ಸೋಮವಾರ, ಜೂಲೈ 13, 2020
29 °C

ಸಾಹಿತಿ, ರಾಜಕಾರಣಿಗಳ ವಿರುದ್ಧ ಕಿಡಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸಾಹಿತಿ, ರಾಜಕಾರಣಿಗಳ ವಿರುದ್ಧ ಕಿಡಿ

ಬೆಂಗಳೂರು: `ಚಲನಚಿತ್ರ ಕಲಾವಿದರನ್ನೂ ನಾಚಿಸುವಂತಹ ರಾಜಕಾರಣಿಗಳಿದ್ದಾರೆ. ಇಂತಹ ರಾಜಕಾರಣಿಗಳ ಮುಂದೆ ಕಲಾವಿದರು ತುಸು ಸಪ್ಪೆ ಎನಿಸುತ್ತಾರೆ~ ಎಂದು ವಿಧಾನ ಪರಿಷತ್ ಸದಸ್ಯ ಸಾಹಿತಿ ಡಾ. ದೊಡ್ಡರಂಗೇಗೌಡ ನುಡಿದರು.



ಕನ್ನಡ ಸಾಹಿತ್ಯ ಪರಿಷತ್ ನಗರದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಸಮಾ ರಂಭದಲ್ಲಿ ಪತ್ನಿ ಡಾ.ರಾಜೇಶ್ವರಿ ಗೌಡ ಅವರೊಂದಿಗೆ ಡಾ.ಎಸ್.ಎಂ. ವೃಷ ಭೇಂದ್ರಸ್ವಾಮಿ ಮತ್ತು ಪ್ರೊ.ಲಲಿತಾಂಬ `ಸಾಹಿತ್ಯ ದಂಪತಿ~ ಪ್ರಶಸ್ತಿ ಸ್ವೀಕರಿಸಿ ಅವರು ಮಾತನಾಡಿದರು.



`ಸತ್ಯದ ತಲೆಯ ಮೇಲೆ ಹೊಡೆದಂತೆ ನಟನೆ ಮಾಡುವ ರಾಜಕಾರಣಿಗಳೇ ಹೆಚ್ಚು. ಈ ರೀತಿಯ ರಾಜಕಾರಣಿ ಗಳನ್ನು ಮೀರಿಸುವಂತಹ ಸಾಹಿತಿಗಳಿದ್ದಾರೆ. ಈ ಸಾಹಿತಿಗಳಿಗೆ ಯಾವ ರಾಜಕಾರಣಿಗಳು ಸಾಟಿಯಿಲ್ಲ~ ಎಂದರು.

`ಕೆಲ ಸಾಹಿತಿಗಳು ಇತರರನ್ನು ತುಳಿಯಲು ನಿರಂತರವಾಗಿ ಷಡ್ಯಂತ್ರ ನಡೆಸುತ್ತಾರೆ.



ಮತ್ತೆ ಬರವಣಿಗೆಯಲ್ಲಿ ತೊಡಗದಂತೆ ಮಾಡುವಷ್ಟರ ಮಟ್ಟಿಗೆ ದೌರ್ಜನ್ಯ ನಡೆಸುತ್ತಾರೆ. ಇಂತಹವರ ಬಗ್ಗೆ ಅಸಹ್ಯವೆನಿಸಿ ಬರೆಯಲೇ ಬಾರದೆನಿಸುತ್ತದೆ. ಆದರೂ ಬರವಣಿಗೆಯ ಗೀಳು ಹೋಗುತ್ತಿಲ್ಲ~ ಎಂದರು.



`ನನ್ನನ್ನು ಇಂದಿಗೂ ವಿಮರ್ಶಕರು ಕವಿ ಎಂದು ಪರಿಗಣಿಸಿಯೇ ಇಲ್ಲ. ನನಗೆ ಕಿರುಕುಳ ನೀಡಿದ ಸಾಹಿತ್ಯ ಲೋಕದ ಗೋಸುಂಬೆ, ಊಸರವಳ್ಳಿ, ಹಂದಿ, ತಿಮಿಂಗಲ, ಹುಲಿ, ಚಿರತೆ, ನರಿ ಬುದ್ದಿಯವರ ಬಗ್ಗೆ ನನ್ನ ಆತ್ಮಕಥನದಲ್ಲಿ ಅನಾವರಣಗೊಳಿಸುತ್ತೇನೆ~ ಎಂದರು.



`ಜನರಲ್ಲಿ ಜಾಗೃತಿ ಮೂಡಿಸದವನು ಸಾಹಿತಿಯೇ ಅಲ್ಲ. ಸಾಹಿತಿ ಎಂದರೆ ಸಮಾಜ ವಿಜ್ಞಾನಿ ಇದ್ದಂತೆ. ಸಮಾಜದಲ್ಲಿ ನಡೆಯುವ ಅಕ್ರಮ, ಭ್ರಷ್ಟಾಚಾರ, ಅನೀತಿಯ ಬಗ್ಗೆ ತಿಳಿಸುವುದು ಸಾಹಿತಿಯ ಹೊಣೆ~ ಎಂದರು.

ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ `ಮುಖ್ಯಮಂತ್ರಿ~ ಚಂದ್ರು, `ದೊಡ್ಡರಂಗೇಗೌಡರು ಪರಿಸ್ಥಿತಿಗೆ ರಾಜಿಯಾಗದೇ ಸಾಮಾಜಿಕ ಬದಲಾವಣೆಗೆ ತಮ್ಮದೇ ಆದ ಪ್ರಯತ್ನ ನಡೆಸಿ  ಮಾದರಿಯಾದರು~ ಎಂದರು.



ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಡಾ.ಆರ್.ಕೆ. ನಲ್ಲೂರು ಪ್ರಸಾದ್, ` ನಿಮ್ಮನ್ನು ಓದುಗರು ಒಪ್ಪಿದರೆ ಸಾಕು. ವಿಮರ್ಶಕರು ಒಪ್ಪದಿದ್ದರೆ ನಷ್ಟವಿಲ್ಲ. ಆದರೆ ಈ ಕಲುಷಿತ ವಾತಾವರಣ ಆದಷ್ಟು ಬೇಗ ಅಂತ್ಯವಾಗಲಿದೆ~ ಎಂದು ಹೇಳಿದರು. ಸಾಹಿತಿಗಳಾದ ಪ್ರೇಮಾಭಟ್, ಡಾ.ಬೈರಮಂಗಲ ರಾಮೇಗೌಡ ಇತರರು ಉಪಸ್ಥಿತರಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.