿದ್ದು ಆ ದಿನ ಅದ್ಭುತವಾಗಿತ್ತು. ನಾನು ಶೆಬಾಳಿಗೆ ಮುತ್ತಿಟ್ಟೆ. ಎಲ್ಲರೂ ನಮ್ಮತ್ತ ಬಣ್ಣ ಬಣ್ಣದ ಕಾಗದದ ತುಂಡುಗಳನ್ನು ಎರಚಿದರು. ಅದು ಮರೆಯಲಾಗದ ಗಳಿಗೆಯಾಗಿತ್ತು’ ಎಂದು ರಾಡ್ಗರ್ಸ್ ವಿವರಿಸಿದ್ದಾರೆ.